دوپپا كىيىشتىكى نۇقسانلار

kuttekin

	[align=justify]دوپپىنىڭ ئىجاد قىلىنىشىدىن تارتىپ، دوپپىنى قانداق تىكىش، نەقىشلەرنى قانداق قوندۇرۇش، دوپپىنى قانداق كىيىشكىچە ئۆزگىچە بىر گۈزەل مىللىي سەنئەت. بۇ سەنئەتتە ئۇيغۇرلارغىلا خاس بىر قەدىمىي ئەقىل-پاراسەت پارلاپ تۇرىدۇ. دوپپىلارنىڭ ھەممىسىنىڭ ئۆزىگە خاس ئىسمى، مەنىسى ھەم كىيىش قائىدىسى بار. بىر مەزگىل يىتتۈرۈپ قويغان دوپپىمىزنى ئەمدى تاپقىنىمىزدا، نۇرغۇن كىشىلىرىمىزدە دوپپا كىيىشكە نىسبەتەن خاتا ئۇقۇم پەيدا بولدى. بولۇپمۇ زىيالىيلىرىمىزدا بۇ ئەھۋال كۆرۈنەرلىك، قانداقتۇر دوپپىنىڭ ئىككى قىرىنى ئىككى چېكىگە توغرا كەلتۈرۈپ كىيسە دېھقان چىراي بولۇپ قالىدىغاندەك ھېس قىلىشىپ، دوپپىنىڭ بىر قىرىنى قاڭشىرىغا ئۇدۇللاپ كىيدى ۋە ئۇنى زىيالىي دوپپىسى دەۋالدى. بىراق بۇنداق كىيىلگەن دوپپا ئۇدۇلدىن، ياندىن، ئارقىدىن كۆرسىمۇ ئوخشاش نىسبەتتە كۆرۈنگەچكە، دوپپا ياپىلاق كۆرۈنۈپ، ئۆز ئوبرازىغا تەسىر كۆرسىتىدىغانلىقىنى ھېس قىلالمىدى. دوپپا كىيىشنىڭ توغرا ئۇسۇلى: ئالدى تەرەپتىن قارىغاندا بىر بەت تولۇق، ئىككى يان بەتنىڭ ئۈچتىن بىر قىسمى كۆرۈنۈشى كېرەك، ئىگىز بۇرۇنغا قارشى تۈز سىزىق بېرىلسە توغرا بولىدۇ. دوپپىنى شۇنداق كىيگەندە ئۇيغۇر ئوبرازىدىكى ئالاھىدىلىكنى ئېنىق، روشەن كۆرگىلى بولىدۇ. ئەگەر بۇ ئۇقۇمغا گۇمانىڭىز بولسا قەشقەر بادام دوپپىسىنى كۆزىتىڭ، بۇ دوپپىنىڭ بىر قىرىغا پۆپۈك چىقىرىلغان بولۇپ، بۇ پۆپۈكنى چېكىگە كەلتۈرۈپ كىيىش بېكىتىلگەن. [align=justify] [align=justify] [align=justify]مەنبە: 《مىراس》 ژۇرنىلى، 2003-يىل 3-سان. ئابدۇشۈكۈر كېرەم كۆكنىڭ 《ھازىرقى زامان كىيىنىش ئادەتلىرىمىزدىكى بەزى نۇقسانلار》 ماۋزۇلۇق ماقالىسىدىن ئېلىندى.

kilyang

	بىلىۋىلىشقا تىگىشلىك يا خشى ئىشكەن  يەنە يوللاپ تۇراسىز مۇمكىن بولسا تولۇقراق يوللاسىز !

alafasy

	ئۆتكەندە مەن دوپپا كىيۋالسام، نېمە ئىش بولدى، بىرەيلەن قازا تاپقان ئوخشىمامدۇ، دەپ ئاچچىقىمنى شۇنداق كەلتۈرۋەتتى.

