ئۆلۈمۈم قانداق بولار ( ئەسرارى)

asrari

	ئۆلۈمۈم قانداق بولار ( ئەسرارى) مەن بىلىمەن تىرىكلىكىمنى، خەۋىرىم يوق ئۆلۈم كۈنۈمدىن. قاچانغىچە ياشارمەن تىرىك، كۈندە بىرسى ئۆلەر كۈنۈمدىن. يېقىنلايدۇ كۈنۈم ئۆلۈمگە، ئۆلۈممۇ ھەم مىنىڭ كۈنۈمگە، كىم زەن سالار مىنىڭ ئۈنۈمگە، بەك قورقىمەن ئۆلۈم كۈنىمدىن. ئاز ئەمەسقۇ مەندە خاتالىق، ئەمىلىم ئاز باقىي دۇنيالىق، ياشىمىدىم ئادەمگە لايىق، بەك قورقىمەن ئۆلۈم كۈنۈمدىن. غەيۋەتتىنمۇ خالىي بولالماي، ئىبادەتكە ئۇزۇن تۇرالماي، گۇناھىمنى تېخى تونالماي، قورقۇپتىمەن ئۆلۈم كۈنۈمدىن. ئوتىدا كۆيۈپ،سۈيىدە ئاقماي، ئانامنىمۇ ئۇزاتتىم باقماي، قېرى دادام كۆزۈمگە ياقماي، بىخەۋەردەك ئۆلۈم كۈنۈمدىن. ئۆيۈمدە بىر مىھرىبان خوتۇن، قورقىتىمەن ئۆرلىتىپ جۇدۇن، ئۆيدە سوقۇش تالادا ئويۇن، ئەمدى قورقتۇم ئۆلۈم كۈنۈمدىن. يالغان بىلەن سودا ھەركىتى، ئوينىغۇدەك بولدى بەركىتى، سىرتقا خەجلەپ ئۆيگە نەدىكى، شەيتان كۈلەر ئۆلۈم كۈنۈمدىن. كىچىلىكىم بولدى رىستۇران، كۈندۈزلىرىم بولدى باغ-ۋاران، نامازغۇ يوق بوپ كەتتى قۇربان، قورقۇپ كەتتىم ئۆلۈم كۈنۈمدىن. دۇنيا مىنىڭ بەختىم دەپتىمەن، دۇنيا مىنىڭ تەختىم دەپتىمەن، دۇنياغا جان كەچتىم دەپتىمەن، شەيتان غەلبە قىلدى مىنىڭدىن. مەنبەسى: م.ئې.ئەسرارى ئىلھاملىرىدىن.

juxkun-28

	ئامال يوقكەن توختىتىشقا ۋاقىتنى ، يىلدا بىر ياش چوڭايماقتا يېشىممۇ . ئۆتكەن ۋاختىم ئۈتۈپ كەتتى مەنىسىز ، خىيال قىلسام ئاغىرىيدۇ بېشىممۇ . "تىرەك قويسام يېتەمدىكىن قۇياشقا "، دەپ ئويلىسام بۇمۇ خىيالمۇ كۈلكىلىك . "بولدى ئەمدى ئۆتكەن ئۆمۈر كەتتىغۇ" ، دەپ ئويلىسام قالغان ۋاختىم قانچىلىك ؟. شۇنىڭدىمۇ بىر تىرىشاي-تىرمىشاي ، ھىچ بولمىسا گۇناھىمنى ئازلىتاي . ئانچە مۇنچە ئىشلار قىلىپ ئەل ئۈچۈن ، روھىمدىكى چۈشكۈنلىكنى تازلىتاي .      جۇشقۇن شېئىرىڭىز بەك مەزمۇنلۇق يېزىلىپتۇ ، ئۇقۇپ مىنىڭمۇ ئەگەشكۈم كەلدى (گەرچە ئانچە ياخشى يازالمىساممۇ) .  قەلىمىڭىزگە بەركەت ، ئىشلىرىڭىزغا ئۇتۇق تىلەيمەن .

asrari

	سىز مەندى ياخشى يازغاندەك تۇرىسىز. رەھمەت سىزنىڭمۇ قەلىمىزگە  بەركەت تىلەيمەن.

erktikin

	اللاھ ھەر ئىككىڭلارنىڭ قەلىمىگە بەرىكەت بەرگەي !

yulgun21

	ئاللاھ بەرىكەت بەرسۇن!ناھايىتى مەزمۇنلۇق ،ياخشى يېزىلغان شېئىر ئىكەن.

پالۋان

	ئۆلۈم ئەسلىگىن ھايات قالىسەن، ئۆلۈمگە ئىنتىلسەڭ بەخت تاپىسەن، ھاياتنى بەخش ئەت ئىبادەتلەرگە، شۇندا سەن مەڭگۈگە ئامان قالىسەن.

بېھزات

	ياخشى يىزىپسىز ، بۈگۈن پەقەتلا ئېلھامىم يوق دىسە،شۇنداقتىمۇ ئۇشبۇ قۇرلارنى جىجىلاپ قويدۇم. ھاياتلىق يولىغا ئالدۇق بىز قەدەم， ئۇزاقى مەنزىلگە ئۆلۈمگە قاراپ، ياشايلى چىن-ئىخلاس ئېتىقاد بىلەن... كېيىنلىك بولمىسۇن دوزىخى ئەلەم.

AynaK

	قەلىمىڭىز بارغانسىرى ئۆتكۈرلىشىۋاتىدۇ. يېڭى ئەسەرلىرىڭىز مۇنبەردىن ئۈزۈلمىگەي. [s:160]  [s:173]

ayyamguri

	ئەسەرلىرىڭىز  تولىمۇ ياخشى چېقىپتۇ،ھاياتلىغىمىزدا كۆپرەك ئەل ئۈچۈن ياخشى ئىش قىلايلى ،ئۆتكەن كۈنلىرىمىز ئۈچۈن كەلگۈسىدە پۇشايمان قىلمايلى.قانداق ئۈلۈشنى بىز تاللىيالمايمىز ،شۇڭا  كېيىنلىكنىمۇ ئۇيلۇشۇش كېرەك ،اللا  ھۇزۇرىغا ئىمانىمىزبىلەن  بېرىشقا نىسېپ بولسۇن !!

=ALBALSI=

	تولىمۇ تەسىرلەندىم بۇ ئەسرىڭىزدىن،مۇنبەردە مۇشۇنداق تىمىلارنىڭ تېخىمۇ كۆپلەپ مەنيدانغا كىلىشىگە تىلەكداشمەن،