توي قىلغانغا ھەرگىز تويماڭ

nadira

	توي قىلغانغا ھەرگىز تويماڭ روزى مۇھەممەد تۇردى ئارتۇچ مەلۇم بىر ئىش بىلەن ئالدىراپ كېتىۋاتسام، يېقىندا توي قىلغان بىر ئاغىنەم ئۇچراپ قالدى. سولغۇن چىرايىدىن ئۇ يېڭىلا توي قىلغان يىگىتكە ئوخشىمايلا قالغانىدى. — يېڭى توي قىلغان ئادەم روھلۇق بولىدىغان، نېمانداق روھى چىقىپ كەتكەن ئادەمدەك بولۇپ قالدىڭ– دېدىم ئۇنىڭغا چاقچاق قىلىپ. — ھەي ئاداش، نېمە دەي، تۇرمۇش دېگەن ئېغىر يۈككەن، تويدىن كېيىن ھېچ ئىش خۇشياقمايدىغان بولۇپ قالدى، – دېدى ئۇ مەيۈسانە... ئاغىنەمدىكى غەلىتىلىكلەردىن جەمئىيەتتىكى قىسمەن ياشلارغا نەزەر سالدىم. توي ئىككى ياشنىڭ مۇستەھكەم ئەھدى – ۋاپاسى، چوڭقۇر مېھىر – مۇھەببىتىدىن ۋۇجۇدقا چىقىپ، ساداقەت ۋە ۋاپادا گۈللەپ ياشنايدىغان ئائىلىۋى باغ. بۇ باغنىڭ ئاۋاتلىقى توي قىلغان ھەر قانداق ياشنىڭ ئائىلە، جەمئىيەت، خىزمەت، تەربىيە ۋە تەربىيەلىنىش قاتارلىق مەجبۇرىيەتلىرىدىن قول ئۈزۈشى بىلەن ۋۇجۇدقا چىقمايدۇ. بەلكى، ئۇنىڭ گۈللىنىشى، مۇستەھكەملىنىشى ھەركىمنىڭ ئارزۇ، نىشانىنى مەركەز قىلىشى بىلەن ئەمەلگە ئاشىدۇ. پەۋقۇلئاددە شارائىتتا ئانچە – مۇنچە قەلەم تەۋرىتىپ تۇرىدىغان بىر تونۇشۇم بىلەن پاراڭلىشىپ قالدىم، ئۇمۇ ماڭا تويىدىن كېيىن (ئائىلىنىڭ ئانچىكى ئىش – كۇشلىرى سەۋەبلىك ھېچ ئىشقا كىرىشەلمەيۋاتقانلىقىنى، ماقالە – ئەسەر يېزىشقا رايى بارمايدىغان بولۇپ قالغانلىقىنى ئېيتتى. مەكتەپ مۇدىرىمىزمۇ مەكتىپىمىزدىكى توي قىلغان ياشلارنىڭ تويدىن ئىلگىرىكى قىزغىنلىقى ۋە جان كۈيەرلىكىنىڭ سۇسلاپ كەتكەنلىكىنى پات – پات ئۇلارنىڭ سەمىگە سېلىپ تۇرىدىغان. ھالبۇكى، ئەتراپىمىزدا ئائىلە ئىشلىرىنىمۇ، خىزمەتنىمۇ مۇۋاپىق بىر تەرەپ قىلىپ، ئۇتۇق دەرۋازىسىنى چېكىۋاتقانلارمۇ بارغۇ؟ ئەمەلىيەتتە، ھايات بەيگىسىدىكى ئوتتەك قىزغىنلىقىمىز تويدىن كېيىن باشلىنىدۇ. چۈنكى، ئەقىللىق ھەر بىر كىشى تويدىن كېيىن زىممىسىگە ئائىلە، ئىجتىمائىي مەسئۇلىيەت، مۇستەقىل ئىگىلىك تىكلەش قاتارلىق مەسئۇلىيەتلەرنىڭ يۈكلەنگەنلىكىنى تولۇق ھېس قىلىدۇ. بەرھەق، بۇلار يېڭى تۇرمۇشقا قەدەم باسقان ھەربىر ياشقا ئاز – تولا بېسىم پەيدا قىلىشى مۇمكىن. ئەمما، ھاياتلىق يولىدىكى بۇ مۇقەررەر بېسىمنى دەپلا چۈشكۈنلىشىپ، ئۆزىمىزنى يوقىتىپ قويساق، قانداق بولغىنى؟ تۇرمۇش بىزدىن ئۈمىدۋارلىقنى، جۇشقۇنلۇقنى، ئىشلارنى كەسكىنلىك بىلەن بىر تەرەپ قىلىشنى تەلەپ قىلغاندا ئۆزىمىزنى تاشلىۋەتسەك، ئائىلە، خىزمەت بېسىمىمىز تېخىمۇ ئېغىرلاپ كەتمەمدۇ؟ ئەلۋەتتە، ئائىلە تۇرمۇشى قىز – يىگىتنىڭ مۇھەببەتلىشىۋاتقان چاغلىرىدىكىدەك رومانتىك بولمايدۇ، بەلكى، ئەمەلىي بولىدۇ. بۇ رېئاللىققا دادىل يۈزلىنىش ۋە ئۇنىڭدىن مېۋە ئېلىش شىجائىتىگە ئىگە بولۇش كېرەك. ئېنىقكى، ئوخشاشمىغان ئىككى ئائىلە مۇھىتىدا چوڭ بولغان ئىككى ياش بىر ئۆيدە ئورتاق تۇرمۇشقا قەدەم قويغاندا ئۇنداق ياكى مۇنداق گەپ – سۆز، سۈركىلىشلەر پات – پات بولۇپ تۇرىدۇ. تۇرمۇشنىڭ ئېغىر – يېنىك سىناقلىرىدىن ئۆتمىگەن ياش ئەر – خوتۇنلارغا بۇنداق ئەرزىمەس ئىشلار، كىچىككىنە بېسىملارمۇ ئېغىر تويۇلۇشى تۇرغانلا گەپ. يېڭى تۇرمۇشقا كۆنۈش باسقۇچىدىكى بۇنداق ئۇششاق ئىشلار تۈپەيلى روھىمىزنى چۈشۈرۈۋالساق، ياشاشتىكى ئەڭگۈشتەرىمىز بولغان ئارزۇ – ھەۋەسلىرىمىز يوققا چىقىدۇ. تويدىن كېيىنكى بىزگە بېسىم تۇيۇلغان ۋاقىتلىق ئۇششاق ئىشلارنىڭ ئەمەلىيەتتە ئارزۇ – ھەۋەسلىرىمىزدىن ۋاز كېچىش بىلەن مۇناسىۋىتى يوق. بەلكىم بىزگە بېسىم ئېلىپ كەلگەن شۇ ئىشلارنىڭ بىر قىسمى ئارزۇ – ھەۋىسىمىزنى جانلاندۇرۇپ، تەرەققىي قىلدۇرۇشقا پايدىلىق بولۇشى مۇمكىن. شۇڭا، ئازراقلا بېسىمغا بەرداشلىق بېرەلمەي، ئارزۇ، قىزىقىشلىرىمىزدىن ۋاز كېچىش ئاقىلانىلىك ئەمەس. دېمەك، گەپ تۇرمۇشتا ئۇچرىغان بېسىملارنى يېڭىش ئىقتىدارىمىزنىڭ قانچىلىكلىكىدە. شارائىتنىڭ قانداق بولۇشىدىن قەتئىينەزەر، يېڭى تۇرمۇش باسقۇچىدىكى ياش ئەر – خوتۇنلار بىر – بىرىگە مېھرىبان، ئەپۇچان بولۇپ، كەلگۈسىگە ئۈمىد بىلەن قاراپ، ئائىلىدىكى قوۋناق تۇرمۇشتىن ئىلھاملىنىشنى بىلسىلا، ئىلگىرىكى ئارزۇ – قىزىقىشلىرىنى تېخىمۇ شاخلىتالايدۇ، ھايات ئالبومىنى يەنىمۇ رەڭدار مەزمۇنلار بىلەن بېيىتالايدۇ. شىنجاڭ گېزىتى

