تۇنجى قار ( نەسىر ) ___ زىيالىي

ziyaliy

	تۇنجى قار- جىمى پاكلىقنىڭ، چىنلىقنىڭ، ساداقەتنىڭ سىموۋۇلى. تۇنجى قار نۇرغۇن ئىشلارغا شاھىد بولغان. نۇرغۇنلىغان قىز- يېگىتلەر  مۇشۇ تۇنجى قاردا تەبىئەتكە سېڭىشىپ كەتكەن، تۇنجى قاردا گۈزەل ئەسلىمىلەرنى قالدۇرۇشقان. نۇرغۇنلىغان مىسكىن كۆڭۈللەر تۇنجى قاردا كۆز يېشىنى سۈرتكەن، خۇشاللىق تەنتەنىسى قىلىشقان.    تۇنجى قار_ مېرى-مۇھەببەت ، شادلىق ئەلچىىسى. ئۇ كىشىگە دۇنيانى ساپ، غۇبارسىز كۆرسىتىدۇ. شۇڭا، بىز تۇنجى قاردا ھەممە ئازاب، دىل - ئازارلارنى يىراقلارغا ئۇچۇرۇپ، ئالەمچە سۆيگۈ ۋە بەخت ھېس قىلىمىز. ھاياجانلىق ھېسلار دىلىمىزنى قاپلاپ، مۇھەببەتلىك ئالىمىدە ئوتلۇق ھارارەتتىن بەھرىمەن بولىمىز.     تۇنجى قار بىردە ئالتۇن كۈزنىڭ ئاخىرلىشىپ، قەھرىتان قىشنىڭ باشلانغانلىقىدىن دېرەك بەرسە، يەنە بىردە تەبىئەت ۋە جەمئىيەتتىكى مەينەت، قاراڭغۇ، ناپاك نەرسىلەرنى يېپىپ تاشلاپ، گۈزەل، يۇرۇق، پاك نەرسىلەرنى ۋۇجۇدقا كەلتۈرىدۇ ھەمدە ئىنسانىيەتنى گۈزەللىككە، بەخىتكە، ئىناقلىققا، خۇشاللىققا چىللايدۇ. تەبئىەت ھۆسنى ۋە ئىنسان قەلبىنى پاكلاپ، ئانىدىن تۇغما ساپلىق ۋە پاكلىقنى ئاتا قىلىدۇ، شۇڭا ھەممە تۇنجى قارنى سۆيىدۇ ، تۇنجى قاردا  ئوتلۇق مۇھەببەتكە، ساداقەتكە تولىدۇ.    تۇنجى قار دىللاردا زىكرى قىلىنىپ ، ئولۇغلىنىدۇ، دوست- يارەنلەر تۇنجى قاردا بىر- بىرىگە  بەخت تىلىشىدۇ، قارلىق تاشلاپ كۆڭۈل ئىزھار قىلىشىدۇ، ئايرىلغان ئاشىق- مەشۇقلار تۇنجى قاردا يارىشىپ، مۇھەببەتلىك ئالەمگە سۆيگۈ دۇردانىلىرىنى چاچىدۇ. تۇنجى قار ئوتلۇق كۆڭۈللەرگىمۇ، مىسكىن كۆڭۈللەرگىمۇ ئوخشاشلا ھارارەت ئاتا قىلىدۇ. مانا بۇ تۇنجى قارنىڭ خاسىيتى ئەمەسمۇ؟      ئاھ ، خاسىيەتلىك تۇنجى قار! دۇنيا سەن بىلەن گۈزەل، سەن بىلەن ساپ! ئاھ، پەزىلەتلىك تۇنجى قار! سەن تەبىئەتنىڭ ھارارەتلىك سوۋغىسى، كائىناتنىڭ لىباسى، گۈزەللىكنىڭ، پاكلىقنىڭ، غۇبارسىز كۆڭۈللەرنىڭ، چىن مۇھەببەت، ساداقەتنىڭ ئەڭ سادىق قوغدىغۇچىسى ۋە مەڭگۈلۈك جاكارچىسى. ئاپتورى: غۇجىئابدۇللا ئوبۇلقاسىم ( زىيالىي )  ،  ( ئىلى پېداگوگىكا ئېنىستىتۇتى ئەدەبىيات فاكۇلتىتى 2007- يىللىق ئۇيغۇر تىل - ئەدەبىياتىنىڭ ئوقۇغۇچىسى )        ئۆز قەلىمىم

angnurluk

	تۇنجى قار دىمىسىمۇ كىچىكلىكتىكى بەزى كىشىلىك ھېكايىلەرنى ئەسلىتىدۇ .      قولىڭىزغا دەت كەلمىسۇن ، قەلىمىڭىز توختاپ قالمىسۇن .

kapitan

	ئىلھام تۇتۇپتىدە تۇنجى قاردا مەكتەپدىشىم   .....ئىنىستىتۇتنىڭ ئاپئاق قارغا چۆمۈلگەن ئاشۇ گۈزەل مەنزىرىلىرىنى ئەسلەپ قالدىم   ...

kugul

	تۇنجى قار!ھەقىقەتەن ماۋزۇغا لايىق نەسىر بوپتۇ.ئاھ گۈزەل ئەسلىمىلەر!

kuzum

	تۇنجى قار ناملىق نەسىرىڭىز  ماڭا ئلھام بولدى مەن  قارنى بەك ياخشى كۇرىمەن

تارىم

t.t.taxna

	غوجى ئابدۇللا ئۇبۇلقاسىم : خوتەن ( قارقاش )  ناھىيسىدىن شۇنداقمۇ ؟ مەن سىنى تونۇيمەن دوستۇم . ھازىر كېسىلىڭ ساقايدىمۇ ( ھېلىقى كىسىلىڭنى دەيمەن ) ؟

OTYAK

	بۇ نەسىرنى ئوقۇپ، قارنى ئەجەپمۇ سىغىندىم. بىزنىڭ يۇرتقا قار ياغمايۋاتىدۇ يا ؟ !

xavkun

	تۇنجى قار تۇنجى قىتىم ، زىمىندىكى ئەخلەتلەرنى ياپىدۇ ئۇ دىللارنى ئاقارتىدۇ ... كۈڭۈللەرنى ئازادە قىلدۇ ... بۇ نەسىر ھەقىقەتەن ياخشى چىقىپتۇ  ساڭا ئۇتۇق تىلەيمەن ئىنىم ...