ئاياللار قاچان تۇرمۇشنىڭ راھىتىنى كۆرىدۇ

nadira

	ئاياللار قاچان تۇرمۇشنىڭ راھىتىنى كۆرىدۇ بىز دەۋاتقان راھەت كۆرۈش پۇلنى بۇزۇپ - چېچىپ بەتخەجلىك قىلىش ئەمەس ،تۇرمۇشنى ئەيش - ئىشرەت ئىچىدە ئۆتكۈزۈشمۇ ئەمەس ،يەپ - ئىچىشتە بەسلىشىشىمۇ ئەمەس ،ئۆزىنى كۆرسىتىپ تەكەببۇرلۇق قىلىشمۇ ئەمەس ... بىز دەۋاتقان راھەت كۆرۈش مال - دۇنيادىن غەم قىلمايدىغان ئېسىلزادىلەرچە دۆلەتمەنلىك ئەمەس ،تاۋار- دۇردۇنلارغا پۈركەنگەن گۈزەل لاتاپەتمۇ ئەمەس ،پۈتۈن دۇنيانى ساياھەت قىلالايدىغان ئەركىن - ئازادىلىكمۇ ئەمەس ،ئېسىل نەغمە -ناۋالارنىڭ پەيزىنى سۈرۈشمۇ ئەمەس ... بىز دەۋاتقان راھەت كۆرۈش پەقەتلا ئاشخانىدا ئۆزى ئەڭ ياخشى كۆرىدىغان قورۇمىنى ئۆز ئالدىغا قورۇپ يىيىش .سودا سارايدا مەخسۇس ئۆزى ياقتۇردىغان كىيىمدىن بىر قۇر سېتىۋېلىش . بىز دەۋاتقان ئاياللارنىڭ راھەت كۆرۈشى پەقەت نورمال ئەڭ ئەقەللىي تۇرمۇش خوشاللىقلىرىدىن بەھرىمان بولۇش ،خالاس .بۇلار نۇرغۇن ئاياللارنىڭ تۇرمۇشنىڭ ھەلەكچىلىگىدە ئاللىقاچان ئېسىدىن كۆتۈرۈلۈپ ئۇنتۇپ كەتكەنلا يېرى بار . ئاياللار راھەت كۆرۈشنى ئارزۇ قىلمامدىغاندۇ ؟ بالىسى يېڭى تۇغۇلغاندا ،ئۇلار بالىسىنى بېقىش ،سۈتىنى تەييارلاش ،كىر - قاتلىرىنى يۇيۇش بىلەن بىلەن بىكار بولالمايدۇ ،بۇنداق چاغدا ،ئۇلار ماغزاپ بولۇپ كەتكەن قولىدا پىشانىسىدىكى تەرلىرىنى سۈرتكەچ ئۆزىگە تەسەللى بېرىپ : ھازىر بالام تېخى كىچىك ،چوڭ بولغاندىن كېيىن راھەت كۆرۋالساممۇ بولىدۇ ...دېيىشىدۇ . بالىسى ئاستا - ئاستا چوڭ بولۇپ ، يەسلىگە كىرگۈدەك بولىدۇ .ئاياللار بالىسىنى يېتىلەپ چىقىپ ،كۆكتات سېتىۋېلىپ تاماق ئېتىدۇ ، يەنە تېخى خىزمىتىنى ياخشى ئىشلىمىسە بولمايدۇ ،شۇ ئالدىراشلىق ئىچىدە كېچىنى كۈندۈزگە ئۇلاپ تىرىشىپ -تىرمىشىدۇ . ھېچقىسى يوق ،بالام مەكتەپكە كىرگەندە،قولۇم بوشايدۇ ،شۇ چاغدا راھەت كۆرۈۋالارمەن ... ئاياللار ئۆزىگە شۇنداق تەسەللى بېرىدۇ ،بۇ چاغدا ئۇلارنىڭ يۈزىگە بىلىنەر- بىلىنمەس قورۇق چۈشۈشكە باشلايدۇ . بالىسى ئاخىرى مەكتەپكىمۇ كىرىدۇ ،ئاياللار ئەكسىچە تېخىمۇ بەك ئالدىراش بولۇپ كېتىدۇ . بالامنى چوقۇم ياراملىق ئادەم قىلىپ تەربىيىلىشىم كېرەك .ئاياللار شۇ ئارزۇنىڭ تۈرتكىسىدە ،ئىدارە ،ئۆي ،مەكتەپ ،بازار ۋە ھەر خىل - ھەر ياڭزا تەربىيىلەش سىنىپلىرىنىڭ ئارىلىقىدا باپكارنىڭ موكىسىدەك يورغىلاپ يۈرىدۇ ... بالا ۋە ئەر غايەت چوڭ سامانيولى سىستىمېسى ،ئاياللار بولسا تۇرغۇن يۇلتۇز . يىللارنىڭ ئۆتۈشى بىلەن ئاياللارنىڭ تارتقان جاپالىرى ئۇلارنىڭ چېچى بىلەن پىشانىلىرىگە ئۆز ئىزناسىىنى قالدۇردۇ . مەن قاچانمۇ بەھۇزۇر ئولتۇرۇپ راھەت كۆرەرمەن ؟ ئايسىز كېچىدە ،ئاياللار سىرقىراپ ئاغرىغان بېلىنى رۇسلاپ ئۆز - ئۆزىگە شۇنداق سوئال قويىدۇ . ھىم ،چىدىشىم كېرەك ،چىدىساملا ھەممە ئىش ئۆتۈپ كېتىدۇ .