باسقۇنچىلىققا ئۇچرىغان يېڭى كىلىن

Qabiljan

	باسقۇنچىلىققا ئۇچرىغان يېڭى كىلىن( تۈزىتىلمە نۇسخا) ھىكايە گۈلچىمەن توي قىلىپ بەخىتلىك بولدى.چۈنكى ئۇ سۆيگەن يىگىتى بىلەن توي قىلالىغان ئىدى.بۇ توي ئۇنىڭ بۇ يىل ئىچىدىكى ئىككىنچى بەختى ئىدى.بىرىنچى بەختى بولسا، ئۇنىڭ ئالى مەكتەپنى پۈتتۈرۈپ  خىزمەت كۈتۈپ تۇرغان ئۈچ يىلدىن بېرى بۇ يىل‹‹ ئالاھىدە ئىش ئورنى›› ئىنتاھانىغا قاتنىشىپ،ئۆزى كىچىكىدىن بېرى ئارزۇلاپ كېلىۋاتقان ئوقۇتقۇچى بولۇش ئارزۇسى ئەمەلگە ئېشىپ ، باشلانغۇچ مەكتەپ ئوقۇتقۇچىسى بولالىغانلىقى ئىدى.گەرچە بۇ ئارزۇسى ئەمەلگە ئاشقان بولسىمۇ‹‹ سۇيى بار يەرنىڭ ئوتى يوق›› دىگەندەك، تەشكىل ئۇنى ئائىلىسى تۇرۇشلۇق ناھىيە بازىرىدىن 250كىلومېتىر يىراقلىقتىكى ئەڭ چەت تاڭنۇر يېزىسىغا خىزمەتكە بۆلۈپ قويدى.ئارلىق بەكمۇ يىراق بولغاچقا ئۇ ھەر كۈنى ئۆيىگە قايتالمايتتى. يەكشەنبە كەچ خىزمەت ئورنىغا كىلىپ، مەكتەپ ئەتراپىدىن ئىجارىگە ئېلىۋالغان ئاددى لىكىن، ئۆزى بەكمۇ پاكىز تۇتىدىغان ياتىقىدا قونۇپ، دۈشەنبىدىن جۈمە كەچقۇرۇنغىچە ئوقۇتقۇچىلىق خىزمىتى بىلەن شۇغۇللانسا.جۈمە كەچقۇرۇن يېزا بىلەن ناھىيە ئارلىقىدا قاتنايدىغان مىنىبوسقا ئولتۇرۇپ ئۆيىگە قايتىپ قوش دەم ئېلىش كۈنىنى ئاتا ئانىسى بىلەن خۇشال خورام ئۆتكۈزەتتى. گۈلچىمەننىڭ لايىقى يۈسۈپ ناھىيەدىكى نوقتىلىق مەرگىزى دوختۇرخانىدا تاشقى كېسەل دوختۇرى بولۇپ ئىشلەيتتى.ئۇلار توي قىلىشتىن بۇرۇن گۈلچىمەن گەرچە ئۆزىمۇ ئىش ئورنىغا ئېرىشكەن بولسىمۇ، لېكىن، ئىككىسىنىڭ خىزمەت ئورنى يىراق بولۇش سەۋەپلىك يۈسۈپتىن ئايرىلىپ قېلىشتىن، يۈسۈپنىڭ ‹‹كۆزدىن يىراق،كۆڭۈلدىن يىراق›› دىگەندەك قىلىپ دوختۇرخانىسىدىكى شوخ سەتەڭ سېستىرا قىزلاردىن بىرەرسىنى تېپىۋېلىپ ،ئۆزىنى تاشلىۋېتىشىدىن بەكمۇ قورىققان ئىدى.تەلىيىگە يۈسۈپ لەۋزى ھالال يىگىت بولغاچقا ئىش ئەنسىرىگەندەك بولماي گۈلچىمەن خىزمەتكە چىقىپ تۆت ئايدىن كېيىن ئىككىسىنىڭ تويى بولۇپ، گۈلچىمەن ئاخىر ئىككىنچى بەختىنى تاپتى. يېڭى توي قىلغان قىز يىگىتلەر دەسلەپكى بىر ئاي ئىچىدە شۇنداق ئىچىكىپ كېتىدۇكى ئۇنى تىل بىلەن ئىپادىلەپ بېرىش ھەقىقەتەن قىيىن. ئۇلار خۇددى قىزىق چايغا چىلانغان ناۋاتتەك ئېرىشىپ،ھەسەلدىن شىرىن پاراڭلارنى قىلىشىپ، بىر بىرىنىڭ كۆزىنىڭ ئىچىگە خۇددى بىر بىرىنى يەۋىتىدىغاندەك چوڭقۇر ھېرىسلىق بىلەن قارىشىپ ،كۈچلۈك ماگنىت مەيدانى پەيدا بولغاندەك بىر بىرىگە چاپلىشىپ، يەملىشىپ كېتىپ، نە كىچە، نە كۈندۈز بىر بىرىدىن ئايرىلغۇسى كەلمەيلا قالىدۇ.بۇ ئىنسان ھاياتىدىكى ئەڭ شىرىن ئەڭ ئۇنتۇلغۇسىز مىنۇتلار بولسا كېرەك.شۇڭا ئۆمۈر بويى ئەستىن چىقماي ئىنسان ھاياتىدىكى ئەڭ تاتلىق ئەسلىمىلەر بولۇپ قالىدۇ. ئەپسۇس ،تەشكىل بۇ نوقتىنى ھىس قىلمىدىمۇ ياكى تاش يۈرەكلىك قىلدىمۇ ئۇلارغا تويدىن كېيىن ئارانلا 15كۈنلۈك دەم ئېلىش بەردى.15 كۈن ئادەتتىكى ئادەملەر ئۈچۈن خېلى ۋاقىت بولغىنى بىلەن گۈلچىمەنلەر ئۈچۈن 15 مىنىۇتلۇق قىسقا ۋاقىتتەكلا تۇيۇلۇپ تېزلا ئۆتۈپ كەتتى.ئۇلار خۇددى قىسقا شىرىن  چۈش كۆرۈپ چۈشىدىن ئويغىنىپ كېتىپ،قايتا ئۇخلاپ شىرىن چۈشىنى داۋاملاشتۇرۇش ئىمكانىيىتىگە ئېرىشەلمەي قالغان چۈش مەستانىلىرىدەك غەمكىن بولۇشۇپ، ۋاقىتلىق ھىجران ئازابىغا قانداق چىداشنى بىلەلمەيلا قېلىشتى. ئ ئۇلار بىر ھەپتىلىك ۋاقىتلىق ئايرىلىدىغان ئاخىرقى كۈنى كەچ گۈلچىمەن قارا باستىمۇ ياكى ئالدىن بىشارەتمۇ ئىشقىلىپ غەلىتە غەم قورقۇنۇشلۇق بىر چۈش كۆرۈپ قالدى. ئۇ چۈشىدە يۇسۇپ بىلەن بىر گۈزەل باغدا سەيلە قىلىۋېتىپ، تۇيۇقسىز باغنىڭ چېتىدىكى بىر قۇمۇشلۇققا كېلىپ قالغۇدەكمىش .قۇمۇشلۇقنىڭ ئارىسىدا بىر  چىغىر يول بولۇپ قومۇشلۇقنىڭ ئۇ تەرىپىدىن ئاجايىپ يېقىملىق بىر ناخشا كۈيلەرنىڭ ئاۋازى ئاڭلىنىۋاتقانمىش.ئۇلار  ناخشا ساز چىقىۋاتقان يەرگە بېرىپ كۆرۈپ باقماقچى بولۇپ چىغىر يول بىلەن شۇ تەرەپكە قاراپ ماڭغانمىش.