سەن نەلىك ؟

ziyaliy

	_ سىنىپ باشلىقىمىز ئەكبەرنىڭ ئورنىغا ئۆزى بىلىملىك، مەسئۇلىيەتچان، سىنىپ خىزمىتىنى جان دىل بىلەن ئىشلەيدىغان، ئوقۇغۇچىلار ياخشى كۆرىدىغان ئادىل باشلىقتىن بىرنى سايلايمىز دېگەن ، سېنىڭچە كىمنى سايلىساق بولار؟ _ مېنىڭچە مەتقاسىمنى سايلايلىمىكىن دەيمەن. _ قايسى مەتقاسىمنى دەيسەن؟ _ ھېلىقى خوتەنلىك مەتقاسىمچۇ؟ _قويە ئاداش، خوتەنلىك دېگەنچۇ،  < بىرنى بىي دەيتمىز، ئىشكەنى تىرت دەيتمىز > دەپ تۇرىۋالىدىغان جاھىل خەق ئۇ. _ ئۇنداقتا توختاجىچۇ؟ _ نەلىك  نېمە ئۇ ؟ _ قەشقەرلىك. _ قويا ئۇ قاشقالىقىنى، قاشقالىق دېگەن بىر چەينەك چاي تېپىۋالسا، ئون سەككىز مىڭ ئالەمنىڭ غەيۋىتىنى قىلىدىغان، گېپى ئاچچىق، زەھەردەك خەق   ئۇ. _ ئەمىسە ئاتۇشلۇق ھاجى كېرەمچۇ؟ _ ئاداش ، ئاتۇشلۇقنىڭ سىنىپ باشلىقى بولۇپ قېلىشىدىن خۇدا ساقلىسۇن! _ ئاتۇشلۇق شۇنچە يامانما ؟ _ ئاتۇشلۇق دېگەنچۇ، ئاي شارىغا ئاچچىقسۇ (سىركە)ساتقىلى چىققان خەق. _ ماڭا ئاداش، ئاي شارىغا ئامرىكىلىق چىققان تۇرسا. _ ئامرىكىلىق ئەمدىلا ئاي شارىغا چىقىشىغا، ئاتۇشلۇق ئاللىقاچان ئاي شارىدىكى سودىسىنى پۈتتۈرۈپ  پۇلىنى يانچۇققا سېلىپ قايتقان گەپ. _ يائاللا، دۇنيادا ئاتۇشلۇق يوق يەر بارمىدۇ؟ _بار _ نەدە؟ _ دوزاختا يوق _ نېمىشقا؟ — چۈنكى دوزاختا پايدا يوق ئەمەسمۇ؟ _ ئەمىسە تۇنىياز قانداق؟ _ كىم ئۇ تۇنىياز دېگېنىڭ؟ _ ئاقسۇلۇق تۇنىيازچۇ؟ _ ئاداش، ئاقسۇلۇق دېگەنچۇ، بىر كاۋىنى تالىشىپ تونۇرغا دۈم چۈشۈپ ئۆلگىلى تاس قالغان خەق. _ ئەمىسە زامانىدىننى سايلايلى ؟ _ ھېلىقى غۇلجىلىق زامانىدىننى دەمسەن، ئۇمۇ بولمايدۇ.   نېمىشقا دېسەك؟  غۇلجىلىق دېگەن بارغۇ، قۇلىقى يوق تەمبۇردىن بىرنى تېپىۋالسا، <خانلەيلۇن > نى ۋارقىراپ، زەي سالماي پو ئېتىپ، ئۈچ ۋاخ تاماق يېمەيدىغان خەق ئۇ. _ بىر قېتىم گەپ قىلىپ، ئون قېتىم كۈلىدىغان خەق دېگىنە ئۇ، خۇددى تۈكىنى تارتقان ئۆچكىدەك. _ ۋاي شۇنى دېگىنە، ئايىغىنى پارقىرتىپ، ئىشتاننى قىرلاپ يۈرگەن بىلەن يانچۇق قۇرۇق، بىر تىيىن يوق، ئەتكەن چايغا نان چىلاپ يەپ  كۈن كەچ قىلىدىغان خەق. _ ئەجەپمۇ ئوخشاتتىڭا ئۇ غۇلجىلىق خەقنى، مۇبادا زامانىدىننى سىنىپ باشلىقى قىلىپ قويساق، ئۇ بىزگە  يىغىن ئېچىپ قالسا، ساۋاقداشلار، ھازىر يېغىننى باشلايمىز   ۋەيت، بىر ھەپتىلىك ئومۇمىي ئەھۋالدىن خۇلاسە چىقارساق ۋەيت  دەپ يېغىننى ئولتۇرۇشقا ئايلاندۇرىدۇ. _  ئۈرۈمچىلىك دىلشات خېلى تۈزۈك ، يامان ئەمەس نېمىدەك تۇرىدۇ، شۇنى سايلامدۇق- يە ؟ _ ئۈرۈمچىلىكنى قانداقمۇ سىنىپ باشلىقى قىلغىلى بولسۇن ئاداش، ئۈرۈمچىلىك بارغۇ، پىۋىنى تولا ئىچىپ   لاتىلىشىپ كەتكەن خەق ئۇ، ئۇنى سايلىساق بولمايدۇ. _ئەمىسە تۇرپانلىق   ئەنەيتۇلچۇ؟ گېپى قوپال بولغان بىلەن ، كۆڭلى ياخشى نېمە ئۇ. _ بولمايدۇ، ئاداش، تۇرپانلىق دېگەن بەك ئەخمەق كېلىدۇ  جۇما، موللا زەيدىن بوپ قالمايلى يەنە. _ قۇمۇللۇق سالىچۇ؟ _ قويە ئۇ تۇڭگان قاپاق ، خەنزۇ چىراي بىر نېمىلەرنى... _ ئالتايلىقچۇ؟ _ بولمايدۇ . - كۇچالىقچۇ بايىرچۇ؟ _ ۋاي  قويا ، ئۇ خەقنى ،  ئەرلىرى ئەردەك ئەمەس غىلجىڭ بىر نېمىلەرغۇ؟ _ چەرچەنلىك قەيسەرجانچۇ؟ _ تېخىمۇ بولمايدۇ  ئۇ  ئورۇس كۆز. _ شۇنداق قىلىپ  سىنىپ باشلىقى بولىدىغانغا كىم قالدى؟ _ سەن بىلەن مەن . _ ئۇنداقتا  سەن نەلىك______________ ؟ _ ئۆزۈڭچۇ _____________________؟   بۇ ساتىرا < ئىلى پېداگوگىكا ئېنىستىتۇتى ئۇيغۇرچە گېزىتى > 2007-يىل 8- ئايلىق سانىدىن ئېلىندى.       زىيالىي