بالام چوڭ بولۇپ ،ئالىي مەكتەپكە ئۆتسە ياكى خىزمەتكە چىقسا ،ھەممە ئىش يۈرۈشۈپ كېتىدۇ . شۇ چاغدا ياخشىراق راھەت كۆرۈۋالارمەن ... ئاياللار ئۆزىگە مانا مۇشۇنداق ۋەدە قىلىدۇ . ۋاقىت ئاياللارنىڭ ھۆسنى ۋە كۈچىنى خورىتىپ ،قۇرۇق ۋە ھارغىنلىقنى ھەدىيە قىلىدۇ . بالىسى چوڭ بولۇپ ، يىراق - يىراقلارغا ئۇچۇپ كېتىدۇ .ئىلگىركى تاتلىق ئەسلىمە ۋە خاتىرىلەرلا ئانىغا ھەمراھ بولۇپ قالىدۇ . ئاياللار ئېغىر ئۇھ تارتىدۇ ،مانا ئەمدى ،ئۇلار ئاخىر راھەت كۆرۈشكە ۋاقىت چىقىرالايدىغان بولدى . ئەپسۇس ،ئۇلارنىڭ چىشى بوشاپ كەتكەن ، قاتتىق نەرسىلەرنى چاينىيالمايدۇ .كۆزى خىرەلەشكەن ،تەبىئەتنىڭ گۈزەللىكىنى تاماشا قىلالمايدۇ . قۇلىقى ئېغىرلاشقان ،يېقىملىق مۇزىكىلاردىن ھوزۇرلىنالمايدۇ ... چىقىپ كەتكەن بالىسى يەنە قايتىپ كېلىدۇ ، ئۇ ئۆزىدىن تېخىمۇ كىچىك بالىسىنى ئېلىپ كەلگەنىدى . شۇنىڭ بىلەن ،ئاياللار توساتتىن ۋاقىت كەينىگە قايتقاندەك ھېس قىلىپ ،يەنە ئىلگىركىدەك ئايىغى چىقماس ئالدىراشلىققا مەھكۈم بولىدۇ ... ھېلىقى ھەممىدىن كىچىك بالىنىڭمۇ ئاستا - ئاستا تىلى چىقىدۇ ، بىراق ئۇ ئاپا دېمەي ، موما دەيدۇ ... ئاياللار مانا مۇشۇنداق قېرىپ مۈكچىيىدۇ ،ئاخىر بىر كۈنى ،ئۇلارغا راھەت كۆرۈشنىڭ ئورنى قالمايدۇ . ئۆمرىنىڭ ئاخىرقى كۈنلىرىدە ،ئۇلار ناھايىتى ئۇزاق يىللار ئىلگىرى ئۆزىگە بەرگەن ۋەدىسىنى ئېسىگە ئالىدۇ - باھارنىڭ ئىللىق كۈنلىرىدە ،قىزىل گاز ياغلىقىنى چىگىپ ، دالىدىكى ياپيېشىل چىملىقتا نەغمىچى قۇشلارنىڭ ۋىچىرلاشلىرىنى ئاڭلىغاچ جىمجىت ئولتۇرۇپ ئاپتاپ سۇنسام ... ئۇ ھەقىقەتەن بىر خىل راھەت كۆرۈش -دە ! ئاياللار شۇ گەپلەرنى قىلغاچ مەڭگۈلۈك ئۇيقۇغا كېتىدۇ . مېنىڭ يوقۇرقىدەك قايغۇلۇق ۋە ئېچىنىشلىق شەكىل ئارقىلىق ئاياللارنىڭ راھەت كۆرۈش ئەھۋالىنى تەسۋىرلەپ بەرگىنىمنى كەچۈرۈڭلار . چۈنكى ، مېنىڭچە سانسىزلىغان ئاياللار كىشىلىك دۇنياغا ئۆزىنىڭ مېھىر - مۇھەببىتىنى ئاجايىپ سېخىيلىق بىلەن بەخش ئەتكەن ۋاقىتنىڭ ئۆزىدە بىر ئادەمگە تولىمۇ رەھىمسىزلىك قىلىدىكەن- ئۇ ،دەل ئۇلارنىڭ ئۆزى . ئاياللار ئۆزۈڭلارنىڭ راھەت كۆرۈشۈڭلارغىمۇ ۋاقىت ۋە شارائىت ھازىرلاپ قويۇڭلار ، ھەرگىز مانا - ئەنە دەپ ،ۋاقىتنى كەينىگە سۈرۈپ ئۆتكۈزۋەتمەڭلار . كۆز ئالدىڭلاردىكى ۋاقىتتىن ،بۈگۈندىن باشلاڭلار . تەخسىدىكى گۆشنىڭ ھەممىسىنى بالام يىسۇن دېمەڭلار...يىغقان - تەرگەن پۇلنىڭ ھەممىنى ئۆينى ياساشقا ، ئېرىڭلارنىڭ كىيىنىشىگىلا خەجلىمەڭلار ، بارلىق زېھنىي كۈچۈڭلارنى خىزمەتكىلا سەرپ قىلىۋەتمەڭلار . بايراملىق سوۋغات بېرىدىغانلارنىڭ تىزىملىكىگە ئۆزۈڭلارنىڭ ئىسمىنى يېزىشنىمۇ ئۇنتۇپ قالماڭلار ... شىنجاڭ ئاياللىرى

