ئاياللارغا نەسھەت

yaprak0906

	جەمئىيەتتە ئەر-ئاياللار باراۋەر دېگەن شوئار توۋلىنىپ،ئاياللارمۇ ئەرلەر بىلەن تەڭ خىزمەت قىلىپ،ھەتتا بەزىدە ئەرلەردىنمۇ ياخشى ئىشلەپ ، ئۆزىنىڭ رولىنى ناھايىتى ياخشى جارى قىلدۇرۇپ كېلىۋاتىدۇ.تېخى ئۆيگە قايتىپ تۈگىمەس ئۆي ئىشلىرى بىلەن ھەپىلىشىپ،كەچتە ئۇخلىغان چاغدىلا ، ئاندىن ئارام ئالالايدۇ،ھەقىقەتەنمۇ ئاياللارنىڭ ۋەزىپىسى ئىنتايىن ئېغىر.   بۇنى ھېس قىلىپ ، خوتۇنىغا ئانچە-مۇنچە ياردەملىشىپ،ئۆي ئىشلىرى بىلەن شۇغۇللىنۋاتقان ئەرلىرىمىزمۇ بار،بۇ بىر ئەقەللىي ئادىمىيلىك،نورمال ئىش.لىكىن،ئەر-ئاياللىق خىزمەت تەقسىماتى پۈتۈنلەي ئالمىشىپ قالغان ئەرلىرىمىزمۇ كۆپىيىشكە باشلىدى.   مەسىلەن:ئەتىگەندە ناشتىلىق تەييارلاش،چۈشتە خوتۇنى ئىشتىن كەلگۈچە تاماقلارنى ئېتىپ تەييار قىلىۋېتىش،بالىنى بۆشۈككە بۆلەش،سۈتدۈك لاتىسىنى ئالماشتۇرۇش،قورسىقىنى تويغۇزۇش،ئاخشىمى بالا يىغلاپ كەتسە چاچراپ .ئورنىدىن تۇرۇپ،بالىنى <ئېمىتىپ>بەزلەپ ئۇخلىتىش،كىر-قات يۇيۇش،ھەتتا خوتۇنىنىڭ ئىچ-كىيىملىرىنىمۇ يۇيۇپ بىرىش،دەزمال سېلش.....ئىشقىلىپ بەزى ئەرلەر جىنسنى ئالماشتۇرۇشقا ئامالسىزلىقتىن ئەر بولۇپ ياشاۋاتقاندەك تۇيغۇ بېرىدۇ كىشىگە.خوتۇنى يېتىشەلمىگەندە ياردەملىشىش بىر گەپ،كۈندە خوتۇن كىشىدەك مۇشۇ ئىشلارنى قىلىپ،ئوڭدىسىغا يېتىپ تېلېۋىزور نامىمىزغا تازا كەلمەيدۇ.بەلكىم ئۇ ئەرلەر ئۆزى خالاپ قىلىۋاتقان ئىشتۇ،لېكىن مۇشۇنداق كېتىۋەرسە،ئۇيغۇر ئەرلىرى بارغانسېرى ئەركەكلىك سالاپىتىنى يوقىتىپ ، مىللىتىمىز تېخىمۇ كاردىن چىقارمۇ دەپ ئەنسىرەپ قالىمەن بەزىدە. ئاياللارنىڭ ئاغزىدن ئاڭلىسىڭىز،مەن كىيىملەرگە دەزمال سالالمايمەن،قولۇمدا يىڭنە توختىمايدۇ،بالىنى بۆشۈككە بۆلىيەلمەيمەن،تاماقىنى ئېرىمدەك ئوخشىتىپ ئېتەلمەيمەن....دېگەندەك گەپلەر.بىز بۇنىڭدىن بالىلىرىمىزنى بۇنىڭدىن كېيىن تەربىيىلەشتە بەزى نەرسىلەرگە دىققەت قىلامدۇق قانداق؟بالىلىرىمىزنى تەربىيىلەشتە مەسلە بارمۇ نېمە؟دەپ ئويلىماي تۇرالمايمىز.   ئەگەر مۇشۇنداق تۈگىمەس ئۆي ئىشلىرى بىلەن ئېرىڭىزنى چىرماپ قويىسڭىز،ئۇ قانداقمۇ نەزەر دائىرىسى كەڭ،ئىجتىمائىي ئالاقىگە پىشقان،خىزمەتنى بېرىلىپ ئىشلەيدىغان ياكى ئۇنىڭدىنمۇ چوڭ ئىشلارنى تەۋرىتىپ،خوتۇن-بالىلىرىنى ياخشى ياشىتالايدىغان ئەر بولالايدۇ؟ مېنىڭچە،ئاياللار ئېرىنىڭ كەسپى ئۈچۈن ،ئەگەر توغرا كەلسە قۇربان بېرش كېرەك،دەپ قارايمەن.چۈنكى بىر ياخشى ئەرنىڭ كەيىندە ھامان بىر ياخشى ئايال بولىدۇ،ئېرىڭىز نەتىجە قازانغاندا ئەلۋەتتە بۇنىڭ يېرىمى سىزگە ھېساب.      ئاپتۇرى: گۈلجەۋھەر ئىبراھىم  <خوتۇنلارغا 101تەكلىپ>    يوللىغۇچى: ياپراق0906

eslam-waresi

	يارايسىز !!!   راستىنلا سىز دىگەندەك ئەرلەر كۆپىيىپ قالدى ... ئەر ئەردەك .ئايال ئايالدەك بولىشى لازاىم. لىكىن ھازىر ئەر-ئايال باراۋەر دىگەن بىر  نەرسە چىقتى بۇ ھەممە ئىشنى تۈپتىن ئۆزگەر تىۋەتتى ... باراۋەرلىك لايىقىدا بولغىنى ياخشىغۇ دەيمەن ...

