ئەر - خوتۇنلۇق مۇناسىۋىتىدىكى ئۈچ دەرىجە

nadira

	ئەر - خوتۇنلۇق مۇناسىۋىتىدىكى ئۈچ دەرىجە ھېسسىيات ئالماشتۇرۇشتا، ئادىل ۋە ھەققانىيلىقنى پىرىنسىپ قىلىش؛ پىكىر ئالماشتۇرۇشتا، چۈشىنىش ۋە كەڭ قورساقلىقنى ئۆلچەم قىلىش؛ باشقىلار بىلەن باردى- كەلدى قىلىشتا، ئىدراكىي بولۇشنى تەبىئىيلىك دەپ تونۇش؛ شۇنداقلا ئىقتىساد باشقۇرۇشتا، يوتقانغا قاراپ پۇت سۇنۇشنى نورماللىق دەپ بىلىش كېرەك. ئەر- خوتۇنلۇق مۇناسىۋەت قانداق بولۇشى كېرەك؟ بۇنىڭغا ئۈچ دەرىجە بار. قېنى قاراپ بېقىڭ، سىز قايسىسىغا چۈشىسىز؟ بۇنىڭدا تۆۋەندىكى ئالتە نۇقتىدىن پايدىلىنىشقا بولىدۇ: ياخشى ئەر: ئۆيگە قايتقاندىن كېيىن خوتۇنىنىڭ ئۆي ئىشلىرىنى قىلىشىغا ياردەملىشىدۇ. خوتۇنىنىڭ ئالدىراش خىزمەت قىلغاندىن سىرت، ئۆينىڭ جاپاسىنىمۇ ئۈستىگە ئالغانلىقىنى ئويلاپ يېتەلەيدۇ، ئۆيگە كەلگەندىن كېيىن خوتۇنىنىڭ دەردىگە يېتىدۇ، ئائىلە ئىشلىرىنى تەڭمۇ- تەڭ قىلىشىدۇ. بۇنداق ئەر ياخشى ئەر ھېساپلىنىدۇ. ئوتتۇرا ھال ئەر: ئۆيگە قايتقاندىن كېيىن چاي ئىچىپ ئولتۇرۇپ گېزىت ئوقۇغاچ، خوتۇنىنى ماختاپ قويىدۇ. ئۆي ئىشلىرىغا ياردەملىشىپ كەتمەيدۇ، ئۆيگە كەلگەندىن كېيىن گەرچە چاي ئىچكەچ گېزىت كۆرۈپ ئولتۇرسىمۇ، ھېچبولمىغاندا خوتۇنىنى ماختاپ، ئەجرىگە رەھمەت ئېيتىدۇ. بۇنداق قىلغاندا، خوتۇنى ھەر قانچە جاپا تارتسىمۇ رازى بولىدۇ. ناچار ئەر: ئۆيگە قايتقاندىن كېيىن ئادەم بوزەك قىلىمەنلا دەيدۇ، ئۇ يەر- بۇ يەردىن قۇسۇر ئىزدەپلا يۈرىدۇ، ئۆزى ئەڭ جاپا تارتىۋاتقاندەك، ئائىلە ئۈچۈن ئەڭ كۆپ بەدەل تۆلەۋاتقاندەك قىياپەتتە ئوتتۇرىغا چىقىدۇ. خوتۇنىغا تامىقىڭ ئوخشىماپتۇ، ياسىنىشنى بىلمەيسەن، كۆزۈمگە سىغمايسەن، دېگەندەك گەپلەرنى تەييارلاپلا تۇرىدۇ. ياخشى خوتۇن: ئۆينى پاكىز تۇتىدۇ، مېھرىبان، ئەدەپ- قائىدىلىك كېلىدۇ. كونىلاردا ئەرنى ئەر قىلغانمۇ خوتۇن، ئەرنى يەر قىلغانمۇ خوتۇن دېگەن گەپ بار. دىتى بار خوتۇن ئىقتىسادچان، تېجەشلىك ئۆي تۇتىدۇ، ئۆيىنىڭ پاكىز، مۇئامىلىسىنىڭ مېھرىبان، نازاكەتلىك، يۈرۈش- تۇرۇشىنىڭ سىلىق- سىپايە بولۇشىغا ئالاھىدە ئەھمىيەت بېرىدۇ، ئېرىنىڭ ھالىغا يېتىدۇ، غەملىرىنى يېنىكلىتەلەيدۇ. ئوتتۇرا ھال خوتۇن: ئېرىنىڭ جاپاسىنى چۈشىنىدۇ، ئەجرىگە تەشەككۇر بىلدۈرىدۇ. شېكىسپىر مۇنداق دېگەن: بىر لاياقەتلىك خوتۇن ئۆي ئىشلىرىنىڭ ھۆددىسىدىن چىقىشتىن باشقا، يەنە مېھرىبان ئانا، ياخشى ھەمراھ، كۆڭۈلدىكىدەك مەشۇقتىن ئىبارەت ئۈچ خىل سالاھىيەتنى ئۆزىگە مۇجەسسەملىگەن بولىدۇ. شۇڭا، ئۆي تۇتۇشتا كالتە پەمرەك خانىملار ھېچبولمىغاندا، بۇغداي سۆزلۈك بولۇشنى، ئېرىنىڭ ھالىغا يېتىپ، ئەجىر- مېھنىتىگە تەشەككۈر بىلدۈرۈشنى بىلىشى كېرەك. ناچار خوتۇن: ۋات- ۋات، قۇسۇرچى، شەخسىيەتچى كېلىدۇ، ئۆي تۇتۇشتا دىتسىز بولۇپلا قالماستىن، بەلكى ئېرىنىڭ پۇتى بوسۇغىدىن ئاتلار- ئاتلىمايلا كوتۇلداشنى باشلىۋېتىدۇ، پۇلنى جېق تاپالمىدىڭ دەپ ئېرىنىڭ كەسپىنى چۈشىرىدۇ، تۈزۈكرەك ئۆيمۇ سېتىۋالالمىدۇق، ئۇچىمىزغا ياخشىراق كىيىم چىقمىدى دېگەندەك گەپلەر ئېغىزىمغا رەم بولۇپ قالغان بولىدۇ، شۇنىڭ بىلەن ئەرلىرى بۇنداق ئۆينى تۈرمە دەپ بىلىدۇ. نىكاھ ئادەتتە جۆرىسىنىڭ جاپا- مۇشەققىتىنى ھېس قىلالماسلىق، ئەجىر- مېھنىتىنىڭ قەدرىگە يەتمەسلىك سەۋەبىدىن مەغلۇپ بولىدۇ. شۇڭا، ئەر- خوتۇنلۇق مۇناسىۋىتى ئۆز- ئارا كۆيۈنۈش، ئۆز- ئارا بىر- بىرىنىڭ دەرىگە دەرمان بولۇش ئاساسىغا قورۇلغان بولۇشى كېرەك، قىيىنچىلىق، ئوڭۇشسىزلىق ۋە مۈشكۈللۈككە يولۇققاندا، ياردەم بېرىپ، جاپادىمۇ، ھالاۋەتتىمۇ ئۆز- ئارا بىللە بولىدىغان ئىناق ئائىلە مۇھىتى يارىتىلغاندىلا، ئاندىن نىكاھتا بەختلىك بولغىلى بولىدۇ.   شىنجاڭ ئاياللىرى