يول تار بولغاچقا گۈلچىمەن ئالدىدا يۈسۇپ كەينىدە مېڭىپ بىر يەرگە كەلگەندە قۇمۇشلۇق ئارىسىدىن شالدۇر- شۇلدۇر قىلىپ قومۇشلۇق ئارىسىدا ماڭغان غەلىتە مەخلۇقنىڭ غەلىتە شەپىسى ئاڭلانغانمىش.قورقۇپ كەتكەن گۈلچىمەن يۈسۇپكە ئېسىلىپ قوغدانماقچى بولۇپ كەينىگە قارىسا، يۈسۈپ خېلى نېرىدا كەينىگە قاراپ قېچىپ كېتىۋاتقانمىش.گۈلچىمەن نە ئالدىغا مېڭىشنى، نە ئارقىسىغا ئۆرۈلۈپ قېچىشنى بىلمەي تىترەپ تۇرغاندا، سول تەرەپتىن ئىگىز ئورۇق بىر سېرىق ئىت ئېتىلىپ چىقىپ گۈلچىمەنگە ئېسىلىپ، يۈز كۆزلىرىنى تالاشقا باشلاپتۇدەك...گۈلچىمەن قاتتىق چىقىرىغىنىچە ئويغۇنۇپ كەتتى.قارىسا چۈشى ئىكەن، يېنىدىلا بوينىغا گىرە سېلىپ ئۇخلاۋاتقان يۈسۇپمۇ بۇ قاتتىق چىقىراشتىن چۆچۈپ ئويغۇنۇپ كەتتى.ۋە نىمە بولغىنىنى سورىدى.گۈلچىمەن دەماللىقققا گەپ قىلالمىدى.ئۇنىڭ يۈرىكى قاتتىق ھەم تېز دۈپۈلداپ سوقۇۋاتقان بولۇپ يېنىدا تۇرغان ئادەممۇ ئاڭلىيالىغۇدەك ئۈنلۈك سوقىۋاتاتتى. پۈتۈن بەدىنى تېخىچە بېسىلمىغان قورقۇنۇشتىىن لاغىلداپ  تىترىمەكتە ئىدى.يۈسۈپ  نىمە بولغانلىقىنى سورىۋىدى، گۈلچىمەن چۈشىنى سۆزلەپ بەردى.يۇسۈپ: -چۈش دىگەنگە نىمە كىرمەيدۇ.بولدى قورقماڭ،مانا مەن يېنىڭىزدىغۇ جېنىم،ئايرىلىشقا چىدىماي غەم بىلەن ياتقاچ ئەشۇنداق چۈش كۆرۈپسىز،بولدى ئەنسىرىمەي ئۇخلاڭ جېنىم... يۇسۇپ شۇنداق دىگەچ گۈلچىمەننى يەنە باغرىغا باستى.مۇھەببەتنىڭ شىرىن لەززىتى گۈلچىمەننى بىردەمدە ئۇ قورقۇنۇشلۇق چۈشنى ئۇنتۇلدۇردى. تۇرمۇششتا ئادەم تېگىگە يېتىپ بولمايدىغان  ئاجايىپ سىرلار بار.مۇشۇ چۈشمۇ شۇلارنىڭ بىرى.بۇ قورقۇنۇشلۇق چۈش ئەسلى گۈلچىمەننىڭ ئەتىسى يولۇقىدىغان قاباھەتلىك پاجىئەسىنىڭ بىشارىتى بولۇپ، ئۇلارنى ئاگاھلاندۇرغان ئىكەن. لېكىن بۇ زىيالىلار ئۇنداق نەرسىلەرگە ئىشەنمەيتتى.كونىلار: ‹‹-يامان چۈش شەيتاندىن بولىدۇ.شەيتان ئادەملەرنىڭ بەختىنى كۆرەلمەيدۇ.ئۇ بەخىتلىكلەرنى بەخىتسىز قىلىش ئۈچۈن، ئازدۇرۇش ھۈنەرلىرىنى ۋە ئادەملەرنىڭ ئارىسىدىكى نىيتى دۇرۇس بولمىغان يامان ئادەملەرنى ئىشقا سېلىپ، رەزىل مەقسىدىنى ئىشقا ئاشۇرمىغۇچە بولدى قىلمايدۇ››- دىيىشىدىكەن. ئەگەر كىمدە كىم چۈش تەبىرىگە ئىشەنسە ئەشۇنداق قورقۇنۇشلۇق چۈش كۆرۈپ قالغاندىن كېيىن دەرھال سول تەرىپىگە ئۈچ قېتىم تۈكۈرىۋېتىپ خۇدادىن ئامانلىق ۋە ششەيتاننىڭ شەررىدىن پاناھلىق تىلەپ دۇئا قىلىۋەتسە شەيتان زىيانكەشلىك قىلالمايدىكەن. بۇ پەيغەمەر ئەلەيھىسسالام بىر ھەدىستە بايان قىلغان ئىشەنىچلىك مەلۇمات. گۈلچىمەن ئەتىسى چۈشتىن كېيىن سائەت بەشلەردە قىسقا قول چامادىنىنى كۆتۈرۈپ يۈسۇپنىڭ ھەمراھلىقىدا يولۇچىلار بىكىتىگە كەلدى.ئۇلار بىر بىرىدىن ئايرىلىشقا چىداشماي، بىراز كېچىكىپ چىققان بولغاچقا، تاڭنۇر يېزىسىغا بارىدىغان ئاخىرقى مىنىبۇس ئاللىقاچان كېتىپ بولغان ئىدى.يۈسۇپ قايتىپ كىرىپ كېتىپ ئەتە ئەتىگەن يولغا سېلىپ قويماقچى بولىۋىدى.گۈلچىمەن ئەتە كىچىكىپ بارسا رەھبەرلىرىنىڭ تەنقىد قىلىشىدىن قورقۇپ ئۇنىمىدى. شۇنىڭ بىلەن ئۇلار قاتناش ئىزدەشتۈرىۋىدى.تاڭنۇر يېزىسى بىلەن خوشنا ‹‹چوڭقۇر قۇدۇق›› يېزىسىنىڭ مىنىبۇسى تېخى مېڭىپ بولالمىغانلىقىنى ئۇقتى. بۇ ئىككى يېزىنىڭ ئارىلىقى18كىلومېتىرچە  كېلىدىغان بولۇپ بۇ ئىككى يېزا ئاىلىقىدىمۇ مىنىبۇس ھەم شەخىسلەرنىڭ كىچىك كىرا ماشىنىلىرى قاتناپ تۇراتتى.گۈلچىمەن يۇقارقى ئەۋزەل تەرەپلەرنى ئويلاپ، خاتىرجەم ھالدا چوڭقۇر قۇدۇق يېزىسىنىڭ مىنىبۇسىغا چىقىپ، يۈسۈپ بىلەن قىيالمىغان ھالدا خەيرلىشىپ يولغا چىقتى. مىنىبۇس 240 كىلومېتىر يولنى تۆت سائەتتە ئاران بېسىپ سائەت توققۇزلاردىن ئېشىپ كۈن ئولتۇرۇپ قاراڭغۇ چۈشۈشكە باشلىغان چاغدا چوڭقۇر قۇدۇق يېزىسىغا يېتىپ  كىلەلىدى. گۈلچىمەن مىنىبۇستىن چۈشۈپلا  تاڭنۇر يېزىسىغا ماڭىدىغان ماشىنلار توختايدىغان يەرگە  قاراپ ماڭدى. لىكىن،ئادەمگە ئىش تەتۇر كەلگەندە ‹‹بىتەلەي قىز سۇئالغىلى چىقسا موزايمۇ سۇغا تىزەكلەپ قويۇپتۇ››دىگەندەك ئىش بولىدىكەن .