OZTURK02

	نىمانداق قىزىق بەك كۈلۋەتتىم جۇمۇ . غۇلجلىق بىلەن ئاتۇشلۇقىنى بەك قىزىق ئوخشتىپتۇ   [s:179]  [s:179]

OTYAK

	يۇرتنىڭ بەزى ئالاھىدىلىكى قىزىقارلىق ، يۇمۇرۇرستىك ئىپادىلىنىپتۇ. تازا كۇلكىلىك چىقىپتۇ. بولۇپمۇ ئىسىملارمۇ يۇرتنىڭ ئىسىم قويۇش ئالاھىدىلىكى بىلەن يۇرۇتۇلغان ئىكەن.

Ketikchi

	يۇرتۋازلىق بىزدىكى ئېغىر ئىللەت ،پاتۇرماسلىق چەتكە قېقىش غىۋەت ھەممىسىىڭ تۇپ سەۋەۋى يەنىللا شۇ يۇرتۋازلىق .....

zulayha

	ahiriga kelip kulup ketiptiman  towa biz hakni ha man nalikman ha ....

پالۋان

	توۋا دېدىم.... ھەممىمىز شۇ ئوخشىتىلغان يۇرتلارنىڭ بىرىدىن غو ئەلۋەتتە...

Khalifa

	ماڭغا قايسىلا ئۇستام....سىز قايادىن....مەن شۇيادىن ماقما..!....تىجلىق تۇدىلىما،ساقام...........ئاپىلىرىڭىز تىچ تۇرۇپتىما؟پوباش.........گاڭدەك ئىش قىلدۇق جۇما....    ...ھەي....بىر بىرىمىزنى دۇراپ...تېخىمۇ ئاشۇرۇپ سۆزلەپ.يۇرتۋازلىقمۇ ئەۋجىگە چىقپتۇ ......نەدىن چىقسا ھەممەيلەن ئۇيغۇرغۇ....شۇنىمۇ يۇرتۋازلىق قىلىپ ئايرىپ..

MihRi^NuR

	bu gap  siz ga manga yani hammimiz ga iytilgan ........     qvnki hammimiz uygur , hammimiz hammimiz kirindax  ,

داغ

	[s:180]  [s:134]  [s:127]  [s:137]   ۋاي نېمانچە قىزىق، زىيالىيمۇ يېتىلىپ قاپتۇ، جۇمۇ، مىللەت ئىچىدىكى يۇرتۋازلىقنى ھەقىقى ئېچىپ بېرىپسىز.  قەلەم قۇۋۋىتىڭىز  مىللىتىمىزنىڭ روھىنى پاكلاش ئىشلىرى ئۈچۈن  توختىمىسۇن!

ilyaruk

	يۇرتۋازلىق يىراقلارغا يوقالسۇن ! يۇرتۋازلىق يىلىكىمىزنى يىگىلىتىۋېتىدۇ! يۇرتۋازلىق يېققىنلىرىمىزدىن يىراقلاشتۇرىۋېتىدۇ! يۇرتۋازلىق يامان ! يۇرتۋازلىقتىن يىراقلىشىپ ،  يار-يۆلەكتە ياشايلى !