eslam-waresi

	مەسىلەن:ئەتىگەندە ناشتىلىق تەييارلاش،چۈشتە خوتۇنى ئىشتىن كەلگۈچە تاماقلارنى ئېتىپ تەييار قىلىۋېتىش،بالىنى بۆشۈككە بۆلەش،سۈتدۈك لاتىسىنى ئالماشتۇرۇش،قورسىقىنى تويغۇزۇش،ئاخشىمى بالا يىغلاپ كەتسە چاچراپ .ئورنىدىن تۇرۇپ،بالىنى <ئېمىتىپ>بەزلەپ ئۇخلىتىش،كىر-قات يۇيۇش،ھەتتا خوتۇنىنىڭ ئىچ-كىيىملىرىنىمۇ يۇيۇپ بىرىش،دەزمال .......    بۇ  قانداق گەپ  ئەمدى ..ئازىراق خاتا  بولۇپ قالدىمۇ نىمە؟    <بالىنى ئىمىتىپ >!!!!؟ئئ [s:148]  بۇ قانداق گەپ ؟ ئەر  كىشى قانداقمۇ بالا ئىمىتەلەيدۇ قىرىندىشىم .... تەھرىرلەپ قويامسىزقانداق ...

aysiman

	سىز تەسۋىرلىگەندەك ئەرلەرمۇ بارمىدۇ بىز ئۇيغۇرلاردا ؟ توۋا !!! توي قىلىپ ئاياللارنى ئىشلەتكەن ئەرلەرگە مەن بەك ئۆچ ... ئاياللارنىڭ پۇل تىپىشغا قول قوشتۇرۇپ ئولتۇردىغان ئەرلەر جىق چىققاچقا شۇڭا بالىلىرىمىزنىڭ ھالى ئاشۇ ... كەيپ ساپاغا بىرىلىدۇ .... ئۇ دۇنيادا قانداقمۇ جاۋاپ بىرەر ئاشۇنداق ئاتا-ئانىلار

zulayha

	ھازىرقى ئەرلەرنىڭ كۆپۈنچىسى سىز قىلغان ئىشنى مەنچە ئەركەك بولمىغاچقا ، بۇ ماڭا مۇشۇنداق قىلىدۇ دەپ چۈشۈنۈپ ئېشىۋالىدۇ . قىلمىسىڭىز داشقال بولۇپ يۈرۈۋېرىدۇ ، بۇنى سىزنىڭ غورۇرىڭىز كۆتۈرمەيدۇ . ئاياللىق بۇرچىڭىزنى ئادا قىلىش بەسى مۈشكۈل بوپ قېلىۋاتقان مۇنۇ دەۋىردە- ھـــــــــەي ، قىيامەتنىڭ ئەركەكلىرى [s:136] دەپ باش تاتلىماي ئامال يوق .

Uyghun

	[s:164]  [s:148]  [s:148]  [s:148]  [s:148]

adiba

	ئاپتور جاۋابىنى بويلاپ 2قەۋەت  eslam-waresi كە 2011-01-28 04:46 PMئەۋەتىلدى ئاپتۇر (yaprak0906) نىڭ يازمىسىغا : مەسىلەن:ئەتىگەندە ناشتىلىق تەييارلاش،چۈشتە خوتۇنى ئىشتىن كەلگۈچە تاماقلارنى ئېتىپ تەييار قىلىۋېتىش،بالىنى بۆشۈككە بۆلەش،سۈتدۈك لاتىسىنى ئالماشتۇرۇش،قورسىقىنى تويغۇزۇش،ئاخشىمى بالا يىغلاپ كەتسە چاچراپ .ئورنىدىن تۇرۇپ،بالىنى <ئېمىتىپ>بەزلەپ ئۇخلىتىش،كىر-قات يۇيۇش،ھەتتا خوتۇنىنىڭ ئىچ-كىيىملىرىنىمۇ يۇيۇپ بىرىش،دەزمال .......    بۇ  قانداق گەپ  ئەمدى ..ئازىراق خاتا  بولۇپ قالدىمۇ نىمە؟    <بالىنى ئىمىتىپ >!!!!؟ئئ [s:148]  بۇ قانداق گەپ ؟ ئەر  كىشى قانداقمۇ بالا ئىمىتەلەيدۇ قىرىندىشىم .... تەھرىرلەپ قويامسىزقانداق ... <ئېمىتىپ> ماۋۇ خەتنىڭ تىرناق ئىچىگە ئېلىنغىنىنى بايقىمىدىڭىزمۇ؟ يەنە چۈشىنەلمىسىڭىز ماڭا قىسقا ئۇچۇر قىلىۋېتىڭ.

ISLAMOGOL

	<بالىنى ئىمىتىپ >!!!!قانداق  چۇشىنىمىز؟     ؟؟؟؟؟؟؟ [s:148]  [s:148]  [s:148]

SUBBI

	ئەر بولغاندىكىن ئەردەك بولغىنى تۇزۈك........ھەممە ئشنىڭ چىكى بولمامدۇ............

aslima317

	بەزى ئەرلەر بار تېخى ھىچ ئىش قىلماي ئايالىنىڭ تاپقان پۇلىنى خەجلەپ ئۆتىدۇ، شۇڭا ئۇلار ئىككى ئىغىز ئايالىغا قاتتىق ۋاقىرالمايدۇ..... نېمە ئۈچۈن ؟ چۈنكى ئۇئەرنىڭ تىلى ئايالى ئالدىدا كېسىك........ھەي.....قانداق جاھان بولۇپ كېتىۋاتىدۇ