نىكاھلىنىش مۆجىزىسى

aysiman

	نىكاھلىنىش مۆجىزىسى اﷲ تائالا مۇنداق دەيدۇ:«ئاياللار بىلەن ئۇنسى - ئۈلپەت ئېلىشىڭلار ئۈچۈن )اﷲ نىڭ) ئۇلارنى سىلەرنىڭ ئۆز تىپىڭلاردىن ياراتقانلىقى، ئاراڭلاردا) يەنى ئەر - خوتۇن ئارىسىدا) مېھر - مۇھەببەت ئورناتقانلىقى اﷲ نىڭ )كامالى قۇدرىتىنى كۆرسىتىدىغان) ئالامەتلىرىدىندۇر، پىكىر يۈرگۈزىدىغان قەۋم ئۈچۈن، شەك  -  شۈبھىسىزكى، بۇنىڭدا نۇرغۇن ئىبرەتلەر بار»﴿سۈرە رۇم - 21﴾    ھەقىقەتەن بۇ، پىكىر يۈرگۈزۈشگە ئەرزىيدىغان  بۈيۈك ئايەتتۇر. شۇنىڭ ئۈچۈن بۇ ئايەت كەرىم  اﷲ تائالانىڭ: « پىكىر يۈرگۈزىدىغان قەۋم ئۈچۈن، شەك  - شۈبھىسىزكى، بۇنىڭدا نۇرغۇن ئىبرەتلەر بار» دېگەن سۆزى بىلەن تاماملانغان.    « اﷲ نىڭ )كامالى قۇدرىتىنى كۆرسىتىدىغان) ئالامەتلىرىدىندۇر» دېگەن ئايەت كەرىمنى ئاڭلىغان ۋاقتىمىزدا چوقۇمكى بۇ يەردە بىر مۆجىزىنىڭ بارلىقىغا دىققەت قىلىشىمىز لازىم.    اﷲ تائالانىڭ بۇ ئايەت كەرىمدە بەندىلىرىگە سۆزلەپ بېرىدىغان مۆجىزىسى بولسا \"نىكاھلىنىش مۆجىزىسى\" دۇر.    اﷲ تائالانىڭ ئەر - خوتۇنلاردا ئامانەت قىلغان سىرلارنىڭ نېمە ئىكەنلىكى، ئەر - خوتۇنلار ئوتتۇرسىدا قانداق ئۇنسى - ئۈلپەتلەرنىڭ بارلىقى ھەققىدە ئەتراپلىق پىكىر يۈرگۈزگىنىمىزدە بۇ ئايەت كەرىمنىڭ ئارقىسىدا نۈرغۇنلىغان ئىلمىي مۆجىزىلەرنىڭ يوشۇرۇنغانلىقىنى تونۇپ يېتىمىز. اﷲ تائالا نىڭ: «(بۇ ئىش) ئۇلارنىڭ (اﷲ غا بولغان) ئىمانىنى ۋە (اﷲ نىڭ بۇيرۇقلىرىغا بولغان) بويسۇنۇشىنى تېخىمۇ كۈچەيتتى»﴿سۈرە ئەھزاب 22﴾ دېگىنىگە ئوخشاش، بۇ ئايەت كەرىمنىڭ اﷲ تائالاغا بولغان ئىمانىمىزنى ۋە ئۇنىڭ بۇيرۇقلىرىغا بولغان بويسۇنۇشىمىزنى تېخىمۇ كۈچەيتشى ئۈچۈن، بۇ ئايەت كەرىمنى يۈزەكى ئوقۇپ ئۈتۈپ كەتمەستىن بەلكى بۇ ئايەت كەرىم ئۈستىدە توختولۇپ، ئەتراپلىق پىكىر يۈرگۈزۈشىمىز لازىم.      ئەر - خوتۇنلار ئوتتۇرسىدا قانداق ئۇنسى - ئۈلپەتلەر بار؟    پىسخولۇگىيە ساھەسىدىكى تەتقىقاتچىلار ئەر ئۈچۈن ھالال بىر خوتۇننىڭ بولىشىنى تەكىتلەپ، ئەرنىڭ يەنىدا خوتۇننىڭ مەۋجۇت بولۇپ تورىشى ئەر كىشىدە بىئاراملىق، چۈشكۈنلۈك، توراقسىزلىق قاتارلىقلار ئىللەتلەرنى ئازايتىدىغانلىقىنى ئوتتۇرىغا قويغان. ئىلمىي تەكشۈرۈش نەتىجىسى، سەپەرگە چىققاندا ئەرلەرنىڭ يېنىدا ھالال خوتۇنلىرىنىڭ مەۋجۇت بولىشىنىڭ ئەرلەردە يۈرەك سانچىقى قاتارلىق كېسەللەرنىڭ پەيدا بولىشىنى ئازايتىدىغانلىقىنى ئىسپاتلىدى.    تەكشۈرۈش نەتىجىلىرى يەنە ئۆيلەنمىگەنلەرگە  قارىغاندا  ئۆيلەنگەن ئەرلەردە پىكىرنى بىر يەرگە مەركەزلەشتۈرۈش، ئىجادىيەت ۋە ئىلمىي نەتىجىلىرىنىڭ كۆپ بولىدىغانلىقىنى، شونىڭدەك ئېرى يوق خوتۇنلارغا قارىغاندا ئېرى بار خوتۇنلارنىڭ توھپىسىنىڭ كۆپ بولىدىغانلىقىنى ئىسپاتلىدى. تەرەققى قىلغان دۆلەتلەردە ئائىلە ئىناقسىزلىقى، ئائىلە جېدەل - ماجراسى، ئائىلە زوراۋانلىقلىرىنىڭ كۆپ يۈز بېرىۋاتقانلىقىنى كۆرىۋاتىمىز. تەتقىقاتچىلار بۇ ئىشلارنىڭ كۆپىنچىسىنىڭ نىكاھسىزلىقنىڭ نەتىجىسى ئىكەنلىكىنى، بۇنداق تۇرمۇشتا مېھر – مۇھەببەت، ئىناقلىق، مۇقىملىق بولمايدىغانلىقىنى تەكىتلىمەكتە.      