مەنمۇ قىزاردىم( ھىكايە)

guzal~yurtum

	مەنمۇ قىزاردىم ( ھىكايە)         ھاراق دېگەن بۇ سۇيۇقلۇقنىڭ كارامىتىگە مەن قايىل.ئۆزۇڭنى چاغلىماي  بىر-.ئىككى رومكا ئوشۇق ئىچىپ قويدۇڭمۇ، بىردەملا ساراڭ بولىسەن. مانا مەن ھەرقىتىم ھاراق ئىچسەم، مەھەللىگە ئۈنۈمنى بولىشىغا قويۇۋىتىپ ناخشا ئېيتىپ كىرىپ كېلىمەن. دەرۋازىنى تېپىپ ئېچىپ، ھويلىدا ئايالىم<< ھاي قوشنىلار ئاڭلاپ قالسا سەت بولىدۇ>> دېگەنچە بەكرەك ۋارقىراپ-جارقىراپ ئۆيگە كىرگىلى ئۇنىماي تىرەجەپ تۇرۇۋىلىپ، خېلى قىلىقلارنى قىلىپ باقىمەن. ئەيىسى ئەتىگەندە ئەر-خوتۇن ئوتتۇرىمىزدا جىدەل باشلىنىدۇ. -ئاخشام نېمە ساراڭلىقلارنى قىلىپ كەتكىنىڭىزنى بىلەمسىز؟-دەپ گەپ باشلايدۇ ئايالىم،- زادى سىزقاچان چوڭ بىلىسىز؟بىربالىغا ئاتا بولدىڭىز، نۇمۇس قىلسىڭىز بولمامدۇ.... بىرگەپ بولسا << ئەركىشى دېگەن ھاراق ئىچىدۇ >> لادەيسىز. مانا مېنىڭ داداممۇ ئەركىشىغۇ؟ئومرىدە ھاراق دېگەننى ئاغزىغا ئالماپتىكەن....     ئۇنىڭ تىپىۋالغان گېپى شۇ. ھەرقىتىم نەسىھەت قىلغىلى تۇرسا، ماڭا ئۆزىنىڭ داداىنى ئۈلگە قىلىپ كۆرسىتىدۇ.  قىيىنئانام راسىت دېگەندەك كەيپى ساپادا يوق، سالاپەتلىك ئادەم. بۇ ئادەمدىن مەنمۇ سەل ئەيمىنىمەن. لېكىن ئەتىگەندە باش ئاغرىپ تۇرغاندا ئايالىمىنىڭ قىلغان بۇ گەپلىرى قۇلىقىمغا مۇش ئۇرغاندەك تېگەتتى. بەزىدە قولۇمنى سىلكىپ: -راسىت دەيسەن، سېنىڭ داداڭ بۇۋاق ۋاقتىدا زاكىسىمۇ سىيمەي-چىچماي چوڭ بوپتىكەن،- دەيىتتىم-دە، چايغىمۇ قارىماي ئىشقا كېتىپ قالاتتىم.     بىر كۈنى ، ساراڭلىقىم ھەل ھەددىدىن ئېشىپ كەتكەن ئوخشايدۇ. بىر تېپىپ، دەرۋازىنىڭ قانىتىنى ئاجرىۋىتىمەن.      ئايالىم: << ۋاي نىمەنداق قىلىسىز>> دەپ يۇگۇرۇپ چىقىپتىكەن. ئۇنى بىر مۇشىت بىلەنلا ئوڭدىسىغا ئۇچۇرۋىتىمەن. ئوغلۇم ۋار-ۋۇر يىغلىغىىچە كېلىپ ئاپىسىغا ئېسىلىپتۇ. ئايالىم ئورنىدىن تۇرۇپلا يامانلاپ كېتىپتۇ.      ئەتىسى ئويغانسام، كارىۋاتنىڭ ئۇستىدە كىيىم -كىچەكلىكىم بىلەنلا يېتىپ قاپتىمەن. كىچە بولغان ئىشلانى خىرە- شىرە ئېسىمگە ئالدىم. << خەپ، مۇشۇ ھاراق دېگەننى ئىككىنچى ئېغىزىمغا ئالماسمەن>>دېدىم. ئايالىمنى قايتىپ كېلەر دەپ بىر كۈن كۈتتۈم. ئىككى كۈن كۈتتۈم. يوق. ئۆتكەن قېتىمدا مۇشۇنداق كۆڭۇلسىزلىك بولغاندا، ئايالىم ئانىسىنىڭ ئويىگە كىتىپ، بىر-ئىككى كۈن تۈرۈپلا ئاچچىقى يېنىپ قايتىپ كىلەتتى. بۇ قېتىم بەك قاتتىق تەگكەن ئوخشايمەن، ئارىدىن ھەپتە ئۆتۇپمۇ قايتىپ كەلمىدى. يالغۇزچىلىقتا ئۆينىڭ ئايالىم بار چاغدىكى ئىللىقلىقىنى، ئوغلۇمنىڭ تاتلىق قىلىقلىرىنى ئەسلەپ ئولتۇرالماي قالدىم. ئاخىرىپ سالپىيىپ، قىيىنئانامنىڭ ئۆيىگە قاراپ ماڭدىم.  