مېنى ئالىي مەكتەپكە ئۆتكۈزگەن نەرسە

dostum

	نىمە مېنى ئالىي مەكتەپكە ئۆتكۈزدى شاڭخەي دېڭىز تېرانسىپورتى ئېنىستوتىدىن كوڭ شۇ ناھيىتى يىراق، بىر چەت يېزىدىكى دىخاننىڭ بالىسى بولغان مەن ئالىي مەكتەپكە قۇبۇل قىلىنغانلىقىمنى ئاڭلىغاندا، خوشلۇقتىن بۆكۈمنى ئاسمانغا ئاتقانئىدىم .خۇداغا رەھمەت، گەرچە بۇ پۇرسەتنى ئۇنىڭ مۇنداقلا بەرمىگەنلىكىنى بىلسەممۇ. دادامنىڭ خۇشاللىقى مېنىڭ خۇشاللىقىمغا تېخىمۇ ئوت تۇتاشتۇرۋەتتى. شۇ كۈنلەردە ئۇ نەگىلا بارسا، بۇ خەۋەرنى ئاڭلىغان ئەل-ئاغىنىلىرى، ئۇرۇغ-تۇققانلار، قوشنىلار ۋە مەھەللىدىكىلەرنىڭ ئۇنى مۇبارەكلەپ ئاغىزلىرى يۇمۇلماي قالاتتى. ئۇ نېمشلا قىلسۇن ، چىرايىدا ئاپتاپتەك كۈلكە ئويناپ ،بوم ئاۋازى بىلەن بىرە ناخشىغا غىڭشىغىنىچە قىلاتتى. بۇ خۇددى ئۇمۇ ئالىي مەكتەپكە ئۆتۈپ، يۇقۇرى ئۆرلەپ ئوقۇش ئارزۇيىنى ئەمەلگە ئاشۇرغانغا ئوخشاپ قالغانتى. بىراق، مەن دادامنىڭ مەلۇم سەۋەبلەر تۈپەيلى تۈزۈك مەكتەپ يۈزى كۆرمىگەنلىكىنى بىلەتتىم. شۇڭلاشقىمۇ ئۇ مېنىڭ ئوقۇشۇمغا بەكمۇ كۆڭۈل بۆلەتتى، ۋە يەنە شۇڭلاشقىمۇ مېنىڭ جاپا ئېتىزىدىن قۇتۇلغىنىمنى ئاڭلاپ بەكلا خۇش بۇلۇپ كەتكەنئىدى. باشلانغۇچنىڭ تۆتىنچى سىنىپىدا ئوقۇۋاتقان يىلى، مېنىڭ ئوقۇشۇم دېگۈدەك ياخشى ئەمەس ئىدى. ئەتە يازلىق تەتىل باشلىنىدۇ دېگەن كۈنى كەچلىكى،دادام مەندىن ئوقۇشۇمنىڭ قانداقراق كېتىپ بارغانلىقىنى سوراپ قالدى . مەن خوش ياقمىغاندەك، شۇ ، بوپ قويىدۇ دەپ قويدۇم. دادام باشقا بىر نەرسە دېمىدىيۇ، چارلاشقان شالاڭ چاچلىرىنى بارماقلىرى بىلەن چىڭ تۇتقىنىچە خېلى ئۇزۇن ئولتۇرۇپ كەتتى. بىراق ، ئەتىسى ناھايىتى ئەتتىگەن تاتلىق ئۇيقۇمدىن ئويغۇتۇلدۇم ۋە دادامنىڭ ئېتىز -ئېرىق ئىشلىرىغا ياردەمدە بۇلۇشقا چاقىرىلدىم. شۇ كۈندىن باشلاپ ، ھەر كۈنى تاڭ سۈزۈلمەستە ئونۇمدىن تۇرۇپ ئېتىزغا چىقسام، كەچلىكى قاراڭغۇ چۈشۈپ يۇلتۇزلار چىمىرلاشقا باشلىغاندا ئۆيگە قايتىپ كەلدىم. دادام مېنىڭ قىلالىشىمچە ئېغىر ھەم پاسكىنا ئىشلارغا بۇيرۇيىتتى. قىغ قويۇپ ئوغۇتلاش، يەر ئاغدۇرۇش، ئاغدۇرۇلغان يەرنى تەكشىلەش، ئوتاش ۋە باشقا ئىشلارنىڭ ھەممىسنى قىلدۇق . ئاجايىپ ئىش ، ھەر بىر كۈن ماڭا ئاز دېگەندىمۇ 48 سائەتتەك، بۇ تەتىل تۈگىمەيدىغاندەك، ۋاقىت بەكلا ئۇزۇراپ كەتكەندەك بىلنەتتى. تەتىل ئاياقلىشىۋاتقان بىر كۈنى ئەينەككە قاراپ چۆچۈپ كەتتىم. ئەينەكتە قارۋاش چىرايىنى كىر-مەينەت باسقان 20ياشلاردىن ئاشقان بىرسى چۆچىگەن كۆزلىرىنى ماڭا تىكىپ تۇراتتى. تەتىلنىڭ ئاخىرقى كۈنى ئۆيدىكىلەر كەچلىك تاماققا ئولتۇرغاندا دادام ماڭا، ئەتىدىن باشلاپ بىر ياخشى ياردەمچىمدىن ئايرىلىپ قالىدىغىنمغا كۆڭلۈم يېرىم بۇلىۋاتىدۇ دېدى. - - بىراق مەن خېلى خۇشال  دادا - مەن تىلىمنىڭ ئۇچچىدىكى گەپنى دېۋەتتىم. - ھە ، بۇ گېپىڭدىن قارىغاندا ئېتىز ئىشلىرىنى ياقتۇرمايدىكەنسەندە ؟ -ياقتۇرماسلىق؟ ياق ، ئۇنىڭدىنمۇ ئۆتە ، ئۆچ كۆرىمە . ئۇ ئشلار كېچىكلا بىر بالىنى چوڭ ئادەم قىلىپ قويىدىكەن، چوڭ ئادەمنى بولسا قېرىتىپ ئاخىرى قەبرىگە ئۇزۇتۇپ قويىدىكەن.دېخانچىلىق دېگەن بەك جاپالىقكەن. - دېخانلارنىڭ ئېغىر ئىشلارنى قىلىپ جاپا-مۇشاقەت تارتىپ ياشاپمۇ يەنە جەمىيەتنىڭ ئەڭ تۆۋەن قاتلىمىدىن ئورۇن ئېلىشى بۇ بىر ئەمەلىيەت . بىراق ، مېنىڭ ئوغلۇم، ئۆزۈڭنىڭ نىمە ھەم كىم ئىكەنلىكىڭدىن خىجىل بولما، ھەرگىز نۇمۇس ھېس قىلما. ئادەم قانداق ئائىلىدە تۇغۇلۇشنى ئۆزى تاللىيالمايدۇ. ئەمما، باشقىچە ئېيىتقاندا، يېڭى پارلاق كەلگۈسىنى تاللاي دېسەڭ بۇ سەن ئۈچۈن مۇمكىن. ئىنىق ئېيىتقاندا، بىرلا يول بىلىم ئېلىش. سېنىڭ ئوقۇشۇڭنىڭ ناچار بولىشىغا ھېچقانداق بانا-سەۋەبىڭ يوق. ئەكسىچە، ئۆزۈڭگە ئىشەن، ئوغۇل بالا ئەركەكتەك بول! شۇندىلا ياخشى، ياخشىراق ھەتتا ئەڭ ياخشى قىلالايسەن، قىلىشىڭ كېرەك. ئەگەر ئۇنداق قىلالمىساڭ، ئۆمرۈڭ بويى ئېتىز-ئېرىقنىڭ ئىشلىرنى ئوبدان قىلالايدىغانلىقىڭ ماڭا ئايان .(ساڭا ئوبدان كەتمەندىن بىرنى ياسىتىپ قويىمەن. )بىر 12ياشلىق بالا ئۈچۈن ئېيىتقاندا، بۇ گەپلەر بەلكىم ئازراق چۈشنىكسىزدۇ. بىراق مەن ھەممىنى چۈشەندىم. بەلكىم، شۇ تەتىلدە قىلغان ئىشلار ئەقلىمنى ئۇلغايىتقان بولسا كېرەك. مەكتەپكە قايىتقاندىن كېيىن مەن قاتتىق تىرىشىپ ئۆگەندىم. نەتىجىدە ئۆگىنىشتە تىزلا ئالغا باستىم ۋە ناھىيە بۇيىچە ئەڭ ياخشى ئوتتۇرا مەكتەپكە ئۆتتۈم. ئاخىرى، ھازىرقى مەكتىپىمگە ئۆتتۈم. مەن زادى نىمىشقا ئالىي مەكتەپكە بارالدىم؟ مېنى ئالىي مەكتەپكە ئۆتكۈزگەن-ئەشۇ يازلىق تەتىل بېشىمدىن ئۆتكەن ئىشلار ۋە ياكى دادامنىڭ ئىلھاملاندۇرۇپ ئېيىتقان سۆزلىرى ۋە ياكى باشقىلار ... ئېنگلىزچە <<ئوقۇشلۇق>> تىن دوستۇم تەرجىمىسى

