يازماڭلار ! ( غەزەل)

edukut

	ئەسسالامۇ ئەلەيكۇم تورداشلار، ئۇزۇن بولدى دىدارلىشىپ ئەھۋال سوراشمىغىنى. ئەمما بۈگۈن دېدارلاشتۇق، دېدارلىشىش يۈزىسىدىن بىر شېئىرنى ھۇزۇرۇڭلارغا ئېلىپ كەلدىم، بىر ئوقۇپ باھارىڭلارنى بەرگەن بولساڭلار؟!                                                  يازماڭلار            ئېي،تورداشلار! تېتىقسىز، <<رىۋايەت>> نى يازماڭلار!            ھېچ بىر كىشى كۆرمىگەن، <<جىنايەت>> نى يازماڭلار!            <<ئاڭلىمايدۇ>> دېمەڭلار، <<قۇلىقى بار تۆت تامنىڭ>>،            خىيانىتى <<تۆتقۇلاق>>، <<ھىدايەت>> نى يازماڭلار!             ئېيتمىساقمۇ بىلىدۇ،   كۆزى   كۆپتۇر   خەلىقنىڭ ،             يارا قىلىپ يۈرەكنى، <<قاباھەت>> نى يازماڭلار!             بۇنداق دېسەم، <<دېھقاننىڭ ھالاۋىتى نۇرغۇن>> دەپ،             <<نەق>>قە <<نىسى>> قوشۇلغان <<پاراغەت>> نى يازماڭلار!             ئۆتكەن ئىدى بۇندىنمۇ بۇرۇن نۇرغۇن <<ئىش-پىش>> لار،             سۈكۈت قىلىپ، بىردەملىك <<مالامەت>> نى يازماڭلار!             راست باي بولسا يوللاردا يۈرەرمىدى تىلەمچى،             ئاخچا بەرسە يالغاندىن <<ھالاۋەت>> نى يازماڭلار!             تۇتقىنىمىز ئۈچ بولسا، ئۈچيۈزى بار <<بۇلۇڭ>> دا،             چىقمايدىغان ئاخىرى <<خىيانەت>> نى يازماڭلار!             خەق تاپقاننى <<بايقىسا>>، كۆرىۋىلىپ ژورنالدىن،             ئوغۇرلۇقچە ئېرىشكەن <<كامالەت>> نى يازماڭلار!             <<ئەسلى ئېغىر كېسەلتى،ئورۇن تۇتۇپ ياتقان>> دەپ،             <<ساخاۋەت>> تە ساقايغان، <<سالامەت>> نى يازماڭلار!             يەر تەۋرىسە ئۈچ-تۆت بال، شەرىقتە ھەم غەرىپتە،             قان يىغلىتىپ خەلىقنى، <<مالامەت>> نى يازماڭلار!             يوقاتقىنى ئاز دەمسىز، خۇدا بەرگەن <<دەسمى>> نى،             بىر كېچىدە ئۇپرىغان <<ئامانەت>> نى يازماڭلار!              كىم قىلغانتى؟ دېگەننى، ھەممىسىلا <<ئۇنتىغاق>>،              ھاياجاندا كىپ قالغان <<فاساھەت>> نى يازماڭلار!              يېگىنىدىن كۆپ تۇرسا، يېمىگەننىڭ سورىقى،              قەرىز ئېلىپ تولدۇرغان <<دارامەت>> نى يازماڭلار!              <<باي بوپ كەتتى سۈت سېتىپ،دۆڭمەھەللىدە بىر قىز>> دەپ،              خېجىل قىلىپ ئەر خەقنى، <<ساباھەت>> نى يازماڭلار!              شىددەت بىلەن كېڭەيسە، <<شەھەرلىشىش قۇرۇلۇشى>>،              پۇلغا يەرنى تېگىشكەن <<ھاماقەت>> نى يازماڭلار!              راست گۈزەلدۇر يۇرتۇمنىڭ ھەربىر بۇلۇڭ-پۇشقىقى،              گۈزەللىككە چىللىغان <<ساياھەت>> نى يازماڭلار!              ھەققىنى يەپ يېتىمنىڭ ئاغزى-بۇنى ياغلانسا،              بىلمەي،  ھارام يېدۈرگەن <<تاپاۋەت>> نى يازماڭلار!              كېرىكى يوق <<فېرمىچى>>، تۇرسا بۇندا <<باخمىچى>>،              ياۋا كەكلىك كۆندۈرگەن <<ماھارەت>> نى يازماڭلار!              <<گۇاڭگاۋ>> قىلدى تېلۋىزۇر، ئاتىسى يوق يېتىمنى،              قولىغا پۇل تۇتقۇزۇپ، <<خىجالەت>> نى يازماڭلار!              پۇرسەت دېگەن بىر كېلەر تۇتىيادۇر نېممىتى،              قاقشاۋېرىپ ئادەمگە، <<نادامەت>> نى يازماڭلار!              <<ئۇ ئىشىك>> تە قان بىلەن ئالسا تاھارەت بىلدۈرمەي،              <<بۇ ئىشىك>> تە دوڭغايغان <<ئىبادەت>> نى يازماڭلار!              <<يازماڭ>> دېسەم بەرىبىر، يازمايدىغان تائىنلىق ،              يازساڭلارمۇ ئىشقىلىپ، <<قىيامەت>> نى يازماڭلار!      ھە،قېرىنداشلار! <<يازماڭلار ! دەپ قويۇپ،نىمانچە يېزىۋەتتىڭ؟>>دەپ، يۈرمەڭلار. بۇنداق ئۇزۇن يېزىشىمدا مۇنداق ئىككى باھانەم بار:      1.  <<يازماڭلار>>دەپ، بىر ئېغىزلا گەپ قىلسام، تەستىقلانماي قالمىسۇن دېدىم.      2.  يازمايدىغىنىمىزدىن ،يازالمايدىغىنىمىز كۆپ بولغاندىن كىيىن ، كەلمىسىمۇ يېزىپ قويدۇم.    باھانەم تۈگىدى، يازمايدىغان ئېنكاسلارنى يېزىپ سالمىغايسىلەر!                                            مەنبە:   ئېدىقۇت

