مۇھەببەتلىشىۋاتقان قىز - يىگىتلەر سەمىگە

nadira

	مۇھەببەتلىشىۋاتقان قىز - يىگىتلەر سەمىگە تۇرمۇش يولىغا ئەمدىلا قەدەم قويغان ياشلارنىڭ قېنى قىززىق، تەجرىبىسىنىڭ كەم بولۇشى، مۇھەببەت قارىشىنىڭ ھەر خىل بولۇشى سەۋەپلىك، مۇھەببەتلىشىش جەريانىدا يا ئۇنداق يا مۇنداق ئوڭۇشسىزلىقلارغا ئۇچراپ، نۇرغۇن ئازاپلارنى تارتىۋالىدۇ . روھىي زەربە كەيپىياتقا تەسىر كۆرسىتىدىغان بولغاچقا، ئەلۋەتتە ئۇنىڭ خىزمەتلەرگىمۇ تەسىرى بولىدۇ. 1. يەڭگىلىك قىلماسلىق لازىم. قىز- يىگىتلەر مۇھەببەتلىشىش ئالدىدا بىردەملىك ھېسسىيات بىلەنلا ئالدىراپ بىر قارارغا كېلىشتىن ساقلىنىشى، ئىككىلا تەرەپ بىر- بىرىنى ھەقىقى ياخشى كۆرىدىغان- كۆرمەيدىغانلىقىنى ئوبدان ئويلىشىشى، بىر- بىرىنى ياخشى كۆزۈتۈشى، سىنىشى شۇنىڭ بىلەن بىللە، ئاتا- ئانىلىرىنىڭ مەسلىھەتىنى ئېلىپ ئىش كۆرۈشى كېرەك. 2. بىر- بىرىنى چۈشىنىشكە ئالاھىدە ئەھمىيەت بېرىشى كېرەك. قىز- يىگىتلەر مۇھەببەتلەشكەن دەسلەپكى مەزگىللەردە بىر- بىرىنى قىسمەن چۈشەنگەن ياكى يۈزەكى چۈشەنگەن بولىدۇ. شوڭا ھەر ئىككى تەرەپ مەلۇم ۋاقىت بىر- بىرىنىڭ مىجەز- خاراكتېرى، ئىستىتىك ھەۋىسى ۋە باشقا جەھەتلەردىكى ئالاھىدىلىكلىرىنى ياخشى كۈزىتىپ، ئىگىلەپ تەدرىجى ھالدا بىر- بىرىگە لايىقلىشىش ۋە ماسلىشىشنى قولغا كەلتۈرۈشكە تىرىشىش لازىم. 3. بىر- بىرىنى ھۆرمەتلەش لازىم . مۇھەببەت بىر نازۇك ئىچكى تۇيغۇ. ئۇ خۇددى چاۋاك ئىككى قولدىن تەڭ چىققانغا ئوخشاش، ئىككى تەرەپنىڭ باراۋەرلىك ئاساسىدا تەڭ كۈچ چىقىرىشىنى تەلەپ قىلىدۇ. قانداقتۇر بىرى يەنە بىرىنىڭ ياخشى كۆرىدىغانلىقىدىن پايدىلىنىپ، ئۆزىنى چوڭ تۇتۇپ، ئىلاھ بولىۋالسا، يەنە بىر تەرەپ ئۆز ئىرادىسىگە خىلاپ ھالدا چوقۇنغۇچىغا ئايلىنىپ قالسا ھەم بۇ خىل ئەھۋال داۋاملىشىۋەرسە، ئاخىرىغا بېرىپ قارشى تەرەپنىڭ كۆڭلى سوۋۇپ مۇناسىۋەت بۇزۇلۇپ كېتىشى مۇمكىن. چۈنكى قارشى تەرەپنىڭمۇ ئۆزىگە چۇشلۇق غۇرورى، كۆڭلى ۋە ئىرادىسى بولىدۇ- دە، ئەلۋەتتە. 4. ئالدىراپ يېقىن بولۇپ كەتمەسلىك لازىم. قىز- يىگىتلەر يېڭى مۇھەببەتلەشكەن مەزگىللەردە بىر- بىرىگە ئىنتىلىدۇ، تەلپۈنىدۇ. خۇددى بىر- بىرىدىن ئايرىلسا ياشىيالمايدىغاندەك ھېسسىياتتا يۈرۈشىدۇ. مانا مۇشۇنداق پەيتتە، ھەددىدىن زىيادە يېقىن بولۇپ كەتسە، ئاسانلا چېكىدىن ئېشىپ كەتكەن ئىش- ھەرىكەتلەرنى سادىر قىلىپ قويۇشى، نەتىجىدە ھەر ئىككى تەرەپتە مۇھەببەت دېگەن مۇشۇنچىلىكلا ئىشكەنغۇ، دېگەن كۆز قاراشنى پەيدا قىلىپ، بىر- بىرىگە بولغان قىزغىنلىق، تەلپۈنۈش ھېسسىياتىنى سۇسلاشتۇرۇپ قويۇشى مومكىن. 