قەلەم

HapSini

	قەلەم (ئاپتۇرى:ئادىلجان ئەمەت ئاقىلانە ئۆركىشى) قولۇمغا قەلەمنى ئالغان چېغىمدا، قەلەمنى چىشلەپلا قالدىمغۇ تۇرۇپ. «يازغۇچى»بۇلۇشتەك شېرىن خىيالىم، ئارزۇلار بېتىدىن قالدىمۇ قۇرۇپ؟... ئارزۇيۇم قېنى سەن،يىراقمۇ مەندىن؟، قالدىڭمۇ ۋە ياكى يولۇڭدىن ئېزىپ. گەر خۇدا قىلسا ماڭا شۇنى ئىرادە، تاپىمەن،مەن سېنى قالساممۇ قېرىپ. ئەي قەلەم سەن،مېنڭ ھارماس تۇلپارىم، مىنگۈم بار جەڭلەردە دۇلدۇل قىلىپ سېنى. ئەجىر قىلىپ سېنى مەن باقسام مۇشۇنداق، ئەسقېتىپ قالارسەن جەڭگە بىر كۈنى... قەلمىم سايلاردا چاپقىن تاي بولۇپ، جەڭلەرگە ماڭغاندا مىنەرمەن سېنى . شۇ قارا سياھنى قىلىپ مەن قىلىچ، يۇقتىمەن شىر كەبى دۈشمەنلىرىمنى.             ئاپتۇر: قەشقەر مارالبېشى ناھيە ئاقساقمارال يېزىسىدىن. كەڭ ئەدەبىيات ھەۋەسكارلىرى بىلەن پىكىر ئالماشتۇرۇشنى خالايمەن.تېلفۇن 13139678263 09986165322.09916753372 2010يىلى 11-ئاي  شىنجاڭ ئونېۋىرىستىتىدا يېزىلدى.

YUKSAL10

	راس دەيسىز .!! قەلەم شائىرلاردا كەم بولسا بولمايدىغان بىر قورال ...

tikan

	يانغىن ، كەپسىز ، قىز ، ئۈزۈمچى ، ھىسلىرىم ، مىھرىزات ، ئۆرۈكجان دىگەنلەر بىلەن تۇنۇشۇپ قۇيۇڭ ئەمسە ....

OTYAK

	قەلەم ، شائىر ئۇچۇن بىر قەدەم... يازار تۇرمۇش غېمىنى ئەلنىڭ قەلبىنى... دات بېسىپ قالسا بۇ تۇلپار ئەدىپلەرگە بىر ئەلەم ... قەلەم، مەيدىسىدە قەلەم، ئوقلىرى تۇگىمەيدۇ دەممۇ-دەم... دۇشمەن كۆكسىگە چەللەپ ئاتار، مېنىڭ ھەدەم... __ ئوتياق

isiyan

	قەلەم مەغلۇب بولمايدىغان كۆرەشچى .

asrari

	ئابدۇقادىر جالالىدىننىڭ قەلەم ۋە شائىر دىگەن ئەسىرىنى ئەسلىدىم.

asrari

	قەلەم ۋە شائىر   قەلەم !  قەلەمگە خاس ئىمانىمنى بەر ، ئەل ئۈچۈن قاينىغان ۋىجدانىمنى بەر . قارىنى ئاق قىلىپ يازسام مۇبادا ، نومۇس بەكمۇ يامان ، زاۋالىمنى بەر .   چىلاپ سېنى تۈندەك قارا سىياغا ، سىزاي چوغلۇق گۈلى دىللارغا . ئېرىپ سەندە بوغدانىڭ ئاپئاق قارلىرى ، ئەگىز بولۇپ ، شارقىراپ كىرسۇن تىللارغا .   قەلەم قەلەم ئەمەس ، مىسالى ئەلەم ، ئۇنىڭ ھېكمىتىگە بويسۇنار ئالەم . جاھان تەسۋىرىنى يورۇتۇپ ھەردەم ، ئۆزىنى قايتىدىن ياراتتى ئادەم .   ھاكىم بىلەن دېھقان تەڭدۇر قەلەمدە ، پادىچى ھەم دەنا ئوخشاش مۆجىزە . پاشىنىڭ ئۆلۈمى تەڭداشسىز ماتەم ، ھايات تەرىپىگە ئەگەر ئەرزىسە .   شائىر كۆرسە توڭلاپ تىترىگەنلەرنى ، قىپقىزىل قېنىنى ئوت قىلىپ چاچار . ئۆزگىلەرگە بېرىپ گۈزەل ئەركىنلىك ، ئۆزى تۇتقۇنلۇقتا ئۆرتىنىپ ياتار .   قەلەم !  قەلەمگە خاس ئىمانىمنى بەر ، ئەل ئۈچۈن قاينىغان ۋىجدانىمنى بەر . قارىنى ئاق قىلىپ يازسام مۇبادا ، نومۇس بەكمۇ يامان زاۋالىمنى بەر .