ئاش بەرگەنگە مۇش بېرىپتۇ

musilina

	بىر نەچچە كۈننىڭ ئالدىدا ئىشتىن چۈشۈپ كېلىپ، قورانىڭ ئالدىدا مەن بىلەن دېمەتلىك كېلىدىغان بىر خوشنام بىلەن ئۇچرۇشۇپ قالدىم،قارىسام ئۇچىسىدا قارىلىق كىيىم تۇرىدۇ، ،كۆڭلۈم باشقىچە بولۇپ، ‹‹قارىلىق بوپ قاپسىز؟››-دەپ سورۇدۇم، خوشنام:  -  بىر دوستۇمنىڭ ئىنىسىنى ئاغىينىسى پىچاق تىقىپ ئۆلتۈرىۋېتىپتىكەن،شۇ دوستۇمنىڭ ئۆيىگە بېرىپ پەتىلەپ كەلدىم،-دېدى.    - نەچچە ياشلاردا بار ئىدى  دوستىڭىزنىڭ ئىنىسى؟بالىلىرى بارمىتى؟- دەپ سورۇدۇم. -34 ياشلاردا ،ئىككى بالىسى بار ئىدى، بىچارە بالىلىرى يېتىم بولۇپ قالدى،بار دىشۋارچىلىق بالىلىرى بىلەن بىچارە ئايالىغا بولىدۇ-دە،- دېدى خوشنام. - توۋا ،ياشلا بالىكەنتۇق، نېمىشقا ئۆلتۈرىۋەتكەندۇ؟-دەپ سورۇدۇم.    - ئۆزىنىڭ پۇلى ئۆزىنىڭ بېشىغا چىقىپتۇ رەھمەتلىكنىڭ ، ھازىرغۇ  كىشىلەرگە ياخشىلىق قىىلدىغان جاھان ئەمەسكەن،بۇ رەھمەتىلىك ئاۋاتلىق بىر ئاغىينىسىگە 10000يۈئەن بېرىپ تۇرۇپتىكەن،ئۈچ يىلنىڭياقى ‹‹مانا بېرەي، ئەتە بېرەي، تاختا قوياي، نوغۇچ قوياي......››بىلەن بەرگىلى ئۇنىماپتۇ ئۇ پۇلنى ،نەچچە قېتىم كىرا تۆلەپ ئاۋاتقا بېرىپتۇ رەھمەتلىك پۇلنى سۈيلەپ ، بۇ قېتىم بۇ بالىغا پۇل بەك جىددىي لازىم بولۇپ قېلىپ،بىر ئاغىينىسىنى بىللە ئېلىپ كىرا قىلىپ ئاۋاتقا بېرىپتۇۋە پۇل ئالغۇچىنىڭ قېشىغا بېرىپ پۇلنى يەنە سۈيلەپتۇ ، پۇلنى ئالغۇچى:    -پۇل تاپقاندا بېرىمەن دېدىمغۇ؟ نېمانداق كۆزۈمگە كىرىۋالىسەن؟قېنى مېنىڭ سەندىن ‹‹پۇل ئالدىم ››دەيدىغان ھۆججىتىمنى چىقىرە،‹‹پۇل ئالمىدىم ››دېسەم،قانداق قىلالايتتىڭ؟-دەپ پۇل ئىگىسىدىن بەكراق چوڭ سۆزلەپتۇ.پۇل بەرگۈچى ‹‹يېقىن ئاغىينەم بولغاندىكىن ››دەپ ،ھۆججەت ئېلىۋالماپتىكەن،شۇنىڭ بىلەن پۇل بەرگۈچى :   -پۇلنى ئالىدىغان ۋاقتىڭدا يالۋۇرۇپ، كۈچۈكلىنىپ قىلمىغىنىڭ قالمىدى،پۇلنى ئېلىپ بولۇپلا ،چوڭ سۆزلەيسەنغۇ ‹‹مال ئىگىسىدىن ئوغرى كۈچلۈك››دېگەندەك.خۇدالىق ئالەم ماۋۇ، يالغان سۆزلىسەڭ ئۆزۈڭگە يانىدۇ،-دەپتۇ، ئۇ بىرنىمە دەپ ،بۇ بىرنىمە دەپ ئىككىسى ئۇرۇشۇپ قاپتۇ.باشقىلار ئاجرىتىپ قويۇپتۇ، ئىككىسى يەنە گەپ تالاشقىلى تۇرۇپتۇ، پۇل ئالغۇچى بەكراق ھەددىدىن ئېشىپ، ئاغىينىلىرىگە تېلىفون قىپتۇ،ئاغىينىىلرىمۇ كېلىپلا ئىشنىڭ ئاق -قارىسىنى سۈرۈشتۈرمەيلا پۇل بەرگۈچى بىلەن بىرگە بارغان ئىككەيلەننى ئۇرۇپ كېتىپتۇ،پۇل بېرىپ تۇرۇپ،يەنە ھارام تاياق يەۋالغىنىغا ئاچچىقى كەلگەن پۇل بەرگۈچى باشقىلارنىڭ قولدىن يۇلقۇنۇپ چىقىپلا،پۇل بېرىپ تۇرغان ھېلىقى نامەرتنى ئاستىغا بېسىۋېىلپ ئۇرغىلى باشلاپتۇ،قالغانلار ئۇنى تارتىپ ئورنىدىن تۇرغۇزۇپ بولغۇچە ئارىلىقتا ،ھېلىقى پۇل ئالغان مۇناپىق يېنىدىن پىچىقىنى ئېلىپلا ،پۇل بەرگۈچىگە تىقىۋېتىپتۇ، دوختۇرخانىغا ئاپىرىپ بولغۇچە ،قۇتقۇزۇش ئۈنۈم بەرمەي بىچارە بالا ئۆلۈپ كېتىپتۇ .