5. ئۆز ئارا سىنىشىشىتا ئۇسۇل مۇۋاپىق بولۇشى لازىم. بەزى قىز- يىگىتلەر مۇھەببەتلىشىپ مەلۇم باسقۇچقا بارغاندا، قارشى تەرەپنىڭ ئۆزىگە ساداقەتمەن ئىكەنلىكىنى سىناپ باققۇسى كېلىدۇ. بۇنىڭدا ئۇسۇلغا ئەھمىيەت بېرىش ئىنتايىن موھىم. ئەگەر قوللانغان ئۇسۇلىڭىز ئەمەلىيەتكە ئۇيغۇن، ئىلمىي بولسا، كۆزلىگەن مەقسىتىڭىزگە يېتىپلا قالماي مۇھەببىتىڭىز تېخىمۇ كۈچىيىدۇ. مۇناسىۋەت تېخىمۇ مۇكەممەللىشىدۇ. ئەگەر بۇنىڭ ئەكسىچە قوپال، تېتىقسىز ئۇسۇللار بىلەن سىنىماقچى بولسىڭىز، قارشى تەرەپنىڭ نارازىلىقىغا ئۇچراپ بىر ئوبدان كېتىۋاتقان مۇناسىۋىتىڭىزنى مەغلۇبىيەت بىلەن ئاخىرلاشتۇرۇشىڭىز مۇمكىن. 6. تەمكىن، ئېغىر- بېسىق بولۇش لازىم. مۇھەببەتلىشىۋاتقان قىز - يىگىتلەر بىر- بىرىدىن رەنجىپ قالغاندا، ھەتتا خېلى ئېغىر كۆڭۈلسىزلىكلەر يۈز بەرگەن چاغلاردىمۇ، قىزىققانلىق قىلىپ مەسىلىنى ھاپىلا- شاپىلا بىر تەرەپ قىلىشقا ئالدىرىماي ئەتراپلىق ئويلىنىپ، ئىجابىي تەرەپكە تارتىپ ھەل قىلىشقا تىرىشىش كېرەك. قايسى تەرەپ سەۋەنلىك ئۆتكۈزگەن بولسا دادىللىق بىلەن ئۈستىگە ئېلىشى، كەچۈرۈم سورىشى، قارشى تەرەپمۇ كەچۈرۈم سورىغۇچىنى ئوڭايسىز ئەھۋالغا چۈشۈرۈپ قويماسلىقى، بىر- بىرىگە يول قويۇشى لازىم. 7. ئېھتىياتچان بولۇش لازىم. ئادەملەر مۇرەككەپ، دۇنيا زىددىيەتكە تولغان، شۇنداق ئىكەن مەيلى قانداق كىشى بولۇشىدىن قەتئىينەزەر سۆيگۈنىڭىز توغرىسىدا قىلغان گەپ- سۆزلەرگە نىسبەتەن ئېھتىياتچان پوزىتسىيە تۇتۇپ تەكشۈرۈپ ئېنىقلاپ بېقىشىڭىز، ھەرگىزمۇ چاپاننى تەتۈر كىيىپ مەسىلىنى قوپال ئۇسۇلدا ھەل قىلىشقا ئالدىرماسلىقىڭىز لازىم. ناۋادا ئاڭلىغان گەپ- سۆزلىرىڭىز يالغان بولۇپ قالسا، كېيىن ھەر قانچە ئۆكۈنگەن بىلەنمۇ ئىش ئورنىغا كەلمەيدۇ. 8. بىر- بىرىگە ھەقىقى ئىشىنىش لازىم. مۇھەببەتلىشىۋاتقان قىز - يىگىتلەر ئۆز ئارا راستچىل، سەمىمى بولۇشى كېرەك. مەسىلەن، سۆيگۈنىڭىز بىلەن كۆرۈشمەكچى بولۇپ بارالمىغان ياكى كېچىكىپ قالغان چاغلىرىڭىزدا سەۋەبىنى ئەينەن چۈشەندۈرۈشىڭىز لازىم. ئەگەر يالغان سۆزلەپ ئۆتكۈزىۋەتسىڭىز، كېيىن بۇ ئىش قارشى تەرەپكە مەلۇم بولۇپ قالسا، ئۇنىڭدا سىزگە نىسبەتەن گۇمانىي كۆز قاراش پەيدا بولىدۇ ھەمدە ئۇنىڭ ئىشەنچىسىنى ئاجىزلاشتۇرۇپ قويىسىز. 9. بىر- بىرىگە غەمخورلۇق قىلىش لازىم. ھەر ئىككى تەرەپ قارشى تەرەپنىڭ ئۆگىنىش، خىزمەت، تۇرمۇشىغا كۆڭۈل بۆلۈشى، قىزغىن ياردەمدە بولۇشى لازىم. 10. ھېسىياتنىڭ قۇلىغا ئايلىنىپ قالماسلىق لازىم. ياشلىق دەۋر تىرىشىپ ئۆگىنىدىغان، بىلىم ئالىدىغان دەۋر، شوڭا بۇ دەۋرنى پەقەت ھاۋايى- ھەۋەسكە بېرىلىپ بىھۇدە ئۆتكۈزىۋېتىشكە بولمايدۇ. شۇنىڭ ئۈچۈن ئالدى بىلەن زېھنىمىزنى بىلىم ئېلىش ئىقتىدارىمىزنى ئاشۇرۇشقا سەرىپ قىلىشىمىز، شۇنىڭ بىلەن بىللە مۇھەببەت ئۈچۈنمۇ لايىقىدا ۋاقىت ئاجرىتىشىمىز، نۇقۇل ھالدا ھېسسىياتنىڭ قۇلىغا ئايلىنىپ قالماسلىقىمىز كېرەك. ھاياتلىق ژ ورنىلى