Ketikchi

	بۇ ئۇسۇل ياخشى ئىكەن ،مېنىڭ بالامۇ مەكتەپتە ياخشى ئوقۇمايدۇ .ئەتىگگدىن كەچكىچە قېتىق ساتقۇزايمىكىن

izchilar

	ياخشى تەرجىمە قىپسىز.بولسا تىخىمۇ بوشاشماي،كۆپلىگەن ئەسەرلەرنى تەرجىمە قىلغايسىز.

UYGURUGLI

	بۇ ئۇسۇل ياخشى ئىكەن ، سىناپ باقسا بۇلغۇدەك .

MUHTAR3818

	ياخشى تەرجىمە قىلىپ سىز  ..ئالىي مەكتەپتىكى ۋاختىم بۇلغان بۇلسا ئۆگۇنۋالاكەنمە..

gulinar

	ياخشى تەرجىمە قىلىپ سىز  ..ئالىي مەكتەپتىكى ۋاختىم بۇلغان بۇلسا ئۆگۇنۋالاكەنمە..

شاتئاي

	مانا مۇشۇنداق جانغا ئەسقاتقۇدەك تەرجىمىلەرنى ھەر ۋاقىت تەرجىمە قىلىپ تۇرغايسىلەر .. [s:166]  [s:166]

alimjan4000

	بولىدىغان ئۇسۇلكەن جۇما  !!!!!!!!! [s:166]

alafasy

	ياخشى تەرجىمە قىلىپسىز، داۋاملىق ياخشى ئەسەرلەرنى تەرجىمە قىلىپ تۇرۇشىڭىزنى ئۈمىد قىلىمەن