پولكوۋنىك پەقەت چىدىمىدى!!!!

Davan_Axkuqi

	مۇنبەر مەسئۇللىرى ئەمدى ئېنىق ئىپادە بىلدۈرمىسە بولماس!  بۇنداق پىكىرلەر كۆپىيىۋەرسە ئىختىلاپمۇ كۆپىيىدۇ.

moghal

	مۇنبەردە پولكوۋنىك پەيدا بولسىلا ، بۇ مۇنبەر قوشۇنى خېلى پاي پىتەك  بولۇپ كىتىدىكەن ، سوغۇق يۇمۇر ئىسسىق  بوران پەيدا قىلىدىكەن ئەمەسمۇ.        مەنمۇ مۇنبەرگە  يېڭى ئەزا،  بۇلتۇر 12- ئايدىن  باشلاپ  مىسرانىمدا تىمىسقىلاپ  يۇرۇيمەن،  1- ئايغا قارىغاندا  مانا بۇ 2- ئايدا  خېلى بىر  نەرسىلەرنى بىلىپ قالدىم، مۇنبەرنىڭمۇ  قائىدىسى باركەن  ئەمەسمۇ،  دەسلەپكى  چاغلاردا كۆزى ئېچىلمىغان  ئېيىق كۇچىكىدەك  خالىغىنىمچە   ئىغاڭلاپ  يۇرۇپتىكەنمەن،  مانا ئەمدى  بىلسەم  مۇشۇ  مۇنبەردىمۇ  كىشىلىك  تۇرمۇشتىكى  دىققەت  قىلمىساق ئۆزىمىزگە  كۆڭۇلسىزلىك  تېپىۋالىدىغان  ئىشلار باركەن  ،  بىرەر يازمىڭىز ئېلان قىلىنسا مۇنبەردىكى " سەرخىللار " قەدەم تەشرىپ قىلامىكىن دەپ كۆزىڭىز  تۆت بولىدىكەن، لېكىن مۇنبەردە  تۇنۇلمىغان  "يېڭى كەلداخۇنلار " نىڭ  يازمىلىرىغا ئىرەن  قىپ  قويۇدىغان  "پىيىشقەدەملەر " ئاز  چىقىدىكەن،   شۇنىڭ بىلەن پويىز ئىستانسىنىڭ  بېلەت  سېتىش  زالىدىك ى   بېلەت ئەھۋالىنى  كۆرسۇتۇپ تۇرىدىغان ئىكراندەك  تېز  ھەرىكەتلىنىدىغان  مۇنبەر "يېڭى تىمىلار " كۆزنىكىدىن ئۇ يازمىڭىز بىر كۇنگە پايلىماي  يوقاپ  كىتىدىكەن،  بەزى ھىچقانداق   ئەھمىيىتى يوق تىمىلار "ئاۋات تىمىلار " كۆزنىكىنىڭ  چىكىسىدە  گىدىيىپ  تۇرۇپ كىتىدىكەن، "نادىر تىما "  "تەۋسىيەلىك تىما" لار  مۇنبەرنىڭ  چىكىسىدە ، خۇددى قۇياش نۇرىدىن كۆزىمىزنىئاسراپ  تۇرغان شەپكە چىكىلىكىدەك  تۇرغىنى تۇرغان،  خېلى ياخشى بەزى تىمىلارغا "سەر خىللار " قەدەم تەشرىپ قىلمىغان،  ئادەتتىكىلەر  بولسا  نىمە دەپ ئىنكاس يېزىشىنى  بىلەلمەي، شۇ يازمىنى  چىكىپ سالغىنىغا  مىڭ پۇشايمانلارنى قىلىپ،  "ئەمدى مۇنداق ئۆزەمگە قىيىن  تىمىلارغا ھەرگىز كىرمەسمەن " دىگەن قەسەميات  بىلەن  مۇنبەرنىڭ ئاشۇ "چىكىلىكى" گە ھەرگىزمۇ جەدەم باسماس بوپ كەتكەن.      مۇنبەردە يوللىنىۋاتقان ماقالىلار ھەقىقەتەن كۆپ، بۇ ياخشى ئىش، لېكىن يازما يوللاۋاتقان دوستلار يازما يوللاشتىن ئاۋال ئەڭ ياخشىسى بىرەرىگە كۆرسۇتۇپ باقسىڭىز، باشقىلارغا يارىسا ئەلۋەتتە مۇنبەرگىمۇ ياراپ قالار.      مەن مۇنبەردە بولسام ھازىر تىمىنى چەكمەستىن ئاۋال يوللىغۇچىغا قارايمەن، ھازىرچە تولۇق بولمىسىمۇ مۇنبەردىكى "تورى بار " مۇنبەرداشلارنى بىلىپ قالدىم.       مەن بىر ئايغىچە مۇنبەرگە ماقالە يوللاشقا جۇر ئەت قىلالمىغان . " ياخشى تىمىلارنى يازالماي يۇزۇمنى تۆكۇۋالماي دەپ ".      يېقىننىڭياقى قاراپ باقسام  ھەر  ھالدا تىما يوللىسام چاتاق چىقمايدىكەن دەپ خاتىرجەم بوپ قالغان ئىدىم،     لېكىن پولكوۋنىك ئەپەندى، ھۆكۇمران ئەپەندى، ئۇيغۇرۇم 007 ئەپەندى، يەنە باشقا ئىنكاسلىرى ماڭا خېلى يارىغان ئەپەندىملەر ، مەن داۋاملىق ماقالە يوللاشتىن قورقۇپ قالدىم،   سىلەرنىڭ ماقالە ۋە ئىنكاسلىرىڭلارغا قاراپ شۇنى ھىس قىلدىمكى "قولۇمنىڭ ئۇچىدا " ماقالە يوللاش   خىيالىم بەربات بولدى،  مۇنبەرداشلارغا يارىغۇدەك ماقالە يېزىش ئۇچۇن يەنە بىر مەزگىل  ئۇگەنسەم بولغۇدەك،  ئۇڭغىچە يەنىلام تەرجىمانلىقىمنى قىپ تۇراي.      باشقۇرغۇچىلار ، ناۋادا تىما يوللاپ قالسام سىلەرگە يارىمىسا يۇز خاتىرە قىلماي ئۆچۇرىۋىرىڭلا، مەن سىلەردىن رەنجىمەيمەن، ياخشى يازالماپسەن دەپ ئۆزەمدىن كۆرىمەن.       مۇنبەر ئۇچۇن ھەممىمىز كۇچ چىقىرايلى، باشقۇرغۇچىلارنىڭ خىزمىتىنى توغرا چۇشۇنەيلى، بىز خالىغانچە مۇنبەر كۆرۇپ يۇرۇيمىز ، لېكىن ئۇلار بىز ئۇچۇن ئارقا بەتتە ماقالىلەرنى تەھرىرلەپ ، تاللاپ جاپا چىكىۋاتىدۇئەمەسمۇ .

