مەھلىيانىڭ پۇشايمىنى.(ھىكايە)

natiwan3.8

	مەھلىيانىڭ پۇشايمىنى.              ئۇ ئېغىر پۇتلىرىنى ھالسىز سۆرىگىنىچە يالغۇز كېتىپ باراتتى. يول ياقىسىدىكى دەل-دەرەخلەرگە،رەت-رەت سىلىنغان ئۆيلەرگە تويماي قارايتى،يۇرتىنىڭ ساپ ھاۋاسىدىن قانغۇچە نەپەس ئالاتتى. ئۇنىڭ بۇ مەنزىرلەردىن ئەڭ ئاخىرقى قىتىم ھوزۇر ئېلىشى ئىدى.چۈنكى، ئۇنىڭ ئۆيدىن چىقىپ كەتكەنلىكىنى ھىچكىم بىلمەيتى.بۇنداق قىلىش ئۇنىڭغا ئېغىر كەلگەن بولسىمۇ ئامال يوق ئىدى. مانا ئۇمۇ ئاستا- ئاستا   مېڭىپ قاتناش بىكىتىگە كىلىپ قالغان ئىدى.  ئۇ ئويلىنىپ بۇ قارارغا كەلگەن ئىدى.ئۇ ئاپتۇبۇسقا چىقىپ بىر ئورۇنغا جايلاشتى.مانا ئاپتۇبۇسمۇ قوزغالدى،ئۇنىڭ كۆزلىرىگە لىققىدە ياش تولغان ئىدى،قانغۇچە يىغلىۋالغۇسى كەلسىمۇ لىكىن يىغلىمىدى.   ئاپتۇبۇس جىمجىت كىتىپ بارىدۇ، لىكىن ئىچىدىكى ئادەملەر دەل ئەكسىچە،ئۇلار ئىككى كۈنلۈك سەپىرىنىڭ كۆڭۈللۈك ھەم تىز ئۆتىشى ئۈچۈن ئۆز ئارا ھال-مۇڭ بولۇشىۋاتقان ئىدى.بۇ قىزغا ئۇلارنىڭ پارىڭى ئەسلا قۇلاققا كىرمەيتى.ئۇ دەرىزىدىن سىرىتقا قاراپ خىيال سۈرۈپ ياتاتتى.نەچچە سائەتتىن كىيىن ئۇ قىزنىڭ خىيالىنى بىر موماينىڭ سۇئالى بۇزىۋەتتى.موماي قىزدىن: _ قىزىم، ياخشىمۇ سىز؟ نىمە ئۈچۈن بىر ئېغىزمۇ گەپ قىلمايسىز؟بۇنداق قىلسىڭىز سىزگىمۇ بىزگىمۇ يول يىراق،يا بىرەر نەرسە يىمەيسىز، نىمە، مىجەزىڭىز يوقمۇ؟ئەجەپ............... _ ئۇنداق ئەمەس موما،ماشىنىدا سەل كۆڭلۈم ئاينىۋاتىدۇ، كېرەك يوق ،ئوڭشىلىپ قالىمەن.دەپ زورغا كۈلۈمسىرەپ يىتىۋالدى.ئۇنىڭ چىرايىدا كۈلكە نىمە قىلسۇن.كۈلۈشنى ئۇنتۇلۇپ قالغىلى بىر نەچچە يىل بولغان تۇرسا.موماي بۇقىزغا قىزىقىپ قالغان ئىدى، شۇڭا يەنە ئۇ قىزدىن گەپ ئېلىش ئۈچۈن مۇنداق دېدى: _ قىزىم ، ئىسمىم ئايشەم، ئايشەم موما دىسىڭىز بولىدۇ؟ سىزنىڭچۇ؟ _ مەھلىيا. _ چىرايلىق ئىسىمكەن،سىزگە ياردىمىم تىگىپ قالسا ئەجەپ ئەمەس قىزىم. _ بولىدۇ موما. _ سىز نىمىشقا غۇلجىغا بارماقچى بولۇپ قالدىڭىز؟ _ بىر دوستۇمنىڭ تويىغا ماڭغان. _ توي دىگەن خۇشاللىق ئىش تۇرسا يەنە نىمىشقا روھىڭىز چۈشكۈن؟ _ مەن........... _ بولدى يۇشۇرماڭ قىزىم سىزگە زادى نىمە بولدى؟ _ ..............(ئۇنىڭ كۆزىگە ياش كەلدى.) _ بوپتۇ ،بۈگۈنچە ئارام ئېلىڭ،ئەتىگىچە پاراڭلىشارمىز. ياخشى چۈش كۆررۈڭ. _ سىزمۇ شۇ.مەھلىيا دەرىزە سىرتىغا قارىدى. ماشىنا تىپتىنىچ كىتىپ باراتتى.ئاسماندىكى يۇلتۇزلار مەھلىياغا كۆز قىساتتى.ئۇ يۇلتۇزغا قاراپ ئۆتكەن كۈنىنى ئەسلەشكە باشلىدى. مەھلىيا كىچىكىدىن باشلاپ شۇنداق شوخ ئىدى، ئۇنى كۆرگەن ھەربىر كىشىنىڭ ھەۋىسى كەلمەي قالمايتى.ئۇ تولۇق ئوتتۇرىنى پۈتتۈرۈپ ئالى مەكتەپكە ماڭغان چاغدا شۇنداق خۇشال بولغان. ئۇ ئۆزىنىڭ ئالى ماكتەپتە ئوقىيالايدىغىنىغا مەنمۇن ئىدى.ئۇ مەكتەپنى ئەلا نەتىجە بىلەن پۈتۈرۈپ كەلدى. ھەمدە يۇرتىغا كىلىپلا خىزمەتكە چۈشۈپ كەتتى. ئۇ خىزمەتنى شۇنداق ياخشى ئىشلەيتى.تۇرۇپلا ئۇنىڭ خۇشال تۇرمۇشىنى بىر يىگىت بۇزۇپ تاشلىدى. ئۇ شۇنچە يىلدىن بىرى بىرەر ئوغۇل بالا بىلەن تۈزۈك پاراڭلاشمايتى،چۈنكى ئۇ ئوغۇللارغا ئىشەنمەيتى.شۇنداق بولغاچقا 5 يىللىق ئالى مەكتەپ ھاياتىنى تەنھالىق ئىچىدە ئۆتكۈزگەن ئىدى. بۇ قىتىم ئۇنىڭغا نىمە بولغاندۇ؟ئۇ قانداقسىگە ئۇ يىگىتنى ياخشى كۆرۈپ قالىدۇ؟ ياق. بۇنىڭغا مەھلىيانىڭ بىر دوستى سەۋەپچى ئىدى.كونىلار بىكار ئېيىتمىغان < قىزلارنى قىزلار بۇزىدۇ >دەپ.ئاشۇ دوستى دەللاللىق قىلىپ يۈرمىگەن بولسا بىچارە مەھلىيانىڭ بۇ بەختى ۋەيران بولمىغان بولاتتى.مەھلىيا بۇ يىگىتكە بەك ئىشىنىپ كىتىپ ئۇنىڭغا پاك قەلبىنى بەردى،ھەم ئۇنىڭغا ئازار بەرمەي چىن كۆڭلىدىن ياخشى كۆرۈپ كەلدى.سەزگەندەك مەھلىيانىڭ ئۆيدىكىللىرى بۇ ئىشقا قارشى تۇردى.بولۇپمۇ مەھلىيانىڭ ئاپىسى قەتئىيلا قارشى ئىدى. مەھلىيا بالىنىڭ كىچىكى ھەم بىرتاللا قىز بولغاچقىمىكىن ئاپىسىنىڭ < تىزدىن ئۇ يىگىت بىلەن ئايرىلىپ كەت، بولمىسا سەندەك بالام يوق. تازا ياخشى بالىدەك قىلمايدۇ> دەپ قوپال تېگىشى مەھلىياغا ئېغىر كەلگەن ئىدى. مەھلىيانىڭ ئېغىزىدىن ئايرىلىپ كىتىش دىگەن سۆز قانداقمۇ چىقسۇن. ئۇ بىر ئاماللارنى قىلىپ ئۇ بالىدىن يىراقلىشىشقا باشلىدى. لىكىن ئۇ يىگىت مەھلىيانى كۈندە خىزمەت ئورنىدا ساقلاپ تۇردى. بۇنىڭغىمۇ مەھلىيا دىقەت قىلمىغان بولۇپ ئۆز يولىغا كېتىۋەردى.