ھەممىڭلارنى مۇنازىرىگە تەكلىپ قىلىمەن!

maxal20

	ئەسسالام، مۇنبەر ئەھلى! ياخشىمۇ سىلەر~ مەشئەلدىن ھەممە مۇنبەر ئەھلىگە سالام بولسۇن! ئەمدى تېمىغا كەلسەك: مېنىڭ مۇنازىرىگە ئوتتۇرىغا قويماقچى بولغان ئاساسىي مەسلە ئىلىم ئۆگىنىش توغرىسىدا! 23 ياشقا كىرگەن بىر ئاكام بىلەن سۆھبەتلىشىپ قالدىم، ئۇ دېدى: _ مېنىڭ شۇنداق ئوقۇغۇم بار، ھېچ بولمىغاندا تىل ئۆگىنىش توغرىسىدا ئويلىشىۋاتىمەن، لېكىن يېشىم بىر يەرگە بېرىپ قالدى، كىتاب قۇچاقلاپ يۈرسەم قانداق بولار؟ بىر دوستۇم دېدى: _ كىتاب ئوقۇب نېمە پايدا؟ ئۆلۈمدىن باشقىسى تاماششا! ياشلىقىڭدا ئوينا دەپتىكەن! چوڭ بولغاندا بىرەر سودىنىڭ ئېپىگە كىرىپلا ۋالساڭ بولمىدىمۇ؟ ئوقۇغان بىلەن خىزمەت يوق! بۇ مەنچە جەمىيەتتە ئەڭ كۆپ ئۇچرايدىغان تىپتىكى كىشىلەر بولسا كېرەك! بىزنىڭ بىلىم ئېلىشتىكى، مەكتەپتە ئوقۇشتىكى مەقسىتىمىز نېمە؟ نوقۇل ھالدا دېپلوم ئۈچۈنلىمۇ؟ نام ئابروي ئۈچۈنلىمۇ؟ ياكى شەكىل ئۈچۈنلىمۇ؟ بىلىم ئېلىش شۇنچە شەرەپلىك ئىش تۇرسا، نېمە ئۈچۈن نۇرغۇن كىشىلەر ئۆزىنى قاچۇرىدۇ؟ 23 ياشلىق بىر ياش ئۆزىنىڭ ئوقۇش يېشىدىن ئېشىپ كەتكەنلىكىنى سۆزلەۋاتسا~ بۇ نېمىنى چۈشەندۈرىدۇ؟ مېنىڭ تىل ئۆگىنىۋاتقان سىنىپىمدا ئەرەبلەر كۆپ! بىز 15 ئوقۇغۇچى، مېنىڭ يېشىم ئەڭ كىچىك! بىر ئېراقلىق. مەنچە 35 ياشنىڭ يوقۇرىسىدا! ئۇ ئېنگىلىزتىلىنى نېمىشقا ئۆگىنىدۇ؟ تۇرمۇش ھۆددىسىدىن چىقىش ئۈچۈنمۇ؟ ياق! ئۇنىڭ ئېغىز تىلى شۇنداق ياخشى، خىزمىتىمۇ بار، لېكىن ھەر كۈنى ۋاقىت چىقىرىپ  دەرسكە قاتنىشىدۇ، يېزىق تىلى، ئېنگىلىزتىلى گىرامماتىكىسى ئۆگىنىدۇ! بىر ئېرانلىق، ئۇمۇ ئېراقلىققا ئوخشاش~ يېشى چوڭ، خىزمىتى بار، يۇرتىدا چوڭ ئۆيى بار، ئاتا-ئانىسى باي، لېكىن ئۇ نېمە ئۈچۈن ئۆگىنىدۇ؟ تېخىمۇ يوقىرى ئۆرلەپ ئوقۇماقچى ئىكەن~ ئۈچ يەمەنلىك ئەرەپ~ يېشى مەن بىلەن تەڭتۇش، ئاتىلىرى سودىگەر، ئۈچىلىسىنىڭ. سودا قىلىپ پۇل تېپىۋېرىدۇ، سۆزلەشنىمۇ ھاجىتىدىن چىقالايدۇ، يۇرتىغا قايتسا ئېسىل تۇرمۇش كەچۈرالايدۇ، نېمە ئۈچۈن يەنە داۋاملىق ئوقۇيدۇ؟ قارا تەنلىكلەر، ئېسىل كىيىملىرىگە ياراشمىغان كىچىك پېئېللىقى، ئۇلار ئۆگىنىشكە شۇنچە ھېرىسمەن، نېمە ئۈچۈن؟ ئۇلار ئۆگەنمىسە جېنىنى باقالمامدۇ؟ ئەمىسە نېمە ئۈچۈن ئۆگىنىدۇ؟ بىر جۈپ ئەر ئايال، ئېرىغۇ مەيلى، جېنىنى بېقىش، ئائىلىسىنى بېقىش ئۈچۈن ئۆگەندى دەيلى، لېكىن نېمە ئۈچۈن ئۇ ئايالىنى دەرسخانىغا سۆرەپ كىرىدۇ؟ بەك ئامراقلىقى كېلىپ كېتىپمۇ؟ قىزلارنىڭ مەكتەپتە ئوقۇشى توغرىسىدىكى ئىنكاسلارنى كۆرۈپ نېمە دېيىشىمنى بىلەلمەي قالدىم~ بىزنىڭ ئۆگىنىش، بىلىم ئىگەللەش خاھىشىمىزنىڭ نۇقسانلىرىنى كۆرگەندەك بولدۇم، ھەم بۇ جايدا ئۆ پىكرىمنى ئوتتۇرىغا قويۇش قارارىغا كەلدىم، بۇ تېمام بىلەن مۇناسىۋەتلىك بولغانلىقى ئۈچۈن: مېنىڭ بىر ناھايىتى ياخشى ئوقۇغان، ئەدەپلىك قىز ساۋاقدىشىم بولىدىغان، شۇنىڭ ئوقۇش توغرىسىدىكى پىكرى مېنى چوڭقۇر ئويلاندۇرغان، ھەم باشقا قىزلارغا ئۈلگە بولالايدۇ دەپ قارايمەن، ھەم مېنىڭ مەقسىتىمنى ئىپادىلەپ بېرالايدۇ. ئۇ مۇنداق دېگەن: "مەن ئوقۇيمەن، مەن بىر قىز بولۇپ يارالغانلىقىم، كەلگۈسىدە بىر ئانا بولۇش مەسئولىيىتى زىممەمگە يۈكلەنگەنلىكى ئۈچۈن ئوقۇيمەن! ئانىلار بىر قولىدا بۆشۈكنى يەنە بىر قولىدا دۇنيانى تەۋرىتىدۇ! مەن شۇنداق بىر ئۇلۇغ ئىنسان بولىدىغانلىقىم ئۈچۈن، ھەقىقىي بىر ئانا بولۇش ئۈچۈن ئوقۇيمەن! مەن نېمە ئۈچۈن ئوقۇيمەن؟ دېپلوم ئېلىپ خىزمەت تېپىش ئۈچۈنمۇ؟ ياق! تويۇمنى قىلسام مېنى يولدىشىم باقىدۇ، قىلمىسام ئاتا ئانام! مەن نام ئاتاق ئۈچۈن ئوقۇيمەنمۇ؟ ياق! بىر قىزنىڭ نام چىقىرىشى ياخشىلىقتىن بىشارەت بەرمەيدۇ! مەن پۇل تېپىش ئۈچۈن ئوقۇيمەنمۇ؟ ياق! مەن ئوقۇمىساممۇ ناھايىتى ئاسان پۇل تاپالايمەن! سەيپۇڭچىلىق ئۆگەنسەممۇ، راڭپىزا ساتساممۇ جېنىمنى باقالايمەن! مەن نېمە ئۈچۈن ئوقۇيمەن؟ مەن بىر قىز بولۇش سۈپىتىم بىلەن ئانا بولۇش، لاياقەتلىك بىر ئانا بولۇش ئۈچۈن، پەرزەنتلىرىمنى كەلگۈسىدە تەربىيلەش سالاھىيىتىگە ئىگە بولۇش ئۈچۈن ئوقۇيمەن! مەن ئالىي مەكتەپكە بارمىساممۇ، يوقۇرى بىلىم ئورۇنلىرىدا ئۆگەنمىسەممۇ، ئۆيدە بولسىمۇ، كىتابخانىدا بولسىمۇ ئۆگىنىمەن! بىلىم ھەممە يەردە بار!" بۇ ئۇنىڭ بىر ماقالىسىدىن يادىمدا قالغان ئۈزۈندە! شۇنداق، قىزلارنىڭ ئوقۇشىغا بولغان كۆز قارىشىم شۇ! بىزدىكى ئۆگىنىشكە بولغان پاسسىپ پوزىتسىيە نېمە سەۋەبتىن شەكىللىنىدۇ؟ ھەتتا مەكتەپ بالىلىرىدىمۇ..... بىز نېمە ئۈچۈن ئوقۇيمىز؟ دېپلوم ئۈچۈن؟ ئابروي ئۈچۈن؟ پۇل ئۈچۈن؟ زادى نېمە ئۈچۈن؟ ئوقۇشنىڭ ياش چەكلىمىسى بولامدۇ ؟ بىز نېمە ئۈچۈن كاللىمىزدا بىر چەكلىمىنى ئورنىتىۋالىمىز ؟ قېنى تورداشلار، كەڭ كۇشادە مۇنازىرە قىلىپ باقايلى ! بىزدىكى ئۆگىنىش خاھىشى نېمە ئۈچۈن شۇنداق پاسسىپ؟ ئۆگىنىش كىملەرگە خاس؟ 30 ياشلىق ئادەم ئۆگەنسە ئەيىبمۇ؟ ئۇنداقتا بۇ مەسلىنىڭ كېلىپ چىقىشى، ھازىرقى ئەھۋالى، زىيىنى، قانداق قىلساق تۈزىتىلىدىغانلىقى توغرىسىدا ئەركىن مۇنازىرە قىلايلى! مەن تېمامنىڭ ئۇرۇش سورۇنىغا ئايلىنىپ قېلىشىنى خالىمايمەن~ ئىلمىي بولۇڭ! ئادەمگە ئەمەس، ئىنكاسقا، تېمىغا جاۋاب قايتۇرۇڭ، ئىنكاس يېزىڭ! مېنى ھۆرمەتلىسىڭىز مەشئەل 20

