سىز قايسى خىل ئايالغا تەۋە ؟

zulayha

	ئاياللار ھېكمىتى ئاياللار- ھاياتنىڭ ئۇلۇغ تىرىكى ۋە تەسەللىي بەرگۈچىسى. ئاياللار- كۈزەتكۈچىلەردۇر. ئاياللار- ئەرلەرنىڭ ئۇلۇغ تەربىيەچىسىدۇر. ئاياللارنىڭ گۈزەللىكى- قەلبى گۈزەل بولۇش بىلەن قىياپىتى گۈزەل بولۇشنىڭ بىرلىكىدۇر. ئاياللاردىكى ئەڭ مۇھىم پەزىلەت- مۇلايىملىق. ئاياللار- ئائىلە ئىناقلىقىنىڭ ئاچقۇچىنى ئۆز قولىدا تۇتقان بولۇپ، گەپ ئۇنىڭ بۇ ئاچقۇچنى ئىشلىتىشنى بىلىش- بىلمەسلىكىدە. ئوماق ئايال- دولانا كومىلىچى، ئادەمنى روھلاندۇرۇپ، تۇرمۇشقا بولغان قىزغىنلىقىنى ئاشۇرىدۇ. جەزبىدار ئايال- روھلاندۇرغۇچى دورا، تىنچ تۇرغان نېرۋىڭىزنىڭ ئارامىنى بۇزىدۇ. ئەقىللىق ئايال- ئاسپىرىن، ساغلام بولمىغان ئوي- پىكرىڭىزدىن خالاس قىلىپ، مەسىلىلەرگە توغرا مۇئامىلە قىلىشىڭىزغا يول كۆرسىتىپ بېرىدۇ. مۇلايىم ئايال- ئەرلەرنىڭ مىجەزىنى تەڭشەپ، كەيپىياتنى تۇراقلاشتۇرىدۇ. سىرداش ئايال- ئاغرىق توختىتىش دورىسى، گەرچە مەسىلىلەرنى تۈپ يىلتىزىدىن ھەل قىلالمىسىمۇ، لېكىن مەلۇم دەرىجىدە توغرا يول كۆرسىتىپ بېرەلەيدۇ. ئاق كۆڭۈل ئايال- ئىسپىرىت، قەلبىڭىزنى ئىللىتىپ، روھىڭىزنى ئۇرغۇتىدۇ. ئۇنىڭ گۈزەل ئەخلاق- پەزىلىتى دۇنيانى دېزىنفىكسىيە قىلىدۇ. كەڭ قورساق ئايال- تېز ئۈنۈم بېرىدىغان يۈرەك دورىسى، چۈشكۈنلەشكەن كىشىلىك ھايات يولىڭىزنى ئۆزگەرتىدۇ. ياسالما ئايال- سۇيۇق دورا، ئېغىزىنىڭ ئۇچىدىلا تەكەللۇپ سۆزلىرىنى قىلىپ، ئوڭۇشسىزلىققا ئۇچرىغاندا تەسەللى بېرىدۇ. ئەقىللىق ئايال- پۈتكۈل دۇنيانى «ئوزۇق» قا ئىگە قىلىدىغان كىتاب، سەنئەت ۋە بىلىم بۇلىقىدۇر. گۈزەللىك- ئاياللارنىڭ پەخرى، ئار- نومۇس ـــــ ئاياللارنىڭ پاكلىقى، گۈزەل- ئەخلاق ـــــ ئاياللارغا مەڭگۈلۈك ئىززەت- ئىكرام ئاتا قىلغۇچىدۇر. ئايال- ئەرلەرنىڭ ئەڭ ئۇلۇغ ئىختىراپچىسىدۇر. ئاياللار- قۇياش، ئۇنىڭ مېھرى- تەپتى ھېچقاچان سوۋۇماستۇر. ئاياللار- بىر قولىدا بۆشۈكنى، بىر قولىدا دۇنيانى تەۋرەتكۈچىلەردۇر. ئاياللارنىڭ دىلى ئاغرىغاندا زىمىن تىترەيدۇ. ئايال قەدرى- ھايات قەدرى. ئايال- مېھرىبانلارنىڭ مېھرىبانى، ئۇلۇغلارنىڭ ئۇلۇغى. ياخشى ئايال- قېنىڭغا قان، قانىتىڭغا قانات، جېنىڭغا جاندۇر. ئىشچان، پەزىلەتلىك، مۇلايىم ئايال ـــــ گۈلباغ، ھازازۇل ئايال ــــ چۆل ساي. بىر قوتان مېلىڭ بولغىچە، كۆيۈمچان، پەزىلەتلىك خوتۇنۇڭ بولمىسا بىكار. مەنبەسى: «ئاياللار ھەققىدە» دىن ئېلىندى.

گۈل

	ئاياللارنىڭ دىلى ئاغرىغاندا زىمىن تىترەيدۇ.........يائاللا بىز ئۈچۈن مۇنداقمۇ سۆزلەر يېزىلغانكەن ھە ~~~~ رەھمەت تاتلىق تىمىڭىزغا ~بىزلەر ئۈچۈن شۇنچە گۈزەل قۇرلارنى تىزىپ قالدۇرۇپسىز ، ھارماڭ !

shadiyana

	"ئاياللار- بىر قولىدا بۆشۈكنى، بىر قولىدا دۇنيانى تەۋرەتكۈچىلەردۇر. " ئەڭ دۇردانە قۇرلار،ئايال بولماق ئاسان ئەمەس!

guzallarr

	ھەھىقەتەن توغرا يىزىپ سىز .بىز بولمىساق بۇدۇنيا نىمە بۇلۇپ كىتەر ؟!

maddinam

	ھەقىقەتەن توغرا يىززىپ سىز قوللىڭىز غا دەرىت بەرمىسسۇن

xohziba

	بەك ياخشى يېزىپسىز . مەن قايسى خىلغا كىرىدىغاندىمەن بىلەلمىدىم . [s:148]