دۇتارچى ئايال(غوجىمۇھەممەد)

arkzada

	مەن بىلىدىغان غوجىمۇھەممەد توردىكى مۇنبەرداشلارنىڭ، شۇنداقلا كەڭ شېئىريەت ھەۋەسكارلارنىڭ قىزىشىنى نەزەردە تۇتۇپ، ئۇيغۇر بۈگۈنكى زامان شېئىرىيتىدىكى سەركەردە <غوجىمۇھەممەد مۇھەممەد> نىڭ بىر قىسىم شېئىرلىرىنى يوللىدىم. دوستلار شېئىريەت جەھەتتە بۇنىڭدىن ئازراق ئوزۇق ئالالىسا، ياكى ھوزۇرلىنالىسا ئەجەپ ئەمەس.                                            دۇتارچى ئايال                                                                 بارمىقىڭ چاپتۇرۇپ كېلەر قېقاسلاپ،                           تارلارنىڭ ئۈستىدە ساناقسىز ئاتنى.                           بىر چىنە قىزىق چاي ھور ئۆرلەپ تۇرغان،                           كېلەر ئېھ گۈپپىدە ئىچكۈم ھاياتنى.                           ھېلىقى كوچىغا باشلىدىڭ يەنە،                           يارىمنىڭ كۆڭلىكى قىپقىزىل ئىدى.                           يەشمەكتە بىر- بىرلەپ تۈگمىلىرىمنى،                           ئاھ، سېنىڭ ناخشاڭنىڭ نازۇك قوللىرى.                           ئۆرگىلەي ئاسماندا ئايىڭ بولمىسا،                           قايتمايمەن تېمىڭنى ئۆرۈپ كېچىدە.                           مۇھەببەت دۇنيادا ئەڭ يامان ئوغرى،                           تۇتۇلماي كەلگەن ناخشاڭ ئىچىدە.                                     ماي                         بۇ قاقاس كۈنلەردە مەن ھۋچكىم ئەمەس،                         يېنىمدا بىر دەريا ئاقار سۇسىراپ.                         قولۇمدا دۇتار قىز، قارنى يېرىلغان،                         تىلىمدا بىر ناخشا ئۆلەر چىرقىراپ.                        ماشىنا نەقەدەريېقىمسىز ئادەم،                        ئادەم نەقەدەر ئاجىز ماشىنا.                        ئەرلەرنىڭ ئەسلىدە پادىشاھى يوق،                        تەلپۈنەر ئاياللار بالا- قازاغا.                        قىزلارنى ئەينەكلەر يەيتتى سۇندۇرۇپ،                        ئەرلەرنى پارچىلاپ يەيتتى خىزمەت پۇل...                        تۇيۇقسىز چىقىپ مەن ئەينەك ئىچىدىن،                        قاچتىم ئەڭ خىلۋەت بىر ئۆڭكۈرگە ئۇدۇل.                               نۇر چاچار ھەسرىتىم ئەينەك ساندۇقتا                               ھېچنىمەڭ بولمىسا ئەي قىرى كېچە،                               مەن سېنىڭ ئاشناڭمەن تەنھا ئۇيقۇسىز.                               چۇۋۇۋەت چېچىڭنى تاپىنىڭغىچە،                               مۇھەببەت ئون بەشكە تولمايدىغان قىز.                               نۇر چاچار ھىسرىتىم ئەينەك ساندۇقتا،                               يېرتىلغان خەتلەردە، يىرتىق ھاياجان.                               ئۆسمەكتە تەلپۈنۈپ ساقال- بۇرۇتۇم،                               كۈلپەتلىك تولۇن ئاي چۈشلىرى تامان.                               بىلمەيسەن توساتتىن مەن ئالەمدە يوق،                               جەسىتىم ئېسىقلىق تۇرار بازاردا.                               ئادەملەر شاد- خۇرام ئوينايدۇ ئۇسسۇل،                               تولىدۇ ھەممە يەر مېنىڭ ناخشامغا.                                       ئىككى تاش مۇڭدىشىپ ئولتۇرار سايدا                                     دەريالار سۈپسۈزۈك نومۇس ئىچىدە،                                     چېچىنى تارايدۇ تاغلارغا قاراپ.                                     ئورمانلار كىرپىكى تۆكۈلەر كۈزدە،                                     يۇلتۇزلار گاھىدا قويىدۇ قاۋاپ.                                     يۆتىلەر دالىدا قىرى گۈلخانلار،                                     ئىككى تاش مۇڭدىشىپ ئولتۇرار سايدا.                                     چىغىر يول ئىزىقىپ قالىدۇ دائىم،                                     بىر قىزچاق توختىماي يىغلايدۇ ئايدا.                                    كۆكسىگە تەڭلەنگەن مىلتىقىنىڭ ئۇچى،                                    سايرايدۇ بىر قۇشقاچ پەرۋاسىز، خۇشال...                                   بەلكىم بۇ بىر پارچە رەڭسىز رەسىمدۇر،                                   يا چېچى چۇۋۇلغان سەممىي ئايال.                                          تىۋىش                                  بۇ كوچا، ئۇ كوچا ئوخشاش بىر كوچا،                                  بارغىلى بولىدۇ يارنىڭ ئۆيىگە.                                  ئۇ ناخشا، بۇ ناخشا ئوخشاش بىر ناخشا،                                  ئوت قويار بەرىبىر كۆڭۈل ئۆيىگە.                                  ئادەملىك كۈلپىتى يىراق يېزىدا،                                  بىر كونا تاغاردىن تۇرار چېچىلىپ.                                  قىزىل گۈل ۋارقىراپ توزۇش ئالدىدا،                                  ئاداققى چەككىچە باقار ئېچىلىپ.                                  بىر پاشا ھەتتاكى ئاشۇ بىر پاشا،                                  ئەڭ مەشھۇر قانخوردۇر نامى تارالغان.                                  ئادەملەر يوشۇرۇن ماڭار ئۆلۈمگە،                                  بىلمەيدۇ، ماشىنا ئۆرۈلەر قاچان؟!                                       ۋاز كېچىش                                 مەن بۈگۈن چىرايلىق بىزەپ بويۇمنى،                                 سۆيىمەن تۇنجى رەت كۆرگەن ئايالنى.                                 ئاندىن مەن بولىمەن ۋەھشىي بىر قاتىل،                                 ئۆلتۈرۈپ تاشلايمەن قەلبمدە ئۇنى.                                 ئارىلاپ ئەڭ پەسكەش كوچىلار ئارا                                 توۋلايمەن، مانا بۇ بىزنىڭ شەھەر دەپ.                                 مەسخىرە قىلىمەن مەدەنىيەتنى،                                 قۇسۇقلار ئىچىدىن چىقىپ ئۆمىلەپ.                                 سەن كىم دەپ سورىسا دەيمەن باش چايقاپ:                                 مەن بۇ دەم ھېچ كىشى، يوق مەن ھېچ يەردە.                                 غوجى... ئۇ ئىسىمدۇر ياش بىر ئازاپنىڭ،                                 ئۇ ئۆلدى، خاتىرجەم ياتقاي گۆرىدە.                ۋاقىت چەكلىمىلىكى تۈپەيلىدىن شۇنچىلىكلا يوللىيالىدىم. يېقىندا <غوجىمۇھەممەد مۇھەممەد> نىڭ <ئەرنىڭ ئىپپىتى> ناملىق ئېلكىتابى ئىشلەندى. ئەگەر لازىم دوستلار بولسا مەن بىلەن ئالاقىلاشساڭلار بولىدۇ.                           مەنبە: يۇقىرىدىكى شېئىرلار < غوجىمۇھەممەد مۇھەممەد> نىڭ < ئەرنىڭ ئىپپىتى > ناملىق ئېلكىتابىدىن ئېلىندى.

