سەنسىزلىك يىراق...

only

	سەنسىزلىك يىراق يىراق - يىراقلارغا نەزەر سېلىپ سېنى كۈتىمەن .مەيىن كەلگەن شاماللاردىن تىۋىشلىرىڭنى ئىستەيمەن . سەنسىز كۈنلىرىم مانا شۇنداق تۈمەنلىگەن كۈتۈشلەرگە تولغان ...يەنە مىڭلىغان تەشۋىشلەرگە ھەمراھدۇر... قاچانلاردىمۇ كېلەرسەن ، جېنىم كۈتكىن دېگەن سۆزلىرىڭ بىلەنلا شۇنچە ۋاقىت كۈتۈش بىلەن بىللە ئۆتتىغۇ ، سەنسىزلىكنىڭ قەلبىمنى قانچىلىك چارچاتقانلىقىنى بىلەمسەن ؟تېزراق كېلىپ مۇڭلىرىمغا مۇڭداش بولساڭ... قۇشلارنىڭ سايراشلىرى ئارامىمغا ئاراپ قوشىدۇ ، پۈتۈن دېققىتىمنى يىغىپ سەنسىز دۇنيادىن كۈلكە ئىزدەيمەن . ئەمما ئالقانلىرىمغا ئۇرۇلغىنى يەنىلا سېنى سېغىنىشنىڭ ، سەنسىزلىكنىڭ ئازاپ ئوقۇبەتلىرى بولدى . سەنسىز كۈنلىرىم مانا مۇشۇنداق ئۈمۈدسىزلىكلەرگە تولغان...يەنە مىڭلىغان ئۈمۈدلەرگە ھەمراھدۇر... تىنىچ بول ،قەيەردە بولساڭ ،تىنىچ بولساڭلا ، سەنسىز كۈنلىرىم ھامان سەن بىلەن بەختكە ئىقبال ئاچىدۇ ... چۈشلىرىمدىن چۆچۈپ ئويغىنىمەن . سېنى قەيەرلەردىدۇر جاپادا قالغاندۇ دەپ ، پىشانەمدىن سوغۇق تەر ئاقىدۇ .بىلىمەن سەن مېنىڭ چەبدەس ، قەيسەر ئارىسلانىم . باتۇرۇمسەن .ھېچ جاپا سېنى چارچىتالماس. يۈرەكلىرىڭنىڭ قات- قېتىغا مېنى تېڭىپ كېتىپ قالغان تۇرساڭ ، ماڭا ئېيتقىنىڭدەك ، مەنلا سېنى كۈتسەم ، سەن ھامان ، ھەممە يەردە زەپەرلەر بىلەن قۇچىقىمغا قايتىپ كېلىسەن...سەنسىز كۈنلەر مانا مۇشۇنداق قەتئىيلىككە تولغان ....يەنە مىڭلىغان ئىسيانلارغا تولغان...تۈمەنلىگەن ئارمانلارغا ھەمراھ... قىشنى ، باھارنى ،يازنى،ھەممىنى سۆيىمەن ، ئەمما سەنسىزلىك ماڭا بۇلارنى گۈزەل كۆرسىتەلمەيۋاتىدۇ . ۋاقىت ئىستىرىلكىسىنى گاھ كۆزلىرىمدە قاتقان ياشتەك توختاپ قالدىمىكىن دەپ يېنىش يېنىشلاپ قارايمەن . يالغۇز كۈنلەرنىڭ گۇۋاھچىسى ، قەلبىمنىڭ تەسەللىسى بولغان يورۇق تولۇنئايغا قاراپ ، سېنىڭ قايسى جايلاردا ئايغا بېقىۋاتقىنىڭنى ، مېنى نەقەدەر سېغىنىپ ، تاتلىق-تاتلىق ئەسلىمىلىرىمىز قوينىدا تولغىنىۋاتقىنىڭنى خىيال ئېتىمەن...سەنسىزلىك مانا مۇشۇنداق بەختلەرگىمۇ تولغان...يەنە مىڭلىغان شېرىن ئارزۇلارغا ھەمراھ... ئامان بول قەدرىم ! سەنسىزلىك مېنى گۈزەل قىلدى ، قەلبىمنى ساڭا يەنىمۇ مۇجەسسەم قىلدى .كۆزۈمنى يۇمىمەن، ھامان بەخت، ھامان ئىشەنچ سېنىڭ بىلەن بىللە يېتىپ كېلىدۇ ، يېتىپ كېلىدۇكى قايتا يىراق كەتمەيدۇ ... only