ئۇ يىگىتنىڭ بۇنداق قىلىشى مەھلىيانى تېخىمۇ ئازاپلايتى، شۇڭا ئۇ شۇنداق ياخشى خىزمىتىدىن ئىستىپا بېرىپ يىنىپ چىقتى.لىكىن يەنىلا قۇتىلالمىدى. بىر كۈنى مەھلىيا بىر دوستىنىڭ تويىدا ئۇنى ئۇچۇرتۇپ قالدى. مەھلىيا مىنى كۆرمىگەندۇ  ،مىنى كۆرگىچە قايتىۋالاي دەپ دوستى بىلەن خوشلىشىپ يۈگۈرەپ كىتىۋاتاتتى.تۇيۇقسىز ئۇنىڭ قولىنى بىرى كاپلا قىلىپ تۇتىۋالدى.مەھلىيا ئۇنىڭدىن قانداقمۇ قۇتىلالىسۇن، مەھلىيانىڭ ھەر كۈندىكى ھەربىر ھەركىتى ئۇ يىگىتكە ئايان تۇرسا. _ مەھلىيا، سىز نىمە ئۈچۈن ماڭا بىر ئېغىزمۇ گەپ قىلماستىن ئۆزىڭىزنى بۇنچە قاچۇرسىز؟ ماڭا چۈشەندۈرۈپ قويسىڭىز؟ _ ئايرىلىپ كىتەيلى. _ نىمە؟؟ _ ئاڭلىمايۋاتامسىز، ئايرىلىپ كىتەيلى دەۋاتىمەن.مەھلىيا سىلكىۋىتپ ماڭدى. _ توختاڭ! نىمە ئۈچۈنلىكىنى بىلسەم بولامدۇ؟مەھلىيا،ماڭا دەڭە،مەن نىمىنى خاتا قىلدىم؟مىنىڭ بۇرۇن ئارلاشقان قىز دوستۇم بىلەن ئالاقە قىلغىنىم ئۈچۈن ئاچچىقىڭىز كەلدىمۇ؟ئەسلى سىز ئويلىغاندەك ئەمەس..... _ بولدى قىلىڭ، مىنىڭ بۇنداق ئىشلارنى سۈرۈشتە قىلغانغا ۋاختىم يوق،ھەم خەۋرىممۇ يوقكەن.مىنىڭ ئۇنداق ئىچىم تار ئەمەس. _ ئەمسە نىمىشقا؟ مەن سىزنى كۈندە ساقلاپ تۇرالمىغانلىقىم ئۈچۈنمۇ؟ مەن بەك......... _ بولدى قىلىڭ، ئۇنداق ئىشمۇ يوق، كۈندە بىرىنىڭ مىنى ساقلاپ تۇرشىنىمۇ ياختۇرمايمەن. _ ئەمسە ........... _ مەن سىزنى بولدى قىلىڭ دىدىم. _ ئۇمۇ بولمىسا بۇمۇ بولمىسا.............. مىنى ...........مىنى...........راستىنلا باشقا بىرىنى ياخشى كۆرۈپ قالدىڭىزمۇ؟ _ ياق، يەھيا نىمىشقا مىنى تەتۈر قىينايسىز؟مىنى چۈشىنىڭ.ئاپام بەرىبىر قوشۇلمايدۇ ،ھەممە ئىشلارنىڭ ۋاختىدا تۈگىگىنى ياخشى،مىنى............. ئۇ گىپىنىڭ ئاخىرىنى تۈگەتمەيلا يىغلاپ تاشلىدى.