ئاددى تۇرمۇش ساۋاتلىرىدىن

sultan

	ئاددى تۇرمۇش ساۋاتلىرى                 ئەتىگەن تۇرۇپ بىر ئىستاكان قايناق سۇ ئىچىش سالامەتلىككە پايدىلىق. كېچىدىكى نەپەسلىنىش، تەرلەش، كىچىك تەرەت تۈپەيلى بەدىنىدىكى سۇ مىقتارى خوراپ، قاننىڭ يېپىشقاقلىقى ۋە قان قېتىشىشنى كەلتۈرۈپ چىقىرىشقا يۈزلىنىدۇ. ئەتىگەنلىكى بىر ئىستاكان قايناق سۇ ئىچكەندە قاننى سۇيۇلدۇرۇپ، قاننىڭ ئايلىنىشىنى ئىلگىرى سۈرىدۇ. ئورگانىزىمنىڭ فۇنكىسىيىسىنى نورماللاشتۇرۇپ، كېرەكسىز ماددىلارنىڭ چىقىرىلىشىغا ياردەم بېرىدۇ. ٭٭٭٭٭٭٭٭٭٭٭٭٭ كىشىلەر ئارىسىدا ئاچچچىقسۇ بىلەن دېزىنفېكسىيە قىلغىلى، باكتېرىيە ئۆلتۈرگىلى، زۇكامنىڭ ئالدىنى ئالغىلى بولىدۇ، دەيدىغان گەپ بار. ئەمما، دېزىنفېكسىيە مۇتەخەسسىسلىرى تەجرىبە قىلىش ئارقىلىق ئاچچىقسۇنىڭ دېزىنفېكسىيە قىلىش، باكتېرىيە ئۆلتۈرۈشتە ھېچقانداق ئۈنۈمى يوقلۇقىنى، كېسەللىك ۋېروسىنى تېخىمۇ ئۆلتۈرەلمەيدىغانلىقىنى ئىسپاتلاپ چىقتى.   ‹‹جوڭگو كېسەللىكنىڭ ئالدىنى ئېلىش، كونترول قىلىش مەركىزى››دىكى مۇتەخەسسىسلەر شەھەر ئاھالىلىرىنى شۇنداق ئاگاھلاندۇرىدۇكى، ئائىلىلەردە زۇكامنىڭ ئالدىنى ئېلىش ۋە دېزىنفېكسىيە ئېلىپ بېرىشتىكى ئەڭ ياخشى چارە- قارغۇلارچە ئاچچىقسۇ پۇرىتىپ يۈرمەستىن، بەلكى ھاۋا ئالماشتۇرۇشتۇر. ئاچچىقسۇدىكى سىركە كىسلاتاسىنىڭ پۇرىقى نەپەس شىللىق پەردىسىنى غىدىقلايدۇ، بولۇپمۇ كېكىردەك ياللۇغى، ئۆپكە گازلىق ئىششىقى، زىققە كېسىلى بارلارنىڭ كېسىلىنى قايتا قوزغايدۇ ياكى ئېغىرلىتىۋېتىدۇ. ٭٭٭٭٭٭٭٭٭٭٭٭٭ ئۇسسۇزلۇقنى تېمپېراتۇرا ياكى خىزمەت خاراكتېرىگە قاراپ بەلگىلەش لازىم. تېمپېراتۇرا 36 سېلسىيە گرادۇستىن يۇقىرى بولغاندا، ھاۋادىكى نەملىك تۆۋەن بولىدۇ. دالادا مەشغۇلات قىلغۇچىلار ياكى كۆپ ۋاقىتنى دالادا ئۆتكۈزۈدىغانلار سوتكىسىغا 6.5 لېتىر سۇ ئىچكىنى مۇۋاپىق؛ ئىشخانىلاردا مەشغۇلات قىلغۇچىلار ياكى كۆپ ۋاقىتنى ئىشخانىلاردا ئۆتكۈزگۈچىلەر ئۈچ لېتىر سۇ ئىچسە بولىدۇ. تېمپېراتۇرا 35 سېلسىيە گرادۇستىن تۆۋەن ئەھۋالدا، غەيرىي جىسمانىي ئەمگەك قىلغۇچىلار ھەر كۈنى 2.5 لىتىردىن 3.5 لىتىرغىچە سۇ ئىچسە بولىدۇ. تومۇز ئىسسىقتا تەر كۆپ چىقىپ ئۇسسايمىز، بۇنداق ئەھۋالدا ئىچىملىك سۇنىڭ تېمپېراتۇراسى 10 سېلسىيە گرادۇستىن 15 سېلسىيە گرادۇسقىچە بولغىنى مۇۋاپىق. ٭٭٭٭٭٭٭٭٭٭٭٭ ئائىلە دورا ساندۇقىدا دورا ئىشلىتىش بىخەتەرلىكىگە كاپالەتلىك قىلىش ئۈچۈن، مۇتەخەسسىسلەر سىزگە ‹‹ئالتىگە دىققەت قىلىش›› تەكلىپىنى بېرىدۇ: بىرىنچى، ئەڭ ياخشىسى پارچە دورىلارغا بەلگە كارتىسى ئورنىتىش، بەلگە كارتىسىنىڭ ئۈستىگە دورا ئىسمى ۋە ئىشلىتىش ۋاقتىنى يېزىش لازىم؛ ئىككىنچى، ئىچىدىغان ۋە سىرتتىن ئىشلىتىدىغان دورىلارنى ئارىلاشتۇرۇپ قويماي، ئايرىپ ساقلاش، خاتا ئېلىپ قويۇش، خاتا ئىشلىتىپ قويۇشتىن ساقلىنىش لازىم؛ ئۈچىنچى، ئادەتتە كۈن نۇرىدىن خالىي قۇرغاق ئورۇندا ساقلاش كېرەك؛ تۆتىنچى، ئادەتتە ئۈچ ئايدىن ئالتە ئايغىچە چوقۇم دورىلارنىڭ ۋاقتى ۋە ئۈنۈمىنى تەكشۈرۈپ تۇرۇش كېرەك؛ بەشىنچى، دورىلار ئاساسەن دۆلەتنىڭ بىر تۇتاش رېتسېپلىرىنى ئاساس قىلىدۇ، كونكرېت تۈرلىرىنى ئاۋۋال دوختۇر ۋە دورا دۇكانلىرىدىكى دورىگەرلەردىن مەسلىھەت سوراش لازىم؛ ئالتىنچى، ئائىلە دورا ساندۇقلىرىغا ئادەتتە تەستىقتىن ئۆتمىگەن شپىرىس، ۋىتامىن تىپىدىكى دورىلارنى سالماسلىق كېرەك. ٭٭٭٭٭٭٭٭٭٭٭ كونسېرۋالىق يېمەكلىكلەرنىڭ كۆپلەپ ئىشلەپچىقىرىلىشىغا ئەگىشىپ، قاڭالتىرلىق كونسېرۋا قۇتىسىنىڭ ئىشلىتىلىش مىقتارىمۇ ئېشىپ بارماقتا. شۇنىڭغا دىققەت قىلىش كېرەككى، قەلەي ئادەم بەدىنىگە زىيادە كۆپ سۈمۈرۈلسە بەدەننى زەھەرلەيدۇ. قەلەي كونسېرۋا يېمەكلىكىدە خىمىيىلىك ئۆزگىرىش ھاسىل قىلغاندىن سىرت، ئادەم بەدىنىگە كىرگەندە يەنە 2- قېتىملىق ئۆزگىرىش پەيدا قىلىدۇ. مۇشۇ سەۋەپتىن، كونسېرىۋالىق يېمەكلىكلەرنى كۆپ ئىستېمال قىلىش قەلەيدىن زەھەرلىنىشنى كەلتۈرۈپ چىقىرىدۇ. ئەمەلىيەتتە كونسېرىۋانىڭ ئۆزىدىمۇ قەلەينىڭ چىرىتىش فاكتورى ئېرىيدىغان بولۇپ، ئېرىگەن قەلەي كونسېرىۋادىكى كۆپ خىل ئاقسىل ماددىلىرى بىلەن بىرىكمە ھاسىل قىلىپ ياكى مېۋە تەركىبىدىكى كۆپ فېنوللار بىلەن بىرلىشىپ ئېرىمەس مېتال مۇرەككەپ بىرىكمىسىنى ھاسىل قىلىپ، ئادەم بەدىنىدە ھەزىم قىلىنىش جەريانىدا پارچىلانمايدىغان ۋە چىقىرىۋېتىلمەيدىغان بولغاچقا، قەلەي بىۋاستە ئۆپكىگە تىنىپ قالىدۇ- دە، يېنىك بولغاندا نەپەس قىيىنلىشىش ئالامەتلىرى كۆرۈلىدۇ، ئېغىر بولغاندا باشقا ئاقىۋەتلەرنى ئېلىپ كېلىدۇ. شۇڭا، ئادەتتە كونسېرىۋالىق يېمەكلىكلەرنى بەك كۆپ ئىستېمال قىلىشقا بولمايدۇ.  مەنبە: Links

