كەلگۈسىدىكى ئىنىرگىيە ۋە بايلىق

saman-yoli

	ھەممىمىزگە مەلۇم . يەر شارى قۇياش سېستىمىسىدىكى شۇنداقلا ئىنسانلار بىلىپ يەتكەن ئاسمان جىسىملىرى ئىچىدىكى ھاياتلىق مەۋجۇت بۇلۇپ تۇرغان بىردىن -بىر ئاسمان جىسمى . يەر شارىنىڭ ئۇمۇمى مەيدانى 510مىليۇن كۋادرات كىلومىتىر بۇلۇپ ، بۇنىڭ ئىچىدە دېڭىز -ئوكيان كۆلىمى 360مىليۇن كۋادرات كىلومىتىر كىلىدۇ . ئىنسانلارنىڭ ئاساسلىق ماكان تۇتۇپ ياشاۋاتقان قۇرۇقلۇقنىڭ كۆلىمى بولسا 150مىليۇن كۋادرات كىلومىتىرغىمۇ يەتمەيدۇ . ئەلمىساقتىن بىرى ئىنسانلار مۇشۇ كىچىككىنە قۇرۇقلۇقنىڭ كىچىككىنە يەرلىرىدىن پايدىلىنىپ تىرىكچىلىك قىلىپ كەلگەن . ئۇچۇقراق قىلىپ ئېيتقاندا ئىنسانلار ئالقانچىلىك يەرنىڭ نىپىز پەردىسىدىنلا پايدىلىنىپ كەلدى . ھالا بۈگۈنكى كۈنگە كەلگەندە ، نۇپۇس 6مىليارتقا يىتىپ ، ئىجتىمائى تۇرمۇش لازىمەتلىكلىرى ئېھتىياجغا ئۈلگۈرمىگەندە ، نۇرغۇن كىشىلەر بايلىق ۋە ئىنىرگىيەلەرنىڭ تۈگەپ كىتىشىدىن ئەنسىرەشكە باشلىدى . شۇنىڭ بىلەن قۇياش نۇرى ئىنىرگىيەسى ، شامال ئىنىرگىيەسى ، دۇلقۇن ئىنىرگىيەسى ئۈستىدە چۇڭقۇر ئىزلىنىپ مەلۇم ئىلگىرلەشلەرنى قولغا كەلتۈردى . ھەتتا ئاي شارى ئالاھىدە ماددىسىدىن بىر كىلوگىرام ئېلىپ كىلىپ ئىنسانىيەتنىڭ مەڭگۈلۈك ئىنىرگىيە ئېھتىياجىنى قاندۇرۇمىز دەپ ، ئاسماندىكى غازنىڭ شورپىسىغا نان چىلاپ يەپمۇ يۈردى . ئۇزۇقلۇق مەسلىسىدە ئاساسلىقى قۇرۇقلۇق تېرىلغۇ يەرلىرىگە تايانغاچقا ، نۇپۇسنىڭ كۆپۈيۈشى يۈككە ئايلىنىشقا باشلىدى . بۇنىڭ بىلەن كىشىلەر يەر شارى زادى قانچىلىك ئادەمنى باقالايدۇ دىگەنلەرنىمۇ ستاستىكا قىلىپ كۆردى. ئۇلار ستاستىكا قىلىپ يەرشارى 10مىليارتتىن ئارتۇق ئادەمنى باقالمايدۇ دىگەن يەكۈننى چىقىرىپ ، ياش-ئۆسمۈرلەرنىڭ كەلگۈسىنى غۇۋالاشتۇرۇپ قويدى .  يەر شارىدا ساقلىنىۋاتقان نېفىت 2050-يىلنىڭ ئالدى-كەينىدە تەل-تۈكۈس تۈگەيدۇ دىگەن ماتىرىيالنى ئاشكارىلاپ خەق-ئاممىسىنى تېخىمۇ ئەندىشىگە سالدى . ئۇنداقتا نۇپۇس 10مىليارتقا يەتكەندە ئىنسانلار راستىنلا نامراتلىشىپ ، ئاچارچىلىقتا قالامدۇ ؟ ئىزدىنىشچان ، ئۈمۈدۋار ئالىملار بۇنىڭغا كەسكىن رەدىيە بىرىدۇ . ئىسانلار كەلگۈسىدە دېڭىز-ئوكياندىن پايدىلىنىدۇ . دېڭىز ئوكيان دۇنيانىڭ ھازىرقى ئونۋېرسال ئىستىمال سەۋيەسىنى مىليۇن يىللار تەمىنلىگۈدەك بايلىق ۋە ئىنىرگىيە ئامبىرىدۇر . پۈتۈن يەر شارىدا ، دېڭىز ئوكيانلار  كۆلەمنىڭ تۆتتىن ئۈچ قىسمىنى ئىگنلەيدۇ . ئۇنىڭدىكى سۇ مىقدارى 1مىليارت 370مىليۇن كۇب كىلومىتىر كىلىدۇ . مۇشۇ سۇ تەركىۋىدە زور ئۇزۇقلۇق ۋە قېزىلما بايلىق ئىنتايىن كۆپ . مەسىلەن ؛ جەنۇبى قۇتۇپتىكى فوسفۇرلۇق