zanjiwil

	ئادىل تۇنىياز ئەپەندى <پەرىشتىنىڭ شېۋىرلىشى ۋە شەيتاننىڭ پىچىرلىشىدىن شىئېر تۇغۇلىدۇ >دىگەن ئىدى ،مەن دەيمەن شىئېر بىر سەيياھكى ئۇ سىزنى تەپەككۇر گۈلىستانىغا باشلاپ گاھ قولىڭىزغا ئەتىرگۇل تۇتقۇزسا گاھ قولىڭىزغا تىكىنىنى سانجىيدۇ.

turalp

	قەدىرلىك ئۇيغۇرۇم ئۈچۈن بارلىقىنى ئايانماي ،بىلىم ۋە تەربىيە ھىممەت ساخاۋىتىدە يۈرۈۋاتقان ئالىم ۋە تۆھپىكارلىرىمىز،چىن دىلدىن سىلەرگە سالام،ئىلىم كۆكىدە تېخىمۇ پارلاشنى سىز ، مىللەت  ۋە ئىنسانىيەت ئۈچۈن ئاللا نېسىپ قىلغاي!

gox-bax

	بەك بەلەن شىېئىر ئىكەن بۇ .

hasalharisi

	غوجامەھەمەتنىڭ شېئىرىيەت كككىدە تېخىمۇ پەرۋاز قىلىشىگە تىلەكداشمەن. كىتابىغا مۇبارەك بولسۇن.

englishmaster

	بۇ ئاكىمىزنىڭ شىئېرلىرى ئۆزگىچە دىسە!

@XAHRIZAT

	شائىر غوجىمۇھەممەتنىڭ شىئىرلىرىنى بۇرۇندىنلا سۆيۈپ ئوقۇيىتتىم. ئۆزى بىلەنمۇ تونۇشىمەن. ئۇنىڭ شىئىرىيەت تالانتىغا بەكمۇ قايىلمەن. ئۇنىڭ شىئىرلىرى بىلەن تورداشلارنى يۇز كۆرۈشتۇرگىنىڭىزگە بەكمۇ قايىلمەن.

arkzada

	غوجىمۇھەممەد نىڭ ئېلكىتابىنى بۇ ئادرس ئارقىلىق چۈشۈرسەڭلار بولىدۇ. چۈشۈرەلمىسەڭلار مەن بىلەن چ چ ئارقىلىق ئالاقىلاشساڭلارمۇ بولىدۇ. 479456938 http://www.algiyar.com/arningippiti.rar