يەھيا مەھلىيانى باغرىغا چىڭ بىسىپ تۇرۇپ: _ مەھلىيا، بىلەمسىز،مەن سىزنى ھەقىقەتەن چىن كۆڭلۈمدىن ياخشى كۆرىمەن،مەن سىزنى ئۆمۈرلۈك ھالال جۈپتۈمگە تاللىغان،لىكىن سىز مىنىڭ مۇھەببىتىمنى مۇشۇنداقلا ۋەيران قىلماقچىمۇ؟يەھيا ئۆزىنى باسالماي يىغلاپ تاشلىدى. مەھلىيانى بىلىپ قالمىسۇن دەپ ئۆزىنى ئاران بىسىۋىلىپ ئارقىغا قارىۋالدى. _ يەھيا، مەن سىزنى مەندىن بىزار بولۇپ كىتە دەپ شۇنداق قوپال تەگدىم ،لىكىن، سىز بىرەر قېتىممۇ ماڭا.... _ بولدى قىلىڭ،ماڭا نىمە دىمەكچى ئىكەنلىكىڭىزنى بىلىمەن،بىز مەڭگۇ بىر بىرىمىزدىن ئايرىلمايلى،ئاتا-ئانىڭىزنى چوقۇم قايىل قىلىمىز،ماڭا ئىشىنىڭ بولامدۇ؟ يەھيا ھەممىنى مەھلىياغا چۈشەندۈرگەندىن كىيىن مەھلىيا يەنە يەھيا بىلەن يارىشىۋالدى.ئۇلارنىڭ خۇشال كۈنلىرى يەنە باشلاندى. بۇ ئىشلاردىن مەھلىيانىڭ ئاپىسى بىخەۋەر ئىدى. تۇيۇقسىز ماشىنىنىڭ قاتتىق سىلكىنىشى بىلەن مەھلىيا خىيالىدىن ئويغۇنۇپ كەتتى.ئايشەم موماي: _ قىزىم مەھلىيا، سىرىتتا قاتناش ھەدىسى يۈز بەرگەن ئوخشايدۇ. _ شۇنداقمۇ، نىمە بوپتۇ؟ _ بىلمىدىم، شوپۇرنىڭ دىيىشىچە بىر قىز ئۆزىنى يۈك ماشىنىسىغا ئۇرىۋىلىپ ئۆلىۋالپتۇدەك.ھەييييييييي، نىمە بولۇپ كىتىۋاتقاندۇ بۇجاھان،ئۇ قىز نىمە ئۈچۈن.... _ بولدى قىلىڭ چوڭ ئاپا،ياشقا چوڭ بولۇپ قالغاندا بۇنداق ھادىسىنى كۆرسىڭىز بەرداشلىق بىرەلمەيسى؟ _ رەخمەت قىزىم ئاخىرى گەپ قىلدىڭىز.مەن تېخى.........موماينىڭ گىپىنى بىر ئوتتۇرا بوي ئادەم بۆلىۋەتتى.ئۇ كىلىپلا،ھېلىقى قىزنىڭ پاجىئەسىنى سۆزلەپلا كەتتى. دىيىشىچە ئۇ قىزنىڭ مۇھەببىتى ئۇ قىزدىن پايدىلىنىپ بولۇپ ئۇ قىزدىن ئايرىلىپ كەتمەكچى بولغان،لىكىن قىز ئۇنىمىغان،شۇنىڭ بىلەن ئۇ يىگىت ئۇ قىزدىن قۇتۇلۇش ئۈچۈن ئۇقىزنى ماشىنىنىڭ ئالدىغا ئىتتىرۋەتكەن،لىكىن ئۆلگىنى بىر ئەمەس ئىككى كىشى ئىكەن، ئۇ قىز ھامىلدار ئىكەن ئەمەسمۇ. بۇنى ئاڭلىغان مەھلىيا تېخىمۇ خىيالغا پاتتى. كەچۈرۈڭلار دوسلۇرۇم، ئاخىرنى ئەتە يوللايمەن.بۈگۈن بەك كەچ بولۇپ كەتتى. مەنبە : ئۆزۈم.    دوسلارنىڭ مىنىڭ تۇنجى ھىكايەمگە تەلىم بىرىشىنى سورايمەن.