ئىلمىي نەتىجە ۋە ئىجادىيەت قۇدرىتى    كانساس ئونۋېرسىتېتى ئالىملىرىنىڭ 2006 – يىلى نويابىردا ئېلىپ بارغان تەتقىقات نەتىجىسى بويتاق ئالىمغا قارىغاندا ئايالى بار ئالىمنىڭ ئىلمىي نەتىجە ۋە ئىجادىيەت قۇدرىتىنىڭ يوقۇرى بولىدىغانلىقىنى لېكىن بۇ نەتىجە، ياتلىق بولغان ئاياللار ئائىلە ئىشلىرى ۋە بالىلىرىنى تەربىلەش ئىشلىرى بىلەن مەشغۇل بولغانلىقتىن ئۇلارنىڭ ئىلمىي نەتىجە ۋە ئىجادىيەت قۇدرىتىنىڭ بىر ئاز تۆۋەن بولىدىغانلىقىنى تەكىتلىدى. بۇنىڭدىن ياتلىق بولغان ئاياللارنىڭ تۆھپىسى ئائىلە ئىشلىرى ۋە بالىلىرىنى تەربىيىلەش ئىشلىرىغا قارىتىلغانلىقىنى، بۇنىڭ ئەر – خوتۇنلارنىڭ بەخىتلىك تۈرمۇش كەچۈرۈشى ئۈچۈن اﷲ تائالانىڭ ئۇلارغا ئاتا قىلغان نىئمەتلىرىدىن ئىكەنلىكىنى بىلىۋالالايمىز. ئالىملار ئۆيلەنگەنلەرگە قارىغاندا بويتاق ئەرلەرنىڭ يۈرەك سانچىقى ۋە ھەر خىل روھىي كىسەللىرىگە كۆپرەك مۇپتىلا بولىدىغانلىقىنى تەكىتلىدى.       چىرايلىق سۆزنىڭ تەسىرى    چىرايلىق سۆز سەدەقەدۇر. پەيغەمبەر ئەلەيھىسسالام  بىزگە مانا مۇشۇنداق خەۋەر بەرگەن. ناتونۇش بىر كىشىگە چىرايلىق سۆز قىلىش مۇشۇنداق بولسا ئەر - خوتۇنلارنىڭ بىر - بىرىگە  چىرايلىق سۆز قىلىشىنىڭ ئەجرى، اﷲ تائالانىڭ ھوزۇردىكى ساۋابى، بىر - بىرىگە بولغان تەسىرى قانداق بولار؟ تەتقىقاتچى ئالىملار ئەر - خوتۇنلار ئوتتۇرىسىدىكى چىرايلىق، شىرىن، كۈيۈش ۋە كۈيۈنۈش سۆزلىرىنىڭ ھەر ئىككى تەرەپكە ئالاھىدە تەسىرى بولىدىغانلىقىنى، ئەر - خوتۇنلار ئوتتۇرىسىدىكى كۆڭۈلسىزلىكلەرنى ئازايتىشتا ئالاھىدە رول ئوينايدىغانلىقىنى تەكىتلىمەكتە.    بىر زامانلاردا گېزىتلەردە دوختۇرلار تىببىي ساھەدە كۆرۈلگەن  مۆجىزە  دەپ قارىغان مۇنداق بىر خەۋەر نەشرى قىلىنغان ئىدى: بىر ئايال ھوشسىزلىنىش كېسىلىگە گىرىپتار بولغان بولۇپ، ئۇنىڭ ھۆشسىزلىقى بىر قانچە ئايغا سوزۇلۇپ كەتكەنئىدى، لېكىن ئۇ خوتۇننىڭ ئىرى ھەر كۈنى دېگىدەك ئۇنىڭ يېنىدا ئولتۇرۇپ، چىرايلىق، شىرىن سۆزلەرنى قىلاتتى، ئۇ ئايالنى چىن قەلبىدىن ياخشى كۆرىدىغانلىقىنى تەكىتلەيتتى، ھوشسىز ياتقان خوتۇنغا سۆز قىلىپ ئولتۇرغان بۇ ئەرنى كۆرگەن دوختۇرلار بۇ ئەرنى مەسخىرە قىلىشىپ كۈلىشەتتى لېكىن بۇ ئەر ئۇلارغا چىرايلىق سۆزلەرنىڭ چوقۇم ئۈنۈمى بولىدىغانلىقىنى تەكىتلەيتى.    ھوشسىز ياتقان بۇ ئايال بىر كۈنى ئۇشتۇمتۇت ھوشىغا كېلىپ ھەممەيلەننى ھەيران قالدۇردى. بۇ ئايال بىر قانچە يىل ھوشىغا كېلەلمەسلىكى مۇمكىن دەپ قارىغان دوختۇرلار تىببىي ۋاسىتىلەر ئاجىز كەلگەن بۇ كېسەلنى داۋالاشتا چىرايلىق سۆزنىڭ ئالاھىدە تەسىرى بولغانلىقىنى تەكىتلىدى.    