بىر ئانىنىڭ قىزىغا ئېيتقانلىرى

yanhin918

	كەل ھەي سۈيۈملۈك قىزىم ،ساڭا بۇ نەسھەتلەرنى قىلاي، ئۇلارنى ياخشى ئۆگىنىپ ئەمەل قىلساڭ ،ئۆمۈر بۇيى راھەتتە ياشايسەن، ئۆمۈرلىك يولدىشىڭ بىلەن ھېچ قاچان ئاراڭلار بۇزۇلمايدۇ. بۇ دۇنيادا بەخىتلىك ياشىغانغا ئوخشاش ئاخىرەتتىمۇ خوشال ياشايسەن، مەڭگۈ بەخت -سائادەتكە ئېرىشىسەن. 1.قانائەتلىك بول . يەنى، ئۆمۈرلىك يولدىشىڭ كەلتۈرگەن ئۇزۇق-تۈلۈك، كىيىم -كېچەكنىڭ ھەممىسىنى مەمنۇنىيەت بىلەن قوبۇل قىلغىن. چۈنكى قانائەت قەلىبكە ھۇزۇر بېغىشلايدۇ. 2.ئېيتىلىۋاتقان گەپلەرنى دائىم قۇلاق سېلىپ ئاڭلا ۋە ھەمىشە ئىتائەتمەن بول. ئۆمۈر يولدىشىڭغا ئىتىراز بىلدۈرمە. ئۇنىڭ بىلەن ھەم پىكىر ۋە بىر نىيەتتە بولۇشقا ھەركەت قىل. بۇنداق ھەركەتلەر بىلەن جانابى ئاللاھۇ تائالانىڭ رازىلىقىغا ئېرىشىسەن. 3.يولدۇشىڭنىڭ كۆزى چۈشىشى مۇمكىن بولغان ھەممە جايغا ئىتىبار بەر، شۇنداق قىلغىنكى ، ئۇنىڭ كۆزى زىنھار قالايمىقان ھالەتلەرگە چۈشمىسۇن. 4.يامان ھىد چىقىش ئېھتىمالى بولغانلىكى نەرسە ۋە يەرلەرگە دىققەت قىل، ئۇلارنى تېپىپ تازلا. ئۆيىڭدىن دائىم خۇشپۇراقلار ئۈزۈلمىسۇن. چۈنكى پاكىزلىق ئىماننىڭ يېرىمىدۇر.   5-شۇنى ياخشى بىل، تازلىق ۋە لاتاپەت سۇغا باغلىق، ھەرقانداق نەرسە سۇ بىلەن پاكىز بۇلىدۇ. ئۆيلەردە سۇنىڭ پاكىز بۇلۇشىغا دىققەت قىل. 6-يولدۇشىڭنىڭ تاماقلىنىش سائىتى ۋە ئۇيقۇ ۋاقتىغا دىققەت قىل، تاماقنى ھەمىشە ئۇنىڭ ئادىتى بۇيىچە تەييارلا. ۋاقتىدا ئۇخلاش ئۈچۈن ئىشىڭنى ۋاقتىدا تۈگەت. چۈنكى، ئاچلىق ۋە ئۇيقۇسىزلىق خاپىلققا سەۋەپ بۇلىدۇ. 7-ئۆيۈڭدىكى مال -مۈلۈك ۋە جازىلارغا ئېھتىيات قىل، ئۇلارنى پاكىز تۇت. ئۆيۈڭدىن چاڭ -تۇزاڭ نىرى كەتسۇن. 8-يولدۇشىڭنىڭ يېقىنلىرىغا چىرايلىق مۇئامىلىدە بول، بۇ سىنىڭ ياخشىلىقىڭنى بىلدۈرىدۇ. بىراۋغا مۇئامىلە قىلغاندا ئۇچۇق-يۇرۇق دوستانە بول. 9-.يولدۇشىڭنىڭ سىرلىرىنى زىنھار باشقىلارغا تىنما. ئەگەر سىرلىرىنى ئەتراپقا يايساڭ ، سەندىن رەنجىيدۇ. بىۋاپالىق يولىغا كىرىپ قېلىشى مۇمكىن. 10-.يولدۇشىڭنى ھۆرمەت قىل. بۇيرۇقلىرىنى بېجىر. گەپ قايتۇرۇپ جاۋاپلاشما. ئەگەر ئۇنىڭغا قارشى چىقىپ جاۋاپلاشساڭ ، ئاچچىقى كىلىپ رەنجىشىگە ھەتتا دۈشمەن كەبى ھەركەت قىلىشىغا سەۋەپ بولىسەن..يولدۇشىڭنىڭ غەمكىن ۋەخاپا بولغاندا ئۆزۈڭنى خۇرسەن تۇتما. ئۇنىڭ غەم -ئەندىشىگە شىرىك بول ھەم سەن شۇنداق كەيىپىياتتا بول. قىسقىسى ، ئەي سۈيۈملۈك قىزىم ، سەن يولدىشىڭىنى قانچىلىك ھۆرمەت قىلساڭ شۇنچىلىك ھۆرمەتكە ،مۇھەببەتكە ئېرىشىسەن .ھەمىشە ئەخلاقلىق ،ئىپپەتلىك بول.«ئاياللارنىڭ ئەڭ گۈزىلى ھايا ۋە ئىپپەت پەردىسىگە ئورۇنغانلاردۇر» مەنبە : پەزىلەت غۇنچىلىرىغا سۆز دېگەن كىتابتىن.

