شىنجاڭدا ئۇيغۇر، قازاق ۋە قىرغىز تىلىدىكى

QINSOYGU

	ئۇيغۇرچە، قازاقچە ۋە قىرغىزچە ئىشلىتىدىغان ئازسانلىق مىللەت ئاممىلىرى، كومپىيۇتېر ۋە يان تېلېفون ئىشلەتكەندە دائىم تىل- يېزىق مەسىلىسىگە دۇچ كېلىدۇ.2010-يىلى 1-ئاينىڭ 5-كۈنى مۇناسىۋەتلىك ئورۇنلاردىن ئىگىلىشىمىزچە، بۇ يىل ئۇيغۇرچە، قازاقچە ۋە قىرغىزچە 3G يان تېلېفوننىڭ شىنجاڭدىكى بازارلارغا سېلىنىشىگە ئەگىشىپ بۇ مەسىلە ھەل بولىدىكەن. جۇڭدىيەن پەن-تېخنىكا چەكلىك مەسئۇلىيەت شىركىتىنىڭ مەسئۇل خادىمى مۇنداق دېدى: « نۆۋەتتىكى بازارغا سېلىنىۋاتقان 3G ئەقلىي ئىقتىدارلىق يان تېلېفونلارنىڭ سېتىلىشى ياخشى، شۇڭلاشقا بىزنىڭ ھازىر قىلىدىغان ئىشىمىز، بۇ خىل يان تېلېفونلارنى ئۇيغۇرچە، قازاقچە ۋە قىرغىزچىگە تەرجىمە قىلىپ بازارغا سېلىش. مۆلچەرىمىزچە يېرىم يىل ئىچىدە بىرىنچى نۇسخىدىكى يان تېلېفوننى چىقارغىلى بولىدۇ.» پەقەت يان تېلېفونلا بولۇپ قالماي، بۇنىڭدىن باشقا يەنە ئۇيغۇرچە، قازاقچە ۋە قىرغىزچە Linux ۋە Windows مەشغۇلات سېستىمىسى، سۇپا ئاتلىغان ئىشخانا يۈرۈشلۈك يۇمشاق دېتاللىرى، تور بېكەت مەزمۇنىنى باشقۇرۇش ۋە مەزمۇننى ئېلان قىلىش سېستىمىسى، قوشۇمچە تەرجىمە ۋە ئېلېكترونلۇق لۇغەت يۇمشاق دېتاللىرى قاتارلىقلارمۇ ئېچىلىدىكەن ۋە مۇكەممەللەشتۈرىلىدىكەن. ئاپتونوم رايونلۇق مۇناسىۋەتلىك ئورگانلاردىن ئىگىلىنىشىمىزچە، ئىككى يىل ئىچىدە ئۇيغۇرچە، قازاقچە ۋە قىرغىزچە ئىشلىتىدىغان ئازسانلىق مىللەت ئاممىلىرى Linux ۋە Windows مەشغۇلات سېستىمىسىنى بىمالال ئىشلىتەلەيدىغان بولىدىكەن ، شۇنداقلا ئۆزىگە تونۇش بولغان خەت كىزگۈزۈش ئۇسۇلى ۋە ئىشخانا يۈرۈشلۈك يۇمشاق دېتاللىرىنىمۇ ئىشلىتەلەيدىغان بولىدىكەن. ئىگىلىشىمىزچە بۇ قېتىملىق ئۇيغۇرچە، قازاقچە ۋە قىرغىزچە يۇمشاق دېتاللارنى ئېچىش ۋە قوللىنىش تۈرى، رايون ئىچى سىرتىدىكى ئون نەچچە داڭلىقIT كارخانىلارنى ئۆز ئىچىگە ئالغان بولۇپ ( مەسىلەن: جۇڭكې خۇڭچى، شىلىڭ شىركىتى، غەربىي شىمال يۇلتۇزى، بېيدا فاڭجېن، خۇڭلىيەن شىركىتى قاتارلىقلار )، ئىككى يىل ئىچىدە بۇ تۈرنى پۈتتۈرۈپ ، مەھسۇلاتنى بازارغا سالىدىكەن. ئاپتونوم رايونلۇق مۇناسىۋەتلىك ئورگانلاردىن ئىگىلىشىمىزچە، شىنجاڭدىكى ئاز سانلىق مىللەت تىلىدىكى يۇمشاق دېتاللارنىڭ ئېچىلىشى ۋە تەرەققىياتى، 90- يىللارنىڭ كەينىدىن باشلاپ ئېغىر دەرىجىدە ئارقىدا قالغان بولۇپ، بىر قىسىم ئاز سانلىق مىللەت ئاممىلىرىنىڭ ئۆز مىللەت تىلىدىكى خەت كىرگۈزۈشنى ئىشلىتەلمەسلىكتەك ئەھۋاللارنى كەلتۈرۈپ چىقارغان ئىكەن. 21- ئەسىرگە قەدەم قويۇش بىلەن بىللە، يەرلىك IT كارخانىلارنىڭ تەرەققىي قىلىشىگە ئەگىشىپ، بۇ خىل ھالەت ئۆزگەردى. بۇ قېتىملىق ئۇيغۇرچە، قازاقچە ۋە قىرغىزچە يۇمشاق دېتاللارنى ئېچىش ۋە 7 خىل تۈرنى كەسىپلەشتۈرۈشتە ، نۆۋەتتىكى ئارقىدا قالغان ئۇيغۇرچە، قازاقچە ۋە قىرغىزچە مەشغۇلات سېستىمىسىنى يېڭى ئۆلچەملىك قۇرۇلمىغا يۇقىرى كۆتۈرۈش ئاساسىدا ، نۇسخىسى يېڭىلانغان ئۇيغۇرچە، قازاقچە ۋە قىرغىزچە قوللىنىش يۇمشاق دېتاللىرى ئېچىلىدىكەن، شۇنداقلا بۇ تۈرنى ئېچىش جەريانىدا، يەرلىكتىكى كۆپ خىل تىلدىكى تېخنىكا كۈچلەرنى تەرەققىي قىلدۇرۇپ، كېيىن كۆپ خىل يۇمشاق دېتاللارنىڭ ئوتتۇرا ئاسىيا بازىرىغا كىرىشى ئۈچۈن ئاساس سېلىنىدىكەن. مەنبە:جۇڭگو كۆچمە خەۋەرلىشىش تورى

