دۇردانە لەتىپىلەر(4)

kizzikqi-bala

	دۇردانە لەتىپىلەر(4)     پۇراق بىراۋ يەنە بىراۋدىن سوراپتۇ :    ــــ دۇنيادا نىمىنىڭ پۇرىقى يوق ؟    خىيال بىلەن تۇرغان ھېلىقى ئادەم ئۆزىمۇ بىلمەي دەپتۇ :    ــــ خىيالنىڭ   ئەقلى بولسا بىر سورۇندا ئادەملەرنىڭ چىدىماسلىقى توغرىسىدا گەپ بولۇپ قاپتۇ :    ــــ ئادەم دېگەن غەلىتە مەخلۇق ـ ھە ، ھېلى ئۇنىڭدىن، ھېلى بۇنىڭدىن يامانلاپ، تىللاپلا يۈرگەن، ئادەم زادى قانداق چاغدا نېمىنى تىللىمايدىغاندۇ؟    شۇ سورۇندا بىر شەپشەپ بار ئىكەن ، ئۇ جاۋاب بېرىپتۇ :    ــــ ئۆيىدە خوتۇنىنى تىللىمايدۇ، مۇبادا ئەقلى بولسا !   نەگە قاراش لازىم بىر كىشى مەھەللە ئىمامىدىن :    ــــ تەقسىر، نامازغا تەرەت ئالغاندا قاياققا قارىغۇلۇق ؟ ــــ دەپ سوراپتۇ . ئىمام ھايالسىزلا :    ــــ ئەلۋەتتە ، مەسچىت قاياقتا بولسا ، شۇ ياققا قارۇغۇلۇق، ــــ دەپ جاۋاب بېرىپتۇ .   بۇنى ئۆزۈڭدىن كۆر    بىر قىزغانچۇق ئۆي سالدۇرۇپ ، تامچىلارغا دوق قىپتۇ :    ــــ ئۆيۈم كەڭ بولۇپ كېتىپتۇ ، جۆندەپ بېرىڭلار !    ــــ ئۆيۈڭنىڭ كەڭلىكى ئاشخاناڭنىڭ تارلىقىدىن بولغان ، بۇنى ئۆزۈڭدىن كۆر ، ــــ دەپتۇ تامچىلار.   قايسى يېقىن بولسا بىر ساقچى كوچىدا يېتىپ قالغان مەستنى سىلكىشلەپ ئويغىتىپ :    ــــ ئۆيۈڭگە كىتەمسەن ياكى مەن بىلەن ساقچىخانىغا بارامسەن؟ ــــ دەپ سورىدى.    ــــ قايسى يېقىن بولسا شۇنىڭغا كېتەيلى، ــــ دېدى تېخى كەيپىدىن يېشىلمىگەن مەست .     مەنبە: 2003-يىلى 5-ئايدا نەشىردىن چىققان، ماخمۇت مۇھەممەت يازغان «دۇردانە لەتىپىلەر» دېگەن كىتابتىن ئېلىغان.  شىنجاڭ خەلىق نەشرىياتى.

salkin11

	ۋاھ ! ... نېمە دىگەن بىر بىرىدىن ئېسىل لەتىپىلەر بۇ ؟ ...  [s:177]  [s:177]  [s:177]  [s:166]

شەرەپ

	قىزىقچى بالىنىڭ لەتىپىلىرى سەرخىلغۇ. ئۈزۈلۈپ قالمىسۇن ھە.

alafasy

	لەتىپىلەرنى ئوقۇپ شۇنداق كۈلۋېتىپ «نەگە قاراش لازىم» دېگەنگە كەلگەندە شۇنداق ئاچچىغىم كەلدى، گەرچە لەتىپە بولسىمۇ، بىر گەپ قىلاي دىگەن...