سەككىز خىل قىزدىن يىراق تۇرۇڭ

MUHTAR3818

	"مۇلايىم ھەم گۈزەل قىز يىگىتكە ياخشى جورا بولالايدۇ" ، مانا بۇ ئەزەلدىن ئۆزگەرمەي كېلىۋاتقان قائىدە، ئەمما نېمە ئۈچۈن بىر قىسىم قىزلار رۇخسارى گۈزەل، كېلىپ چىقىشى ياخشى بولسىمۇ، يەنىلا يىگىتلەرنىڭ سوغۇق مۇئامىلسىگە ئۇچرايدۇ؟    ئەمسە بۇنىڭ سىر زادى نەدە ؟    1. كونترول قىلىۋېلىش خاھىشى زىيادە بولغان قىزلار. نۇرغۇنلىغان قىزلار ئوغۇللارغا كۆيۈنۈش، غەمخورلۇق قىلىشتەك تەبىئىي خارەكتىرىنى جارى قىلدۇرمايلا قالماي، ئەكسىچە بىشەملىك قىلىپ، ئەۋجىگە  چىققان ھوقۇق خۇمارىنى يىگىتى ئارقىلىق قاندۇرۇشنى ياخشى كۆرىدۇ.    2.ئۆزىنى چوڭ تۇتىدىغان قىزلار بىر قىسىم قىزلار ئۆزىنىڭ "ئەمەلىي كۈچى" نى يىگىتكە كۆز-كۆز قىلىش ئۈچۈن ، داۋاملىق گەپ-سۆز ئارىسىدا ئۆزىنى قوغلاشقۇچىلارنىڭ ناھايىتى كۆپ ئىكەنلىكىدىن بىشارەت بېرىپ، ئۆزىنى يوقىتىپ قۇيىدۇ.    3. غەيۋەت-شىكايەت قىلىدىغان قىزلار كىشىلەر ۋات-ۋاتلىق ئاياللارنىڭ پاتېنتى دەيدۇ. لېكىن  ، سىز بۇنداق پاتېنتنى تاشلىۋېتىڭ. يىگىتىگىزنىڭ ئالدىدا باشقىلارنىڭ غەيۋىتىنى قىلسىڭىز، شەخسىي مەخپىيەتلىكنى ئاشكارىلىسىڭىز، بۇ يىگىتىڭىزدە سىزگە نىسبەتەن نااچار تەسىرەت پەيدا قىلىدۇ-دە ، ئۇ سىزنىڭ تېتىقسىز قىزكەن، دەپ ياقتۇرماي قالىدۇ.    4. ھەممىنى بېشىدىن بىۋاستە ئۆتكۈزۈشنى زىيادە تەكىتلەيدىغان قىزلار يىگىتىڭىز ئاشخانىدا تاماق يېگەندە ، ئەدەب بىلەن سىزگە ئورۇندۇق قۇيۇپ بەرسە، ئۆزىڭىزنىڭ ئىشىنى ئۆزىڭىز تالىشىپ قىلامسىز؟ سىلەر ماگزىن ئايلىنىپ بولغاندىن كېيىن، ئۇ سىزنىڭ نەرسە-كېرەكلىرىڭىزنى كۆتۈرىۋېلىشنى تەلەپ قىلسا، ئۇنى رەت قىلىپ تۇرۇۋالامسىز؟ بىلىشىڭىز كېرەككى، ياخشى قىزلارنىڭ قەدرىنى قىلىشنى بىلىدىغان يىگىت باشقىلارنىڭ ئەيىبلەش نەزىرى بىلەن قارىشىغا ئۇچرايدۇ، شۇنداقلا يىەىتلەر ھەممە ئىشنى ئۆزۈم قىلىمەن دەپ تۇرىۋالىدىغان قىزلاردىنمۇ ئۆزىنى تارتىدۇ.     5. قاتتىق ‹ئىنتىزامچان› قىزلار يىگىتلەر قىزلار بىلەن ئۇچراشقاندا، گويا ئىنتىزامى قاتتىق قوشۇننىڭ مەشقىگە قاتنىشىپ قانغاندەك بولۇپ قېلىشتىن بەك قورقىدۇ. گالستۇكنىڭ تۈگۈنچىكى سەلا يوغان بولۇپ كەتسە ، چىرايىڭىزنى تۈرۈپ، ئۇنى دەرھال تازىلىق ئۆيىگە كىرىپ قايتا چېگىپ چىقىشقا بۇيرۇيسىز؛ مۇبادا ئۇ ئېھتىياتسىزلىقتىن بىرەر تامچە سۇنى سىزگە چاچرىتىۋەتسە، سىز خۇددى چاقماق سوقۇۋەتكەندەك، ئۇنى بىپەرۋاكەنسىز، دەپ ئەيىبلەيسىز... مۇشۇنىڭغا ئوخشاش ‹ئىنتىزامچانلىق كېسىلى› بار قىزلارنىڭ ‹مىجەزى كېلىشىدىغان› يىگىت تېپىشى راستتىنلا ئاسانغا چۈشمەيدۇ.     6. زىيادە قىزغىن بولۇپ كېتىدىغان قىزلار بەزى قىزلار باشقىلارغا يېقىملىق ، دوستانە تەسىر بېرىش ئۈچۈن ، يىگىتلەرنى كۆرسىلا ئۆزىنىڭ قىزغىنلىقىنى ئىپادىلەشكە ئالدىراپ كېتىپ، ئۆزىنىڭ كەچۈرمىشى ۋە ئارزۇ-ئارمانلىرىنىڭ ھەممىسىنى ئېسىل نەرسە قاتارىدا سانىغاندەك تۆكۈۋېتىدۇ. ئانچە تونۇش بولمىغان يات جىنىستىكى دوستلىرىدىن ئۆيى ياكى شىركىتىنىڭ تېلېفۇن نومۇرىنى سورايدۇ... مۇشۇنىڭغا ئوخشاش قىلىقلارنىڭ ھەممىسى يىگىتلەرنى ئوسال قىلىپ قويىدۇ. شۇنداقلا ئۇلار سىزنى بەك شاللاق ئىكەن، قىزلارغا خاس تارتىنچاقلىق يوق ئىكەن دەپ قالىدۇ-دە، سىزنى كۆرۈشۈشكە تەكلىپ قىلىش ئۇياقتا تۇرسۇن، بەلكى يىراقتىن قارىڭىزنى كۆرۈپلا سىزدىن قاچىدىغان بولۇپ قالىدۇ.     7. ئانچە كۆيۈمچان ئەمەس قىزلار بەزى قىزلار يىگىتىنىڭ كۆڭلى يېرىم بولغان ، روھىي سۇنغان، غەمكىن بوپ قالغان چاغلاردىمۇ يىگىتىنى ئويۇن كۆرۈش ، بازار ئايلىنىش ياكى ئۆزى ياقتۇرىدىغان ئىشلارنى قىلدۇرۇشتا چىڭ تۇرىۋالىدۇ، ئەگەر يىگىتى كەيپىياتىنىڭ ياخشى ئەمەسلىكى ، كۆرۈشكۈسى يوقلىقىنى ئېيتسا، شۇئان تەنە قىلىپ ، ئوغۇل بالا دېگەن يامانلىغاق، ئۇنداق ئىنجىمارۇق بولماسلىقى كېرەك دېگەندەك ئۇنىڭ غورۇرىغا تېگىدىغان گەپلەرنى قىلىدۇ. قايسى يىگىت بۇنداق شادلىقتىلا بىرگە بولىدىغان، قايغۇدا بىرگە بولغىلى بولمايدىغان قىزلار بىلەن ئۇزاققىچە ئارىلىشىشنى خالايدۇ؟     8. كىشىنى ھەيران قالدۇرغۇدەك پەرداز قىلىدىغان قىزلار   بەزى قىزلار گىرىمنى ئۆز لايىقىدا قىلماي، كىنو، تېلېۋىزورلاردىكى چولپانلارنىڭ ئېكراندىكى ھالىتىنى دوراپ گىرىم قىلىدۇ. نەتىجىدە قىپقىزىل ئەڭلىك سۈرتكەن ئىككى مەڭزى ھەم كۆك، ھەم قىزىل سۈرمىسى، ئاشۇرۇپ سۈرۈۋالغان لەۋ سۈرۈخى...ھەقىقەتەن يىگىتلەرنى "تىكىلىپ قاراشقا پېتىنالمايدىغان" قىلىپ قويىدۇ. بۇنىڭدىن باشقا، بەزى قىزلار باشقىلارنىڭ دىققىتىنى تارتىش ئۈچۈن، زىبۇ-زىننەت ساندۇقىدىكى بارلىق ئەتىۋارلىق نەرسىلىرىنىڭ ھەممىسىنى ئىشقا سالىدۇ. شۇنىڭ بىلەن، چېچى، بىلىكى ، قۇلىقى، ھەتتا ئۇشۇقىمۇ بىكار قالمايدۇ-دە ، ئۆزى چاكىنىلىشىپ قالىدۇ. بىلىشىڭىز كېرەككى، جايىدا قىلىنغان گىرىم، يېقىملىق ھەم سۇس ئەتىر ھىدىلا كىشىدە ياخشى سېزىم پەيدا قىلىدۇ، چېكىدىن ئاشقان، تەبىئىي گۈزەللىكنى يوقاتقان ياسىنىش سىزنىڭ چاكىنا ھەم نادانلىقىڭىزنىلا ئاشكارىلاپ قويىدۇ، خالاس.  مەنبە: تەرمىلەر ژۇرنىلى

