ئىجرا باھانىگە يول قويمايدۇ

kizilkowruk

	باھانىگە يول قويماسلىق ئىجراچىلىقنىڭ ئىپادىسى بولۇپ،ھەرقانداق ئىشنى قىلغاندا ئۆزىنىڭ مەسئۇلىيىتىنى ئۇنۇتماسلىق،ھەرقانداق ئىش ئورنىدائۆز خىزمىتىگە مەسئۇل بولۇش لازىم.خىزمەت دېمەك باھانىگە يول بەرمەي ئىجرا قىلىش دېمەكتۇر.      قىسىم ياكى خىزمەتتە،ئەسكەر ياكى خادىم بولغۇچىدا يۇقىرى تاپشۇرغان ۋەزىپىنى ئورۇنلاش ئۈچۈن كۈچلۈك ئىجراچىلىق بولمىسا بولمايدۇ.ۋەزىپىنى قوبۇل قىلغانلىق ئەھدە بەرگەنلىكتۇر.ئۆزىنىڭ ئەھدىسىگە ۋاپا قىلماي باھانە كۆرسىتىش يارىماسلىقتۇر.      گېنېرال پاتتوننىڭ ئۇرۇش ئەسلىمىسى <مەن بىلگەن ئۇرۇش>تا مۇنداق بىر تەپسىلات بار.       <<مەن ئادەم ئۆستۈرۈشكە توغرا كەلگەندە نامزاتلارنى رەتكە تۇرغۇزغاندىن كېيىن،ئۇلارغا پەقەت:سەبداشلار،ماڭا ئىسكىلاتنىڭ كەينىدە ئۇزۇنلۇقى سەككىز فوت،كەڭلىكى ئۈچ فوت،چوڭقۇرلۇقى ئالتە ديۇم كېلىدىغان ئاكوپ كېرەك بولۇپ قالدى،دەيمەن،باشقا ھېچنىمە دېمەيمەن.نامزاتلار جابدۇقلارنى تەييارلاۋاتقاندا ئىسكىلاتقا كىرىۋىلىپ،دېرىزىدىن ئۇلارنى كۈزىتىمەن.ئۇلار چوت-گۈرجەكلىرىنى يەرگە قويۇپ،بىرقانچە مىنۇت ئارام ئېلىۋالغاندىن كېيىن مېنىڭ ئاكوپنى نىمە ئۈچۈن مۇشۇنداق تېيىز قازدۇردىغانلىقىم ھەققىدە مۇنازىرىگە چۈشۈپ كېتىدۇ.بەزىلەر:بۇنداق ئاكوپ زەمبىرەكنىڭ گەۋدىسىنىمۇ يوشۇرۇشقا يارىمايدۇ،دېسە،بەزىلەر:بۇنداق ئاكوپ ئىسسىق بولىدۇ،دەپ ،بەزىلەر بەك سوغۇق بولىدۇ،دەپ تالاش-تارتىش قىلىشىدۇ.ناۋادا ئۇلار كوماندىر بولغان بولسا مۇشۇنداق ئاددى ئىشنىمۇ بىز قىلامدۇق ،دەپ كايىغان بولاتتى.ئەڭ ئاخىرىدا بىرى قوپۇپ باشقىلىرىغا:ئاكوپنى قېزىۋىتىپ بۇ يەردىن كېتەيلى،ئۇ قېرى بۇ ئاكوپنى نېمىگە ئىشلەتسە ئىشلەتمەمدۇ،دەپ بۇيرۇق چۈشۈرىدۇ.      پاتتون ئەڭ ئاخىرىدا<بۇيرۇق چۈشۈرگەن ئەشۇ نامزات ئۆستۈرۈلىدۇ.مەن ۋەزىپىنى باھانە كۆرسەتمەستىن ئورۇنلايدىغان ئادەمنى تاللىشىم كېرەكتە>دەپ يازغان.      ھەرقانداق خىزمەت باھانىگە يول قويماي ئىجراغا كىرىشىدىغان ئادەملەرنى شەرت قىلىدۇ.بىز نىمە ئىش قىلىشىمىزدىن قەتئىنەزەر مەسئۇلىيىتىمىزنى ئۇنتۇپ قالماسلىقىمىز ،قانداق ئىش ئورنىدا بولۇشىمىزدىن قەتئىنەزەر ئۆزىمىزنىڭ خىزمىتىگە مەسئۇل بولۇشىمىز،باھانە ئارقىلىق ئۆزىمىزنى چەتكە ئالىدىغان ،كۆزبويامچىلىق قىلىدىغان ئىشتىن ھەزەر ئەيلىشىمىز كېرەك.  شىنجاڭ خەلق سەھىيە نەشرىياتى نەشر قىلغان. كىتاب تەرجىمانى-ئابدىغوپۇر ئابدۇرېھىم.    بۇ پارچە فىرور.كېيىب(ئامېرىكا)نىڭ <مۇۋەپپەقىيەت بىر خىل پوزىتسىيە>ناملىق كىتابىدىن ئېلىندى.

