نىكاھمۇ بىر خىل تاللاشتۇر

firuza0999

	بىر كۈنى ئەپلاتۇن ئۇستازى سوقراتتىن نىكاھنىڭ نېمىلىكىنى سوراپتۇ. سوقرات ئۇنى شەمشادزارلىققا بېرىپ،مىلاد دەرىخى قىلىشقا مۇۋاپىق كېلىدىغان ئەڭ ياخشى ئاتېريال تېپىپ كېلىشكە بۇيرۇپتۇ ھەم پەقەت بىرلا دەرەخنى تاللىشى كېرەكلىكىنى تاپىلاپتۇ. ئەپلاتۇن يېرىم كۈن تاللاش ئارقىلىق ئاخىرى ئەڭ تۈز،بىراق يوپۇرماقلىرى شالاڭ بىر تۈپ شەمشادنى تاللاپ كەپتۇ.    _بۇنى ئەڭ ياخشى ماتېرىيال دەپ ئەكەلدىڭمۇ؟_دەپ سوراپتۇ سوقرات.    _پەقەت بىر تۈپلا دەرەخنى تاللايدىغان بولغاچقا ،يامان ئەمەس كۆرۈنىدىغان مۇشۇ بىر تۈپنى تەستە تاپتىم.ئۇنىڭ ئۈستىگە ۋاقىتمۇ بەك قىستاپ قالدى، ئۆزۈممۇ چارچاپ ھالىمدىن كەتتىم.ئىشقىلىپ مۇشۇ تۈپ كۆزۈمگە يامان ئەمەس كۆرۈندى،دەپتۇ.    _مانا بۇ نىكاھ _دەپتۇ سوقرات.    دەرۋەقە رېئال تۇرمۇشتىىكى نىكاھ بىر خىل تاللاش دېمەكتۇر. شۇڭا خەلقىمىز ئارىسىدا<< بىرى چالما دەپ تاشلىسا.بىرى ئالما دەپ تاللايدۇ>> دەيدىغان ھېكمەتلىك سۆز بار.مەيلى جەزبىدار يىگىت بولسۇن ياكى بەرنا قىز بولسۇن،ئەيىب-نۇقسانى،كەمچىلىك،يېتەرسىزلىكى يوق ئىنسان بولمايدۇ. بەش قول تەڭ بولمىغىنىدەك سىزنىڭ قەلىب خەزىنىڭىزدىكىدەك، سىزنىڭ ئويلىغىنىڭىزدىكىدەك ئۇنداق مۇكەممەل قىز،ئۇنداق مۇكەممەل يىگىت مەۋجۈت ئەمەس. ئۇنىڭ ئۈستىگە ئوخشىمايدىغان ئىككى خىل مۇھىت ئىچىدە ئۆسۈپ يىتىلگەن  قىز-يىگىتنىڭ تامامەن ئوخشاش ئىدىيە،ئوخشاش كۆز قاراشتا بولۇپ،بىر-بىرىگە پۈتۈنلەي ماس كېلەلىشى ناتايىن. مۇھەببەت،نىكاھ ھەرگىزمۇ ھوقۇق،مەنسەپ،پۇل،بايلىق ئۈستىگە قۇرۇلماسلىقى كېرەك. ياخشى كۆرۈش،مېھىر-مۇھاببەت،سەمىمى-سادىقلىق،راستچىللىق،ھايا،كۆيۈمجانلىق ئۈستىگە قۇرۇلۇشى كېرەك. شۇنداق بولغاندىلا نىكاھنىڭ يىلتىزى چىڭ بولۇپ، ئەر-ئاياللار بەخىتلىك تۇرمۇش كەچۈرەلەيدۇ،نىكاھ ھەقىقى مەنىسىنى تاپىدۇ.     كىشىلەرنىڭ مەنپەئەت ئېڭىنىڭ كۈچىيشىگە ئەگىشىپ،قىز-يىگىتلەرنىڭ ئەركىن نىكاھلىنىش تاللاش ھوقۇقىغا دەخلى-تەرۇز قىلىش ئەھۋالى كۈندىن-كۈنگە ئېغىرلىشىپ بارماقتا. قىز-يىگىتلەر قارشى تەرەپنىڭ ئىجتىمائىي،ئىقسادى ئورنىغا بەكرەك ئەھمىيەت بېرىپ،قارشى تەرەپنىڭ ئىچكى دۇنياسىغا سەل قارايدىغان بولۇپ قالدى.نەتىجىدە،بىر-بىرنى ھۆرمەتلەشنىڭ كەملىكى،مىجەزنىڭ كېلىشمەسلىكى، ساداقەتسىزلىك قاتارلىق سەۋەبلەر تۈپەيلىدىن، توي قىلىپ ئۇزۇن ئۆتمەيلا نىكاھتىن ئاجىرىشىدىغان ئەھۋاللار كۆپەيمەكتە. مانا بۇ قىز-يىگىتلەرنىڭ نىكاھ مەسىلىسىگە سوغۇققان بولۇش،تاللىشىغا ھۆرمەت قىلىشنىڭ زۆرۈۈلۈكىنى ھېس قىلدۇرىدۇ.    نىكاھ _غايىب بىر دۇنيا.ئۇ قەيسەر، سەمىمىي نىيەتلىك، ئاق كۆڭۈل كىشىلەرنىڭ مۇھەببەت ئاساسىنى چىڭىتىدىغان روھىيەت يىلتىزى.    نىكاھ _ئازغۇنلار ئۈچۈن ئۆمۈرلۈك ئازاب. مەڭگۈلۈك پۇشايمان، قايتۇرۋالغىلى بولمايدىغان ئاپەت دېڭىزى.    نىكاھ _قەدىرىنى بىلگەنلەرگە ئامەت،بىلمىگەنلەرگە ئاپەت ئېلىپ كېلىدىغان تەلەي تېشى .    نىكاھ _ ئەر-خوتۇننىڭ بىر-بىرىگە ۋاپادار، كۆيۈمچان،سەمىمىي بولۇپ ئۆتۈشتىكى كۆۋرۈك.ۋىجدان،غۇرۇر،ئادىمىيلىك بەلگىسىنىڭ نازۇك ياپرىقى.    نىكاھ _بىر سىرلىق تېپىشماق ،شۇنداقلا ئادالەتنىڭ لىلىلا گۇۋاھچىسى.    نىكاھ _ كۆڭۈل ئېشى، ئۇ مال-دۇنياغا تويۇنغان، مېھىر-مۇھابەتكە بولسا مەڭگۈ تويۇنمايدۇ. مەنبە:<<بەخىت ئۆز قولىڭىزدا>> ناملىق كىتابتىن ئېلىندى