راك دېڭىز مەھسۇلاتىنىڭ ئىنتايىن ئاز بىرقىسمى بۇلۇپ ، مۇشۇنىڭ يىللىق مىقدارىلا 5مىليارت توننىدىن ئاشىدۇ . مۇشۇ مەھسۇلاتنىڭ 30دىن بىر قىسمى ئىنسانلار تەرىپىدىن ئوۋلانسىمۇ ، ھازىرقى ئولىنىۋاتقان بارلىق بېلىقلارنىڭ يىغىندىسىدىن ئېشىپ كىتىدۇ . ھىسابلاپ كۈرۈلىشىچە ، دېڭىز مەھسۇلاتلىرىدىن ئونۋېرسال پايدىلانغاندا ، ئېكىلوگىيەلىك تەڭپۇڭلۇققا تەسىر يەتكۈزمەي تۇرۇپ 30مىليارت ئادەمنى ئۇزۇقلۇق بىلەن بىمالال تەمىنلىگىلى بۇلىدىكەن . يەر شارىنىڭ %71 نى ئىگنلەيدىغان دېڭىز -ئوكياندا 80خىلدىن ئارتۇق خېمىيەلىك ئېلمىنت ساقلىنىپ تۇرۇپتۇ . ئەگەر بىر كۇپ كىلومىتىر ( بىر مىليارت كۇپ مىتىر ) دېڭىز سۈيىدە ئىرىگەن ماددىلارنى ئايرىۋېلىشقا توغرا كەلسە ، تۆۋەندىكىدەك مەھسۇلاتلارغا ئىرىشكىلى بۇلىدۇ . تاتلىق سۇ------- 994مىليۇن توننا ئاش تۇزى -----30مىليۇن 520مىڭ توننا ماگنى --------2مىليۇن 369مىڭ توننا گەج ---------2مىليۇن 442مىڭ توننا كالى ---------825مىڭ توننا بىروم---------67مىڭ توننا يود --------- 9.300توننا ئۇران --------4.5توننا ئالتۇن -----------50كىلوگىرام ، كۈمۈش--------0.5توننا ناترى---------190توننا لىتىي---------200توننا بۇنىڭدىن باشقا يەنە دېڭىزدا 200تىرلىيۇن توننا ئېغىر سۇ بار . بۇ ئىسسىقلىق يادرو يىغىلىشىنىڭ پۈتمەس-تۈگىمەس مەنبەسى ھىسابلىنىدۇ . ئۇراننىڭ قۇرۇقلۇقتىكى زاپىسى 1مىليۇن توننا ، دېڭىزدىكى زاپىسى 4مىليارت 500مىليۇن توننا . بۇنچىلىك ئۇراننىڭ رىئاكسىيە داۋامىدا چىقارغان ئىسسىقلىقى ، يەرشارىدا زاپاس ساقلىنىۋاتقان بارلىق كۈمۈر ئىسسىقلىقىنىق 1000ھەسسىسىگە تەڭ كىلىدۇ . ئاي ۋە قۇياشنىڭ تارتىش كۈچى تەسىرىدە يۈز بىرىدىغان دېڭىز سۈيىنىڭ كۆتۈرۈلۈش - پەسىيىش ھادىسىسىمۇ غايەت-زور دۇلقۇن ئىنىرگىيەسىگە ئىگە . بۇ ئىنىرگىيە 100سەنشىيا سۇ ئىلىكتىر ئىستانسىنىڭ ئىنىرگىيەسىگە باراۋەر كىلىدۇ . دىمەك ئىنسانلار خېلى ئۇزۇن مەزگىلگىچە يەر شارىدىكى بايلىق ۋە ئىنىرگىيەلەردىن خاتىرجەم پايدىلىنالايدۇ . مەنبەسى ؛ يۈزمىڭلىغان نىمە ئۈچۈن ، بىلىم كۈچ ، ئۆسمۈرلەر قامۇسىدىن ئۆزلەشتۈرۈلدى .

BarQuk~DamDari

	بۇلاردىن خەۋەردار قىلغانلىقىڭىزغا كۆپ تەشەككۈر... [s:166]

kugul

	دىمەك ئىنسانلار خېلى ئۇزۇن مەزگىلگىچە يەر شارىدىكى بايلىق ۋە ئىنىرگىيەلەردىن خاتىرجەم پايدىلىنالايدۇ . خەۋەردار قىلغانلىقىڭىزغا كۆپ تەشەككۈر!رەھمەت سىزگە.

alimjan4000

	بايلىقلارنىڭمۇ چىكى بار  !      دىمەك ئامرىكىنىڭ قىلغىنى ھەقىقەتەن توغرا  !    بايلىقلاردا ئەۋلاتلارنىڭمۇ ھەققى بار !

udun520

	بايلىقلاردا ئەۋلاتلارنىڭمۇ ھەققى بار  [s:166]  [s:166]