Gulbike

	ياخشى  تېمىكەن  ،   قىزلار كۆرۈشكە  تېگىشلىك، رەھمەت

Ruin

	بۇنچىلىك ئىنچىكە ئويلىسام قىزدوست تىپىش تەسكەتوختامدۇ نىمە ؟ ئەجەپ باشقاتتى يا [s:145]  [s:145]

QINAR601

	ياخشى تېمىكەن ،كۆرۈشكە ئەرزىگىدەك ! [s:166]

zulayha

	مەن ئۆزەمنى  دەڭسەپ باقتىم . بەك ئاقكۆڭۈل ھەم  زىيادە باشقىلارغا كۆيۈنىدىغانلارمۇ بولمايدىكەن .  [s:164]

Zulpikar

	كۈلۈپ كەتتىم ! ________________ مەن ئارلاشقان قىزلارنىڭ مۇشۇنداق مىجەزلىرى بولىدىغان، بەزىللىرى ناھايىتى قىزغىن، بەزىللىرى گىرىم خۇمارى، يەنە بەزىللىرى ئېرىمەيدىغان تاش !!!

arkal

	مىنىڭ ئامىتىم كەپتۇ [s:177]  [s:177]  [s:177]

natonux

	بۇنداق قىزلا جىققۇ ھازىر````` [s:135]

پالۋان

	يەنىلا بويتاقلىق ياخشىمۇ نېمە............. [s:146] خوتۇن ئالمىساڭ تالادا قالدىڭ، خوتۇن ئالساڭ بالادا قالدىڭ............ [s:152]

ubul0998

	بۇ 8شەرتنىڭ ھەممىسىگە چۈشۈپ قالدىغان قىزلارمۇ چىقىپ قالارما؟