ماشا بىلەن ئېيىق

only

	ماشا بىلەن ئېيىق                بىر بوۋاي بىلەن موماي ئۆتكەنىكەن ، ئۇلارنىڭ ماشا ئىسىملىك بىر نەۋرىسى باركەن . بىر كۈنى ماشا دوستلىرى بىلەن ئورمانلىققا موگۇ تەرگىلى بېرىپتۇ .ئۇ مېڭىپتۇ  مېڭىپتۇ ھېچكىمنى كۆرمەپتۇ ، ئۆزى يالغۇز قېلىپتۇ .قانداق قىلش كېرەك ؟ ماشا يىغلاپتۇ . دوستۇم! دەپ ۋارقىراپتۇ .لېكىن ھېچكىم جاۋاب بەرمەپتۇ .تۇيۇقسىز ماشا بىر ياغاچ ئۆڭكۈر ئۆينىڭ بارلىقىنى كۆرۈپتۇ . ماشا ياغاچ ئۆيگە كىرىپ دېرىزىنىڭ يېنىدا ئولتۇرۇپتۇ . ئولتۇرۇپ ئويلاپتۇ :<بۇيەردە زادى كىم تۇرىدىغاندۇ ؟نىمىشقا ھېچكىم يوقتۇ ؟>دەپ ئويلاپتۇ . بۇ كىچىك ياغاچ ئۆيدە ناھايىتى چوڭ بىر ئيىق تۇرىدىكەن . پەقەت ئۇ ئۆيدە يوق ، ئورمانلىققا كەتكەنىدى . كەچتە ئېيىق قايتىپ كېلىپ ماشانى كۆردى .<نىمدېگەن ياخشى قىزچاق !سەن مېنىڭ ئۆيۈمگە نىمە دەپ كەلدىڭ  ؟ مېنىڭكىدە تۇرغىن ، ماڭا ئۆي ئىشلىرىنى قىلىپ بەرگىن، كەچلىرى ناخشا ئېيتىپ بەرگىن .>دەپتۇ ئېيىق . شۇنداق قىلىپ ماشا ئورماندا ئېيىقنىڭ يېنىدا ياشاپ قاپتۇ .ئەتىگەندە ئېيىق ئورمانغا چىقىدىكەن .ھەم ماشاغا ئۆيدىن چىقما ، ئەگەر ئۆيدىن چىقساڭمەن سېنى يەۋېتىمەن دەيدىكەن .ماشا قانداق قىلىپ بوۋىسى بىلەن مومىسىنىڭ يېنىغا قايتىپ كېتىشنى ئويلاپتۇ .ئويلا-ئويلا ئاخىرى بىر چارە تېپىپتۇ . بىر كۈنى ئېيىق ئورماندىن قايتىپ كەلگەندا ماشا ئۇنىڭغا :<ئېيىقچاق ، ئېيىقچاق ، مەن يېزىغا بارسام بولامدۇ>دەپتۇ .<قارىغىنە نىمىدېگەن ياخشى گۆشنانلار بۇ ، ئەگەر بۇ گۆشنانلارنى مەن بوۋام بىلەن مومامغا ئاپىرىپ بەرسەم ، ئۇلار ناھايىتى خۇشال بولىدۇ >دەپتۇ . -ياق -دەپتۇ ئېيىق -سەن ئورمانلىقنى بىلمەيسەن ،قەيەرگە بېرىشنى بىلمەيسەن ، مۇنداق قىلايلى . سەن بۇ يەردە ئولتۇر، يېزىغا بوۋاڭنىڭ يېنىغا مەن باراي .-دەپتۇ ماشا خۇشال بوپتۇ . ئۇ چوڭ بىر سېۋەتنى ئاپتۇ ،گۆشنانلارنى ئۇنىڭغا سېلىپ ، ئېيىققا :<مەن سېۋەتنىڭ ئىچىگە گۆشنانلارنى سېلىپ قويدۇم ،سەن سېۋەتنىڭ ئىچىگە قارىما .