بۇ چاغدا تاڭنۇرنىڭ مىنىبۇسىمۇ كېتىپ بولۇپ قاتناش ئۈزۈلۈپ قالغان بولۇپ ، شەخسى كىرا ماشىنىلىرىمۇ نەلەرگىدۇر كېتىشكەن بىرمۇ كىرا ماشىنىسى قالمىغان ئىدى.گۈلچىمەن ھەم قورققان ھەم ئەنسىرىگەن ھالدا كىرا ماشىنىسى ئىزدەشكە باشلىدى،يېرىم سائەتتەك ئىزدىگەن بولسىمۇ بىرمۇ كىرا ماشىنىسى تاپالمىدى.گۈلچىمەنىڭ ئەتراپىدا يەنە مۇشۇ يېزىىڭ تاڭنۇر بىلەن چېگرىلىنىدىغان يىراق كەنىتلىرىگە كېتىدىغان ئەر- ئايال بولۇپ بىرنەچچە يولۇچىىمۇ  كىرا ماشىنىسى كۈتۈپ تۇرۇشقان ئىدى.شۇ چاغدا ئۇلارنىڭ يېنىدا ئۈچ چاقلىق كىرا موتسىكىلىتى مىنگەن, ئىگىز, ئورۇق ،يۈزلىرىمۇ،چاچلىرىمۇ ساپسېرىقخۇددى رۇس يىگىتلىرىگە ئوخشاپ كېتىدىغان، شەپكىسىنى چۆكۈرۈپرەك كىيىۋالغان بىر يىگىت پەيدا بولدى.بۇ يىگىت مۇشۇ يېزىنىڭ پور توغراق كەنتىلىك  بولۇپ، ئىسمى قاسىم  ئىدى. قاسىم كىچىكىدىن ھورۇن، ئاقنانچى، بىكار تەلەپ بىرنىمە بولۇپ، دىھقان پەرزەنتى بولغان بىلەن، ‹‹كەتمەن بىلەن خوشى يوق ئويۇنغا ئامراق، مەجلىس بىلەن خوشى يوق سورۇنغا ئامراق›› ،‹‹ئاش بولسا ئىش بولمىسا، ياز بولسا قىش بولمىسا ››دەپ يۈرىدىغان ،يىللاپ ئىش قىلماي داپ داراڭلىغان، ئىشەك ھاڭرىغان يەرلەردە ‹‹ئويۇن قېنىسەن ئوينايدىغان مانا مەن›› دەپ، بورت سوقۇپ،قىمار سورۇنلىرىدا  دەتتىكام ئوقۇپ،ئۇتتۇرىۋەتسە ئۆيىدە بارنى ئەچىقىپ سېتىپ،ئۇ يەتمىسە خەقنىڭكىنى ئوغۇرلاپ چىقىپ  ھارامنى قېتىپ،  ئاتا-ئانىسى ۋە ئايالىنى ئىشلىتىپ يەپ جان ساقلايدىغان ،جىدەل ماجرا دىسە داستىخان سېلىپ بېرىپ كۈتىۋالىدىغان،يۇۋاشنى بۇزەك قىلىپ ،ياماننى كۆرسە دوست بولىۋالىدىغان ،ئۇچىغا چىققان ئەسكى بىر نىمە ئىدى. ھاراق ئىچىش نىشە چېكىش، دىگەندەك ناچار كەيىپلەرنىڭمۇ ھەممىنى قىلاتتى.بىرەر يىلدىن بېرى قىمادا ئۇتالماي،ئوغۇرلۇقنىمۇ قاملاشتۇرالماي،ھاراققا بېرىلىپ يۇرگىنىدە ،ئاتا ئانىسى ئۇنىڭ بىكارچىلىقتىن تېخىمۇ بۇزۇلۇپ كېتىشىدىن ئەنسىرەپ 5-6 مىڭ يۈئەن پۇل خەشلەپ ئۇنىڭغا ھىلىقى ئۈچ چاقلىق موتسېكىلىتنى ئېلىپ بەرگەن ئىدى. قاسىم بۇ موتسېكىلىتنى ھەيدەپ كەنىت بىلەن بازار ئارلىقىدا كىرا توشۇپ يۈرۈپ، گەرچە ئۆيىگە پۇل ئېلىپ كىرەلمىسىمۇ ئۆز خەجىگە چۇشلۇق پۇل تېپىپ خەشلەپ يۈردى.لىكىن يېقىنقى بىرنەچچە ئايدىن بۇيان ئۇنىڭدەك موتسىكىلىت كىراكەشلىرىنىڭ بازىرى كاسات بولۇپ قالدى.بۇ خىلدىكى موتسېكىلىت كىراكەشلىرى كۆپ قېتىم قاتناش ۋەقەسى سادىر قىلغان بولغاچقا، قاتناش ساقچىلىرى ئۈچ چاقلىق موتسېكىلىت  كىراكەشلىرىنى نوقتىلىق زەربە بېرىش نىشانىسى  قىلىۋېلىپ، ئۇلارنىڭ  ئادەم كىرا قىلىشىنى چەكلەيدىغان،ئادەم كىرا قىلغانلىرىنى تۇتىۋالسا موتسېكىلىتىنى تارتىۋېلىپلا قالماي، ھەسسىلەپ جەرىمانە قويىدىغان بولىۋالدى.شۇنىڭ بىلەن قاسىمدەكلەر ئادەم توشىيالماي مال چارۋا يۈك تاق دىگەندەك نەرسىلەرنى كىرا قىلىپ يۈرۈپ ئاران دىگەندە پۇل تېپىپ خەشلەيدىغان بولۇپ قالدى.پەقەت بۈگۈنكىدەك قاراڭغۇ چۈشۈپ كەتكەن، قاتناش ساقچىلىرى كەلمىگەن، كىرا ماشىنىلىرى قالمىغان  چاغلاردىلا تۈن ئەرۋاھلىرىدەك پەيدا بولۇپ كەچ قالغان يولۇچىلارنى توشۇپ ئانچە مۇنچە پۇل تېپىپ خەشلەيتتى. قاتناشتىن ئۈمىدىنى ئۈزۈپ تۇرغان يولۇچىلار تۇيۇقسىز پەيدا بولغان قاسىمنى كۆرۈپ خۇشال بولۇشۇپ كەتتى.ۋە دەرھال ئۇنىڭ ‹‹نەگە بارىسىلەر›› دەپ سورىشىىمۇ كۈتمەي  موتسېكىلىتنىڭ كوزۇپىغا چىقىپ ئولتۇرۇشتىباشقا يولۇچىلار چىققان  بولسىمۇ گۈلچىمەن چىقمىدى.يولۇچى ئاياللاردىن بىرى گۈلچىمەنگە قاراپ: -قىزىم ،بۇنداق تۇرىۋەرسىڭىز،بارىدىغان يېرىڭىزگە بارالمايسىز،ئەمدى كىرا ماشىنىسى كەلمەيدۇ.كېچىدە يالغۇز تۇرسىڭىز ھېلى بىكار مەس لۈكچەكلەرگە ئۇچراپ قالىسىز. بىز بولغاندىكىن سىزمۇ چىقىڭ،قاسىمجان ئوبدان بالا سىزنى دىگەن يېرىڭىزگەىچە ئاپىرىپ قويسۇن- دىدى. قاسىم باياتىندىن بېرى گۈلچىمەننى ئاستىرتتىن كۆزىتىپ تۇراتتى.بۇ يەرگىمۇ گۇلچىمەننىڭ گۈزەل چىرايى ۋە قاملاشقان بوي تۇرقىنى كۆرۈپ ،بىرەر يەرگە بېرىشقا كىرا ماشىنىسى تاپالماي ھاجەتمەن بولۇپ تۇرغانلىقىنى پەملەپ،يامان نىيەتلەرنى كۆڭلىگە پۈكۈپ خەپلەپ كەلگەن ئىدى.