ئەجەل

	دوپپا پەقەت ھېيىت-بايرام ۋە نەزىر-چىراقلاردا ئىشلىتىلىدىغان زىننەت بۇيۇمى!

ziyaliy

	مەنمۇ بىر قىرغىقىنى چېكەمگە ئەكىلىپ كېيىمەنكەن، ئەمدى بىلىۋالدىم.  تۈزۈتەي

jassur2

	ئاپتور جاۋابىنى بويلاپ 3قەۋەت ئەجەل كە 2011-02-15 01:19 AMئەۋەتىلدى : دوپپا پەقەت ھېيىت-بايرام ۋە نەزىر-چىراقلاردا ئىشلىتىلىدىغان زىننەت بۇيۇمى! دەرۋەقە ھازىر شۇنداق بولۇپ قالدى،لىكىن بۇنداق دىيىشىڭىزمۇ خاتا. تېما ئىگىسىگە:مەن بىر ئاددى سەنئەتكار بولساممۇ،بۇنداق دىيىشكە تازا قوشۇلالمايمەن،چۈنكى مەن 11يىللىق سەھنە ھاياتىمدا ئەرلەرنىڭ ئۇنداق كەيگىنىنى ئۇچرىتىپ باقمىدىم،سىزنىڭ دېگىنىڭىز ئايالچە كىيىش ،ئاياللار شۇنداق كىيىدۇ،ئىشەنمىسىڭىز سەھنە-ئېكرانلارغا قاراپ بېقىڭ.

oguzturk

	ئاپتور جاۋابىنى بويلاپ 5قەۋەت  jassur2 كە 2011-02-15 01:34 AMئەۋەتىلدى  : دەرۋەقە ھازىر شۇنداق بولۇپ قالدى،لىكىن بۇنداق دىيىشىڭىزمۇ خاتا. تېما ئىگىسىگە:مەن بىر ئاددى سەنئەتكار بولساممۇ،بۇنداق دىيىشكە تازا قوشۇلالمايمەن،چۈنكى مەن 11يىللىق سەھنە ھاياتىمدا ئەرلەرنىڭ ئۇنداق كەيگىنىنى ئۇچرىتىپ باقمىدىم،سىزنىڭ دېگىنىڭىز ئايالچە كىيىش ،ئاياللار شۇنداق كىيىدۇ،ئىشەنمىسىڭىز سەھنە-ئېكرانلارغا قاراپ بېقىڭ. سىزنىڭ دىگىنىڭىز خاتا بوپقالدى....دوپپىنىڭ ئەرچە ياكى ئايالچە كيىنىش دەيدىغنى يوق . پۇتكۈل ئورتا ئاسىيادا دوپپىلا كيىدىغان مىللەتلەرنىڭ ھەممسى دىگۈدەك يۇقارقى تېمىدا ئيتىلغاندەك كيىدۇ. بىزدە ھازىر ئۆزمىلليى مەدەنيتى سۇسلىشىش ، ئۇتتۇلۇش ئىشلىرى بەك ئەۋىج ئېىلىۋاتىدۇ .بۇ نىڭدىن مەدەنيەت سېپىدىكى سىلەرمۇ مۇستەسنا ئەمەس.......

zapar

	بىرقىرىنى ئۇدۇللاپ كىيىپ يۇرىمەن، دوپپا كەيسەم.

layli-majnon

	نىمە دىگەن تالاش تارتىش بۇ دىققەت قىلايلى جىدەل چىقىپ قالمىسۇن ھە ! .ئايال بولسۇن ياكى ئەر بولسۇن  بۇرۇنقى ئەنئەننىنى ئونتۇپ قالمىسىلا بۇلاتتى

zumrettash

	مەنمۇ جەسۇرنىڭ دىگىنىدەك دەپ ئويلايمەن،ئاياللار تېمىدا دىيىلگەندەك كىيىدۇ،ئەرلەر بىر قىرىنى قاڭشىرىغا ئۇدۇل قىلىپ كىيىدۇ.بۇ مىنىڭلا ئەمەس نۇرغۇنلىغان كىشىلەرنىڭ قارىشى......... بۇنىڭغا قارىتا مەدىنىيەت مىراسلىرىغا ۋارىسلىق قىلىش ئورگانلىرى بىر ئورتاق قارارنى ھەممەيلەنگە ئورتاقلاشسا بولغۇدەك........... [s:166]  [s:166]  [s:166]  [s:166]