باشقىلارنىڭ ئېرى ( ھېكايە)

yultuz112

	باشقىلارنىڭ ئېرى                                                      (ھېكايە) مەن ئىشتىن چۈشكەندىن كېيىن كۆپ ھاللاردا ئىنترنېت تورىدىكى مۇنبەرلەرگە كىرىپ بەس-مۇنازىرىلەرنى كۆرەتتىم. بىر كۈنى يېقىن دوستۇمنىڭ ياردىمىدە «مۇڭداشقۇ»(چ چ) نىڭ نومۇرىغا ئىگە بولۇپ قالدىم. لېكىن كۆپىنچە چاغلاردا مۇڭداشقۇنى ئېچىپ قويۇپ، مۇنبەردىكى قىزىق دەتالاشلارغا غەرق بولۇپ كېتەتتىم. بىر كۈنى مۇڭداشقۇ(چ چ)مغاناتونۇش بىرەيلەندىن قوشۇۋېلىش ئۇچۇرى كەلدى. مەن« قانداق قىلاي» دەپ سەل ئارىسالدى بولغان بولساممۇ، لېكىن يەنىلا «ئۇ»نى قوشۇۋېلىش قارارىنى چىقاردىم. شۇنىڭدىن كېيىن مېنىڭ تۇرمۇشۇمدا ئۆزگىرىش بولۇشقا باشلىدى، كۈندە «ئۇ»نىڭ بىلەن قىلىشىدىغان گېپىمىز تۈگىمەيتتى.« ئۇ »ماڭا ئۆزىنىڭ تولىمۇ بەختلىك ئائىلىسى بارلىقىنى ئېيتقاچقىمۇ، «ئۇ»نىڭدىن ئۆزۈمنى قاچۇرىدىغان بولىۋالدىم. چۈنكى، «ئۇ» دېگەن باشقىلارنىڭ ئېرى-دە! «ئۇ»نىڭ بەختلىك ئائىلىسى، كۆيۈمچان خوتۇنى ۋە ئوماق پەرزەنتلىرى بار. لېكىن، «ئۇ» ھەرقاچان مېنىڭ بۇ خىيالىمنى بىلىۋالغاندەكلا، ئىنتايىن سەمىمىيلىك بىلەن:« ئادەم تۇرمۇشتا كۈندە دېگۈدەك ياكى ئۇنداق، ياكى مۇنداق كۆڭۈلسىزلىكلەرگە ئۇچراپ تۇرىدۇ.شۇنداق چاغلاردا سىرداش دوستلىرى بىلەن ھال-مۇڭ بولۇشقاننىڭ ھېچقانداق زىيىنى يوق . . .» دەيتتى. قايسى بىر كىتاپتىن«نىكاھتىن ئاجراشقان ئاياللار تۇرمۇشتا مەغلۇپ بولغان ئاياللاردۇر!» دېگەن سۆزلەرنى ئوقىغاندىن كېيىن، ئۆزۈممۇ بىر نىكاھتىن ئاجراشقان ئايال بولغاچقىمىكىن، باشقىلارنىڭمۇ مەندەك نىكاھتا ئوڭۇشسىزلىققا ئۇچرىشىنى خالىمايتتىم، بەلكى ئۇلارنىڭ تېخىمۇ بەختلىك بولۇشىنى ئۈمىد قىلاتتىم. شۇڭلاشقا، ئۇنداق چاغلاردا:«ئۇ» باشقىلارنىڭ ئېرى، ئۇنىڭغا نىسبەتەن باشقىچە خىياللاردا بولسام بولمايدۇ! دېگەن سۆزلەرنى كۆڭلۈمدە توختىماي تەكرارلايتتىم. لېكىن«كۆڭۈل دېگەن پادىشاھ، ھەر تەرەپكە تارتىشار» دېگەندەك، «ئۇ» زادىلا خىيالىمدىن چىقمايتتى. «ئۇ»نى ئويلىماي دېسەممۇ خىيالىمغا كىرىۋالاتتى. ئۇنىڭ مۇڭداشقۇ(چ چ)مدىكى تاتلىق-تاتلىق، يۇمۇرلۇق سۆزلىرى ئېسىمگە كەلسىلا، ئىختىيارسىز«ئۇ»نى ئويلاپ، شېرىن خىياللارغا غەرق بولاتتىم. ئەپسۇس، «ئۇ»نىڭ باشقىلارنىڭ ئېرى ئىكەنلىكى ئېسىمگە كەلگەن ھامان خۇددى قىممەتلىك نەرسىسىنى يوقىتىپ قويغان ئادەمدەك باشقىچىلا بىئارام بولۇپ كېتەتتىم. . . بەزىدە ئىككىمىز مۇڭداشقۇ(چ چ)دا مۇڭداشقاننى ئاز كۆرگەندەك، يانفوندىمۇ ئۆزئارا قىسقا ئۇچۇر يوللىشىپ، بىر-بىرىمىزدىن ھال-ئەھۋال سورىشىپ، ياخشى تىلەكلەرنى تىلىشىپ كېتەتتۇق. «ئۇ»نىڭ ھەر بىر ئۇچۇرىنى كۆرگىنىمدە، قەلبىمدە خۇددى ئەڭ يېقىن ئادىمىمنى كۆرگەندەك چەكسىز شاتلىنىپ كېتەتتىم. چۈنكى، خەت دېگەن يېرىم دىدار ئەمەسمۇ؟ شۇڭا دائىم «ئۇ»نىڭ ئۇچۇرىنى زارىقىپ كۈتەتتىم،ئۇچۇر كەلگىنىدە بولسا خۇددى «ئۇ» يېنىمدا باردەك شاتلىناتتىم، «ئۇ»نى باغرىمغا باسقاندەك، يانفونۇمنى باغرىمغا بېسىپ ھاياجانغا چۆمۈلەتتىم. ئەپسۇس، «ئۇ. . .، ئۇ. . .» باشقىلارنىڭ ئېرى- دە؟! . . دۇنيادا مەڭگۈ ئاشكارىلانمايدىغان مەخپىيەتلىك بولمىغىنىدەك، ئىككىمىزنىڭ مەخپىيەتلىكىمۇ ئاخىرى ئاشكارىلىنىپ قالدى. «ئۇ»نىڭ خوتۇنى مەن «ئۇ»نىڭ يانفونىغا ئەۋەتكەن قىسقا ئۇچۇرنى كۆرۈپ قاپتۇ، مەن بۇ ئىشنى «ئۇ»نىڭ مۇڭداشقۇ(چ چ)مغا قالدۇرغان ئۇچۇرىدىن بىلدىم. «ئۇ» مۇنداق دەپ سۆز قالدۇرغانىدى:« كەچۈرۈڭ، سىز قايسى كۈنى يوللىغان ئۇچۇرنى خوتۇنۇم كۆرۈپ قالدى، شۇنىڭدىن بېرى ئائىلىمىزدىن جىدەل قۇرىمىدى، شۇڭا بۇنىڭدىن كېيىن ئارىمىزدىكى ئالاقىگە چېكىت قويساق! مەن ئېيتمىساممۇ سىزگە ئايان، ھەر ئىككىمىزگىلا خاتىرجەم تۇرمۇش كېرەك. ئەلۋەتتە، مېنىڭمۇ خاتىرجەم تۇرمۇشۇمنى بۇزغۇم يوق. سىزگە بەخت تىلەيمەن!!!. . .» مەن قالدۇرۇلغان خەتلەرنى ئوقىۋاتقان شۇ پەيتلەردە تاس قالدىم كەينىمگە ئۇچۇپ كەتكىلى. «توۋا، بۇ نېمە ئىش ئەمدى؟!، ئۆزۈم تاپقان بالاغا نەگە باراي داۋاغا. . .» دېگەندەك، مەن ئەنسىرىگەن ئىش ئاخىرى يۈز بەرگەنىدى. شۇنىڭدىن كېيىن بەكلا پۇشايمان قىلدىم، ئۆز-ئۆزۈمدىن قاتتىق نەپرەتلەندىم. توغرا، دېمىسىمۇ «ئۇ» باشقىلارنىڭ ئېر-دە؟! شۇنداق ئىكەن يەنە «ئۇ»نىڭغا ئۇچۇر ئەۋەتىشكە،«ئۇ»نى ئويلاپ شىرىن خىياللار قاينىمىدا ئۈزۈشكە ئاساس بولغۇدەك نېمەم بار زادى؟! دېمەك، «ئۇ»نىڭ باشقىلارنىڭ ئېرى ئىكەنلىكى مەڭگۈ ئۆزگەرمەيدىغان ھەقىقەت، شۇڭا شەرم-ھايالىق ۋە ۋىجدانلىق ئايال ئىكەنمەن، چوقۇم كاللامنى سىلكىۋېتىپ ياشىشىم ،«ئۇ»نىڭدىن قانداقتۇ بىنورمال ئۈمىتلەرنى كۈتمەستىن، ئۇنىڭغا چەكسىز بەخت تىلىشىم كېرەك! مانا بۇ مەن قىلالايدىغان ھەم ماڭالايدىغان بىردىن-بىر ھاياتلىق يولۇم بولۇشى كېرەك!!!. .                                                                مەنبە: قەلىمىم