halpambag

	قانائەتلىك بول . يەنى، ئۆمۈرلىك يولدىشىڭ كەلتۈرگەن ئۇزۇق-تۈلۈك، كىيىم -كېچەكنىڭ ھەممىسىنى مەمنۇنىيەت بىلەن قوبۇل قىلغىن. چۈنكى قانائەت قەلىبكە ھۇزۇر بېغىشلايدۇ... [s:122]

musilina

	ھەر بىر قىز -ئاياللار ئەستايىدىل ئوقۇپ تۇرمۇش مىزانى قىلىشقا ئەرزىگۈدەك ئېسل ھېكمەتلەر ئىكەن...

ablkm504

	تەربىيىۋى ئەھمىيىتى زور تېما ئىكەن.ھەقىقەتەن ئىسىل دۇردانىلەركەن، بۇ دانىشنىڭ ئوغلىغا ئىيىتقانلىرى بولسا ئاڭلاپ باقسام  بوپتىكەن.

MUHTAR3818

	ھەجەپ پىچچەت ھىكمەتلەركەن....

ALIBABA520

	مۇشۇنەسىھەتنى ياخشى ئاڭلىغان قىزلار مەڭگۇ بەخىتلىك بولالايدۇ،  ماڭىمۇ مۇشۇنداق قىزلار ئۇچرىسا بەك ياخشى بولاتتى!

DILNAZI

	بىزمۇ ئانا بولۇش سالاھىيىتىمىز بىلەن قىزلىرىمىزغا بىلدۇرگىدەك ھىكمەتلەركەن،بىزمۇ ھەم بىلىۋالساق بولغۇدەك.ھەممە ئانىللىرىمىز قىزلىرىمىز مۇشۇ ھىكمەتلەرنى ئوزىگە مىزان قىلسا ئىدى............................

alafasy

	ياخشى ئېيىتلغان سۆزلەر ئىكەن..........................

omarjan

	بەك ياخشى نەسھەتلەر كەن ..... بىلۋالسا بولغۇدەك [s:154]  [s:154]  [s:166]  [s:166]

iＬiM

	مۇشۇنەسىھەتنى ياخشى ئاڭلىغان قىزلار مەڭگۇ بەخىتلىك بولالايدۇ،  ماڭىمۇ مۇشۇنداق قىزلار ئۇچرىسا بەك ياخشى بولاتتى!