بالا ۋە كۇچۇك

dostum

	بىر دېخان بىر قانچە كۈچۈكنى ساتماقچى بوپتۇ. ئۇ بىر ئېلان تاختىسى ياساپ، قوروسىنىڭ ئالدىدىكى تۈۋرۈككە ئېسىپ قويماقچى بوپتۇ. ئۇ ئاخىرقى بىر مىخنى قېقىۋاتقاندا، چاپىنىنىڭ پىشىنى بىرسى تارتقاندەك بوپتۇ. دىخان بۇرلۇپ قارىسا بىر كىچىك بالا ئۆزىگە قاراپ تۇرغۇدەك . - ئەپەندىم ، - دەپتۇ ئۇ -مەن سىزنىڭ كۈچۈكلىرىڭىزدىن بىرنى ئالاي دېگەنتىم. -ھە، -دېخان بوينىدىكى تەرنى سۈرتكەچ دەپتۇ، - بۇ كۇچۇكلار ئېسىل نەسىللىك، باھاسىمۇ خېلى قىممەت. كىچىك بالا بېشىنى بىردەم تۆۋەن ساپتۇ. ئاندىن قولىنى يانچۇقىنىڭ تۈۋىگىچە سېلىپ بىر ئوچۇم پارچە پۇلىنى چىقىرىپ دېخانغا سۇنۇپتۇ. - مەندە 39 سېنىت بار، ئۇلارنى بىر كۆرۈپ باقسام بۇلامدۇ؟ -ئەلۋەتتە بولىدۇ. - دەپ جاۋاپ بېرىپتۇ دېخان ۋە بىرنى ئىسقىرىتقاندىن كېيىن توۋلاپتۇ،- بۇ ياققا چىق، دوللىي ! ئىت ئۇۋىسىدىن دوللىي تۆت دانە كىچىك كۈچۈكلىرنى ئەگەشتۈرۈپ يۈگرەپ كەپتۇ. كىچىك بالا يۈزىنى قورۇنىڭ پولات سىمدىن ياسالغان رېشاتكىسىغا يېقىپتۇ. ئۇنىڭ كۆزلىرى خۇشاللىقتىن ئويناپ كېتىپتۇ. ئۇلار رېشاتكىغا يېقىنلاپ كەلگەندە، كىچىك بالا ئىت ئۇۋىسىدا يەنە بىر نەرسىنىڭ مېدىرلاۋاتقانلىقىغا دىققەت قىپتۇ . قارىسا يەنە بىر كىچىك ئەبلەخ ئاستا يۈگرەپ چىقىۋاتقان، ئېنىقلا ئۇ باشقىلىرىدىن كىچىك ھەم تولىمۇ ئاجىز ئىكەن. ئۇ بىر ئىككى قېتىم يېقىلىپ چۈشسىمۇ، يەنىلا باشقىلارغا يېتىشىۋېلىش ئۈچۈن جېنىنىڭ بارىچە تېرىشىۋاتقۇدەك.... - مەن ئاشۇنى ئالىمەن.- كىچىك بالا ئاشۇ ئاجىز كۈچۈكنى كۆرسىتىپتۇ. دېخان كىچىك بالىنى يېنىغا زوڭزىيىپ، ئۇنىڭغا دەپتۇ. - ياق بالام، ئۇنى ئالمىغىن، ئۇ چوڭ بولغاندىمۇ بەرىبىر تىز يۈگرەلمەيدۇ، سەن بىلەن قوغلىشىپ ئوينىيالمايدۇ. باشقا كۈچۈكلەردىن تاللىغىن. بۇلارنى ئاڭلاپ كىچىك بالا كەينىگە بىر قەدەم يېنىپتۇدە ئاستا ئولتۇرۇپ ئىشتىنىنىڭ بىر پۇچقىقىنى ئۈسىتىگە تۈرۈپتۇ. ئۇنىڭ كىچىك پاچىقىنىڭ ئىككى تەرىپىدە پولاتتىن ياسالغان قوغدىغۇچ بولۇپ ، ئالاھىدە ياسالغان ئايىغىغا تۇتاشتۇرۇلغانكەن. كىچىك بالا بېشىنى كۆتىرىپ دېخانغا قاراپتۇ. -قارىڭە ئەپەندىم، مەن ئۆزۈممۇ تىز يۈگرەلمەيمەن. ئۇ كۈچۈك باشقىلارنىڭ چۈشىنىشىگە مۇھتاجكەن. بۇ دۇنيادا بىزنىڭ چۈشىنىشىمىزگە مۇھتاج بولغان نۇرغۇن كىشلەر بار . -- «گۈزەل ئېنگلىز تىلى- مۇھەببەتنىڭ گۈلى» ناملىق كىتابتىن دوستۇم تەرجىمىسى

xam12

	بىز چۈشنىپ يېتەلمىگەن نەرسىلەر نۇرغۇن . تەربىيۋى ئەھمىيتى زور تىمىكەن  [s:166]

maxalyigit

	بۇ دۇنيادا بىزنىڭ چۈشىنىشىمىزگە مۇھتاج بولغان نۇرغۇن كىشلەر بار . راسلا تەربىۋى ئەھمىيىتى زور تىما ئىكەن.