η!Ri^TuRa

	مەنبە   ئۆزىڭىزنىڭمۇ--يا؟؟؟؟؟    ياخشى  چىقىپتىكەن  بۇ تىما،،،راسلا  شۇنداق پىچچەت چىقىپتۇ،،،سىزنىڭ تىمىڭىزنى مەن بۇرۇن  كۆرەپ باقماپتىكەنمەن،،،،   بەلكىم  يىڭى  ئەزا بولغانلىقىم ئۈچۈندۇر

kuzum

	سالام ئۇماق ،كەچلىكىڭىز خەيرىلىك بولسۇن، بۇ كەچتە تاتلىق لىرىكىلىرىڭىزدىن ھۇزۇرلاندۇرغىنىڭىزغا تەشەككۇر.......

كەھرىۋا

	مەن ئەسلى قەلىب ئېتىزىمنى قاشالاپ ئۇزاقتىكى ھايات مەنزىلىگە دەخلىسىز كىرىشنى ئىرادە قىلغانىدىم. بىراق سېنىڭ ئىللىق ھارارىتىڭ، كۆزلىرىڭدىن تۆكۈلۈپ تۇرغان مۇھەببەت نۇرلىرى قەلىب ئېتىزىمدا مۇھەببەتنىڭ يارقىن بىخلىرىنى ئويغاتتى. كەتمە جېنىم، ئەمدى ئۆزۈڭ سالغان شۇ ئۇرۇقنىڭ يۇمران ۋە سۆيۈملۈك بىخلىرىنى مەن بىلەن بىرگە ئاسرىغىن. ئۇنىڭغا مېھرىمىزدىن سۇ قۇيايلى. كۆزىمىزدىن نۇر بىرەيلى. ھايات بوستانىمىزدا ئەشۇ پاك مۇھەببەتنىڭ يارقىن بىر ئەتىرگۈلىنى ئېچىلدۇرايلى. ئۇنىڭ ھەربىر بەرگىدە «سۆيگۈ، سۆيگۈ، سۆيگۈ!!!...» دېگەن سۆزلەرلا يالتىرىسۇن. بۇ بوستانلىق مۇھەببەتنىڭ خۇش ھىدىگە تويۇنسۇن.