yalpuz0997

	توي قىلىش مەسئۇليەتتىن دېرەك بىرىدۇ. توي قىلىشتىن بۇرۇن چۇقۇم ئائىلە مەسئۇليىتىنى ئۈستىڭىزگە ئالالايدىغان ئالالمايدىغانلىقىڭىزنى ،پەرزەنت تەربىيىلەش بۇرىچىنى ئادا قىلالايدىغان قىلالمايدىغانلىقىڭىزنى،تۇرمۇشنىڭ تۈرلۈك دىشۋارچىلىقلىرىغا بەرداشلىق بىرەلەيدىغان بىرەلمەيدىغانلىقىڭىزنى ئۇبدان ئويلۇشۇڭ.شۇ چاغدا توي قىلغانغا پۇشايمان قىلمايدىغان بۇلىسىز .

XATUT507

	راسلا،  توي  قىلغاندىن  كىيىنكى  ئشلارنى  ياخشى  ئورۇنلاشتۇرغاندا  ئاندىن  توي  قىلغانغا  پۇشايمان  قىلماسلىقى  مۇمكىن!

zumrettash

	ئاپتور جاۋابىنى بويلاپ 1قەۋەت  yalpuz0997 كە 2010-11-05 04:50 PMئەۋەتىلدى  : توي قىلىش مەسئۇليەتتىن دېرەك بىرىدۇ. توي قىلىشتىن بۇرۇن چۇقۇم ئائىلە مەسئۇليىتىنى ئۈستىڭىزگە ئالالايدىغان ئالالمايدىغانلىقىڭىزنى ،پەرزەنت تەربىيىلەش بۇرىچىنى ئادا قىلالايدىغان قىلالمايدىغانلىقىڭىزنى،تۇرمۇشنىڭ تۈرلۈك دىشۋارچىلىقلىرىغا بەرداشلىق بىرەلەيدىغان بىرەلمەيدىغانلىقىڭىزنى ئۇبدان ئويلۇشۇڭ.شۇ چاغدا توي قىلغانغا پۇشايمان قىلمايدىغان بۇلىسىز . يالپۇزنىڭ گىپىگە قوشۇلىمەن،ھازىرقى ياشلار بەك رومانتىك ،،،،،،،توي قىلغاندىن كېيىنمۇ شۇنداق ئوڭۇشلۇق ئۆتىمەن دەپ خام خىيال ئەيلىمەڭ،ئەمما تۇرمۇشنىڭ ھەرخىل ئېغىر سىناقلىرىغا بەرداشلىق بېرىشنى نىيەت قىلسىڭىزلا،بۇ كۈنلەرمۇ ئۆتۈپ كېتىدۇ.........ياخشى كۈنلەر كەينىدىنلا كېلىدۇ،بۇنىڭغا ئىشىنىڭ!!!!!!!! تېما ياخشى تېما ئىكەن،ئىبرەت ئالساق بولغۇدەك،رەھمەت .

قۇملۇق

	توي ئىشى ئۆمۈرلۈك چوڭ ئىش .... چۇقۇم ئەتراپلىق ياخشى  ئويلىنىش كېرەك ... ئۆي تۇتۇشنى بىلىش ، مەشىق قىلىش ، ئۆگىنىش كېرەك .... بولىمىسا 2~3 ئايدىلا كىلىشەلمىدۇق دەپ ئاجىرشىدىغان گەپ ....  [s:130]