moghal

	ئاپتور جاۋابىنى بويلاپ 40قەۋەت  Davan_Axkuqi كە 2011-02-08 04:23 PMئەۋەتىلدى  : مۇنبەر مەسئۇللىرى ئەمدى ئېنىق ئىپادە بىلدۈرمىسە بولماس!  بۇنداق پىكىرلەر كۆپىيىۋەرسە ئىختىلاپمۇ كۆپىيىدۇ. مۇنبەر مەسئۇللىرى بىرىنچى ئىنكاستىلا ئىپادە بىلدۇرۇپتىغۇ، سىز ئۇنى كۆرمىگەنمۇ ؟ يەنە ئۇيغۇرۇم007.   نىڭمۇ ئىنكاسى بار، تەپسىلى كۆرۇڭ، ئىلىپتەك دەرەختىن پۇتاق ئىزدىمەكچى بولغاندەك قىلىقنى قىلماڭ.

iffat

	كۈڭلۈمدىكىدەك گەپ بوپتۇ.بەزى ئەسەرلەرگە ھەقىقەتەن يۈز-خاتىرە قىلماستىن،چەك قۇيۇش كېرەك.شۇنداق تىمىلارنى ئۇقۇپ قالسام،دەرھال تەستىقلىغۇچىنىڭ كىملىكىگە قارايمەن.بۇ پەقەت تېما يوللىغۇچىنىڭلا ئەمەس،تېما تەستىقلىغۇچىنىڭمۇ ساپاسى بىلەن مۇناسىۋەتلىك.شۇڭا باشقۇرغۇچىلار تېما ئۈتكىلىنى چىڭ تۇتۇشى كېرەك.

