ئانىنىڭ باغرىغا بېسىشى بوۋاقنىڭ ئاغرىقىنى

elif

	ئانىنىڭ باغرىغا بېسىشى بوۋاقنىڭ ئاغرىقىنى توختىتىدۇ بوۋاقلارغا ئوكۇل سالغاندا ياكى ئۇلاردىن قان ئالغاندا، بالىلارنىڭ ئاغرىقىنى پەسەيتىش ئۈچۈن دوختۇر ياكى ئاتا–ئانىلار دائىم بالىلارغا تاتلىق يېمەكلىكلەرنى بېرىپ، ئۇلارنىڭ ئاغرىق ئازابىنى يېنىكلىتىشىگە ياردەم بېرىدۇ. ئەمما يېقىندا ئەنگىلىيەدە نەشىردىن چىققان « ئوپېراتسىيە پىچىقى» ناملىق ژۇرنالدا ئېلان قىلىنغان يېڭى تەتقىقات نەتىجىسىگە قارىغاندا، بۇنداق قىلىشنىڭ كۆپ پايدىسى يوق بولۇپ، ئەمەلىيەتتە، ئانا بالىنى باغرىغا باسسا ئاغرىق توختىتىش ئۈنۈمى تېخىمۇ يۇقىرى بولىدىكەن. 　　لوندون ئۇنىۋېرسىتېتى تېببىي ئىنىستۇتىنىڭ دوكتورى رېبىسكا سىلاتر: ئاغرىق يېڭى تۇغۇلغان بالىلارنىڭ نېرۋىسىنىڭ يېتىلىشىگە قىسقا ياكى ئۇزۇن مۇددەت تەسىر كۆرسىتىدۇ . يېڭى تۇغۇلغان بوۋاقلارنىڭ ئاغرىقىنى ئۈنۈملۈك ھەم تېز پەسەيتىش ئىنتايىن مۇھىم مەسلە، دېدى . 　　تەتقىقاتچىلار يېڭى تۇغۇلغان 59 بوۋاق ئۈستىدە تەجرىبە ئېلىپ باردى. بۇ 59 بوۋاقنىڭ يېرىمىغا قان ئېلىشتىن ئىلگىرى شېكەر ياكى ناۋات سۈيى ئىچۈرۈلگەن. نەتىجىدە شېكەر ياكى ناۋات سۈيى ئىچۈرۈلگەن بوۋاقلار گەرچە ھېچ ئىش بولمىغاندەك كۆرۈنسىمۇ، لېكىن ئۇلارنىڭ چوڭ مېڭىسىدىكى ئاغرىق ئىنكاسى يەنىلا كۈچلۈك بولغان؛ شېكەر ياكى ناۋات سۈيى ئىچۈرۈلمەي، ئانا باغرىغا بېسىلغان بوۋاقلار بەك ئۇزاق ئاغرىق ھېس قىلمىغان ياكى ئازابلانمىغان. بۇ ئۇسۇلنى يېشى چوڭراق بالىلارغا قوللانغاندا، ئۈنۈمى تېخىمۇ ياخشى بولىدىكەن. 　　تەتقىقاتچىلار: بۇ نەتىجە شېكەر ياكى ناۋات سۈيى ئىچۈرگەندە بالىلارنىڭ دىققىتىنى بۇرىغىلى بولىدىغانلىقنى؛ ئەمما ئانا باغرىغا باسقاندا بالىلاردىكى ئاغرىقنى ھەقىقىي پەسەيتكىلى بولىدىغانلىقىنى چۈشەندۈرىدۇ. مەنبە : تەڭرىتاغ تورى

Zulpikar

	مىنىڭچە بۇ بىر رىفلىكىس. .............

zumrettash

	توغرا گەپ،چۈنكى بۇۋاقلار قورقۇپ كېتىدۇ،ئانىنىڭ قوينىدا ئۆزىنى بىخەتەر ھېس قىلىدۇ،شۇڭا ئاغرىقنى ئۇنتۇپ قالىدۇ. ئاۋۇ رەسىمدىكى مەن ۋە ئوغلۇمكەنغۇ؟! [s:152]  [s:152]  [s:152] چاخچاق،مەن ئۇيغۇر تۇرسام! [s:130]

marjan

	بۇ گەپنىڭ ئاساسى بار، قىزىمنىڭ كىچىكىدىن تارتىپلا ئوكۇل ئۇرغاندا قاتتىق يىغىلىغىنىنى بىلمەيمەن، چۈنكى ھەر قېتىم ئوكۇل ئۇرغاندا مەن قۇچىقىمغا ئېلىپ باتۇر قىزىم يىغلىمايدۇ دەپ مەدەت بېرىپ تۇرىمەن. [s:178]

~dana~

	پاھ...مۇنبىرىمىزدە بالا كۆيەر ئانىلار جىقكەنغۇ؟ بالىلار ئانىنىڭ قوينىدا مەڭگۈ خاتىرجەم.

خوندەك

	ئانىنىڭ باغرى ئىللىق،مىھرىلىك بىر دۇنيا،ئۇلۇغ اللا ئىگەم ئۇلارنىڭ باغرىنى بوۋاقلارنىڭ راھەتلىنىدىغان جايى قىلىپ ياراتقان.شۇڭا بوۋاقلار ئانا باغرىدىن ئۆزىگە كىرەكلىك شىپانى تاپالايدۇ.........

natiwan3.8

	شۇنداق بولىدۇ-دە. چۈنكى ئانا  ئاللادىن قالسىلا ئەڭ ئۇلۇغ ئىنسان. شۇڭا كونىلار بىكا دىمىگەندە< ئالتۇنباش داداڭ بىلەن قالغۇچە،پاخمىباش ئاناڭ بىلەن قال>دەپ. بۇنى ئەڭ ئاۋال بوۋاقلار ھىس قىلالايدۇ.

maykol0998

	ئانا باغرى ئاشۇنداك سىھرى كۈچكە ئىگە.

sawapkar

	مىھرى مۇھاببەتنىڭ تەسرى بولسا كىرەك

شىرىن

	مەن بالام بۇلغاندا سىناپ باقاي ئەمسە [s:141]

wisalay

	لىكىن مىنىڭ بالام دائىم ۋاكسىنا ئۇرۇپ بولغاندىن كىيىن كۆتۈرۈپ باغرىمغا باسسام يىغلاپ پەقەت ئۇنىمايدىغۇ؟ [s:168]

turkinaz

	چۈنكى ئانىنىڭ باغرى قۇياشتىنمۇ ئىللىق

namatman

	بالا ئۈچۈن ئانىدىن ئارتۇق تەسەللى بولماس.

maolidan

	[s:160] مەن بىر ياخشى ساۋاتقا ئىگە بولدۇم [s:154]

madaniyat

	توغرا، ئانىلار ناھايىتى ئۇلۇغ.ئانىلار باغرى تېخىمۇ سېھىرلىك ۋە مېھىرلىك.مەن ئۆزەمنىڭ بىر ئانا بولغانلىقىمدىن بەكمۇ پەخىرلىنىمەن.