گۆشنانلارنى يېمە . مەن ئىشىك ئالدىدا ئولتۇرۇپ ، سېنىڭكى يېزىغا قانداق كېتىۋاتقانلىقىڭنى كۆرىمەن >دەپتۇ . -بولىدۇ -سېۋەتنى بەرگىن -دەپتۇ ئېيىق . -تالاغا چىقىپ قاراپ باققىن ، يامغۇر يېغىۋاتامدۇ يوق-دەپتۇ ماشا. ئېيىق ئۆيدىن چىقىپ كېتىپتۇ .ماشا تېزلىكتە سېۋەتكە كىرىپ ئولتۇرۇپتۇ .شۇنداق قىلىپ ئېيىق مېڭىپتۇ -مېڭىپتۇ .بىرتال گۆشنان يېمەكچى بوپتۇ .ئۇ كۆتەكتە ئولتاماقچى بولۇپ تۇرىشىغا ، ماشا سېۋەتتە تۇرۇپ ئۇنىڭغا -كاتەكتە ئولتاما ، گۆشناننى يېمە ، مېنىڭ مومامغا ئاپىرىپ بەر ، بوۋامغا ئاپرىپ بەر-دەپ ۋارقىراپتۇ . بۇنى ماشا قانداق قىلىپ كۆرگەندۇ دەپ ئويلاپتۇ ئېيىق .ئۇ سېۋەتنى ئېلىپ يېزىغا قاراپ مېڭىپتۇ . ئۇزاق مېڭىپ بىر يەردە توختاپ ، كۆتەكتە بىردەىم ئولتۇرايچۇ ، گۆشنانلارنى يەۋېتەيچۇ -دەپتۇ . ماشا سېۋەتتە تۇرۇپ -كۆرۈپ قالدىم ،كۆرۈپ قالدىم !كۆتەكتە ئولتاما ، گۆشناننى يېمە ، مېنىڭ مومامغا ئاپىرىپ بەر ، بوۋامغا ئاپرىپ بەر-دەپ ۋارقىراپتۇ . -نىمىدېگەن ئەقىللىق !-دەپ ئويلاپتۇ ئېيىق .ھەممىنى كۆرەلەيدىكەن ، ھەممىنى ئاڭلىيالايدىكەن دەپ ئويلاپتۇ ئېيىق . سېۋەتنى كۆتۈرۈپ مېڭىپتۇ  ھەم يېزىغا يېتىپ كەپتۇ . ئىشىكنى توك-توك قىلىپ چېكىپ -ئىشىكنى ئېچىڭلار ، مەن سىلەرگە گۆشنان ئېلىپ كەلدىم-دەپتۇ . ئىت ئېيىقنى كۆرۈپ قاۋاشقا باشلاپتۇ . ئىت مېنى يەۋېتىشى مۇمكىن ،قانداق قىلىش كېرەك دەپ ئويلاپتۇ ئېيىق .سېۋەتنى ئۆينىڭ قېشىدا قويۇپ قويۇپتۇ ۋە ئورمانغا يۈگرەپتۇ .بوۋىسى بىلەن مومىسى ئۆيدىن چىقىپ ، ئىشىك ئالدىدا تۇرغان سېۋەتنى كۆرۈپتۇ . -سېۋەتنىڭ ئىچىدە تۇرغان نىمىدۇر -دەپ سوراپتۇ مومىسى . بوۋىسى سېۋەتنى ئېچىپ ، سېۋەتنىڭ ئىچىدە ئولتۇرغان ماشانى كۆرۈپتۇ . ماشا ، بوۋىسى ۋە مومىسى ناھايىتى خۇشال بولۇپ كېتىپتۇ . شۇنىڭ بىلەن ھېكايە مۇشۇ يەردە ئاياقلىشىپتۇ . روسى تىلىدىن ئۇيغۇرچىلاشتۇرۇلدى . مەنبە:بېيجىڭ ئۇنۋېرستىتى نەشىر قىلغان <روس تىلى ئوقۇشلۇق دەرىسلىكى>دىن ئېلىندى .(71-بەت) مىسرانىم تەرجىمانلار گۇرۇپپىسىدىن onlyتەرجىمىسى .