SiYiT^AHun

	باھانىڭىز بىر ئالبېنى بىرىشكە ئەرزىيدىكەن،،،،،،،، [s:178]

xiwas1-

	بۇ شئېردىن پۇت قولۇم باغلاپ قۇيۇلغان دەك بۇلۇپ قالدىم ئەلۋەتتە يازالمايمەندە !!

uqkuni

	ياخشى يېزىپسىز   تىرىشىڭ

arkaturuk

	ياخشى يىزىپسىز دوستۇم   . شىئرىڭىزدا بەزەن دوسلىرىمىز دىققەت قىلىشقا تىگىشلىك نۇرغۇن  ئىشلار باركەن .. <باشلىق كىلىدۇ > دىگەن شىئىرغا ئوخشاش ، بۇشىئرمۇ جانلىق ھەم يىقىشلىق  يىزىلىپتۇ   .   مۇشۇنىڭغا ئوخشاش ئەھمىيەتلىك تىمىلار بولسا يوللاپ تۇرۇڭ

ئەجەل

	ۋاي نېمە دەيدىغانسىز!!!يازمىساق قەتئىي بولمايدۇ!!!قىلنى قىرىق يېرىپ،قىلنى پىل قىلىپ چىقارمىساق ماۋۇ ئېكرانغا ،كۇنۇپكا تاختىسىغا،بىرجۈپ قولىمىزغا ئەڭ مۇھىمى بىردەملىك ئىپلاس ساختا<ئالىيجاناب>ۋىجدانىمىزغا تا قىيامەتكىچە يۈز كېلەلمەيمىز! (قىسمەن ئەزالارغا قارىتىلدى خاتا چۈشىنىپ ئۆزىڭىزنى ئازابلاب يۈرمەڭ)

izqilar

	ھەقىقەتەن ياخشى غەزەلكەن يېزىڭلار دەپ يازغان بولسىڭىز تېخىمۇ كۆپ يازامدىكەنسىز دەيمەن.

dawan~

	بەك ياخشى چىقپتۇ بۇ يازمىلىرىڭىز  [s:166]  [s:166]

zanjiwil

	يازمىلارنىڭ يىزىشقا لايىق ياكى ئەمەسلىكىنى يازغۇچىلارنىڭ يىزىقچىلىق ئۆلچىمىگە لايىقلاشتۇرۇپ يازغانلىرىمىزنىڭ يارىغان-يارىمىغانلىقىنى ئايدىڭلاشتۇرىۋالساقلا خەلقىمىزنىڭ كۆڭلىگە ئازار بىرىشتىن ساقلىنىشنىڭ رەت  قىلغىلى بولمايدىغان ھەقىقەتلىكىنى چۈشەنمەسلىككە ئامال يوق. [s:127]

larzan

	ھەقىقەتەن ياخشى چىقىپتۇ،ئاپرىن. [s:166]