kuzum

	بۇ  تىما  تۇرمۇشقابەكمۇ يېقىن بوپتۇ دوستۇم ،غەيرەتلىك بۇلۇڭ ئەقلىڭىزگە بارىكاللا

tanha001

	نۇرغۇنلىغان ئاياللار مۇشۇنداق ئۇيلىسا ،يەنە نۇرغۇنلىغنا ئەرلەر ئاشۇنداق ئۆزىگە چىكىت قۇيالىسا تىرىك يىتىملار ئازبۇلىدۇ ، ياكى بولمايدۇ .بۇ ئەسەر ناھايتى ياخىشى چىقىپتۇ .

ubul0998

	راسلام ياخشى يىزىپىلا ، ئەندى ئەقىللىرنى تىپىپلا.

zarbedar

	ياخشى يىزىلغان ئەسەركەن! [s:166]  [s:166]  [s:166]

musapr

	adam nima uqun yaxaydigan likini bilix kirak

伽师110

	ئۇدېگەن راست باشكلار نېڭ تورسا .ئۇقېز سەت ساراڭ ئكەن

OTYAK

	ھازىرقى چ چ تۇرمۇشلىرى چىن ئەكىس ئەتتۇرۇلۇپتۇ. خۇدا ساقلاپتۇ ھەر ئىككى تەرەپكە. ئاۋۇ ئەرنىڭ ئايالى بەك چىچەن ئىكەن. دۆترەك خوتۇن بولغان بولسا ئۇنىڭ ئاقىۋىتىنى تەسەۋۇر قىلىش مۇمكىن ئەمەس ئىدى... ياخشى يېزىپسىز.

melody

	ئايالنىڭ ئەمەس  ئەڭ ئاخىردا ئەرنىڭ ئەقلىنى  تاپقىنىغا  چىكىت ئۇرغىنىغا رەھمەت ،خوتۇن  بارلىقىنى  بىلىپ  تۇرۇپ ئۇچۇر قىلىپ ئارلاشقانكىن  خوپ  بوپتۇ . بىشىدىلا  ئارلىق ساقلىشى  بەك يىقىن بولماسلىقى  كىرەكتى  ئۆزىمۇ ئايال بولغاندىكىن ئۇ ئايالنىڭ ئورنىدا مەن بولسام قانداق قىلىمەن  ئەگەر  ئاياللار يولدۇشۇمغا ئۇچۇر قىلۋەرسە قانداق بولۇپ كىتىمەن دىگەننى ئويلىشى كىرەكتى

hrstal01

	تۇرمۇشقا يېقىن، ياخشى يېزىپسىز.