شۇڭا  قاسىم گۈلچىمەننىڭ يېنىغا كېلىپ،نەگە بارىدىغانلىقىنى سۈرۈشتۈردى ۋە قىزغىنلىق بىلەن  ھىلىقى ئايالنىڭ گىپىدەك گەپلەرنى قىلىپ گۈلچىمەننى ئاخىر موتسىكىلىتقا چىقىشقا قايىل قىلدى.كيول كىراسى ئۈستىدە ئاز تولا تالاش تارتىش قىلىپ ، گۈلچىمەننى  تاڭنۇر يېزىسىغا ئاپىرىپ قويۇشقا ماقۇل بولۇپ كىراسىنى يولۇچىلارنىڭ سالاچىلىقى بىلەن 20 يۇئەنگە پۈتۈشۈشتى. موتسىكىلىت قوزغالدى.گۈلچىمەن دەسلەپ باشقا يولۇچىلارمۇ بولغاچقا خاتىرجەم ئولتۇرغان ئىدى.لېكىن باشقا يولۇچىلارنىڭ ھەممىسى مۇشۇ يېزىنىڭ ئادەملىرى بولغاچقا يولنىڭ يېرىمىغا بارماي تۇرۇپ  يول بويلىرىدا بىردىن ئىككىدىن چۈشۈپ قېلىشىپ 20 مىنۇتقا قالماي  موتسېكىلىتتا قاسىم  بىلەن گۈلچىمەنلا يالغۇز قالدى.قاسىم  گەپ سۆز قىلماي موتسېكىلىتنى ھەيدەپ كېتىۋاتماقتا ئىدى. گۈلچىمەننىڭ  كىچە كۆرگەن چۈشى ئېسىگە كېلىپ قېلىپ ،ھەم بۇ يالغۇزلۇقتىن خەۋىپسىرەپ  قورقۇنچ پەيدا بولغان بولغاچقا بۇ موتسېكىلىتقا چىقىپ قالغىنىغا يۈزمىڭ پۇشايمان قىلىپ ،چامادىنىنى چىڭ قاماللىغىنىچە يۈرىكى دۈپۈلدەپ سوققان  ھالدا ئولتۇراتتى. بۇ چاغدا ئاللىقاچان قاراڭغۇ چۈشۇپ قالغان بولۇپ، موتسېكىلىت چىرىقى ئالدى تەرەپنلا يورۇتۇپ  ئالغا ئىلگىرلىمەكتە ئىدى.ئەتراپ بولسا قاراڭغۇ بولۇپ  كىچىدە ئادەم  يولدا ئۇچرىغان ئادەم  ۋەنەرسىلەرنى تونۇغىلى بولمىغۇدەك قاراڭغۇ چۈشۇپ قالغان ئىدى. قاسىم بىردەم جىمجىت ماڭغاندىن كېيىن  تۇيۇقسىز موتسېكىلىتنى ئاسپالىت يولدىن قايدۇرۇپ ئوڭ تەرەپتىكى توپىلىق ئىككى تەرىپى يۇلغۇنلۇق كەنىت يولىغا بۇرىدى.قاتتىق قورقۇپ كەتكەن گۈلچىمەن دەرھال ۋاقىرىۋەتتى ۋە موتسېكىلىتتىن سەكرەپ  چۈشۈپ قاچماقچى بولدى.قاسىم دەرھال موتسېكىلىتنى توختۇتۇپ : -توختاڭ ،نەگە بارىسىز،مەن ئەسكى ئادەم ئەمەس،ئالدى تەرەپتە مىنىڭ ئۆيۈم بار ،سىزنى ئاپىرىپ قويۇپ كەلگىچە قېرى ئاتا ئانام مەندىن ئەنسىرەپ قالىدۇ.شۇڭا ئۇلارغا دەپ قويۇپ ئاندىن ماڭايلى.قورىقماڭ ! –دەپ يالغان ياۋىداق گەپلەرنى قىلىپ ئۇنىڭ كۆڭلىنى تىنىچلاندۇردى ۋە موتسېكىلىتنى يەنە ھەيدەپ ماڭدى.ئالاھەزەل 10-15 مىنىۇتچە مېڭىپ موتسېكىلىت چوڭ يولدىن خېلى ييىراقلىغاندىن كېيىن  قويۇق دەرەخلىك بىر يەرگە كەلگەندە موتسېكىلىت توختىدى. -ئۆيگە كەلدۇق قېنى چۈشۈڭ !- دىدى قاسىم گۈلچىمەنگە بۇيرۇق قىلىپ. -مەن نىمىشقا چۈشكىدەكمەن، كەلگەن بولساق ئۆزىڭىز كىرىپ دەپ قويۇپ چىقمامسىز؟ -دىدى گۈلچىمەن ھەم قورىقققان ھەم ھەيران قالغان ھالدا. -نەدىكى ئۆيكەن ئۇ ،سەن جالاپنى شۇنداق دىمىسەم بۇ يەرگە ئەكىلەلەيتتىممۇ؟ھازىر ئىككىمىز مەشەدە ئۆي تۇتۇپ ئەر خوتۇن بولىمىز قېنى چۈش! ـ ئوبدان ئاكا،مەن تېخى يېڭىلا توي قىلغان ئەرلىك ئايال،نومۇسۇمنى بۇلغىمىسىڭىز،مىنى دىگەن يېرىمگە ئاپىرىپ قويسىڭىز. سىزدىن خوش بولۇپ كېتەي،پۇل دىسىڭىز پۇل،ئالتۇن دىسىڭىز ئالتۇن نىمە دىسىڭىز شۇنى بېرەي پەقەت ماڭا چېقىلمىسىڭىز،خۇدا ھەققى، ئوبدان ئاكا، سىزدىن خوش بولۇپ كېتەي،ماڭا چېقىلمىسىڭىز،سىزنىڭمۇ ئايالىڭىز ،ئاچا سىڭىللىرىڭىز باردۇ،ئوبدان ئاكا ماڭا چېقىلمىسىڭىز... گۆشكە تەشنا بولۇپ، قانلىق ئاغزىنى ئېچىپ،يۇۋاش قۇزىنى يىيىشكە تەمشىلىۋاتقان ئاچ بۆرە نەدىمۇ  قۇزىنىڭ نالىسىنى ئاڭلىسۇن؟ئىچ ئاغرىتىپ قويۇۋەتسۇنمۇ؟بۇ مۈمكىن ئەمەس ئىش ئىدى. قاسىمنىڭ نىيىتى گۈلچىمەننى تۇنجى كۆرگەن چاغدىلا بۇزۇلغان  بولغاچقا  ھازىرقى پۇرسەتنى ئۇ ئاران دىگەندە قولغا كەلتۈرگەن ئىدى. ئۇ گۈلچىمەننىڭ يالۋۇرۇشلىرىغا پەرۋا قىلماي، يالۋۇرۇشلىرى كارغا كەلمىگەندىن كېيىن، كوزۇپتىن سەكرەپ چۈشۇپ ئۇدۇل كەلگەن تەرەپكە قاچقان گۈلچىمەننى تاپ باستۇرۇپ قوغلاپ بېرىپ تۇتۇۋالدى.گۈلچىمەن ئىگىز پاشنىلىق توپلەي كىيىۋالغان،ھەم قورقۇپ كەتكەن ھەم سۈرلۈك كىچە قاراڭغۇلىقىدا قاچىدىغان نىشاننمۇ بىلەلمىگەن بولغاچقا قېچىپ قۇتۇلالمىدى..قاسىمنىڭ قولىغا چۈشكەن گۈلچىمەن بىردە  يامغۇردەك ياش تۆكۈپ يالۋۇراتتى.بىردە قارشىلىق قىلاتتى.