|
|
|
|
بەختىم سەن
ھەر قېتىم كۈزنىڭ سالقىن شامىلى يۈزۈمنى سىلاپ ئۆتكەندە سېنىڭ ئوتلۇق تىنىقىڭنى ھېس قىلىمەن ،ھەرقېتىم ئاياق ئاستىمدا مېنى ئاستا ئۇزاتقان يوپۇرماقلارنى كۆرگەندە بۇ بەخىتلىك ھەم بەخىتسىز ئايرىلىشنىڭ ھەر ئىككىلىمىزگە ئېلىپ كەلگەن ئازابلىرىنى ،بۇ ئوقتەك ئۇچقان ۋاقىتنى ئويلايمەن .خۇددىي ئاخىرقى بىر تال يوپۇرماققا ئوخشاش بۇ زىمىستاننىڭ ئاچچىق سوغۇقىغا بەرداشلىق بېرىپ چىداپ تۇرماقتىمەن.قەلبىمدىن سېغىنىش كۈيلىرى ياڭرىماقتا .بىر سېنى ،باھارىمنى سېغىنىمەن .
قاچانلاردا ئاشىق بولدۇم مەن ساڭا ،
يوقاتتىمغۇ شۇندىن باشلاپ ئۆزۈمنى .
سۆيگۈ ئۈچۈن چەكسەممۇ گەر دەرىت _ ھەسرەت،
خوش بولاتتىم كۆرسەم سەندە شادلىقىنى.
بەخىت قۇچسام دەيمەن جىنىم سەن بىلەن ،
كۆزلىرىڭدىن كۆرسەم دەيمەن شادلىقنى .
رازى دەيمەن سەن ئۈچۈنلا ياشىسام ،
ئەھدە قىلدىم مەڭگۈ سېنى سۆيمەكنى.
شامال بولسام دەيمەن ئەمدى جانانىم،
ئىزلەپ تاپسام سېنى شۇچاغ جاھاندىن.
تۇيدۇرماستىن بېرىپ سېنىڭ يېنىڭغا ،
سۆيۈپ ئۆتسەم سېنىڭ ئوتلۇق لېۋىڭدىن.
ياكى بولسام دەيمەن بىر تال كېپىنەك ،
پەرۋاز قىلسام كۆك ئاسماننىڭ قەھرىگە.
بىلىندۈرمەي قونۇپ سېنىڭ مەڭزىڭگە،
باقسام دەيمەن سېنىڭ ئوتلۇق كۆزۈڭگە.
ئەسرا قىلىپ جىنىم مېنى ئۆزۈڭگە،
قاياقلارغا كەتتىڭ ئەمدى جانانىم .
تاپالمىدىم ئىزلىرىڭنى ھېدىڭنى ،
قايتىپ كېلىپ بولغىن يۈرەك داۋارىم .
مەنبەسى :ئالماچېچىكى
|
|
|
|
|
|