jallatbala

	مەن بىرىنجىسىنى خىلدىكى ئەرلەردەك بولۇشنى   ياختۇرمايمەن    ئىككىنجىنىسىغا  مەن تولۇق چۇشىدىكەنمەن

zumrettash

	رەھمەت.ئەسكەرتكىنىڭىزگە.بىلىۋالدىم،تىرىشىمەن ياخشى خوتۇن بولۇشقا. [s:152]  [s:152]

gulnarim

	مەن ئىككىنچىسىگە چۇشكۇدەكمەن [s:123]

laqin

	مەنمۇ ئىككىنچىسىگە چۈشىدىكەنمەن . مېنىڭچە مۇنبەردە ئۈچۈنچى خىلدىكى ئەر بىلەن ئۈچۈنچى خىلدىكى ئاياللار يوققۇ دەيمەن .

karluq02

	ئەر ئايال ھەر ئىككىسىنىڭ 2- خىلدىكىسى بولۇشىنى ئارزۇ قىلىدىكەنمەن [s:127]  [s:127]  [s:127]

kozam888

	مەن ئەرلەرنىڭ بىز ئاياللار بىلەن تەڭ ئىش قىلىشىنى ئانچە ياقتۇرۇپ كەتمەيمەن .، مەن ئىش قىلىپ چارچاۋاتقاندا كوتۇلداپ  ، ماڭا تولا چېپىلىپ يۈرۈشىنى تېخىمۇ خالىمايمەن. مەن ئىش قىلغاندا ئەمگىكىمنى ھۆرمەتلەپ تولا ئۆينى مالا - ماتاڭ قىلماي كىرىسلودا جىم ئولتۇرۇپ چاي ئىچكەچ تېلېۋېزور كۆرسە، ئىشلارنى جايلاشتۇرۇپ بوپ يېنىغا كىلىپ ئولتۇرغىنىمدا بىر پىيالە چېيى بىلەن ئىللىق بىر كۈلۈمسىرىشى بولسىلا كۇپايە . ئەرلەر ئېسىل بولسا گەپ سۆزلىرىنى ئىچىدە ساقلاپ ئاددى ھەركەتلىرى بىلەن ئىپادىلىسە  دەيمەن .  [s:174]  [s:174]  [s:174]