alzaman

	بىزدىكى ئەڭ مۇھىم مەسىلە تىرىشماسلىق ،ئالغا ئىنتىلىش روھى كەم بولۇش ،ئاساسلىق روھىيىتىمىزدىكى چۈشكۈنلۈك .30ياشلىق ئادەم ئۈگەنسە ئەيىب ئەمەس ئاددىسى بىر كۈنى مەن قولۇمدا كىتاب كۆتۈرۈپ باراتتىم بىر كىشى مەن بىلەن ئۇچرىشىپ قىلىپ ،سىز ئوقۇمىسىڭىز كىتابنى نىمە قىلىسىز؟دەپ سورىدى .بۇ ئاددى بىرئىش يەنى مەكتەپتە ئوقۇيدىغانلاردىن باشقىلار كىتاب ئوقۇسا ھەممەيلەن بىرخىل سۇئال نەزىرى بىلەن قارايدۇ .بىر ئۆز كۆز قارىشىمىزنى ئۆزگەرتىشىمىز كىرەك ....كۆپ گەپ قىلماقچىتىم بولدى گىپىم خاتا كەتمىسۇن قالغىنى باشقا تورداشلارغا قالدى .

zapar

	مەشئەل ئىنىم ناھايىتى ياخشى پىكىرلەرنى ئوتتۇرغا قۇيۇپسىز. ھازىر مەڭگۈلۈك ئۆگىنىش چاقىرىقى ئوتتۇراغا قۇيۇلغان مەزگىىل، بىراق تەرەققى قىلغان ئەللەردە بۇنى ئۇمۇملىشىپ بولغان دىيىشكە بۇلىدۇ، بىزدىمۇ يېڭىدىن باش كۇتۇرىۋاتىدۇ.  ھازىر بىلىم ناھايىتى تىز سۇرئەتتە يېڭىلىنىۋاتقان مەزگىل. بىزنىڭ كىشلىرىمىزدە ناھايىتى ئۇزاق مەزگىل ساقلانغان بىكىنمىچىلىك ۋە ھەممنى تەقدىرىدىن كۇرۇش پىسخكىسى ، بىزنى تىرىشمايدىغان، ئەتىگە ئامراق <<ئەل نىمە بولسا بىزمۇ شۇ >>دەيدىغان كۆز قاراش ئېغىرراق، شۇنداقلا جەمئىيەتتىن، باشقىلاردىن قىيىدايدىغان پىسخكىغا ئىگە قىلىپ قويغانكەن. شۇڭىمۇ ئۇقۇساقمۇ خىزمەت يوق، دېھقان ھامان كەتمەننىڭ قۇلى دەپ قارايدىغان خاھىشلار ئېغىر. بىلىم ئىگىلىكى دەۋرىگە ماسلىشالماسلىق شۇبھىسىزكى بىزنى يەنمۇ ئېغىر بولغان قىيىنچىلقلارغا دۇچ كىلىدۇ. ئۆگىنىش مەسلىسىگە كەلسەك مەنچە پۇرسەت بولسىلا ئۆ گىنىش كېرەك. يەنىلا ياشلىقتا، ئۇقۇغۇچىلىق دەۋرىدە ئۆ گىنىش ناھايىتى مۇھىم رول ئوينايدۇ، بۇلۇپمۇ تىل جەھەتتە. مەلۇم بېسىم بولسا رولى تېخىمۇ ياخشى بۇلىدۇ. ياشلارنىڭ ئۆگىنىش قىزغىنلىقىنى ئۆستۇرۇشتە مېدىيە ۋاستىلرى رولىنى تۇلۇق جارى قىلدۇرۇشى كېرەك ئىدى، ھەدېسلا سەنئەتكارلارىنلا تۇنۇشتۇرماي، مەخسۇس سەھىپە بېكىتىپ  قەرەللىك ھالدا ئالىملىرىمىزنى، تىرىشىپ ئۇقۇۋاتقان مەلۇم نەتىنجە قازانغان ئىستودېنتلارنى، كارخانچىلارنى كۆپلەپ تۇنۇشتۇرۇشى ناھايىتى زۆرۇر دەپ قارايمەن. ئەڭ ياخشى بولغىنى ھازىر ئۇيغۇر جەمئىيىتىدە بىلىمنىڭ مۇھىملىقىغا بولغان كۆز قاراش بارغانسىرى يۇقىرلىماقتا. ئلىم-پەن ئۆگىنىش قىزغىنلىقى ئۆرلىمەكتە.

izdinix666

	ئۇستازلىرىمىز بىلىمنى بىر بۇلاققا ئۆچمەس چىراققا  قاتارلىق ئوخشىتىشىلىرى بار بىزنىڭ بىلىمىگە بولغان قىزىقىشىمىز بەك سۇس بىز كۇچا - كويلاردا بىكار ۋاقىت ئۆتكىزىشكە رازى بولىمىز يۇ بىرەر كىتاپ كۆرۇش خوش ياقمايدۇ مەن ھازىر 28ياشقا كىردىم تۇرمۇش قۇرغانلىق سەۋەبى بىلەن ئۇقۇشقا پۇرسەت يوق شۇ سەۋەپتىن ئائىلىدە ئۆزمنىڭ ۋاقىتى قانچىلىك يەتسە ئۆزەم ئۈگىنىشكە يىتەكچىلىك قىلىپ بىلىم ئېلىۋاتىمەن تىمىنىڭ ئۆزىگە كەلسەك چۇقۇم ياش چوڭ بولسۇن كىچىك بولسۇن بىلىم ئېلىش كىرەك چەت ئەللىكلەر بولسا ئالغا ئىنتىلىش رويىغا باي ھەم شۇنداق كۈچلۇك بولغانلىقى ئۈچۈن ھەرۋاقت بىلىم ئېلىشقا قاراپ داغدام يول ئالغان

owchi.