فىزىك

	توي قىلماستىن بۇرۇن ئەر سۆزلەيدۇ ، ئايال ئاڭلايدۇ . توي قىلىپ بولغاندىن كىيىن ئايال سۆزلەيدۇ ، ئەر ئاڭلايدۇ . ئاخىردا ئەرئايال ئىككىسى تەڭ سۆزلەيدۇ ، خوشنىلار ئاڭلايدۇ ،،،،،،،،، ئەھمىيەتلىك تېما بوپتۇ .

svzvksu

	لىكىن مەن توي قىلغانغا بۇرنى قۇلقۇمغىچە تويۇپ كەتتىم

pingivin

	شۇڭا، تويدىن بۇرۇن ئوبدان ئويلىنىش كېرەك...

ruhcar

	ھازىرقى ئوغۇلاردىن قورقسا بولامدۇ نىمە [s:148]  [s:145]  [s:181]  [s:164]  [s:149]  [s:161]  [s:143]

karakux

	hutun alding uqang ga bir yuda utun aldung digan gap

qux...

	ئاپتور جاۋابىنى بويلاپ 6قەۋەت svzvksu كە 2010-11-05 05:50 PMئەۋەتىلدى : لىكىن مەن توي قىلغانغا بۇرنى قۇلقۇمغىچە تويۇپ كەتتىم شۇنداق ھەممە ئادەم ئۆز دەردىنى ئۆزى بىلىدۇ ئەلۋەتتە....

qux...

	ئاپتور جاۋابىنى بويلاپ 5قەۋەت $$ECW$$ كە 2010-11-05 05:42 PMئەۋەتىلدى : توي قىلماستىن بۇرۇن ئەر سۆزلەيدۇ ، ئايال ئاڭلايدۇ . توي قىلىپ بولغاندىن كىيىن ئايال سۆزلەيدۇ ، ئەر ئاڭلايدۇ . ئاخىردا ئەرئايال ئىككىسى تەڭ سۆزلەيدۇ ، خوشنىلار ئاڭلايدۇ ،،،،،،،،، ئەھمىيەتلىك تېما بوپتۇ . ھا ھا ھا ...كۈلىۋەتتىم ئىنكاسىڭىزنى ئۇقۇپ ....راس گەپنى قىپسىز مانا .

qux...

	ھەي ...ھەممە ئادەم تويدىن كىيىن ياخشى ياشىسامبەخىتلىك ئۆتسەم،ئۇرۇش -جىدەل بولمىسا،بىر -بىرىمىزنى قەدىرلەپ،ئىشىنىپ كۈيۈنۈپ ئۆتسەك دەپ ئويلايدۇ.... بىراق تويدىن كىيىنكى تۇرمۇش ئۇنچە ئاددى ئەمەس دوسلار،بۇنداق دىسەم توي قىلمىغانلار قورقۇپ كەتمەڭلار،شۇ تۇرمۇشنىڭمۇ ئۆزىگە چۇشلۇق بوران -چاپقۇنلىرى بولىدۇ....ھەم چاۋاك بىر قولدىن چىقمايدۇ.... لىكىن مەن ئاددى بىر توردىشىڭلار بولۇش سۈپىتىم بىلەن ھەممىڭلارنىڭ تويدىن كىيىنكى تۇرمۇشۇڭلارنىڭ شات -خورام ،بگخىتلىك ئۆتىشىنى  تىلەيمەن قېرىنداشلار!!!

ALganazar01

	[s:148]  مەن تىخى كىچىك بىراق ئۆزى ياخشى كۆرمەيدىغان ئادەم بىلەن ئۆي تۇتۇش ئانچە كۆڭۈلدىكىدەك تۇرمۇش بولماي قالىدىغۇ دەيمەن.  مەن ئويلايمەن ئۆزەم ياخشى كۆردىغان بىرى بىلەن تۇرمۇش قۇرسام بەخىتلىك بولمەن دەپ ئويلايمەن. بىراق يەنە ئەنسىرەپ قىلىۋاتىمەن.مەن ياخشى كۆرگەن قىز باشقا بىرنىڭ بولۇپ كىتەرمۇ دەپ....