ھۆرمەتلىك قېرىنداشلار! بۇنىڭدىن پەيغەمبەر ئەلەيھىسسالامنىڭ ئەڭ ئاخىرقى ۋەسىيىتىنىڭ ئاياللارغا ياخشى مۇئامىلىدە بولۇش ھەققىدە بولغانلىقىنىڭ سىرىنى تونۇپ يەتسەك كېرەك. پەيغەمبەر ئەلەيھىسسالامدىنمۇ ئۇلۇغ بىر شەخىس بارمۇ؟ غەرب ئالىملىرى بۇ ھەقىقەتنى بىلگە ن بولسا نېمىدېگەن ياخشى بولاتتى ! چۈنكى ئۇلار ئائىلە ئىناقسىزلىقى، ئائىلە جېدەل - ماجراسى، ئائىلە زوراۋانلىقى كىرزىسلىرىنى ھەل قىلىش ئۈچۈن مىليونلىغان دوللار سەرپ قىلغان بولسىمۇ بۇنىڭ ھېچقانداق نەتىجىسى بولمايۋاتىدۇ. پەيغەمبەر ئەلەيھىسسالامنىڭ ئاياللار مەسىلىسىگە  نېمە ئۈچۈن ئالاھىدە ئەھمىيەت بەرگەنلىكىنى ئەمدى چۈشەنگەنسىلەر.   پەيغەمبەر ئەلەيھىسسالامنىڭ مۇبارەك ۋەسىيىتىدىن يىراقلاشقانلىقنىڭ خەتىرىنى تونۇپ يېتىشىمىز ئۈچۈن تۆۋەندىكى ئابزاسلارغا  دىققەت – ئىتىبترىمىزنى بېرەيلى:      ئەر – خوتۇنلار  اﷲ نىڭ پىترىتىدىن، دىنىدىن يىراقلىشىپ كەتكەندە قانداق ئىشلار يۈز بېرىدۇ؟    اﷲ تائالا ئەر - خوتۇنلار ئوتتۇرىسىدا ھەر ئىككى تەرەپنىڭ قەلبى تەسكىن تېپىشىغا، ئۇلپەتلىنىشىغا بۇنىڭ بىلەن ئەر - خوتۇنلار ئوتتۇرىسىدا مېھر - مۇھەببەتنىڭ تېخىمۇ زىيادە بولىشىغا تۈرتكە بولىدىغان ھېس - تويغىلارنى ئامانەت قىلغان. لېكىن بۇ يەردە اﷲ تائالانىڭ ئۇلارغا ئاتا قىلغان ئەر -خوتۇنلۇق  نىئمىتىنى قەدرلىمەيدىغان، ئۇنىڭ ئەمرى - پەرمانلىرىغا ئاسىلىق قىلىدىغان، اﷲ تائالانىڭ دىنىدىن يىراقلىشىپ كەتكەن نۇرغۇن ئەر - خوتۇنلار بار بولۇپ، تۆۋەندە بۇنىڭ ئاقىۋىتىنىڭ قانداق بولىدىغانلىقى ئۈستىدە قىسقىچە توختىلىپ ئۆتىمىز.    رەسمى ستاتىستىكىلىق مەلۇمات، ئامېرىكا قوشما شىتاتلىرىدا ھەر 15 سىكىنۇتتا مەلۇم بىر ئائىلىدە  بىر ئايالغا زوراۋانلىق قىلىش ھادىسىسى يۈز بېرىدىغانلىقىنى ئىسپاتلىدى.    1992 - يىلى ئېلىپ بېرىلغان تەكشۈرۈش نەتىجىسى، ياۋرۇپا ئاياللىرىنىڭ 25% نىڭ ئاز دېگەن ھاياتىدا بىر قېتىم  زوراۋانلىققا ئوچرايدىغانلىقىنى بايان قىلغان. (Council of Europe 1992).    1998- يىلى ئېلىپ بېرىلغان تەكشۈرۈش نەتىجىسى، ئامېرىكىدا بىر يىلدا بىر يېرىم مىليۇندىن كۆپرەك ئائىلىدە جېدەل - ماجرا، زوراۋانلىق ھادىسىسى يۈز بېرىدىغانلىقىنى، ئۇنىڭ ئىچىدە 1830 ھادىسىنىڭ ئايال تەرەپنى ئۆلتۈرۈۋېتىش بىلەن ئاخىرلىشىدىغانلىقىنى بىلدۈرگەن.  (بىر دۆلەتتە بىر يىل ئىچىدە يۈز بەرگەن ھادىسە مۇشۇ بولسا، بىر قانچە دۆلەتتە ئون يىل ئىچىدە قانچىلىك ھادىسە يۈز بىرەر).    ئەر - خوتۇنلار ئوتتۇرىسىدا يۈز بىرىۋاتقان جېدەل - ماجرا، زوراۋانلىق ھادىسىلىرىنى بىر تەرەپ قىلش جەمئىيەتلىرىنىڭ كۈپىيىشىگە ئەگىشىپ بۇ ھادىسىلەرنىڭ تېخىمۇ كۈپىيىۋاتقانلىقى ئادەمنى ھەيران قالدۇرىدۇ.    