دەرۋازىنىڭ ئالدىدا ئوغلۇم ئويناپ يۈرگەنىكەن. يۈگۈرۈپ بوينۇمغا ئېسىلدى.ھويلىداقېيىنئاتام ئالما شاخلىرىنى بۇتاۋېتىپتۇ. سالامنىڭ چوڭىنى قىلىپ ئالدىغا باردىم. - ۋاي ، سەمەتجانما؟- ئۆيگە كىرىڭ ئوغلۇم ئۆيگە،-دەپ ئۆيىگە باشلىدى. قىيىنئانام ئاستىمغا كورپە سېلىپ ، جوزا قويۇپ، چاي راسلىدى. ئوغلۇم قۇچىغىمغا چىقىپ ئولتۇرۇۋالدى. قىيىنئاتام بىلەن قىيىنئانامنىڭ ئوچۇق چىرايىنى كۆرۇپ خېلى يەڭگىللەپ قالغاندەك بولدۇم.  -مەريەمگۇل قىنى سەن، جوزىغا كەل قىزىم،- دەپ ئايالىمنى چاقىردى قىيىنئاتام.    باياتىن بىرى بوسۇغىدا قورۇنۇپ تۇرغان ئايالىممۇ ئاستا كېلىپ جوزىنىڭ بىر بۇرچىكىدە ئولتۇردى. << قىيىنئاتامنىڭ ئاچچىق تاپا،تەنە گەپلىرى مانا  ئەمدى باشلىنىدىغان بولدى-دە!>> دەپ دەككە دۇككىدە ئولتۇردۇم. قىيىنئاتام باشقا گەپ  قىلماي، ئوزىنىڭ ياش چاغلىرىدىكى ئىشلىرىنى ھىكايە قىلىشقا باشلىدى. - ياشلىق دېگەن ئەجەپ بىر چاغلار ئىكەن،- دەپ گەپ باشلىدى قىينئاتام،- مانا مەنمۇ ياش ۋاقتىمدا تازا تەلۋە ئىدىم.ئەل ئاغىنىلەر بىلەن ئانچە-مۇنچە ئىچىپ قوياتتۇق. ئىچتىقمۇ، بولدى. نىمە تالىشاتتۇقكىن، بىلمەيمەن، بىر ئوبدان ئولتۇرغان ئاغىنىلەر بىردەمدىلا ئۆرە -توپە بولۇشۇپ، بىر-بىرىمىزنىڭ گىلىنى،ياقىسىنى سىقىشىپ ، مۇشلىشىپ، قاپاقلىرىمىزنى يېرىپ ئۆيگە قايتاتتۇق. ئەتىسى ئاخشام  زادى نىمە تالاشتۇق ھۇي!؟دېيىشىپ، يەنە بىر-بىرىمىزبىلەن قوچاقلىشىپ كۆرۇشۇپ كىتەتتۇق...   قىيىنئاتام شۇ گەپلەرنى قىلىۋاتقاندا،<< قانداق، ماختىغان داداڭمۇتايىنلىقمىكەن>> دېگەن مەنىدە ئايالمىغا لەپپىدە قاراپ قويدۇم. ئايالىم ۋىللىدە قىزاردى. قىيىئاتام گېپىنىڭ ئاخىرىنى:   -بىر ياخشى يىرىمىز، ھەرقانچە ئىچسەكمۇ ئۆيگە كېلىپ خوتۇننى ئۇرمايتتۇق!!- دەپ تۇگەتماسما، مەنمۇ قىزاردىم.                                                                                            ئاپتۇرى...... مەمتىمىن ھوشۇر.                                                                       مەنبە:مەمتىمىن ھوشۇر تاللانما ھىكايە توپلىمىدىن ئىلىندى.