لىكىن قىز بالا بەرىبىر ئەركىشىدىن ئاجىز بولغاچقا تەڭ كېلەلمەيتتى.بۇ ھالەت بىراز داۋاملاشقاندىن كېيىن گۈلچىمەن يالۋۇرۇشلىرىنىڭ كار قىلمايۋاتقانلىقىنى  ھىس قىلىپ، يالۋۇرۇشتىن تىللاشقا ،جېنىنىڭ بارىچە قارشىلىق قىلىپ تاتىلاشقا، مۇشلاش،چىشلەشتەك ئاياللارنىڭ قولىدىن كېلىدىغان بارلىق قارشىلىقلارنى قىلىپ قاسىم بىلەن قاتتىق ئېلىشقا باشلىدى.. لىكىن قاسىم قىلچە بوشاپ قالمىدى بەلكى بارغانسېرى ئەسەبىلىشىپ بىر تەرەپتىن گۈلچىمەنىڭ كىيىملىرىنى يىرتىپ سالدۇرۇشقا ئۇرۇنسا ،يەنە بىر تەرەپتىن يەنە بىر قولى بىلەن گۈلچىمەننىڭ ئۇدۇل كەلگەن يېرىگە ئۇرۇشقا باشلىدى..قاسىم ئۆيىدىمۇ شۇنداق زوراۋان بولۇپ خوتۇن ئۇرۇش ئۇنىڭ كونا كەسپى ئىدى.ئاياپ ئولتۇرمايتتى.ئايالىنىڭ يۈز كۆزلىرىدىن كۈن بويى كۆك ياكى ئىششىق يۈتمەيتتى. گۈلچىمەن ئۇنىڭ بىلەن يېرىم سائەتچە تىركىشىپ قاتتىق قارشىلاشقان بولسىمۇ بۇقىدەك كۈچلۈك،بۆرىدەك ئاچكۆز تەلۋە قاسىم ئاخىر رەزىل مەقسىدىگە يېتىپ گۈلچىمەننى قۇمساڭغۇ دۆڭ يانباغرىغا بېسىۋالغىنىچە قۇيۇپ بەرمەي ئاياق ئاستى قىلدى. .. قاسىم ئىككى سائەتچە ۋاقىت گۈلچىمەننى زوراۋان كۈچىگە تايىنىپ مەجبۇرى تۇتۇپ تۇرۇپ،ئىلاگىرى كېيىن بولۇپ ئىككى قېتىم ۋەھشىلەرچە باسقۇنچىلىق قىلغاندىن كېيىن باسقۇنچىلىق خۇمارى بېسىلىپ كوتۇلداپ تىللىغىنىچە  كىيىملىرىنى كىيدى.قاسىم بۈگۈن ئاچكۆزلۈكتە چىكىگە يېتىپ ئەقلىنى يوقاتتىمۇ قانداق باياتىندىن بېرى قىلغان زوراۋانلىقلىرى يەتمىگەندەك يەنە گۈلچىمەننىڭ  تويلۇق ئالتۇن جابدۇقلىرىغا كۆزى چۈشۈپ ئۇلارنىمۇ بۇلاپ تارتىۋالماقچى بولۇپ ئۇنىڭ قول،بويۇن ،بىلەكلىرىدىكى بارلىق ئالتۇن جابدۇقلىرىنى ،يېنىدىكى مىڭ يۈئەندىن ئارتۇق نەق پۇلىنى ۋە ئىسىل يان تېلىپۇنىنى تارتىۋېلىپ ،گۈلچىمەننى  يولغىمۇ ئاچىقىپ قويماستىن شۇ يەردىلا تاشلاپ قويۇپ  موتسېكىلىتىنى ھەيدىگىنىچە كېچە قاراڭغۇلىقىدا غايىپ بولدى... گۈلچىمەننىڭ قاتتىق تاياق دەستىدىن ۋە چىكىدىن ئاشقان زوراۋانلىق دەستىدىن بەدىنىنىڭ ھەممە يېرى سىرقىراپ ئاغرىيتتى. تەلۋە قاسىم ئۇدۇل كەلگەن يېرىگە ئۇرىۋەرگەچكە ئىككى قاپىقىمۇ تۇخۇمدەك ئىششىپ چىقىپ  كۆزىمۇ تەستە كۆرگۈدەك بولۇپ قالغان ئىدى.ئۇ يېنىدىكى يىرتىلىپ ساق يېرى قالمىغان كىيىملىرىنى تولۇق سېلىپ تاشلاپ، سىپاشتۇرۇپ يۈرۈپ  قول چامىدىنىدىن باشقا بىر قۇر كىيىمىنى تېپىپ ئېلىپ  كىيىپ ،چامىدىنىنى كۆتەرگىنىچە ئېغىر مەست كىشىدەك دەلدەڭشىپ،  كىچىدە ھىچياقنى پەرىق ئېتەلمەي نەس باسقان بۇ يەردىن كېتىش ئۈچۈن  ئۇدۇل كەلگەن تەرەپكە قاراپ مېڭىشقا باشلىدى. ئۇ قانچىلىك ماڭغىنىنى ،نەگە كىتىۋاتقىنىنىمۇ بىلمەيدۇ شۇنداق مېڭىپ ئورمانلىقلارنى ئارىلاپ، دۆڭلۈكلەردىن يانداپ دىگۈدەك خېلى ئۇزۇن ماڭدى .ھارسا ئولتۇرۇپ ئارام ئالغاچ تۆت ئەتراپقا قۇلاق سېلىپ ئادەم ياكى ئۆي ھايۋانلىرىنىڭ ئۈن تىۋىشلىرىنى ئىزدىدى. بىر چاغدا ئوڭ تەرەپتە يېقىنلا يەردىن ئىتنىڭ قاۋىغان،توخۇلارنىڭ چىللىغان ئاۋازىنى ئاڭلاپ قېلىپ خېلى ئۈمىدلىنىپ  قەدىمىنى شۇ تەرەپكە بۇرىدى.بىر ھازا ماڭغاندىن كېيىن مەھەللىنىڭ چەت ياقىسغا جايلاشقان، ھويلا تاملىق، ئەتراپى شالاڭ دەرەخلىك بىر ئۆينىڭ ئالدىغا كېلىپ قالدى.نىمە قىلىش توغرىسىدا بىردەم ئارىسالدى بولۇپ تۇردى.كىرمەي سىرتتا تۈنەپ كېچىنى ئۆتكۈزمەكچى بولدى ،لېكىن ھېلىقى زوراۋان ئارقىسىدىن قوغلاپ كېلىپ يەنە بوزەك قىلىدىغاندەك تۇيۇلۇپ كېتىپ،ئاخىر جۈرئەت قىلىپ ھېلىقى ھويلىنىڭ دەرۋازىنى ئۇرۇشقا باشلىدى.بۇ ئۆي دۆڭلۈكلەرنىڭ چېتىگە جايلاشقان يالغۇز ئۆي بولغاچقا ،ھەم بۇ چاغدا يېرىم كېچىدىن ئاشقان ۋاقىت بولۇپ قالغان بولغاچقا ئۆي ئىگىلىرى ۋاقىتسىز كىلىپ دەرۋازا قاققان ناتۇنۇش كىشىدىن قورقۇپ دەرۋازىنىمۇ ئېچىپ بەرمىدى... شۇنىڭ بىلەن گۈلچىمەن بۇ يەردىن يىراق كەتمەي ھويلا تېمىغا يۆلۈنۈپ دەرۋازا يېنىدا ئارام ئېلىشقا باشلىدى... تاڭ سەھەر ،ئۆي ئىگىسى رېيىماخۇن بامدات نامىزىغا مەسچىتكەچىقماقچى بولۇپ دەرۋازىسىنى ئاچتى.ئاچتىيۇ قورقۇپ كەينىگە داجىدى.