ئىنتېرنېت تورلىرىنىڭ بىرىدىن  (Statistics of Battered Women, www.asafeplaceforhelp.org)  تۆۋەندىكىدەك ستاتىستىكىلىق يېڭى مەلۇماتلارنى ئالدۇق، بۇ ئامېرىكا قوشما شىتاتلىرىدىكى ئاياللارغىلا خاستۇر:    - ئامېرىكىدا ھەر 9 سىكىنۇتتا بىر ئايال ئىرى تەرىپىدىن تاياق بىلەن زوراۋانلىققا ئۇچرايدۇ.    - ئامېرىكىدا  ئىرى تەرىپىدىن تاياق بىلەن زوراۋانلىققا ئۇچرايدىغان ئاياللار 7% گە، ئىرى تەرىپىدىن تىل - ھاقارەت بىلەن زوراۋانلىققا ئۇچرايدىغان ئاياللار 37%گە يېتىدۇ.    - زوراۋانلىققا ئۇچرىغان ھامىلدار ئاياللار 26% گە يېتىدۇ.    ستاتىستىكىلىق مەلۇمات، ئاياللارغا قارشى ئېلىپ بېرىلغان زوراۋانلىق ۋە ئۆلتۈرۈۋېتىش جىنايەتلىرىنىڭ كۆپ ساندىكىرىلىرىنىڭ قانۇنسىز (نىكاھسىز) ئەرلىرى تەرىپىدىن يۈز بېرىدىغانلىقىنى تەكىتلىدى.       اﷲ تائالانىڭ پىترىتىدىن، دىنىدىن يىراقلىشىپ كەتكەن كىشىلەرنىڭ ئاقىۋىتى نېمىدېگەن يامان!    اﷲ تائالا مۇنداق دەيدۇ:    «باتىل دىنلاردىن بۇرۇلۇپ ئىسلام دىنىغا يۈزلەنگىن،اﷲ نىڭ دىنىغا )ئەگەشكىنكى) اﷲ ئىنسانلارنى شۇ دىن بىلەن ياراتقان، اﷲ نىڭ ياراتقىنىدا ئۆزگىرىش بولمايدۇ، بۇ توغرا دىندۇر، لېكىن ئىنسانلارنىڭ تولىسى بونى بىلمەيدۇ».﴿سۈرە روم 30- ئايەت﴾.    بۇنداق ئىشلارنىڭ كۆپىنچىسى اﷲ تاتالاغا، ئاخىرەت كۈنىگە ئىمان كەلتۈرمىگەنلىكنىڭ نەتىجىسىدۇر.    ئالىملار ئاياللاردىكى ئەڭ شىرىن تويغىنىڭ ئەرلىرىنىڭ نەزىرىدىكى قەدرى  قىممىتىنى ھېس قىلىش تويغۇسى ئىكەنلىكىنى تەكىتلىمەكتە.    بۇ تۇيغۇ ئاياللارنىڭ كۆڭلىنى توختوتۇشقا ، روھى ھالىتىنىڭ تېتىك، ساغلام بولىشىغا ئالاھىدە ياردەم بىرسىدۇ. بۇنىڭدىن پەيغەمبەر ئەلەيھىسسالامنىڭ: \"ئاياللارغا ياخشى مۇئامىلە  قىلىڭلار\" دېگەن مۇبارەك ۋەسىيىتىنىڭ ئەھمىيىتىنى تونۇپ يېتىمىز.    غەرب دۆلەتلىرىدە (شەھۋەتپەرەسلەرنىڭ ئالدامىغا چۈشكەنلىكىنى، نەتىجىدە ئۆزلىرىنىڭ ئۇ بۆرىلەرنىڭ  قۇربانغا ئايلىنىپ قالغانلىقىنى سەزمىگەن) كۆپلىگەن قىز - يىگىتلەرنىڭ نىكاھلىنىپ ھالال تۇرمۇش قورۇشتىن قېچىۋاتقانلىقىنى، ئوخشاش جىنسىلىقلار (يەنى ئايال بىلەن ئايال، ئەر بىلەن ئەر ) نىڭ نىكاھلانغان ئەر - خوتۇنلاردەك بىرگە ياشاۋاتقانلىقىنى كۆرىۋاتىمىز ياكى شۇنداق خەۋەرلەرنى ئاڭلاۋاتىمىز. ستاتىستىكىلىق مەلۇماتلار، ئوخشاش جىنسىلىقلار (يەنى ئايال بىلەن ئايال، ئەر بىلەن ئەر ) نىڭ نىكاھلانغان ئەر - خوتۇنلاردەك بىرگە ياشىغۇچىلارنىڭ ئوتتۇرسىدا  جېدەل – ماجرا، زوراۋانلىق ھادىسىلىرىنىڭ تەبىئىي ئەر – خوتۇنلارغا قارىغاندا نەچچە ھەسسە كۆپ يۈز بېرىدىغانلىقىنى، بۇنداقلارنىڭ ئالاقىسىنىڭ 2، 3 يىلدىن ئوشۇق داۋاملاشمايدىغانلىقىنى تەكىتلىمەكتە. مانا بۇ، اﷲ تائالانىڭ پىترىتىگە، دىنىگە خىلاپ بولغان ھەرقانداق ئىشلارنىڭ ئوزۇن داۋاملىشالمايدىغانلىقىنىڭ ۋە ئۇنىڭ ھېچقانداق مېۋە بەرمەيدىغانلىقىنىڭ دەلىلىدۇر.      ئەيدىز كېسىلى اﷲ تائالانىڭ پىترىتىدىن يىراق بولغانلىقنىڭ نەتىجىسىدىندۇر.    