ئەجەل

	ئالامەت ئەسەر يازىدىغان ئادەمدە بۇ!ھەر قېتىم <قۇم باسقان شەھەر>رومانىنى قولۇمغا ئالغاندا بۆلەكچە ھېسلارغا چۆمۈلىمەن!

uqkon025

	چۇشقىلارغا بايرام دىگىنى بەك قىزىق تىخى! [s:159]  [s:159]  [s:159]

laqin

	مەمىتىمىن ھوشۇر ئاكىنىڭ ھېكايىلىرىنى ئوقىغانسىرى ئوقىغۇشى كېىلىدۇ كىشىنىڭ .

musilina

	ئەجەب ئاخىرىنى دەل جايىغا كەلتۈرۈپ تۇرۇپ تەربىيە بېرىپتۇ كۆيىئوغلىغا....بەك ياقتۇرۇپ ئوقۇيمەن مەمتىمىن ھوشۇرنىڭ ھېكايىلىرىنى.....

Maraz~ali

	ئەسسالامۇ  ياخشى، ئەخمىيەتلىك تىمىنى يوللۇغۇچى ئەپەندىم. سىز مەمتىمىن ھوشۇرنىڭ ئىسىل ئەسەرىنىڭ بولغان ئەسىرىنى مۇنبەر يۈزىگە يوللاپسىز. خۇرسەنمىز! ئامما شۇندا ياخشى بىر ئەسەرنىڭ كۆرۇش قىتىم سانى ئادەمنى ئويلاندۇرىدۇ. مەنچە ، ياخشى ئەسەرنى يوللۇغۇچى ئەپەندىم بۇ تىمىنى بىكار يوللاپسىز. ئەگەر مۇشۇ تىمىنىڭ ئورنىغا ، شاھۋانىلىق، پاھىشە، جالاپ، بۇزۇق قىز -يىگىتلەرنىڭ ئىش ئىزلىرى، قىلغان ئەتكەن تۇرمۇشىدىكى ئىشلار، باسقۇنچىلىق ئۇچرىغاندىكى جەريانىنى بىرمۇ-بىر يىزىپ چىققان بولسىڭىز، ياكى يازغان بولساق، كورۇش نىسپىتى يوقىرى، چىكىم سانى كوپ، ئىنكاس يازىدىغان ئاخونۇم، موللىلار كوپ بولاتتى. شولگىيىنى ئىقىتىپ كىرىدىغان كوپ بولاتتى. ئۇلارنىڭ ئاشۇ جىنسى تەربىيە توغرىسىدا تەربىيە بىرىپ كىتىشىچۇ؟ ئادەمنىڭ نىرۋىسىنى ئورلىتىپ. ھەي .... بىز.... نىمە بولۇپ كەتتۇق.... ئويلىنايلى قىرىندىشىم. تىما ئىگىسى، تىمىڭىزدىن سىرىت، بەزىبىر سوزلەرنى قىلىپ قويدۇم.. ئەپۇ قىلارسىز.

maris412

	بەك ياخشى ھىكايىكەن ، ياخشى يوللاپسىز سىزگە كۆپ رەھمەت ،  ئىملاغا بەك دىققەت قىلىڭ ئىملا خاتالىقى بەك كۆپكەن ھەتتا بەزى سۆزلەرنىڭ مەنىسى ئۆزگىرىپ  كىتىپتۇ.

ramalla

	راسلا بەك ياخشې يېزېپسېز

DILNAZI

	ياخشى ھىكايىكەن ،بىراق ئىملا خاتالىقىمۇ باركەن.

Dior

	راستلا بەك ياخشى ئەسەركەن ..... مەمتىمىن ھۇشۇرنىڭ ئەسەرلىرى ھەقىقەتەن بەك ئېسىل..........