zapar

	بالامغا ئۇقۇپ بېرەي، بەك ئامراق مۇشۇنداق ھىكايىلەرگە.

Desni

	ئىيىق ئىتتىن قورقامدىكەن؟!... [s:123]  [s:159]

only

	ئاپتور جاۋابىنى بويلاپ 2قەۋەت Desni كە 2011-01-29 01:22 AMئەۋەتىلدى : ئىيىق ئىتتىن قورقامدىكەن؟!... [s:123]   [s:159] ئۇنى بىلمىدىم جۇمۇ !ئەسلى ئەسەردە قانداق بولسا شۇنداق تەرجىم قىلىۋەردىمغۇ ...[s:123]

ARSILAN

	بۇتىمىڭىزنى كۈرۈپ بالىلىق ۋاقىتىم ئىسىمگە كىلىپ قالدى .بۇھىكايە شۇ چاغلاردىكى بىر بالىلار ئوقۇشلۇقىغىمۇ ياكى دەرىسلىك كىتابقىمۇ ئىشقىلىپ بىرسىگە كىرگۈزۈلگەن ،يەنە كىلىپ  سۈرەتلىك ئىدى .مەن بەك ياقتۇرۇپ ئوقۇيتۇم .بۈگۈن سىزنىڭ ئەجىر قىلىشىڭىز بىلەن يەنە قايتا كۈرۈشكە نىسىپ بولدى .رەھمەت ھارمىغايسىز .

motewar

	باشلانغۇچنىڭ ئۈچىنجى يىللىقىدىكى ۋاقتىمدا ئوقۇغان بۇھىكايىنى ..... دەرسلىك كىتاپتا ئوقۇدۇممۇ ياكى باشقا كىتاپتىنمۇ ھىچ  ئىسىمدە قالماپتۇ. ماۋزۇنى كۆرۈپلا شۇ ھىكايە ئېسىمگە كەلگەن.

motewar

	ئاپتور جاۋابىنى بويلاپ 4قەۋەت ARSILAN كە 2011-01-29 01:26 AMئەۋەتىلدى : بۇتىمىڭىزنى كۈرۈپ بالىلىق ۋاقىتىم ئىسىمگە كىلىپ قالدى .بۇھىكايە شۇ چاغلاردىكى بىر بالىلار ئوقۇشلۇقىغىمۇ ياكى دەرىسلىك كىتابقىمۇ ئىشقىلىپ بىرسىگە كىرگۈزۈلگەن ،يەنە كىلىپ  سۈرەتلىك ئىدى .مەن بەك ياقتۇرۇپ ئوقۇيتۇم .بۈگۈن سىزنىڭ ئەجىر قىلىشىڭىز بىلەن يەنە قايتا كۈرۈشكە نىسىپ بولدى .رەھمەت ھارمىغايسىز . ئىككىمىز ئوخشاش ئىنكاس يىزىپتۇقمۇ نىمە...

ARSILAN

	ئاپتور جاۋابىنى بويلاپ 6قەۋەت motewar كە 2011-01-29 01:29 AMئەۋەتىلدى : ئىككىمىز ئوخشاش ئىنكاس يىزىپتۇقمۇ نىمە... شۇنى دەيمەن. قارىغاندا ئىككىمىز ناتۇنۇش ساۋاقداشلاردىنمۇ نىمە ؟ئەمەلىيەتتە كىممۇ بالىلىقتىكى گۈزەل ئەسلىمىلەرنى ئۇنتۇپ كىتەلەيدۇ دەيسىز؟

kapsiz

	ھەممىڭلار مېنى تاشلاپ قۇيۇپ،بالىلىقنى ئەسلەپ كېتىپسىلەرغۇ... تۇرۇپ مېنىڭمۇ شۇ بالىلىقتىكى بىغۇبار،غەم ئەنىدشىسىز ئۆتكەن چاغلىرىم ئېسىمگە كېلىپ قالىدۇ...

مۇرات

	مېنڭىمۇ ئېسىمدە.....بولۇپمۇ سېۋەتتىكى گۆشنان بەكرەك ئېسىمدە قاپتىكەن، دەرس ۋاقتىدا قورساق ئېچىپ، ئۈچەيلىرىم تارتىشىپ كەتكەندە ئوقۇغان بولغىيمىتىم،گۆشنان دېسە ئېغىزىمغا سېرىق سۇ كەلگىنى ئېسىمدە.................. [s:136]  [s:179]