gulistan

	ھىكايىڭىز ياخشى چىقىپتۇ .داۋامىغا ئىنتىزارمەن .

nazuk725

	ياخشى چىقىپتۇ، داۋامىغا تەشنامىز،

kizilgul

	بەك كەينىگە سوزۇلۇپ كەتمىسۇن ماقما~~~ھې ھې ھې ھې

dahan

	ئاللا مۇشۇ مىسرانىمدا داۋامى بار دىگەن تىمىغا كىرمىسە ئادەم

polat

	داۋامى چېققاندا ئۇچۇر قېلىپ قويارسىز ؟ ھەممىنى يوللاپ بولدۇم دەپلا ؟ شۇ ۋاقىتتا ئوقۇي ، ئاخىرىنى ؟

sarsan3707

	ھىكايىلەرمۇ  قىسىملىق بۇلۇپ  كەتتى دىسە.قاچان چىقار داۋامى.

mehrim0996

	ھەممىنى بىراقلا يوللىسىڭىزچۇ؟ئاندىن پىكىر بېرەيلى.

musilina

	‹‹ئۇ ئېغىر پۇتلىرىنى ھالسىز سۆرىگىنىچە يالغۇز كېتىپ باراتتى.›› ‹‹ ئېغىر پۇتلىرى›› ئەمەس‹‹ ئېغىرلاشقان پۇتلىرى›› ‹‹نەچچە سائەتتىن كىيىن ئۇ قىزنىڭ خىيالىنى بىر موماينىڭ سۇئالى بۇزىۋەتتى.موماي قىزدىن: _ قىزىم، ياخشىمۇ سىز؟ نىمە ئۈچۈن بىر ئېغىزمۇ گەپ قىلمايسىز؟بۇنداق قىلسىڭىز سىزگىمۇ بىزگىمۇ يول يىراق،يا بىرەر نەرسە يىمەيسىز، نىمە، مىجەزىڭىز يوقمۇ؟ئەجەپ...............›› بۇ جۈملىنى : ‹‹تۇيۇقسىز ياندىكى ئورۇندا ئولتۇرغان موماينىڭ :    _ قىزىم، ياخشىمۇ سىز؟ نىمە ئۈچۈن بىر ئېغىزمۇ گەپ قىلمايسىز؟بۇنداق قىلسىڭىز سىزگىمۇ بىزگىمۇ يول يىراق،يا بىرەر نەرسە يىمەيسىز، نىمە، مىجەزىڭىز يوقمۇ؟ئەجەپ...............››-دېگەن سوئالى بىرنەچچە سائەتكىچە گەپ -سۆزسىز ئولتۇرغان قىزنىڭ خىيالىنى  بۇزىۋەتتە ››دەپ ئالسىىڭز تېخىمۇ مۇۋاپىق بولاتتى. ‹‹ئۇ يىگىتنىڭ بۇنداق قىلىشى مەھلىيانى تېخىمۇ ئازاپلايتى، شۇڭا ئۇ شۇنداق ياخشى خىزمىتىدىن ئىستىپا بېرىپ يىنىپ چىقتى.لىكىن يەنىلا قۇتىلالمىدى›› بۇ جۈملىنىڭ مەزمۇنى توغرا بولمىغاندەك ھېس قىلىپ قالدىم، ‹‹بىر يىگىتنىڭ ئۆزىگە چاپلىشىۋېلىشى بىلەن خخزمىتىدىن ئىستىپا بېرىش ››كاللامدىن ئۆتمەي قالدى.... ئاتكاچىلىق قىلىپ قويغان بولسام كەچۈرۈڭ.....

yaprak520

	شۇنداق ياخشى چىقىۋىتىپتۇ ، لىكىن مۇشۇ داۋامىنى قاچانمۇ يوللارسىز ھە ~ ھازىر باشقىلار قىسىملىق كىنو ئىشلىسە مىسرانىمدا قىسىملىق ھىكايە يازىدىغان بولۇپ كەتتى دىسە ، [s:148] ~~~~~~ بىر ئىش پەقەت كاللامدىن ئۆتمەيدۇ ، بىر يىگىت كەينىڭىزگە كىرۋىلىپ سىزگە چاپلىشىۋالسا ، شۇنىڭغىمۇ خىزمەتتىن ئىستىپا بەرگەن بارمۇ ؟ بەك يىنىكلىك قىلدىڭىزمۇ قانداق ؟ ، ئارتۇقچە سۆلەپ قالغان بولسام كەچۈرۈڭ ھە ~@