	بۇ بەلكىم ئۇيغۇرلارنىڭ يېقىنقى 210(1780~1990)يىللىق تارىخى بىلەن مۇناسىۋەتلىك بۇلىشى مومكىن ھاز بۇ ئىشلار ئاز ساندىكى كىشىللىرىمىزدىلا قالدى .

Eltekin

	مەنچە بولغاندا سەۋەبنى باشقىلاردىن، جەمئىيەتتىن ئىزدەپ يۈرمەيلى، ئۇنىڭغا بىز ئامال قىلالمايمىز. شۇڭا ئۆزىمىزدىن ئىزدەيلى.  <ئۇقۇسا خىزمەت يوق> دېگەن گەپ تىلغا ئېلىندى. مەن شۇنداق قارايمەنكى، شۇ گەپنى دېگەن كۆپ قىسىم ئوقۇغۇچىلانىڭ مەكتەپتە ئۆگەنگەن بىلىمى قانچىلىك، ئەگەر بىر ئىمتىھان سوئالى بولسا شۇنىڭغا 100 نومۇر بولمىسىمۇ 90 نومۇردىن يۇقىرى ئالغىدەك جاۋاب بېرەلىگىدەك ئوقۇغان بولسا ، ئاندىن ئويلاشساق بولاتتى. ( ئەلۋەتتە ئىنتايىن ئاز ساندىكى جەمئىيەت چىرىكلىكى تەسىرىدە ياخشى ئوقۇپمۇ خىزمەتكە ئېرىشەلمىگەنلەر بۇنىڭ سىرتىدا). مېنىڭچە بولغاندا ، ئوقۇسا خىزمەت يوق دەپ قارالغانلىقى ئۈچۈن ، ئوقۇش، ئىنتايىن ياخشى ئوقۇش كېرەك. ئويلايدىغىنىم، زور ئۈمىد بىلەن پەرزەنتىنى مەكتەپكە ئەۋەتكەن ئاتا-ئانا، بالىسىنىڭ قانداق ئوقۇۋاتقانلىقىدىن، قانچىلىك بىلىم ئالالىغانلىقىدىن بىخەۋەر.

818sabda

	مەن ئەڭ قانماي ئۈتۈۋاتقان نەرسە ئۆگىنىش، ياشلىقىمغا يانسام ئىدى، قايتىدىن ئۇقۇغان بولاتتىم ھەم شۇنداقلا زور تىرىشىپ ئۇقۇغان بولاتتىم،

tarhamak

	ئىلىم ئېلىش ئەر-ئايال مۇسۇلمانغا پەرىز ...

ziyaliy

	شۇنداق ئۆگىنىش كېرەك،   پەيغەمبىرىمىز مۇھەممەد ئەلەيھىسالام  ئىت- مۈشۈكلىرىڭلارغىمۇ ئىلىم ئۆگىتىڭلار،       ئىلىم چىندا بولسىمۇ ئۆگىنىش كېرەك، ئاياللار ئىلىملىك، ئەتراپلىق تەربىيلەنگەن بولۇشى كېرەك، چۈنكى ئاياللار   پەرزەت بىلەن ئەڭ كۆپ ئۇچراشقۇچى ھەمدە تەربىيەنىڭ ئاساچىسى دەپتىكەن.        ياشلاردا ۋايساش، قېيداش ، ھورۇنلۇق پىسخكىسى ئېغىر.  كىتاپ ئوقۇش قىزغىنلىقى تېخى سۇس. نۆۋەتتە ھەرقانچە بازارلىق كىتاپمۇ 20 مىڭ تىراژدىن ئاشالمايدۇ. 10 مىليون  ئۇيغۇرنىڭ 1 مىليونى  كىتاپ ئوقۇسىمۇ بولاتتى، ئەمما،،،،،