xamxarka

	بىر بىرسىگە سەل زىتمۇ نىمە ؟؟ ياخشى ئەر بولاي دېسە خوتۇن ياخشى خوتۇن بولماي قالغۇدەك ، ياخشى خوتۇن بولاي دېسە ئەر ياخشى ئەر بولماي قالغۇدەك  [s:123] ياخشى خوتۇن ئۆي ئىشغا پىششىق بولسا ئەر كىشىنى ھەرگىزمۇ قازان بېشىغا يولاتمايدۇ ، ياردەملىشەي دېسىمۇ ئۇنمايدۇ !  [s:139]

ubul0998

	خۇدا 3-خىلدىكى ئايالغائۈچراشتىن  پانا بەرسۇن.

boghrahan

	ئاپتور جاۋابىنى بويلاپ 6قەۋەت kozam888 كە 2010-11-09 03:14 PMئەۋەتىلدى : مەن ئەرلەرنىڭ بىز ئاياللار بىلەن تەڭ ئىش قىلىشىنى ئانچە ياقتۇرۇپ كەتمەيمەن .، مەن ئىش قىلىپ چارچاۋاتقاندا كوتۇلداپ  ، ماڭا تولا چېپىلىپ يۈرۈشىنى تېخىمۇ خالىمايمەن. مەن ئىش قىلغاندا ئەمگىكىمنى ھۆرمەتلەپ تولا ئۆينى مالا - ماتاڭ قىلماي كىرىسلودا جىم ئولتۇرۇپ چاي ئىچكەچ تېلېۋېزور كۆرسە، ئىشلارنى جايلاشتۇرۇپ بوپ يېنىغا كىلىپ ئولتۇرغىنىمدا بىر پىيالە چېيى بىلەن ئىللىق بىر كۈلۈمسىرىشى بولسىلا كۇپايە . ئەرلەر ئېسىل بولسا گەپ سۆزلىرىنى ئىچىدە ساقلاپ ئاددى ھەركەتلىرى بىلەن ئىپادىلىسە  دەيمەن .  [s:174]   [s:174]   [s:174]   سىز  بولىدىغا خوتۇنكەنسىز

towa

	مەن ھازىرچە ھىشقايسىغا چۇشمەيدىكەنمەن.

DAWRAN0991

	مەنمۇ ئىككىنجىسىگە چۈشىدىكەنمەن،لىكىن بىزنىڭ خوتۇن مىنى بىرىنجىسىگە چۈشىسىز دەمدۇ تىخى... [s:179]

شەرەپ

	[quote]ئاپتور جاۋابىنى بويلاپ 6قەۋەت  kozam888 كە 2010-11-09 03:14 PMئەۋەتىلدى  : مەن ئەرلەرنىڭ بىز ئاياللار بىلەن تەڭ ئىش قىلىشىنى ئانچە ياقتۇرۇپ كەتمەيمەن .، مەن ئىش قىلىپ چارچاۋاتقاندا كوتۇلداپ  ، ماڭا تولا چېپىلىپ يۈرۈشىنى تېخىمۇ خالىمايمەن. مەن ئىش قىلغاندا ئەمگىكىمنى ھۆرمەتلەپ تولا ئۆينى مالا - ماتاڭ قىلماي كىرىسلودا جىم ئولتۇرۇپ چاي ئىچكەچ تېلېۋېزور كۆرسە، ئىشلارنى جايلاشتۇرۇپ بوپ يېنىغا كىلىپ ئولتۇرغىنىمدا بىر پىيالە چېيى بىلەن ئىللىق بىر كۈلۈمسىرىشى بولسىلا كۇپايە . ئەرلەر ئېسىل بولسا گەپ سۆزلىرىنى ئىچىدە ساقلاپ ئاددى ھەركەتلىرى بىلەن ئىپادىلىسە  دەيمەن .  [s:174]  [s:174]  [s:174] بۇلىدىغان خوتۇنكەنسىز،

ruhcar

	مەنمۇ ھېچقايسىسغا چۈشمەيدىكەنمەن،چەتتەراق توختاپ تۇرسام بولغۇدەك [s:151]  [s:151]  [s:151]