گۈل-چۈشى

	كەچ . قىشنىڭ قەھرىتان سۇغۇق شامىلى دەرمانسىز ، قۇشلارئاللىقاچان كۈز كېتىشى بىلەن ناخشىلىرىنى يىغىشتۇرۇپ ماكانلىرىغا قايتىشقان  ... ئۆيىمىزدىن ئانچە يىراق بولمىغان يەردىكى بىكەتتىن مېڭىپ تۇرىدىغان ماشىنىلارنىڭ نالە- پەريادلىك تىۋىشىمۇ  ئاڭلانمايدۇ ، ئۆينىڭ ئەتىراپىدا تىمىسقىلاپ يۈرىدىغان  ياۋا مۇشۈكلەرنىڭ بەتبەشىرە ئاۋازىمۇ بېسىققان ، قايسى بىر مەستلەرنىڭ كوچىنى بېشىغا كىيىپ ئالا- تاغىل توۋلاشلىرىمۇ يوق ... ئەتىراپ شۇ قەدەر جىمجىت، شۇ قەدەر تىمتاس ... خۇددى بۇ كەچ ھەممە جىمجىتلىقنى ، ھەممە سۈكۈتنى باغرىغا چىڭ تېڭىۋالغاندەك ... مەن شۇ جىمجىتلىققە ھەمرا بولوپ ، بالىكوندا  ئۇدۇلۇمدىكى 6 قەۋەت بىنانىڭ بۇرجىكىگە قونىۋالغاندەك كۆرىنىدىغان تۈننىڭ يىگانە مەلىكىسى ئاينى تاماشا قىپ خىيالغا پېتىپ ئولتۇرۇپتىمەن ... جىمجىتلىقتىن بىردە شۈركەنسەم  ، بىردە ھەسەت قىلىغۇم كىلىدۇ .    ھېچكىم ئېيتىپ باقمىغان ، تېخى موزىكىسى ئىشلەنمىگەن بىر ناخشىنى ئېيتىپ ، جىمجىتلىقنى بۇزىۋەتكۈم ،  باغرىنى تىلىپ تىلىۋەتكۈم كەلدى-يۇ ، بۇ بىمەنە خىيالىمدىن  ئۆزۇمچە كۈلۈپ قويدۇم ...  كۆكنىڭ كېچىدىكى ئەركىسىگە قاراپ ئۇنىڭ زىمىنغا چاچقان سوغوق نۇرى يۈرۈكۈمنىڭ مۇزلاپ ، مېھىرسىز قالغانلىقىنى بىلىۋالغاندەك  ، مېنىڭ بۇ كېچەمگە  مۇڭلىرىنى تۆكۇپ بېرىۋاتقاندەك شۇنچە غەمكىن ، شۇنچە غېرىپ ... خۇددى ئاي مۇزلاپ كېتىۋاتقاندەك ، سۇس نۇرىمۇ شۇنچە سوغوق؛ ئاينىڭ مۇزلىغان جامالىغا بىرەر رومال ئارتىپ قويغىلى بولسىمۇ دىگەنلەرنى ئويلىدىم ، خىيالىم ئاخىرىغا بارماي تۇرۇپلا  ،بىكارچى   بۇلۇتلار ئاينى ئارىسىغا ئېلىۋالدى ، ئايمۇ شۇنى كۈتۈپ تۇرغاندەك  تەقەززالىق بىلەن ئاجىز نۇرلىرىنى يىغىشتۇرۇپ ، بۇلۇتلارنىڭ ۋۇجۇدىغا سىڭىپ كەتتى ...گۈل بۈگۈن راستلا مۇزلىدى... مۇزلىغان گۈل...

Kiss520

	ماڭا بەك ماس كىلدىكە جۇمۇ~~~~

only

	مۇزلىغان گۈل، ئېرىگەن، پورەكلىگەن بىركۈنلەردە ھەممىنى لال قىلىدۇ !چۈنكى ئۇنىڭدا ئەقىلنى ئازدۇرغىدەك گۈزەللىك مۇجەسسەمدۇر!گۈزەل گۈل!رەھمەت سىزگە!

گۈل-چۈشى

	رەھمەت ئاپپاق سىڭلىم، مۇزلىغان قەلبىمنىڭ ئېرىشىگىمۇ خېلى ۋاقىت كېتەرمىكىن ...

hanay

	ئەسسالام ئوماق ! تىچ - ئامانلىق ھەممەيلەنگە نېسىپ بولسۇن ، تېمىڭىز ھەممەيلەننى ھاياجانلىق ھېسلارغا ئېلىپ باردى . رەھمەت سىزگە ! كۆردىڭىزمۇ چۆلگۈلىنىڭ ھاياجىنىنى باسالماي لىرىكىڭىزغا لىرىكا قوشۋىتىپتۇ .

zanjiwil

	قاغجىرىغان مۇدھىش قەلبىمگە تومۇزدا ياققان يامغۇردەك شىرىن ھىس -تۇيغۇلارغا تولغان رومانتىك كەيپىياتىڭىز بىلەن 10يىللارنىڭ ئالدىدىكى كەچۈرمىشلىرىمگە مەجبۇرى سۆرەپ كىرىپ ئۇيقۇسىرىغان ئۈمىدلىرىمگە بىر تەستەك سالدىڭىز . قەلب كۈيلىرىڭىزنىڭ ئۇچۇرما بولغان كاككۇك بالىسىدەك تىخىمۇ يىراقلارغا قانات قىقىپ زارىقىپ كۈتكەن ،تەلپۈنىشڭىزنىڭ ئەكىس ساداسىغا تىزرەك مۇيەسسەر بولۇشىڭىزنى چىن كۆڭلۈمدىن ئۈمىد قىلىمەن.[table=100%,#6600CC][/table]