zarapshan

	قەلەي قۇتىلىق [جەنلىبو]دىگەندەك، ئىچىملىكنى كۆپرەك ئىچىپ قۇياتتىم .سالامەتلىك توغرىسىدىكى بۇ تىما چوقۇم ساقلاپ قۇيۇشقا تىگىشلىككەن.

154525

	بۇ تىما چوقۇم ساقلاپ قۇيۇشقا تىگىشلىككەن. [s:166]

tanha001

	ھەقىقەتەنمۇ بىزنىڭ سالامەتلىكمىزنى ئاسراشتىكى ياخشى بىلىمكەن رەخمەت سىزگە

faeza

	پەمىدۇر قىيامىنى قەلەي قۇتىلىقنى ئىشلىتىپ كىلىۋاتقان ئىدىم . ئەمدى ئەينەك قۇتىلىقىنى ئېلىپ ئىشلىتەي ! [s:137]

orkixi

	كېرەكلىك بىلىملەردىن خەۋەردار قىلغىنىڭىزغا كۆپ تەشەككۈر ... [s:166]

azizgul

	ئائىلىدىكى دورا ساقلاش جەھەتتە بىلۋېلشقا تىگشلىك ئشلار نى بىلىۋالدىم . رەخمەت سىزگە .

dawan~

	رەخمەت تۇرۇمشتكى چۈشەنچەم يەنە ئاشدىىغشان بولدى   [s:166]

lalizar0902

	رەھمەت سىزگە بىلىۋېلىشقا، دىققەت قىلىشقا تىگىشلىك بىلىملەركەن.

karakuz

	ھەممىسى  بىلىۋېلىشقا  تېگىشلىك  ئىشلاركەن،  ئەجرىڭىزگە  تەشەككۈر. [s:166]