SiZ~NaDa

	بىز گەھەمىمدىن خاتىرجەم بولغان تۇرمۇش ئەڭ مۇھىم .لىكىن ئىنسان ئارزۇ قىلغان نەرسىسگە ئېرشىپ پۇتۇن نەرسىسى تەلتوكۇس تەييار بولۇپ ئۇھ ئەمدى مىرادىمغا يەتىتم دىگەن چاغدا بۇ دونيادىن ۋىددالشدۇ خالاس .شۇڭا ئانچە مۇنچە دەرد ئىچدە ياشغانمۇ كۆڭۈلۈك دەپ ئويلايىمەن .

zapar

	تۇرمۇشنىڭ قانۇنيىتى شۇنداق، ھازىر ئانىلارنىڭ يۈكى، مەسئۇلىيىتى يەنىمۇ ئېغىر.

SiZ~NaDa

	راس دەيسىز لىكىن بۇگۈنكى كۈندە مەسئۇليەتىتن قاچىدىغان ئانىلىرمىز كوپىيىپ كەتتى تۇغۇپ  قويسىلا بولدى .

浪漫的回忆

	مەن غۇ ھازىر توي قىلمىدىم،،،،ئاللاھ خالىسا توي دىگەن ھەر بىر بەندىنىڭ بېشىغا كىلىغان ئىش...ھەي مەنمۇ كىيىن دۇچ كىلىمەن ھە!........ قىز ئاياللارنىڭ ھەممىسى شۇنداق.........ھازىر ئاپىمىز شۇنداق قىلىدۇ......كىيىن بىزمۇ شۇنداق قىلىمىز ھە! ئاياللار نىمە دىگەن ئۇلۇغ ھە! يىگىتلەر قىز ئاياللارنى قەدىرلەڭلار!!!!!!!!!!!!!! كۆڭلىگە  ،دىلىگە ئازار بەرمەڭلار! مەن ،شۇنداقلا پۈتكۇل قىز ئاياللار سىلەر ۋە ئائىلەڭلار ئۈچۇن بارىلىقىمىزنى ئاتايمىز!'''''''''

Rose317

	ئادەم بۇ دونيادا چەككەن جاپا مۇشاقەت، قايغۇ ھەسرەتلىرى ئۈچۈن ئو دۇنياغا بارغاندا ئاللاھ ئۆزى مۇكاپاتلايدۇ ، شۇنىڭ ئۈچۈن ئەگەر بىز ھەقىقى مۇسۇلمان بولسىاق ئاللاھ نىڭ بىزگە بەرگەن ھەربىر كۈنىگە شۈكرى قانائەت قىلىشىمىز كېرەك .