BALAGZA

	توي قىلمىغۇچە مۇھەببەتلەشمەسلىك لازىم دېگەن تۈر يوقمىكەن؟

jmgor

	ھەي ھازىر بۇنداق ئىنچىكە مەسىلگە ئىنچىكلىك بىلەن مۇئاملە قىلدىغانلار بەك ئاز ، دەسلەپتە سىز مىنىڭ قۇياشىم دەپ يېپىشىپ كىيىن تىزلا يۈز ئۈرۈيدۇ، ئىشقىلىپ بىرنىمە دىيىش تولىمۇ قىيىن، تولىمۇ جايىدا يېزلىپتۇ. كۆپ رەخمەت

alimjan4000

	مەن خۇدا بۇيرۇسا خوتۇننى ئېپ بولغاندىن كىيىن قانۇنلۇق ئاساستا مۇھەببەتلىشىمەن ! [s:165]  [s:152]  [s:179]  [s:179]

ESTANBOL

	مەن 5-6 قىز بىلەن يۈرۈپ بۇنداق ئىشلارغا كۆپ يۇللۇققان

sahar0999

	ھاي ھاي ئىستانبۇل ....بىكار ئۆزۈڭگە ئىش تاپتىڭ . دەپ نىمە قىلارسەن . ئابرۇيدەك .........

d@tman

	مەن 5-6 قىز بىلەن يۈرۈپ بۇنداق ئىشلارغا كۆپ يۇللۇققان

Hacker

	10ياشلىق نادىرەنىڭ  بۇ تىمىسى مىنى قىزىقتۇردى ،ھەم ھەيران قالدۇردى

zayir123

	ھا ھا سىزنىڭ گىپىڭىز مىنى ھەيراقالدۇر دى10 ياش ئىكەنلىكىنى قانداق بىلدىڭىز ئۇ ئارخىپتىكى خاتا جۇمۇ ھا ھا ھا .........

Hacker

	ئاپتور جاۋابىنى بويلاپ 10قەۋەت zayir123 كە 2011-01-12 07:18 PMئەۋەتىلدى : ھا ھا سىزنىڭ گىپىڭىز مىنى ھەيراقالدۇر دى10 ياش ئىكەنلىكىنى قانداق بىلدىڭىز ئۇ ئارخىپتىكى خاتا جۇمۇ ھا ھا ھا ......... كەسكەن سۆز قىلغىنىڭزغا قارىغاندا سىز نادىرە نى تونۇيدىغان ئوخشىمامسىز؟

~Marl`BoRo★

	راس ھەددىدىن زىيادە يېقىن بوپ كەتسە ئىشتىن چاتاق چىقىدىكەن............

panar

	توي قىلىپ بولۇپ ئايالىڭىز بىلەن مۇھەببەتلەشسىڭىزمۇ بولىدۇ . چوقۇم مۇھەببەتلىشىپ ئاندىن توي قىلىش دەيدىغان قائىدە يوق . مەنمۇ مانا ئايالىم بىلەن شۇنداق مۇھەببەتلىشىپ ئۆتىۋاتىمىز .

tarhamak

	ئەڭ مۇھىمى قاپتۇ ....           ۋاقتىدا توي قىلىۋېلىڭلا ... [s:164]

tanhakiyik

	ئاپتور جاۋابىنى بويلاپ 13قەۋەت  panar كە 2011-01-12 07:27 PMئەۋەتىلدى  : توي قىلىپ بولۇپ ئايالىڭىز بىلەن مۇھەببەتلەشسىڭىزمۇ بولىدۇ . چوقۇم مۇھەببەتلىشىپ ئاندىن توي قىلىش دەيدىغان قائىدە يوق . مەنمۇ مانا ئايالىم بىلەن شۇنداق مۇھەببەتلىشىپ ئۆتىۋاتىمىز . مەنمۇ شۇنداق ئويلايمەن.تويدىن كىيىن مۇھەببەتلەشسە تېخى بەك پەيزى بولىدۇ. مەنمۇ يولدىشىم بىلەن توي قىلغىلى ئىككى يىل بۇلاي دىدى،ئەمما بىز تۈنۈگۈنلا توي قىلغاندەك ھېس قىلىمىز.