ئاياللار ۋە ئائىلە

taxnaguli

	ئائىلىدە كۆپىنچە ئاتىغا قارىغاندا ئانىنىڭ بالىلار بىلەن ئارىلىشىدىغان، بىللە بولىدىغان ۋاقتى نىسبەتەن كۆپ بولىدۇ . شۇڭا ئانىنىڭ مىجەز خاراكتېرى تۇراقلىق، گەپ –سۆز جايىدا، ئىش ھەركىتى رېتىملىق بولمىسا ، بالىلارغا بەرگەن تەربىيەنىڭ تەسىرى بولمايدۇ. بەزى ئانىلار باركى خۇشى كەلگەندە بالىلىرىغا قىلىدىغان قىلىق تاپالماي قالىدۇ، ئاچچىقى كېلىپ قالسا بالىلىرىنى ئاياپ ئولتۇرمايدۇ ؛ يەنە بەزى ئانىلار بالىلارنىڭ ئۆگىنىش ، تۇرمۇش ئىشلىرىدا ئاتىسىغا بەس سالىدۇ ، تۇرۇپلا بالىلارغا زىيادە كۆيۈنۈپ كېتىدۇ . ناچارئائىلە كەيپىياتى ۋە گەپ–سۆز ، ئىش–ھەرىكەت بالىلارنىڭ نېرۋا سىستېمىسىغا بىۋاستە تەسىر قىلىپ ، ھەزىم  قىلىش، نەپەسلىنىش ، قان ئايلىنىش سىستىمىسىنىڭ فۇنكىسىيىسىنى تورمۇزلايدۇ ، نورمال يېتىلىشىگە تەسىر كۆرسىتىدۇ.      ئانىنىڭ يۈرۈش –تۇرۇشى ، كىيىنىشى ، ئائىلىۋى تۇرمۇش تەرتىپى، ئىجتىمائىي مۇناسىۋەت دائىرىسى ، كەسپىي ئەخلاقى ۋە ئائىلىۋىي ئەخلاقى بالىلارنىڭ ئۆسۈپ يېتىلىشىگە بىۋاستە تەسىر قىلىدۇ. ئانا ئائىلىدە كۆيۈمچان، كەمتەر ، خۇش پېئىل ، تىرىشچان ۋە ئىقتىسادچىل ، چىقىشقاق ، ئىشچان ، مەسئۇلىيەتچان بولسا ، بالىلارمۇ ئانىنىڭ مىجەز خاراكتېرىنى تەدرىجىي دورايدۇ ھەمدە شۇنداق خاراكتېرنى يىتىلدۈرىدۇ، يەنە بىر قىسىم ئانىلار باركى ،بالىلارغا مەلۇم ئىشنى تاپىلاپ ئۇنىڭ سۈرۈشتىسىنى قىلمايدۇ . بالىلارنى دەرسكە زورلايدۇ –يۇ ، ئۆزى تېلېۋىزورنى يۇقىرى ئاۋازا قويۇۋېلىپ ، ۋەقەلىك ئىچىگە چۆكۈپ كىتىپ، ئۆزىگە ئۆزى سۆزلەپ بالىلارنىڭ زېھنىنى چاچىدۇ . بالىلارغا تىنىچ مۇھىت يارىتىپ بەرمەستىن كۈن بويى ئۈگىنىشكەزورلايدۇ . پىسخولوگلارنىڭ يەكۈنىدىن ئايانكى ، ئارام ئېلىش بىلەن ئىشلەش ئۆز ئارا ماسلاشقاندىلا  ، ئاندىن تەپەككۇر قىلىش ھەم ئەستە ساقلاش ئىقتىدارىنى ئاشۇرغىلى بولىدۇ . ئۆسمۈرلەرنىڭ كۈندىلىك ئۇيقۇسى ئادەتتە 10 سائەتتىن كەم بولسا بولمايدۇ .      شۇڭا ئانا ئائىلىدە گەپ قىلغاندا ئىلمىي ،مەدەنىي بولۇشى ؛ ئەر–ئاياللارتاساددبىي ئازارلىشىپ قالغاندا مەدەنىي گەپ قىلىشى ،  گەپ –سۆزىنىڭ بالىلارغا بېرىدىغان يامان تەسىرىنى ئويلىشى كېرەك .بەزى ئانىلار ئادەتتە تولىمۇ چىرايلىق ، سىپايەگەپ قىلىدۇ ، ئەمما بالىسىنىڭ ئىش-ھەرىكىتى دىتىغا ياقمىساياكى ئېرى بىلەن جېدەللىشىپ قالسا ، ئېغىزغا ئالغۇسىز سەت، قوپال ، لاۋزا ، تېتىقسىز گەپلەر بىلەن بالىلار ياكى ئېرىنى  ھاقارەتلەيدۇ . بالىلارشۇڭا سەت ، قوپال ، لاۋزا گەپلەرنى بىلىپ–بىلمەي ئالدى بىلەن ئۆيدىن ، ئاتا–ئانىدىن ئۆگىنىدۇ . ئۈرۈمچى كەچلىك گېزىتى››دىن ئېلىندى

zulayha

	راست دەيسىز...ئانىلار بالىلارنىڭ تۇنجى ئۇستازى ،شۇنداق بولغانىكەن چوقۇم بالىلارغا ياخشى ئۈلگە بولۇشىمىز ،ئۇلارنى توغرا ئۇسۇل بىلەن تەربىيەلىشىمىز تولىمۇ زۆرۈر. تېمىڭىزدىن خۇش بولدۇم . مەسئۇلىيىتمنى يەنە بىر قېتىم ئەسلەتكىنىڭىزگە رەھمەت.

美女

	ھەقىقەتەن توغرا، ئاياللار بەكلا ئۇلۈغ. ئۇلار بىر قولىدا بۆشۈك تەۋرەتسە، بىر قولىدا دۇنيانى تەۋرىتىدۇ. ئاياللار ئەنە شۇنداق ئۇلۇغ.

ruhcar

	ياخشى تېما يوللاپسىز،مىسرانىمدىكى قىزلار چۇقۇم ياخشى ئانا بۇلۇشقا تىرشايلى ھە!!! [s:166]  [s:154]  [s:160]  [s:139]