زىنا - پاھىشىلەرنىڭ كۆپىيىشى ، ئەيدىزغا ئوخشاش داۋالاش ئۈنۈم بەرمەيدىغان خەتەرلىك كېسەللەرگە سەۋەپ بولىۋاتقانلىقى بۈگۈنكى كۈندە ھېچكىمگە سىر بولمىسا كېرەك. بۇ كېسەلنى داۋالاش ئۈچۈن نەچچە ئون مىليۇن دوللار سەرپ قىلىنۋاتقان بولسىمۇ لېكىن بۇ كېسەلنىڭ كېڭىيىش نىسپىتىنىڭ تىزلىكى ئادەمنى چۇچىتىدۇ.    بۇ كېسەلنىڭ زىينىغا ئەڭ كۆپ ئۇچرىغان قىتئە ئافرىقا قىتئەسى ھېسابلىنىدۇ. كالفورىنا ئونۋېرسىتېتىدىن دوكتۇر جىس چىن مۇنداق دەيدۇ: بۇ كېسەل ئافرىقا قىتئەسىدە ئادەمنى چۆچۈتىدىغان دەرىجىدە تارقالماقتا، بۇ يەردە ئەيدىز ۋىرۇسىغا يولۇققان 350 مىليون شەخىس بار، بۇ كېسەلنىڭ سەۋەبىدىن يىلىغا ئىككى مىليۇن ئادەم ھاياتىدىن ئايرىلماقتا.    جەنۇبى ئافرىقىدا  ئەيدىز ۋىرۇسىغا يولۇققان شەخىسلەر 20%  نى تەشكىل قىلىدۇ.    ستاتىستىكىلىق مەلۇماتلارغا كۆرە، ئەيدىز كېسىلى 2002- يىلدىن 2020- يىلىغىچىلىك دۇنيادا 68 مىليۇن كىشىنىڭ جېنىغا زامىن بولىدىغانلىقى مۆلچەرلەنمەكتە.    ب د ت بۇ كېسەلنى داۋالاش ئۈچۈن ھەر يىلى 10 مىليۇن دوللار سەرپ قىلىنىشقا  مۇھتاج ئىكەنلىكىنى تەكىتلىمەكتە.    ب د ت دۇنيادا ھەر كۈنى 14 مىڭ شەخىس ئەيدىز كېسىلىگە گىرىپتار بولىۋاتقانلىقىنى، بۇنىڭ يېرىمى ئاياللار ئىكەنلىكىنى خەۋەر قىلماقتا. ھەر كۈنى 14 مىڭ شەخىسنىڭ ئەيدىز كېسىلىگە گىرىپتار بولىۋاتقانلىقى ھەققىدىكى بۇ خەۋەر نېمىدېگەن قورقۇنۇچلۇق خەۋەر- ھە!  2008 - يىلىدىكى  ئەيدىز كېسىلىنى داۋالاشقا  سەرپ قىلىنىدىغان دوللار   22 مىليۇن دوللارگە يېتىدۇ.    ئەيدىز كېسىلى 1980- يىلىدىن 2005- يىلىغىچىلىك ئەر، ئايال، كىچىك بالىلاردىن بولۇپ، 27 مىليوندىن كۆپرەك كىشىنىڭ جېنىغا زامىن بولدى، ئەيدىز ۋىرۇسىغا  يولۇققان يەنە 40 مىليون شەخىس ئۆلۈم نۆۋىتىنى كۈتۈپ ياتماقتا.    تەتقىقاتچىلار بۇ كېسەلنىڭ ئاساسلىق سەۋەبى تۈرلۈك زىنا - پاھىشە، پەچچىۋازلىق ۋە زەھەرلىك چىكىملىكلەر ئىكەنلىكىنى تەكىتلىمەكتە. بۇلارنىڭ ھەممىسى اﷲ تائالا ھارام قىلغان ئىشلار بولۇپ، اﷲ تائالانىڭ پىترىتىدىن يىراقلاشقان كىشىلەرنىڭ ئاقىۋىتىنىڭ قانداق بولىدىغانلىقى ھەققىدە ھەممەيلەننىڭ ئەتراپلىق پىكىر يۈرگۈزىشىمىزنى تەلەپ قىلىدۇ.    مۆمىنلەرگە  قارىتىلغان بۇ ئىلاھىي چاقرىق ئۈستىدە پىكىر يۈرگۈزەيلى:    «مۆمىن ئەرلەرگە ئېيتقىنكى، (نامەھرەملەرگە) تىكىلىپ قارىمىسۇن، ئەۋرەتلىرىنى (زىنادىن) ساقلىسۇن، مۇنداق قىلىش ئۇلار ئۈچۈن ئەڭ ياخشىدۇر، اﷲ ھەقىقەتەن ئۇلارنىڭ قىلمىشلىرىدىن تولۇق خەۋەرداردۇر».﴿سۈرە نور30- ئايەت﴾     ئنىسانلار بۇ ئىلاھىي پەرماننى ھەقىقى ئىجرا قىلسا ئىدى يۇقۇرىدىكى ستاتىستىكىلىق مەلۇماتلاردا ئىشارەت قىلىنغىنىدەك، بۇ كېسەلنىڭ ئېچىنىشلىق قۇربانغا ئايلىنىپ قالمىغان بولاتتى، ئەلۋەتتە!.      