laqin

	ھازىر مۇنبەر يېڭىدىن يېتىشىۋاتقان ئوت يۈرەك شائىرلىرىمىزنىڭ مەشق دەپتىرى بولۇپ قالدى , گەرچە ئۆزۈم شېئىر يېزىشنى بىلمىسەممۇ ، لېكىن ياخشى يېزىلغان ياخشى يېزىلمىغانلىقىغا باھا بەرگۈچۈلۈكۈم بار ، بەزى شېئىرلارغا قاراپ شېئىر دېگەن مۇشۇنداق بولسا مەنمۇ يازالەيدىكەنمەنغۇ دەپمۇ ئويلاپ قالىمەن . ئەمدى باشقۇرغۇچىلارغا كەلسەك ، تەستىقلىمىسا ، ئاشۇ تىمىلارنى يوللىغان دوستلىرىمىزمۇ ، يېزىپ بولۇپ ( يوللاش ) دېگەن كۇنۇپكىنى بېسىۋېتىپ زور ئۈمۈد بىلەن بىلەن قاچان مۇنبەرگە چىقىدىغاندۇ دەپ تۆت كۆزى بىلەن ساقلاپ ئولتۇرىدۇ ، باشقۇرغىچىلارمۇ ئەلۋەتتە شۇلارنىڭ ئەمگەك مېۋىسىنى يوققا چىقىرۋېتىشنى خالىمايدىغاندۇ مېنىڭچە ، تەستىقلىسا سىز تىمىڭىزدا ئوتتۇرغا قويغان پىكىرلەر چىقىدۇ ، . سىزنىڭ مۇنۇ تىمىڭىز باشقۇرغۇچىلار بىلەن ، سىز ئوتتۇرغا قويغان پۈچەك تىما يوللايدىغان تورداشلار ئوتتۇرىسىدىكى كۆڭۈل ئاغىرىقى مەسىلىسىنى ھەل قىلدى دەپ ئويلايمەن .

Ruin

	بارابارا تۈزلۈپ كىتەر بولدى جىق كايىمايلى باشقۇرغۇچىلارغىمۇ ئاسان ئەمەس ! شېئىريازغانلارمۇ ئاران يېزىپ ئەكەلسە ياخشى ئەمەسكەن دەپ قايتۇرۋەتسە ئۇلارغىمۇ ئىغىركىلدۇ ئەمەسمۇ  شۇنداق بولغان كىن ھەممىنى ئۆزىمىزدىن باشلايلى ئۆزىمىز پاخال پۈچەك نەرسىلەرنى يوللىمىساق باشقۇرغۇچىلارمۇ تەستىىقلىمىسا مۇنبەر يۈزگىمۇ كۈرۈنمىسە مەزمۇنلۇق ئادەمگە بىلىم ۋەھۇزۇر ئاتاقىلالايدىغان تىمىلار چىقسا بۇنىڭدىن نوچى مۇنبەر بولماس ! ھەممە ئىشنىڭ تۈزلۈپ كىتىشىگە تىلەكداشمەن

polatalamdar

	بەزى ۋاقىتتا راسلا قاخشىغۇدەك ئىشلار بولىدۇ .قانداق قىلىمىز  ياققا سىقىشنىڭ ئۇرنى يوق . بۇ تىما مەن كۇرگەن تىمىلارنىڭ سەرخىلى دىسەم ئىشىپ كەتمەيدۇ  جۇمۇ باللار.

albax

	چىداملىق بۇلۇڭلار ! ھەممىمىز ئۆز ساپايىمىز توغرۇلۇق ياخشىراق ئويلىنىپ باقساق بولغىدەك . تېمىغا مۇناسىۋەتسىز : بەزى مۇنبەرداشلار باش سۆرەت تاپالمىغانمىكىن ياكى قىزىقىشى ،ھەۋىسى شۇنداقمۇ بىلمىدىم . مۇمكىن بولسا  باش سۆرىتىڭلارنى ئۆزىمىزنىڭ  ئوبرازىمىزغا ۋەكىللىك قىلغۇدەك شەكىلگە ئالماشتۇرساڭلار ! بىلىشىمچە بىزنىڭ قىز - ئاياللىرىمىزنىڭ كۇرۇنىشىمۇ  ئۇلاردەك ئۇنچىۋالا خېنىم چىراي ئەمەس . راستلا كەچۇرۇڭلار ! ئۇلارنىڭ ئۇيغۇر يىگىتلىرىگە ئوبراز باش سۆرەت بۇلۇشىنى زادىلا كاللامدىن ئۆتكۇزەلمىدىم  ،ئوبرازىڭلارنى خۇنۈكلەشتۇرۇشىنى ياقتۇرمىدىم . گىپىم خاتا بولسا  ئەدىۋىمنى بەرسەڭلار قۇلۇم كۆكسۈمدە !

ئارقۇ

	ئوبدان پىكىر بوپتۇ،ئادەمنى ئويغا سالالايدىغان تېمىلار ئاز.ئىنكاس يازغىسى كىلىدىغان تېمىلار يەنىلا ئاز.