KUTLUKBEG

	سىز يوقىردا دىگەن ئاياللار ئىشىنمەنكى ،ھەقىقى ئانىلىق مەسئۇلىيەتنى ئۇستىگە ئالغان ياخشى ئاياللارغا قارىتىلغان،،،شۇنداق ئۇلار ھەقىقەتەن جاپالىق،،ئەلۋەتتە ،ھەقىقى ئاتىلىق مەسئۇلىيەتنى ئۇستىگە ئالغان ئەرلەرمۇ ئوخشاش ئومۇر بويى جاپادا ئوتىدۇ،،،مەسىلە زادى قەيەردە؟ نىمە ئۇچۇن ئاتا-ئانىلار ئومۇر بويى جاپا مۇشاقەتتە ئوتۇپ كېتىدۇ؟مەسىلە ئاتا-ئانىلاردىمۇ ياكى بىز پەرزەنتلەردىمۇ؟ھەقىقەتەن راست ،ھەر قانداق ئاتا-ئانا بولغۇچى ئۆز پەرزەنتىنى ياخشى بېقىشنى،ياخشى تەربىيلەشىنى ئويلايدۇ،بالىلىرىنىڭ ياخشى تۇرمۇش كەچۇرىشى ،جاپا-مۇشاقەتلىك كۇنلەرگە قالماسلىقى ئۇچۇن جان پىدالىق بىلەن تىرىشىپ تىرمىشىدۇ.بىراق ئاتا-ئانا بولغۇچى ئۆزىلا جاپا تارتىپ بالىسىنى ئازراقمۇ جاپا قويماسلىق،قىيىنچىلىققا ئۇچراتماسلىق ، بالىنىڭ كۆڭلىنى دەپ ھەر قانداق تەلىۋىنى قاندۇرۇش ئۇچۇن تىرىشىش ئاتا-ئانىلارنىڭ تۇرمۇشىنىڭ راھىتىنى كۆرەلمەسلىگىنىڭ بىر تەرىپى دەپ ئويلايمەن.مانا مۇشۇنداق ھەددىدىن زىيادە"كۆيىنىش"ئىچىدە چوڭ بولغان بالىلار ئومۇر بويى ئاتا-ئانىسىغا تايىنىدۇ،ئاتا-ئانىسىز بىرەر ئىشنى باشقا ئېلىپ چىقالمايدۇ،مەيلى ئالى مەكتەپتە ئوقۇش بولسۇن،خىزمەت ئىزدەشتە بولسۇن،توي قىلىش ئۆي ئېلىشتا بولسۇن،بالىسىنى تۇغۇپ چوڭ قىلىپ تەربىيلەشتە بولسۇن ھەممىسىدە ئاتا-ئانا بولغۇچى ئالدىدا يۇگىرەيدۇ،ئويلاپ باقايلى ئاتا-ئانىلار قايسى ۋاقتى بىلەن راھەت كۆرىدۇ؟؟؟؟؟ئەسلى ئاتا-ئانىلار ھىچ بولمىغاندا بىز ئالى مەكتەپكە ئۆتكەندىن كېيىن بىز ئۇچۇن غەم يىمەي راھەتلىك كۇنلىرىنى باشلىسا بولاتتى،بىراق بىزدەك مۇستەقىل ياشاش ئىدىيىسى تىكلىيەلمىگەن،ئاتا-ئانىنىڭ بالىلار ئۇچۇن ئومۇر بويى جاپا تارتىشىنى دۇرۇس دەپ ئويلاپ كەلگەن بالىلار ئاتا-ئانىمىزنىڭ راھىتىنى ئۇلارغا بەرمىدۇق.بۇ مېنىڭ ككز قارىشىم خالاس ،ئەلۋەتتە بىر ئادەمنىڭ ئويلىغىنى ھەرگىز مۇكەممەل بولمايدۇ،ھەممىمىز ئويلىغىنىمىزنى دەپ باقايلى .يوقۇرقى گەپلىرىم بالىلىرىنى جاپادىمۇ راھەتتىمۇ چوڭ قىلغان ئاتا-ئانىلارغا ۋە ئۆزى مۇستەقىل ياشاپ(ئىش قىلىپ)كۆنگەن بالىلارغا قارىتىلمىغان.

tanhakiyik

	ئاياللارنىڭ تۇرمۇشى ھەقىقەتەنمۇ جاپالىق ۋە ھۆرمەتكە لايىق. لىكىن ئازبىرقىسىم قىز-ئاياللىرىمىز شۇ جاپاكەشلەرنىڭ شەنىگە داغ كەلتۈرمەكتە. اللاھ شۇلارنىڭ كۆڭلىگە ئىنساپ ئاتا قىلغاي.

دېھقان

	بۇماقالىنى  بارلىق مىھرى ئىللىق جاپاكەش ئانىلارغا بېغىشلىسا يامان كەتمەيدۇ ، لېكىن بىرقىسىم ئۆزنەسلىنى ئۇنۇتقانلارغا ئەسلا ماس كەلمايدۇ .

nurbulak

	بۇ مەيلى ئەدەبى ئەسەربولسۇنياكى رىئال تۇرمۇش بولسۇن ناھايتى ياخشى چىقىپتۇ ئاللھىم ئەرلەرنىڭ كۈڭلىگە ئنساپ بەرسۇن