نىكاھسىز ۋۇجۇتقا كەلگەن ئەۋلاتلار    ئەنگىلىيىدە نىكاھسىز توغۇلغان ئەۋلاتلارنىڭ نىسبىتى 12% بولۇپ، 2004- يىلى بىراقلا 42% گە يەتكەن. (Office for National Statistics).    ئامېرىكا قوشما شىتاتلىرىدا نىكاھسىز توغۇلغان ئەۋلاتلارنىڭ نىسبىتى2004- يىلى 37% گە يەتكەن. غەرب ئەللىرىدە بۇ ئەھۋالنىڭ ئەر - ئاياللار تەرىپىدىن ئورتاق قوبۇل قىلىنىشى ئادەمنى ھەيران قالدورىدۇ.       ياۋرۇپا ئەللىرىدە نىكاھسىز توغۇلغان ئەۋلاتلارنىڭ نىسبىتى 33% گە يېتىدۇ. (the annual ONS Social Trends report).    نىكاھلسىز ئاياللار بىلەن بىرگە ياشايدىغان ئەرلەرنىڭ نىسبىتى 24% گە، نىكاھسىز ئەرلەر بىلەن بىرگە ياشايدىغان ئاياللارنىڭ نىسبىتى 25% گە يېتىدۇ. (ONS, 2004).       بەزى ياۋرۇپا دۆلەتلىرىدىكى نىكاھسىز توغۇلغان ئەۋلاتلارنىڭ نىسبىتىنى كۆرسۈتۈپ بېرىدىغان جەدۋەلدۇر. مەسلەن 2004 يىلى نىكاھسىز توغۇلغان ئەۋلاتلارنىڭ نىسبىتى ئىسپانىيىدە 22% گە، سۇۋەيدتا 55%گە يەتكەن. مانا بۇ غەرب ھازارىتىنىڭ مۇنقەرىز لىكىىنىڭ ئىشارىتىدۇر! (المرجى BBC).      باسقۇنچىلىق ھادىسىلىرى نىكاھتىن  يۈز ئۆرىگەنلىكنىڭ نەتىجىسىدىندۇر    ھۆرمەتلىك قېرىنداشلار! دۇنيادىكى ئەڭ تەرەققى قىلغان بىر دۆلەتتە ھەر ئىككى يېرىم مىنۇتتا بىر ئايالنىڭ باسقۇنچىلىق ھادىسىسىگە ئۇچرايدىغالىقىنى ئاڭلىغىنىڭىزدا ھەيران قېلىشىڭىز مۇمكىن. ستاتىستىكىلىق مەلۇماتلارغا كۆرە، ئامېرىكىدا كۈنىگە  ھەر 6 ئايال ئىچىدىن 1 ئايال، بىر يىلدا 200000 ئايال باسقۇنچىلىققا ئۇچرايدۇ. بۇ ستاتىستىكىلىق رەسمى مەلۇماتتۇر. ئەمما مەلۇم قىلىنمىغان باسقۇنچىلىق ھادىسلىرى بۇنىڭدىن نەچچە ھەسسە كۆپتۇر.    غەربتىكى كۆپلىگەن دۆلەتلەر باسقۇنچىلىق ھادىسلىرىنى يەتكۈزۈشكە ئىشلىتىلىدىغان مەخسۇس تىلپونلارنى ئورۇنلاشتۇرغان بولسىمۇ كۆپىنچە ھادىسلار موناسىۋەتلىك ئورگانلارغا يەتكۈزۈلمەستىن يوشۇرۇن بىر تەرەپ قىلىنغان.  باسقۇنچىلىق ھادىسىلىرىنىڭ كۆپۈشۈپ كېتىشى غەرب ئەللىرىدىكى بەزى كىشىلەرنى چوچۇتماقتا.    تەكشۈرۈش ئالىملىرى يۇ ھادىسىلەرنىڭنىڭ كۆپىنچىسىنىڭ قىزلارنىڭ يېقىن دوسلىرى ياكى يېقىن ئورۇق تۇغقانلىرى تەرىپىدىن يۈز بېرىدىغانلىقىنى تەكىتلىمەكتە. (National Crime Victimization Survey, 2005)    اﷲ تائالانىڭ زىكرىدىن يۈز ئۆرۈش، ئۇنىڭ دىنىدىن يىراقلىشىش ئىنساننى دۇنيادا تار ۋە خار تۇرمۇشقا توغرىلايدۇ، ئۇنداق ئىنسان دۇنيادا ھەرگىز بەخىتلىك بولالمايدۇ، ئاخىرەتتە بولسا ئۇنى ئازاپ كۈتۈپ تۇرىدۇ. چۈنكى ئۇ ئىنسان دۇنيادا اﷲ تائالا ھارام قىلغان نەرسىلەرگە قارىغان ۋە ئۇنىڭدىن مەنپەئەتلەنگەنئىدى، شۇنىڭ ئۈچۈن قىيامەت كۈنى اﷲ تائالا ئۇ ئىنساننى ئەما - كۆر ھالدا ھەشر قىلىدۇ. اﷲ تائالا مۇنداق دەيدۇ:    «كىمكى مېنىڭ زىكرىمدىن يۈز ئۆرۈيدىكەن،ئۇنىڭ ھاياتى تار(يەنى خاتىرجەمسىز)بولىدۇ،قىيامەت كۈنى ئۇنى بىز كور قوپۇرىمىز ».ئۇ:« ئى پەرۋەردىگارىم!