Mamat-BoraN

	ئۇ مال-دۇنياغا تويۇنغان، مېھىر-مۇھابەتكە بولسا مەڭگۈ تويۇنمايدۇ. بۇ قاراش توغىرا لىكىن بىرقىسىملار مال دۇنيا ئۇچۇنلا شۇنداق قىلىدۇ ........

taxyurak520

	شۇنداق ~نىكاھمۇ بىر تاللاش~~نىكاھقا بەك يۇقىرى شەرت قۇيۇپ تۇرىۋىلىشمۇ ئاقىلانىلىق ئەمەس~~ جىددىي ياردەم قىلساڭلار~كومپىيۇتۇرمدا مۇشۇ مىسرانىمدىكى ۋە ئۇلىنىشتىكى قىسقا فىلىملەر چىقمايۋاتىدۇ~باشقا بەيدۇدىكى  چىقىدۇ ~~چۇشىنەلمەيلا قالدىم~قانداق قىلسام بۇلىدۇ؟

~Miskin~

	ئوخشىتىشلار بەك جانلىق ئىپادىلىنىپتۇ~!!!! [s:141]  [s:141]

Kimse

	نىكاھ _غايىب بىر دۇنيا.ئۇ قەيسەر، سەمىمىي نىيەتلىك، ئاق كۆڭۈل كىشىلەرنىڭ مۇھەببەت ئاساسىنى چىڭىتىدىغان روھىيەت يىلتىزى. ;8L+_YCa   مەن بۇ قاراشنى قوللايمەن~~

alafasy

	نىكاھتا مىنىڭ كۆپ شەرتىم يوق

xingxingxa

	نىكاھ توت غايىپنىڭ بىرى تاللاپ تاللاپ ئاخىرى خودايىم بۇيرىغاننى تاللايسىز شۇ

umak88

	بەك تاللاپ كەتسە  ئاي پاتەم بۇلۇپ ئولتۇرۇپ قالدىغان ئىش بار تېخى ...!!!!

KASPIY

	سىلەر نىكاغا سەل قارماڭلار ئىخ ئاللا چىرايىمىز نى گۇزەل قىلغان داك ئەخلاقىمىز نىمۇ گۇزەل قىلىپ بەرگىن ئامىن

udum2010

	ئاپتور جاۋابىنى بويلاپ 2قەۋەت  taxyurak520 كە 2011-01-01 07:10 PMئەۋەتىلدى  : شۇنداق ~نىكاھمۇ بىر تاللاش~~نىكاھقا بەك يۇقىرى شەرت قۇيۇپ تۇرىۋىلىشمۇ ئاقىلانىلىق ئەمەس~~ جىددىي ياردەم قىلساڭلار~كومپىيۇتۇرمدا مۇشۇ مىسرانىمدىكى ۋە ئۇلىنىشتىكى قىسقا فىلىملەر چىقمايۋاتىدۇ~باشقا بەيدۇدىكى  چىقىدۇ ~~چۇشىنەلمەيلا قالدىم~قانداق قىلسام بۇلىدۇ؟ (Adobe Flash Playe) مۇشۇ قويغۇچنىڭ ئەڭ يېىڭى نۇسخىسىنى قاچلاپ بىقىڭ.