tanha001

	توغرا ھەرقانداق ئادەم ئۈزۈى قىلغان ئېشىغا مەسسۇل بۇلشى كىرەك

alafasy

	باھانىگە يۇل قۇيۇلسا خىزمەت ئاقساپ قالىدۇ، ئىش كەينىگە سۆرىلىدۇ شۇ

azizgul

	ئادەمدە كۈچلۈك مەسئۇليەت تۇيغۇسى  بولسا باھانىگە ئورۇن قالمايدۇ  .

dawan~

	دەل  توغرا  گەپ  [s:166]  [s:166]  [s:166]  [s:166]

turalp

	پوزىتسىيە دىگىنىمىز دەل بىزنىڭ شۇ ئىشقا تۇتقان ئېڭىمىز،بىلەن ئەقلىمىزنىڭ شۇ ئىشنى تونۇشىدىن كېيىن چىققان ھەرىكەتتۈر،ئۇنداقتا چوقۇمكى يۈزلىنىدىغان رىئاللىققا قانداق پوزىتسىيە تۇتۇش دەل بىزنىڭ قايسى نەتىجىگە ئېرىشىشىمىزنى بەلگۈلەيدۇ.ئۇتۇقسىز ياشاشنى خالايدىغانلار يوق ئارىمىزدا،بىراق چۈشىنىپ شۇنداق قىلىدىغانلار ئاز

musilina

	نۇرغۇن ئىشلار باھانە -سەۋەب كۆرسىتىش تۈپەيلىدىن  ئارقىغا سۈرۈلۈپ كېتىدۇ...

Romantic-killer

	بۇخىل باھانە-سەۋەپ كۆرسىتىش ئادىتى بىز ئۇيغۇرلاردا جىقراق،مەيلى شىركەتلەردە بولسۇن،ياكى ھۆكۇمەت خىزمەتلىرىدە بولسۇن،ئۇنى قىلسام بۇ بولدى دەپ دەردىنى تۆكۇپ،سۆزلىسە ئىچىمىز ئاغرىپ بولدى قىلىمىز،خەنزۇلاردا بىرگەپ بار我要的是成绩，不是过程ئاجايىپ توغرا ئېيتىلغان گەپ

ramu

	دۇنيادا قورقۇشقا توغرا كەلسە؛ئەستايىدىل ۋە مەسئۇلىيەتچان كىشىدىن قورقسا بولىدۇ.بۇ ھەر ئىككى خىل مىجەز خاراكتىرنى يىتىلدۇرگەن كىشى  ھەممە ئىشنى مەيىلى قايسى خىل ئىش بولسۇن ۋايىغا يەتكۇزەلەيدۇ.ناۋادا ئۇنىڭ بىر خىلى بولمىسا يەنە بىكار.

bendora

	ھېلىقى بىر ياغاچچىنىڭ ھېكايىسى بولىدىغان، ئەمدى خىزمەتتىن ئىستىپا بېرىمەن دېسە خوجايىنى ئەڭ ئاخىرقى بىر ئۆينى سېلىپ بېرىشنى ئېيتىدۇ، ئۇ ياغاچچى قولىنىڭ ئۇچىدىلا پۈتتۈرىدۇ بۇ ئۆينى، ئويلىمىغان يەردىن خوجايىن ئۆينىڭ ئاچقۇچىنى ئاشۇ ياغاچچىغا بېرىپ بۇ ئۆينىڭ ئۇنىڭغا سوۋغىسى ئىكەنلىكىنى ئېيتىدۇ.