ياخشى ئايال ئەرنى ئۆزگەرتەلەيدۇ

menggutax

	ياخشى ئايال ئەرنى ئۆزگەرتەلەيدۇ    [align=justify]ياخشى ئايال ئەرنىڭ قىزغىنلىقىنى قوزغىيالايدۇ . ئەرلەرنىڭ قىزغىنلىقى ھەم قىممەتلىك ، ھەم قورقۇنچلۇقتۇر . بۇ خىل قىزغىنلىق ئەرلەرنى تولۇپ -تاشقان كۈچ -قۇۋۋەت بىلەن ئالغا باستۇرىدۇ ، شۇنداقلا مەلۇم بىر ئىشنى ئەسەبىيلەرچە قىلىشقا مەجبۇرلايدۇ . ئەگەر مۇشۇنداق چاغدا ئۇنىڭ يېنىدا ياخشى ئايال بولسا ، ئۇ ئېرىنىڭ ئالدىراقسانلىق ، قارىغۇلارچە ئىش كۆرۈشتەك روھىي ھالىتىنى تىزگىنلىيەلەيدۇ ھەمدە ئېرىدىكى قىزغىنلىقنى مۇلايىملىق ، ئېغىر بېسىقلىق بىلەن ھاياتلىقنىڭ ھەقىقىي ھەرىكەتلەندۈرگۈچ كۈچىگە ئايلاندۇرالايدۇ .    ئەرلەرنىڭ قەلبى خۇددى بىر پارچە مۇنبەت تۇپراق ، لېكىن تۇپراق بەك مۇنبەت بولغانلىقتىن ، ئۇنىڭدا ياۋا ئوت-چۆپلەرمۇ تېز ئۆسىدۇ . ياخشى ئايال بىر ياخشى دېھقان . ئۇ جان-دىلى ۋە ھالال ئەمگىكى بىلەن ياۋا ئوت-چۆپلەرنى ئوتاپ ، يۇمران مايسىلارنى سەۋرچانلىق بىلەن پەرۋىش قىلىپ ، چېچەك ئاچقۇزۇپ مېۋە بەرگۈزىدۇ . ئەرلەر دۇنيانىڭ يېرىمىنى تەشكىل قىلسا ، ياخشى ئايال دۇنيانىڭ يەنە يېرىمىنى تەشكىل قىلىدۇ . ئەرلەرنىڭ يېرىم دۇنياسىنى تولۇقلىغاندىلا ، ئاندىن ھەسەن-ھۈسەنلەر چىقىپ ، بۇ دۇنيانى پارلاپ تۇرغان يۇرۇق دۇنياغا ئايلاندۇرىدۇ . ياخشى ئايالنىڭ دۇنياسى پۈتۈن بولىدۇ ، ئۇ ياردەمگە موھتاج ئەرلەرگە ياردەم بېرىدۇ ، ئۆزگەرتىشكە تېگىشلىك ئەرلەرنى ئۆزگەرتىدۇ . مەنبە: ئۈرۈمچى كەچلىك گېزىتى

saba0903

	توغىرا مىنىڭ ئايالىممۇ مىنى تۈپتىن ئۆزگەرتىۋەتتى،

دۇنيا

	ئەرنى ئەر قىلغانمۇ خوتۇن ، يەر قىلغانمۇ خوتۇن دەپ بىكاغا ئىيتىلمىغان ، ئەرلەر كىچىك بالىغىلا ئوخشايدۇ ، خوتۇن ئۆزىنىڭ مىھرىبانلىقى ئارقىلىق يولدىن چىقىۋاتقان ئىرىنى ئۆزگەرتەلەيدۇ .

tanhakiyik

	ئاپتور جاۋابىنى بويلاپ 4قەۋەت  erpan1113 كە 2010-12-04 06:06 PMئەۋەتىلدى  : مېنىڭچە ھازىر 10000 ئايالدىن 10 ياخشى ئايال چىقامدۇ يوق، چۈنكى ھازىرقى قىزلار توي قىلىشتىن بۇرۇن بىر قويدەك مۇلايىم، توي قىلغاندىن كېيىن بۆرە تىرىسىنى كېيىپلا كېرىدىكەن ئۆيگە ھەممىسىلا ئۇنداق ئەمەستۇ،مەن باشتىن-ئاخىر مەيدانىم مۇستەھكەم،بايرىقىم روشەن ھالدا مۇلايىم ئايال جۇمۇڭ.

kadirya

	كونىلاردا ئەرنى ئەر قىلغانمۇ خوتۇن،يەر قىلغانمۇ خوتۇن دەيدىغان گەپ بار ئەمەسمۇ ،راستىنلا بىر ياخشى ئايال ئۆينىڭ   زىننىتى،يارىشىقى.ئۇ ئەرنى ئۆزگەرتىپلا قالماي ۋاقتى كەلسە بىر مىللەتنىمۇ ئۆزگەرتىۋىتىدۇ،شۇڭا قىز-ئاياللىرىمىز ياخشى بولغان ئەخلاق ساپا،مول بىلىم قۇرۇلمىسى،شۇنداقلا كۆيۈنىشكە موھتاج.

maggulukayrilix

	توغرا گەپ بولدى . ياخشى ئايالنىڭ خۇلقىمۇ ئەرنى ئۆزگەرتىدۇ.

gaday8076

	مەن بۇنىڭغا ئىشىنىمەن.چۇنكى باشىقىلاردىن سەن قانداق مۇھەببەت كۈتسەڭ،سەن ئاۋال شۇ مۇھەببەتتى باشقىلارغا بەرسەڭ،ئاندىن سەن شۇ كۈتكەن مۇھەببەتكە ئېرىشەليسەن.