ھەدەمنىڭ سىڭلىمغا ئېيىتقانلىرى

arkaturuk

	[align=justify]ھەدەمنىڭ سىڭلىمغا ئېيىتقانلىرى كەل سىڭلىم، كەل! گۈزەل تەبىئەتنىڭ يارقىن ھۆسنى بولمىش كۈز پەسلى ئاخىرلىشىپ،دەل-دەرەخلەر يۇپۇرماق تاشلاپ،بوشىنىپ،غازاڭلىرى ئەتراپنى بىر قاپلاپ، ئاجايىپ گۈزەل ئالتۇن مەنزىرە ياساپتۇ. كەل سىڭلىم، كەل! بىزمۇ ھاياتىمىزنىڭ گۈلشەنى بولغان،ياشلىقىمىزدا،گۈلدەك چېغىمىزدا،باشقىلارغا گۈلدەك ھېس-تۇيغۇ بىرەلمىسەكمۇ،گۈزەللىكىمىزنى تولۇق نامايەن قىلىش ئۈچۈن،كىيىم-كىچەكلىرىمىزنى ئەڭ يۇقىرى چەكتە قىسقارتىپ ،ئەڭ تار،ۋە ھەم ئەڭ نىپىز كىيىنىپ، بىر مەيدان كىيىم-كىچەك ئىسلاھاتى ئېلىپ بارايلى. تەبىئەت بىزدىن رەڭ ئالسۇن،دەۋرىمىزنىڭ شىرمەتلىرى،بىزنى كۆرگەندە مەس بۇلۇپ، ئۆزىنى دۇنيا بىلەن قوشۇپ ئۇنتۇپ كەتسۇن. كەل سىڭلىم، كەل! يىراق قىرلاردىكى قېرىنداشلىرىمىز، ئىپلاس تاجاۋۇزچىلىققا ئۇچراپ،دەرىت-ئەلەم، ئازاپ- ئوقۇبەتلەرنى يەتكۈچە تارتىپ، پاتمان ئېغىرچىلىقلارنى،سەۋىر تارازىسىدا كۆتۈرىۋاتىدۇ. كەل سىڭلىم، كەل! بىز شاشلىقىمىزنى قەدىرلەپ،شەھۋەتتىن يول ياساپ، بۇلۇڭ-پۇچقاقلاردىن ئوۋلىنىپ قورساقنى، ھارامدىن كۆتۈرۇپ يۈرەيلى. كەل سىڭلىم، كەل! بەزىلەر بىر قولىدا مىزاننى، يەنە بىر قولىدا  ئىماندىن سوقۇلغان شەمشەر بىلەن يېشىنى سىياھ ،ھاياتىنى قەلەم،ھەقىقەتنى مەنزىل قىلىپ ھەر خىل جەڭ مەيدانلىرىدا ، قان كىچىپ جىھاد قىلىۋىتىپتۇ. كەل سىڭلىم، كەل! بىزدە ئۇنچە ئىلىم ۋە غەيرەت بولمىسىمۇ، «چىغىر»يولدىن تاپقان ئۆكسىمەس كىرىم ۋە مومىمىزدىن مىراس قالغان ئۈزۈلمەس غەيۋەت بار. گىرىمنى راسا قىلىپ، كالتە پوزۇر كىيىنىپ، ئىپپەتنى دەسمىي،«تىجارەتنى»رەسمىي قىلىپ مەھەللىمىزدىكى شىر يۈرەك ئەزمەتلەرنى، بىزدىن ئۆزگىنى كۆرەلمەس،بىزدىن ئۆزگىنى سۆيەلمەس،كۆزىمىزگە يات كۆرۈنگەن بەزىلەرنى، غەيۋەتتىن خاتىرجەم يول يۈرەلمەس قىلىۋىتەيلى. كەل سىڭلىم، كەل! باشقىلار ئاي شارىغا ھىجرەت قىلىپ  زور ئىشلارنى ۋۇجۇدقا كەلتۈرۈپ  كاتتا ئىنسانىيەت دۇنياسى بەرپا قىلماقچى بولىۋىتىپتۇ. كەل سىڭلىم، كەل! بىز رېستۇران، قاۋاق،دىسكۇخانا ۋە «تار» كوچىلارغا  ھىجرەت قىلىپ،زور بىر ئەۋلاد «يىتىشكەن» پەرزەنىتلەرنى تەربىيلەپ چىقايلى.                    كەل سىڭلىم، كەل! ئانىلار  بىر قولىدا بۆشۈكنى، يەنە بىر قولىدا دۇنيانى تەۋرىتىدىكەن.                                 كەل سىڭلىم، كەل! بىز بىر ناز بىلەن پۈتۈن دۇنيا ئەركەكلىرىنى تەۋرىتەيلى. كەل سىڭلىم، كەل! باشقىلار ئۇشبۇ سىناق دۇنيادا، سىنىلىپ ،تىكەنلىك باغلاردىن، بەھەيۋەت تاغلاردىن ھالقىپ ،.ئەبەدىيەت ئالىمىنى ئارمان قىلىپ، بۈيۈك مەنزىللەرگە قاراپ كېتىۋىتىپتۇ. كەل سىڭلىم، كەل! بىز ئادىمىيلىكتىن ھالقىپ ،باشقىلارنى سىناپ،ئىپتىدائىيىتىمىزگە قاراپ، دەھشەتلىك ئاقىۋەتلەرگە مەئىششەت  بىلەن كىتەيلى.    مەنبە؛ئىسلام مۇنبىرى

uyhurung

	تىمىدىن ،ئاكىلارنىڭ ئىنىلىرىغا نىمە دەۋاتقانلىقىنىمۇ كۆرىۋالماق تەس ئەمەستە..........ھەي تىمىغا تەشەككۈرلەر

zumrettash

	ئۆزگىچە ئېيتقان ئۈنچىلەركەن،بەك قەلىمى ئۆتكۈركەن ئاپتورنىڭ........

aysiman

	تىمىڭىزغا كۆپ تەشەككۈر .

MIRIGUL

	ئاپتۇر ھەقىقەتەن ئۆتكۇر پىكىرلىككەنسىز،  ئەمدى ئاكىڭىزنىڭ ئىنىسىغا قىلغان سۆزىنىمۇ يوللىۋەتكەن بولسىڭىز، تىخىمۇ تولۇق چىقاركەن، ياخشى يىزىپسىز،  [s:166]

ablkm504

	يىڭىچە ئۇسلۇپتا مەزمۇن بوپتۇ.....

Gulbike

	نېمىدىگەن ئۆتكۈر پىكىر ! قەلىمىزگە تەشەككۇر! [s:166]

DILNAZI

	ياخشى تېمىكەن ھەممەيلەن ئويلۇنۇشقا تىگىشلىك جەمىيەتتىكى بىر قىسىم داپلارغا قارىتىلغان تېمىكەن،ھەممەيلەن ئىبرەت ئالساق بولغۇدەك.

jimjitjilga

	بەك ياخشى تىما يۇللىنىپتۇ،كۆپ تەشەككۇر،مۇشۇ مەزمۇنلار سەۋەپ بۇلۇپ بىرقىسىم قىزلىرىمىز قەلبىگە يىدايەت غۇنچىسى ئۇنگەي ئېلايىم ئامىن