دەرۋازا ئالدىدا چىرايلىق كىيىنگەن ،لىكىن چاچلىرى چۇۋۇلغان،يۈز كۆزلىرى قانغا بويالغان بىر ياش ئايال تامغا يۆلۈنۈپ تۈگۈلۈپ ياتاتتى.رېيىماخۇن دەرھال ئايالىنى چاقىرىپ بۇ ياش ئايالنى  يۆلەشتۈرۈپ يۈرۈپ ئۆيىگە ئېلىپ كىردى. قىياپىتىدىنلا زوراۋانلىققا ئۇچرىغانلىقى بىلىنىپ تۇرغاچقا ئاتۇقچە گەپ سوراشمىىدى.رېيىماخۇننىڭ ئايالى  زورىخان  ئىسسىق سۇ تەييارلاپ،  گۈلچىمەننىڭ يۈز كۆز كۆزلىرىنى يۇيۇپ، يېڭى تاغاق بىلەن چۇۋۇلغان  چاچلىرىنى تاراپ ،ئىسسىق چاي بىرىپ ئىسسىندۇرۇپ خۇددى ئۆز  ئانىسىدەكلا غەمخورلۇق قىلدى ۋە كىچىدىكى ئۇقۇشماسلىق ئۈچۈن ئەپۇ سورىدى.بىرەر سائەتچە ۋاقىت ئۆتۈپ گۈلچىمەن تىنىچلانغاندىن كېيىن ئاندىن گۈلچىمەننىڭ ئىسمىنى ۋە نىمە كىلىشمەسلىككە دۇچار بولغانلىقىنى سورىدى. گۈلچىمەن ھازىر جىددى ياردەمگە مۇھتاج بولغاچقا،  ئۇلاردىن گەپ يوشۇرۇپ يۈرمەي بولغان ئەھۋاللارنى سۆزلەپ بىرىپ يىغلاپ كەتتى ۋە ئۇلاردىن قانۇن ئورۇنلىرىغا دىلو مەلۇم قىلىشىغا ياردەم بېرىشنى  ئۆتۈندى. رېيىماخۇن مەسچىتكىمۇ چىقماي نامىزىنى ئۆيىدە ئوقۇۋالدى، ئاندىن كەنىتنىڭ ئامانلىق مۇدىرىنىڭ  ئۆيىگە بېرىپ دىلو مەلۇم قىلدى.ئامانلىق مۇدىرى دەرھال چوڭقۇر قۇدۇق يېزىلىق ساقچىخانىغا تېلىپۇن بەردى.ساقچىلار ئەھۋالدىن خەۋەر تېپىپ چاقماق تېزلىكىدە ھەركەتلىنىپ كۈن چىقىشتىن بۇرۇن رېيىماخۇنىڭ ئۆيىگە كېلىپ بولۇپ، گۈلچىمەن بىلەن كۆرۈشۈپ دىلو ئەھۋالىنى ئۇنىڭ ئۆز ئاغزىدىن ئاڭلاپ دىلۇ تۇرغۇزدى. ۋە دىلو مەلۇماتىنى ناھىيەلىك ج خ ئىدارىسىغا مەلۇم قىلىپ ئۇلار يېتىپ كەلگۈچە جىنايى ۋەقە يۈز بەرگەن نەق مەيداننى ئىزدەپ تېپىپ نەق مەيداننى قوغدىدى... ج ج ئىدارىسىنىڭ ساقچىلىرى يېتىپ كەلگەندىن كېيىن رازۋىتكا خىزمىتىنى باشلىۋەتتى.ئۇلار دىلو مەلۇماتىغا ئاساسەن يېزا تەۋەسىدىكى بارلىق ئۈچ چاقلىق موتسېكىلىت شوپۇرلىرىنى تەكشۈرۈشكە تېگىشلىك جىنايەت گۇماندارلىرى تىزىملىكىگە كىرگۈزۈپ تەكشۈرۈش خىزمىتىنى باشلىۋەتتى... 2-3 كۈنلۈك جىددى تەكشۈرۈش پاكىتلارنى سېلىشتۇرۇش،گۇماندارلارنىڭ رېسىملىرىنى گۈ؛چىمەنگە كۆرسۈتۈپ تونۇتقۇزۇش ئارقىلىق ئاخىر دىلۇ سادىر قىلغۇچىنىڭ قاسىم ئىكەنلىكىنى بىكىتىپ چىقتى.لېكىن ھىلىگەر زوراۋان قاسىم قىلغۇلۇقنى قىلىپ بولۇپ قاتتىق پۇشايمان قىلىپ ،پۇشايمىنى پايدا بەرمىگەندىن كېيىن ،جىنايىتىدىن قورقۇپ  موتسېكىلىتىنى ئۆيىگە ئاپىرىپ قويۇپ شۇ كېچىسىلا يىراقلارغا قېچىپ كەتكەن بولغاچقا، ساقچىلار تۇتۇش بۇيرقى چىقىرىپ تەرەپ تەرەپلەردىن ئىزدەپمۇ يېرىم يىلغىچە قاسىمنى ھىچ يەردىن تاپالمىدى. ساقچىلار ۋەقە يۈز بەرگەن كۈنى موتسېكىلىتقا گۈلچىمەن بىلەن بىللە چىقىپ كىرا قىلغان يېرىم يولدا ئۆيلىرىگە كىرىپ كەتكەن يولۇچىلارنىمۇ ئېنىقلاپ تاپقان بولۇپ ،ئۇلارغىمۇ ئىددىيەۋى تەربىيە ئىشلەپ،قاسىم تۇتۇلۇپ سوت ئېچىلغان چاغدا سوتتا گۇۋاھچى بولۇشتىن تارتىپ ئورۇنلاشتۇرۇپ قويۇپ قاسىمنى داۋاملىق ئىزدەشكە كىرىشتى. گۈلچىمەنمۇ بۇ ئىشلاردىن كېيىن قاتتىق تاياقتىن يارىلىنىپ زەخمىلەنگەن بولغاچقا خىزمەت ئورنىغا قايتالماي ناھىيەگە بېرىپ دوختۇرخانىدا 2-3 ھەپتىدەك داۋالاندى.يۇسۇپ ئەھۋالدىن خەۋەر تاپقان بولغاچقا بۇ ۋەقەدىن قاتتىق غەزەپلەندى.گۈلچىمەننى دوختۇرخانىدا كۆيۈنۈپ داۋالىدى.لىكىن ئەر خوتۇنلۇق مۇناسىۋەتنى داۋاملاشتۇرۇش ياكى ئۈزۈش مەسىلىسىدە ئىككىلىنىپ بىر قارارغا كېلەلمەي گۈلچىمەن دوختۇرخانىدىن چىققاندىن كېيىن ئۆيىگە ئېلىپ كېتىش ھەققىدە ئالدىراپ ئېغىز ئاچمىدى.ئۇنىڭ نەزىرىدە گۈلچىمەن بىلەن بولغان ئەر خوتۇنچىلىق خۇددى چىۋىن چۈشۈپ بۇلغانغان تەملىك ئاشقا ئوخشاپ قالغان ئىدى. بۇ ‹‹ئاش››نى ئىچەي دىسە، ئېغىر باسقۇنچىلىققا ئۇچراپ نومۇسى بۇلغانغان بۇ خوتۇننى كۆڭلى كۆتۈرمەيتتى،ئىچمەي  دىسە نەچچە يىل قىزغىن مۇھەببەتلىشىپ ،ئارزۇلىشىپ توي قىلىشىپ، ئىككى ھەپتە ئاشىق مەشۇقلاردەك قىزغىن ئەر خوتۇن بولۇپ بىرگە ياشىغان بولغاچقا مۇنداقلا بولدى قىلىپ تاشلاپ قويالمايتتى.