نېمىشقا مېنى كور قوپۇردۇڭ،ۋاھالەنكى،(دۇنيادىكى چاغدا)مېنىڭ كۆزۈم كۆرەتتىغۇ؟ » دەيدۇ. اﷲ ئېيتىدۇ:« شۇنىڭدەك ساڭا(روشەن)ئايەتلىرىمىز كەلدى،سەن ئۇلارنى تەرك ئەتتىڭ،سەن بۈگۈن شۇنىڭغا ئوخشاش تەرك ئېتىلىسەن ». ھەددىدىن ئاشقان ۋە پەرۋەردىگارىنىڭ ئايەتلىرىگە ئىمان ئېيتمىغانلارغا شۇنىڭغا ئوخشاش جازا بېرىمىز،ئاخىرەتنىڭ ئازابى تېخىمۇ قاتتىقتۇر، تېخىمۇ باقىيدۇر». (سۈرە تاھا 124- 127)      نىكاھتىن ئاجرىشىشنىڭ خەتىرى    اﷲ تائالا بىزنى بۇ ئايەت كەرىم ئۈستىدە پىكىر يۈرگىزىشىمىزگە بۇيرىدى:«ئاياللار بىلەن ئۇنسى – ئۈلپەت ئېلىشىڭلار ئۈچۈن )اﷲ نىڭ) ئۇلارنى سىلەرنىڭ ئۆز تىپىڭلاردىن ياراتقانلىقى، ئاراڭلاردا) يەنى ئەر – خوتۇن ئارىسىدا) مېھر – مۇھەببەت ئورناتقانلىقى اﷲ نىڭ )كامالى قۇدرىتىنى كۆرسىتىدىغان) ئالامەتلىرىدىندۇر، پىكىر يۈرگۈزىدىغان قەۋم ئۈچۈن، شەك  - شۈبھىسىزكى، بۇنىڭدا نۇرغۇن ئىبرەتلەر بار»﴿سۈرە رۇم - 21﴾    بۇ ئايەت كەرىم اﷲ تائالانىڭ بىزگە ئاتا قىلغان نىئمەتلىرىنى تونىشىمىز، ئاياللىرىمىز بىلەن ئۇنسى - ئۇلپەت ئېلىشىمىز، ئەر - خوتۇنلار ئارىسىدىكى مېھر - موھەببەتنى كۆچەيتىشىمىزدىن ئىبارەت چوڭ غايە ئۈچۈن نازىل بولغان ئايەتتۇر.    پەيغەمبىرىمىزنىڭ: \" ئاياللارغا ياخشى مۇئامىلە قىلىڭلار\" دېگەن ۋەسىيىتىگە، اﷲ تائالانىڭ:« ئۇلار بىلەن چىرايلىقچە تىرىكچىلىك قىلىڭلار،ئەگەر ئۇلارنى ياقتۇرمىساڭلار (سەۋر قىلىڭلار)، چۈنكى سىلەر ياقتۇرمايدىغان بىر ئىشتا ،اﷲ كۆپ خەيرىيەتلەرنى پەيدا قىلىشى مۇمكىن                                    ». (سۈرە نىسا 19- ئيەت). دېگەن ئىلاھىي ۋەسىيىتىكە خىلاپلىق قىلساق تەسەۋۋۇر قىلغۇسىز  قورقۇنۇچلۇق، يامان ئاقىۋەتكە قالىمىز.    تەتقىقاتچى Gordon Berlin مۇنداق دەيدۇ: بەخىت - سائادەتلىك ئەر - خوتۇنلۇق ھايات بارلىق ساھەلەردە مۇۋاپىقىيەتكە ئېرىشىشنىڭ، ئالغا ئىلگىرىلەشنىڭ مۇھىم ئاساسىدۇر. تەلىم ئىشلىرىدا مەغلۇبىيەتكە ئۇچرىغان، ئوغرۇلۇق، زەھەرلىك چىكىملىك قاتارلىق يامان ئىللەتگە ئۈگۈنۈپ قالغان ئەۋلاتلارنىڭ كۆپىنچىسى ئاتا - ئانىسى نىكاھدىن ئاچرىشىپ كەتكەن ئەۋلاتلاردۇر. ئامېرىكىدا ئەر - خوتۇنلرنىڭ نىكاھدىن ئاجرىشىش نىسبىتى بەزى يىللىرى 50% گە كۆتۈرۈلمەكتە.      نىكاھلىنىشنىڭ ئاسان يولى    ئەر ياكى ئايال بولسۇن ھەممەيلەن اﷲ تائالانىڭ  ياخشى، ھالال جۇپ ئاتا قىلىشىنى ئارزۇ قىلىدۇ. لېكىن ھازىر ئوغۇل - قىزلار نىكاھلىنىش ۋاقتىنىڭ كېچىكتۈرۈلۈپ كېتىشىدىن ئىبارەت بىر كىرزىسقا دۇچ كەلمەكتە. بۇ تېما ئۈستىدە بىر قانچە يىل ئىزدىنىش ئېلىپ بېرىش، تۇرمۇشلۇق بولۇشنىڭ ئەڭ ئاسان يولى اﷲ تائالانىڭ ئىنسانلارغا تەقسىم قىلغانلىرىغا رازى بولۇش، اﷲ تائالا غا تەۋەككۇل قىلىش ئىكەنلىكىنى ئىسپاتلىدى. چۈنكى ئىسانلارنىڭ ياراتقۇچىسى اﷲ تائالا ئىنسانلار بىلمىگەن ئىشلارنى ياخشى بىلىدۇ. اﷲ تائالانىڭ ئاسانلاشتورۇپ بېرىشى ئۈچۈن ئەۋۋەل ئىنسانلار ئۆزلىرىگە ئاسانلاشتورىشى زۈرۈردۇر.    