zarapshan

	نوكىيا،سەمسۇڭ، سونىي ئېرىكسۇن قاتارلىق تىلفۇنلار شۇنداق ئىقتىدارلىق بولۇپ كەتسە بولاتتى.

شاخ

	رەھمەت ..يىڭى ئۇچۇر ئىكەن ..بىزنى يەنە داۋاملىق يىڭى ئۇچۇرلار بىلەن تەمىنلەپ تۇرارسىز .

saba0903

	مەنبەسىنى خاتا ئېيتىپسىز قېرىندىشىم

nasrulla

	بۇ بىر خۇش خەۋەركەن، بۇندىن كىيىن كومپىيۇتىر يانفۇنلارنى قىينالماي ئۆز تىلىمىزدا ئىشلىتەلەيدىكەنمىز، بەك ياخشى ئىش بۇپتۇ.

dawan~

	بەك ياخشى ئىش بۇلۇپتۇ بىزمۇ ئانچە بەك قىينلىپ كەتمىگدەكىمز ئەمدى  [s:154]  [s:154]  [s:154]  [s:154]

نۇرى

	ئەسلى بۇرۇنلا مۇشۇنداق بۇلۇشى كىرەك ئىدى. بىزگە زاپەر تىلفۇننىڭ ئەمەس،بەلكى ئالما، سامسوڭ،نوجيا،سونى، موتوروللا، قاتارلىق داڭلىق شىركەتلەرنىڭ يانفۇنلىرىدا ئۇيغۇر يىزىقنىڭ بولۇشىنى ئۇمۇد قىلىمىز!

mugsirdax

	ئاپتور جاۋابىنى بويلاپ 1قەۋەت  zarapshan كە 2011-02-24 05:12 AMئەۋەتىلدى  : نوكىيا،سەمسۇڭ، سونىي ئېرىكسۇن قاتارلىق تىلفۇنلار شۇنداق ئىقتىدارلىق بولۇپ كەتسە بولاتتى. مەنمۇ    شۇ   قاراشتا

zumrettash

	ياخشى ئىش بولۇپتۇ،،،،،شۇ چاغقىچە مۇشۇ نوكىيارىمنى ئىشلىتىپ تۇراي!يېڭى ئۇچۇركەن رەھمەت! [s:166]

كارامەت

	قۇتلان ،ئەمىر ، ئېرپان قاتارلىق شېركەتلەر ئەقلى يانفۇن ئۈستىدە ئىزدىنىپ باقسا بولاتتى. ئۆزىمىزنىڭ ماركىسىدىكىandroid سېستىمىلىق ئەقلى يانفۇنلار بولسا، ئۇيغۇرچە يانفۇن بېكەتلىرى قۇرۇلسا ئۆزىمىزنىڭ تىلىدا يانفۇن ئىشلەتسەك بەك ھۇزۇر بولاتتى.