ئۇ كۆپ ئويلانغاندىن كېيىن ھازىرچە بىر ئۆيدە بولماي تۇرۇش،جىنايەتچى تۇتۇلۇپ سوتنىڭ ھۆكمى چىققاندىن كېيىن ئەھۋالغا قاراپ بىر ئىش قىلىش قارارىغا كەلدى. ئەلۋەتتە بۇخىل  ھىسى  داۋالغۇش پەقەت يۈسۈپتىلا بولۇپ قالماي، ئەڭ تەڭلىك تارتقان،نىمە قىلىشنى بىلمەي ئىككىتاش ئارىسىدا ئازاپلانغىنى يەنىلا گۈلچىمەن ئىدى.ئۇمۇ ئۆزىنى كەچۈرەلمەيتتى.ئۆزىنى يەنە يۈسۈپنىڭ ئادىمى،مەن ئۇنىڭغا مەنسۇپ دىيەلمەيتتى.بۇ بۇلغانغان ۋۇجۇدىنى يەنە‹‹ ھالال››،‹‹ھەقلىق›› دەپ يۈسۈپكە ئاتىيالمايتتى.ئاجىز يارىلىپ قالغىنى شۇنچە قارشىلىشىپمۇ ئۆزىنى قوغداپ قالالمىغانلىقى ئۈچۈن قاتتىق ئۆكۈنۈپ ئازاپلىناتتى.ئۇنىڭ ئۈستىگە بۇ ۋەقە ھازىر پۈتۈن ناھىيەگە پۇر بولۇپ كەتتى.سوت ئېچىلسا نومۇسلۇق ئىشلار تېخىمۇ يېيىلىپ كېتىدۇ.ئۇ بۇندىن كېيىن قانداق قىلىشنى يۈزىنى يەنە قانداق كۆتۈرۈپ يۈرۈشنى،ئوقۇغۇچىلىرى ئالدىغا قانداق كىرىشنىمۇ بىلمەيتتى.ئۇمۇ ككپ ئويلۇنۇپ كۆپ ئارىسالدى بولۇپ،ھازىرچە توي قىلمىغان چېغىدىكىدەك ئاتا ئانىسنىڭ ئۆيىدىن خىزمەت ئورنىغا بېرىپ تۇرۇش، گەرچە تەس بولسىمۇ ھىچ ئىش بولمىغاندەك سالماق قىياپەتكە كىرىۋېلىپ باشقىلار بىلەن نورمال مۇناسىۋەتنى ساقلاش، سوت ئېچىلىپ بولغاندىن كېيىن  يۈسۈپنىڭ رايى ۋە پوزىتسىيەسىگە قاراپ بىر ئىش قىلىش قارارىغا كەلدى. ئەمدى قاسىم قاراقچىغا كەلسەك ھېلىقى كېچىسى سادىن قاچقان چۆجىدەك ساقچىلاردىن قېچىپ يۈرۈپ كىچىلەپ پىيادە يول يۇرۇپ خوشنا يېزا تەۋەسىگە بېرىۋالدى.ئەتىسىن ئەتىگەندە تېخى ئىش ئېنىقلانماي تۇتۇش بۇيرىقى چىقىرىلمىغان بولغاچقا  يولدىن ماشىنا كىرا قىلىپ باشتا خوشنا ۋىلايەت تەۋەسىگە كېيىن ئۇيەردىمۇ قورقۇپ تۇرالماي يەنە ئاپتۇبۇس پويىزلار بىلەن غۇلجا تەرەپلەرگە قېچىپ كەتتى.ئۇ بۇلىۋالغان ۋە ئۆيىدىن ئېلىۋالغان پۇللارنى خەشلەپ تۈگىتىپلا قالماي يەنە بۇلىۋالغان ئالتۇنلارنىمۇ 8-10مىڭ يۈئەنگە سېتىپ ئۇنىڭ پۇللىرىنىمۇ خەشلەپ تۈگەتتى.مەيلى كېچە مەيلى كۈندۈز بىر كۈنمۇ خاتىرجەم يۈرەلمىدى.ساقچىلارغا يولۇقۇپ قېلىشتىن،تۇتۇش بۇيرىقى چىقارغان بولسا تونۇۋېلىشىدىن قورقۇپ  دائىملا ساقچىلاردىن يولۋاستىن قورىققاندەك قورقۇپ يېقىن كېلەلمەي قېچىپ يۈردى.كوچىدا كېتىۋاتقىنىدا ساقچى ماشىنىسىنىڭ سىگنال ئاۋازىنى ئاڭلاپ قالسا گەرچە ئۆزى بىلەن مۇناسىۋەتسىز بولسىمۇ دىڭڭىتە چۆچۈپ مۈشۈكنىڭ شەپىسىنى ئاڭلاپ قاچقان چاشقاندەك دەرھال ئۆزىنى دالدىغا ئالاتتى. شۇنداق قېچىپ يۈرۈپ 7-8 ئاي ۋاقىت ئۆتۈپ كەتتى.قكاسىمنىڭ بۇلىغان ھارام پۇللىرى قانچە تىجەپ قىسىپ خەشلىسىمۇ ئاخىر تۈگەپ قوسىقىنىمۇ باقالمىغۇدەك ھالغا چۈشۈپ قالدى. پۇل تېپىپ خەشلەشنىڭ ھىچبىر ئاسان چارىسىنى قىلالماي ئاخىر  بىر قازاقنىڭ قوي قوتىنىغا ئوغۇرلۇققا چۈشكەن يېرىدىن ساقچىغا تۇتۇلۇپ سوراق جەريانىدا قاچقۇن جىنايەتچى ئىكەنلىكى مەلۇم بولۇپ يۇرتىغا قايتۇرۇپ كېلىنىپ يەرلىك تۈرمىگە سولاندى.ئۇ قايتۇرۇپ كېلىنىپ ئىككى ھەپتىدىن كېيىن سوت ئېچىلىپ ئىككى جىنايىتى قوشۇپ جازالىنىپ ئون سەككىز يىللىق قاماق جازاسىغا،ۋە گۈلچىمەننىڭ ئالتۇن جابدۇقلىرى ۋە داۋالىنىش خىراجىتى ئۈچۈن25 مىڭ يۈئەنتۆلەم تۆلەش ھۆكۈم قىلىنىپ بېرىشقا تىگىشلىك جايىغا ئەۋەتىلىپ تىگىشلىك جازاسىنى تارتتى. ھۆرمەتلىك ئوقۇرمەن،مەن گۈلچىمەن بىلەن يۈسۈپنىڭ كېيىنكى سەرگۈزەشتىلىرىنى سىزگە پەرەز ئاساسىدا يوللاپ ئۇلارغا ئۆزۈمنىڭ خاھىشىم دۇنيا قارىشىمنى زورلاپ تېڭىشنى لايىق كۆرمۈدۈم.ئۇلار ئۆزلىرىمۇ تېىخىچە ئارىسالدىچىلىقتا بىر قارارغا كىلەلمەي تۈرۈشمەكتە،ئەگەر سىزلەرنىڭ بۇ ۋەقەنىڭ يېشىمىگە دائىر ئەقەللى ھەل قىلىش چارىڭىز بولسا ئۇلارغا قىممەتلىك مەسلىھەتىڭلارنى بۇ ھىكايىنىڭ ئىنكاسى سۈپىتىدە بەرسەڭلار بولىدۇ. باشقىلاردىن ئاڭلىغان دىلۇ ئەھۋالىغا ئاساسەن رەتلەپ يېزىپ چىقىلدى. مەنبە ئۆز ئىجادىيىتىم. 2010.يىل 27.دىكابىر كىچە سائەت بىر يېىرىمدا تاماملاندى. ئەتىسى كىچە سائەت18 تىن 50 مىنۇت ئۆتكەندە قايتا تۈزۈتۈپ تەھرىرلىنىپ تورغا يوللاندى.