نىكاھلىنىش يولىنىڭ ئاسانلىشىشى ئۈچۈن تۆۋەندىكىگە ئوخشىغان دۇئالارنى كۆپرەك ئوقۇش لازىم:    «پەرۋەردىگارىم  مىنى يالغۇز قويمىغىن، سەن ئەڭ ياخشى ۋارىسسەن».    «ئاياللار بىلەن ئۇنسى - ئۈلپەت ئېلىشىڭلار ئۈچۈن )اﷲ نىڭ) ئۇلارنى سىلەرنىڭ ئۆز تىپىڭلاردىن ياراتقانلىقى، ئاراڭلاردا) يەنى ئەر - خوتۇن ئارىسىدا) مېھر - مۇھەببەت ئورناتقانلىقى اﷲ نىڭ )كامالى قۇدرىتىنى كۆرسىتىدىغان) ئالامەتلىرىدىندۇر، پىكىر يۈرگۈزىدىغان قەۋم ئۈچۈن، شەك  - شۈبھىسىزكى، بۇنىڭدا نۇرغۇن ئىبرەتلەر بار»﴿سۈرە رۇم - 21﴾    سۈرە پاتىھە ۋە سۈرە ئىخلاس قاتارلىقلارنى كۆپ ئوقۇش لازىم.    ھۆرمەتلىك قېرىنداشلار! بۇ مەلۇماتلار يۈزەكى ئوقۇپ قويۇش ئۈچۈن بولماستىن بەلكى نىكاھلىق بولۇشتىن ئىبارەت اﷲ تائالانىڭ كامالى قۇدرىتىنى كۆرسىتىدىغان ئالامەتلىرى ۋە اﷲ تائالانىڭ ئەر - خوتۇنلار ئوتتۇرسىدا مېھر - مۇھەببەت ئورناتقانلىقى، بۇنىڭغا پەقەت نىكاھلىنىش يولى بىلەن ئىرىشكىلى بولىدىغانلىقى ئۈستىدە پىكىر يۈرگۈزىشىمىز ئۈچۈن ۋەسىلىدۇر. بۇ ھەقتە تەتقىقات ئېلىپ بارغۇچىلار بويتاق ئەرلەرگە قارىغاندا ئۆيلەنگەن ئەرلەرنىڭ تۇرمۇشىنىڭ تولىمۇ كۆڭىللىك، بەخىتلىك بولىدىغانلىقىنى ئوتتۇرىغا قويماقتا. بۇنىڭ بىلەن اﷲ تائالانىڭ: «ئاياللار بىلەن ئۇنسى - ئۈلپەت ئېلىشىڭلار ئۈچۈن )اﷲ نىڭ) ئۇلارنى سىلەرنىڭ ئۆز تىپىڭلاردىن ياراتقانلىقى، ئەر - خوتۇن ئارىسىدا مېھر - مۇھەببەت ئورناتقانلىقى اﷲ نىڭ )كامالى قۇدرىتىنى كۆرسىتىدىغان) ئالامەتلىرىدىندۇر» دېگەن سۆزىنىڭ مەنىسىنى ھەقىقى تونۇپ يىتىمىز ۋە مۆمىنلەرنىڭ بۇ دۇئاسى بىلەن دۇئا قىلىمىز: « ئۇلار:« ئى پەرۋەردىگارىمىز!بىزگە ئاياللىرىمىز ۋە ئەۋلاتلىرىمىز ئارقىلىق شادلىق بېغىشلىشىڭنى)يەنى بىزگە ساڭا ئىتائەتمەن پەرزەنت ئاتا قىلىشىڭنى)تىلەيمىز،بىزنى تەقۋادارلارنىڭ پېشىۋاسى)يەنى تەقۋادارلارنىڭ نەمۇنىسى،ياخشىلىققا دەۋەت قىلغۇچى)قىلغىن » دەيدۇ». ﴿سۈرە فورقان 74- ئايەت﴾   مەنبە؛http://www.hakiket.com

XATUT507

	ئەر-ئاياللار  بىر-بىرىنى  ھۆرمەتلەپ،  بىر-بىرىگە  يول  قۇيۇپ  ئۆتسە  ، ئىززىتىنى  قىلىپ  ئۆتسە  ئۇنداق  ئائىلە  مەڭگۈ  گۈللەپ  ياشنىغۇسى.......................

saraghutun

	تەكرار  تېما  ئەمما   ياخشى  تېما..............

ظاەذ

	تەكرار بولسىمۇ ماڭا بەك ياقتى بۇ تىما، مومكىن بولسا بەزىلەرگە بۇ تىمىنى ئوقۇپ بەرگۈم كىلىۋاتىدۇ. ئەپسۇسسسسسسسسسسسسس......

sahar0999

	ياخشى تىمىلار يوللانمىغاندىكىن مۇشۇنداق ياخشى تىمىلارنى قايتا قايتا ئوقۇپ تۇرىمىزدە ،،،،،،،،،،،،،،،،،،،

butabuta

	راستلا ياخشى تىما ئىكەن.......تىما ئگىسىگە رەخمەت

sargarda

	تۇلىمۇ  ئەھمىيەتلىك  تىما  يوللاپسىز  ،  خۇدا  سىزنى  يامان  كۆزلەردىن ساقلىسۇن...