ياخشىلىق قىلىپ پۇل بېرىپ تۇرۇپ، ئاخىرىدا پۇلىنى ئېلىش ئۇياقتا تۇرسۇن، پۇل بېرىپ تۇرغان شۇ مۇناپىق ئاغىينىسىنىڭ قولى بىلەن ئۆلۈپ كېتىپتۇ مانا ،‹‹ئاش بەرگەنگە مۇش بېرىپتۇ››دېگەن شۇ -دە.....-دەپ ئېچىنىشلىق ئۇھ تارتىپ ئۇلۇغ -كىچىك تىندى  خوشنام.بۇ گەپلەرنى ئاڭلاپ ئىچىم ئاچچىققا تولۇپ، ھېلىقى پۇل ئالغۇچىنى ئىچىمدە نەچچىنى تىللىۋەتتىم.بىچارە ئۆلۈپ كەتكۈچىگە شۇنداق ئىچىم ئاغرىپ كەتتى،‹‹ پۇل يوق ›› دەپلا بېرىپ تۇرمىغان بولسا  شۇ پۇلنى ،بۇ كۈنمۇ بولمايدىكەندۇق ،دەپ ئۆزەمچە ئېچىندىم.    پۇلنى ئېلىڭ بىر، ‹‹پۇلۇمنى بېرىۋەتكەن بولساڭ ››دەپ ئالدىغا بارسا، ئۆلتۈرۈپ قويۇڭ بىر......شۇمۇ ئىنسان قىلىدىغان ئىشمۇ؟....    بىرنەچچە ئاينىڭ ئالدىدا بىر ساۋاقدىشىم شۇنداق قاخشاپ ئولتۇرىتى،ئو ساۋاقدىشىممۇ بىرئ اغىينىسى يالۋۇرۇپ كەلسە، 5000يۈئەننى بېرىپ تۇرۇپتۇ، ئىككى يىل ئۆتۈپتۇ، ئۇ پۇلنى بەرمەپتۇ،بىرنەچچە قېتىم سۈيلەپ بېقىپتۇ، بىر قېتىم يەنە شۇ پۇلنى سۈيلەپ تېلىفون قىىلشىغا، ئۇ ئاغىينىسى تېلېفوننى ئېرىگە تۇتقۇزۇپ قويۇپتۇ، ئېرى ساۋاقدىشىمنى ئېغىزغا ئالغۇسىز شۇنداق رەسۋا تىللاربىلەن تىللاپ تويغۇزىۋېتىپتۇ، ساۋاقدىشىم بۇ ئەرنىڭ ئاغزىدىن چىققان رەسۋا تىللارنىڭ دەستىدىن نېمە دېيىشنى بىلمەي،خاپىلىقلىرىنى كۆز يېشىدىن چىقىرىپتۇ.ساۋاقدىشىم تېلىفوندا سۆزلىشىۋاتقاندا ئېرىمۇ يېنىدا بار ئىكەندۇق،ئېرى:   -‹‹ ۋاي ئادىچىم ئۇنداق قىينىلىپ قاپتۇ يەي،بۇنداق قىينىلىپ قاپتۇ يەي››دەيسەن، مانا ئوبدان بولدىمۇ؟- دەپ تاپا -تەنە قىپتۇ.   جاھاندا شۇنداق كىشىلەرمۇ باركى ،بېشىغا كۈن چۈشكەندا، ھاجىتىنى راۋا قىلىدىغان كىشىنىڭ ئالدىغا بېرىپ كۈچۈكلىنىپ، يالۋۇرۇپ قىلمىغانلىرى قالمايدۇ، بولۇپمۇ پۇل سوراشقا كەلگەندە ئاغزىدىن تاتلىق گەپ دېگەننى ياغدۇرىۋېتىدۇ، ھاجىتىدىن چىقىپلا بولدىڭىزمۇ ،بولدى ،ئىككى قولىنى كۈيىگە مىلەپلا ،يۈزىگە سۇۋايدۇ.....   مېنىڭ مۇشۇنداق ۋاپاغا جاپا قىلىدىغان،نامەرت كىشىلەرگە شۇنى دېگۈم كېلىۋاتىدۇ‹‹ ئەي ئىنسانلار ، نومۇس دېگەن نەرسىمۇ بولسۇن سىلەردە، كىشىلەردىكى مېھرى -مۇھاببەت ،كۆيۈنۈش، ئىنسانپەرۋەرلىك، ئادىمىيلىك يەتكۈزىدىغان يۈرىكىگە دەز كەتكۈزمەڭلار،كىشىلەر سىلەرگە ئوخشاش ‹‹ئاش بەرگەنگە مۇش بېرىدىغان››‹‹ ۋاپاغا جاپا قىلدىغان ›› ئادىمىيلىك خىسلەتتىن مەھرۇم كىشىلەرنىڭ دەستىدىن بىر -بىرىگە گۇمانىي كۆزدە قاراپ، ياخشىلىق قىلدىغان،ساخاۋەت تۆكىلىدىغان  قوللىرىنى يانچۇقىغا، مېھرى -مۇھاببەتلىك، كۆيۈمچان يۈرىكىنى قەلبىنىڭ چوڭقۇر يېرىگە بېكىتىۋالمىسۇن......   ئاش بەرگەنگە مۇش بەرمەي،ئاش بەرگەنگە ھېچ بولمىسا سوغۇق سۇ بولسىمۇ بېرىشنى ئۇنتۇپ قالماڭلار،...  مەنبە : ئاڭلىغانلىرىم