دانىش

	ما  تېمىنى   ئەمدى   جايىغا  كەلتۈرۈپسىلەر  .........

gulzar520

	ساقلىۋالدىم؟تۇگۇتۇپ ئۇقۇپ ئنكاس يازاي

xukur0996

	ئەگەر ئاۋۇ يۈسۈپجاننىڭ ھەقىقەتەن ئۇ ئايال بىلەن ئۆي تۇتقىسى يوق بولسا بۇنىڭغا بىر نىمە دىيەلمەيمەن . چۈنكى مۇشۇ باسقۇنچىلىققا ئۇچرىغان ئىش ئۇلار داۋاملىق ئۆي تۇتقاندىن كېيىنمۇ داۋاملىق تىلغا ئېلىنىشى مۇمكىن . ھامان ئاجرىشىدۇ . بۇ قىزنىڭ بەختسىز بوپ قېلىشى شۇنداق پۈتۈلگەن ئوخشايدۇ . ئەگەر بۇ ۋەقەلىكنى توقۇلما قىپ ئۇزارتىشقا توغرا كەلسە ، گۈلچىمەننىڭ بويىدا بار ئىكەنلىكىنى ئەڭ ئاخىرىدا بۇ بالىنىڭ ھېلىقى قاسىمنىڭ بولۇپ چىقىدىغانلىقىنى ...تەسۋىرلەپ يازسا بولغىدەك .

parat

	ئۇيغۇر مۇنبەرلىرىدە نېمە ئۈچۈن مۇشۇنداق جىنسىيەت تېمىلىرى  مودا بولىدىغاندۇ ؟ بۇنداق تېمىلارنى تورغا يوللاپ ئۆزىڭىزنىڭ چاۋىسىنى چتقا يېيىپ نېمىگىمۇ ئېرىشەسىز ؟  ئۆزىمىزنى ئۆزىمىز چۈشكۈنۈلەشتۈرۈپ ،،،،ئۆزىمىزنى  مات قىلىپ ،،،،،،،،،قايسى مۇنبەرگە قارىسىڭىز مۇشۇنداق جىنسىيەت تېمىسى قايناپ كەتكەن،،،،،، [s:172]

tarhamak

	مۇشۇنداق تىمىدىكى ئەسەرلەرنى قانداقمۇ يازغۇسى كېلىدىغاندۇ ...

tarhamak

	چۈنكى بۇخىلدىكى تىمىلار بىلەن ئاسانلا داڭ چىقارغىلى بولىدۇ ...  [s:145]

yengsarogli

	قانۇنچىلىق گېزىتىگە شۇنداق ئۆچ بولغان،يەنە مۇنبەردىمۇ تۇرۇدىيا بۇئىشلار.نىمە دىسەم بولا