دىلسىرى

	توۋا بۇرۇن بىر ئادەممۇ بىز دىن 10000يۇۋەن پۇل سوراپ  بەرمەي دادام ،سوتتقا ئىككى يىل قاتىراپ بەك تەستە پۇلىنى قايتۇرۇپ ئالدۇق ......... ھازىر جاھاندا ئىشەنگىلى بۇلىدىغان نەرسە ئاز قالدى زادى. [s:20]  [s:4]

kugul

	ھازىرقى كىشلەردە ۋاپا-ئىنساپ يوق دىيەرلىك.

zapar

	ماتېما قايتا يوللاندىمۇ؟

مەلىكە

	ۋاي توۋا...راستلا ھازىر خەققە ياخشىلىق قىلىدىغان زامان ئەمەس جۇمۇ؟ [s:24]

Xarminaz

	مال ئىگىسىدىن ئوغرى كۈچلۈك دېگەن شۇ- دە...... [s:18]

zulpukar

	ھازىرقى زاماندا   بۇنداق ئىشلارنى نۇرمال ئىش دىسە بۇلامىكىن  [s:10]

tohrah

	ھازىرقى زاماندا   بۇنداق ئىشلارنى نۇرمال ئىش دىسە بۇلامىكىن   -----بۇ يازمىنىڭ ئەسلى مەنبەسى:مىسرانىم مۇنبىرى ,تەپسىلىي ئادىرسى:https://uyghur-archive.com/misranim/viewthread.php?tid=3236----- توغرا ئىيتىسىز  كىشلەر شۇنداق بولۇپ قالدى

بأرة

	مەنمۇ يېقىن ئاغىينەمگە1500يۈئەن بىرىپ 2يىل بولدى ھازىرغىچە ئالالماي يۈرىمەن!