تەڭرى، يولۋاس ۋە مۈشۈك

Tughrul

	تەڭرى، يولۋاس ۋە مۈشۈك تەڭرى بارلىق ھايۋانلارنى ئاپىرىدە قىلىپ بولغاندىن كېيىن، ئۇلارغا مەجبۇرىيەت دائىرىسىنى ئايرىپ بېرىپتۇ . مۈشۈك ۋە يولۋاستىن باشقا، ھەممە ھايۋان تەڭرى ئۆزلىرىگە يۈكلىگەن مەجبۇرىيەتكە باشقىچە پىكىردە بولماي، خۇشال ھالدا يەر شارىغا كېتىپتۇ .    مۈشۈك بىلەن يولۋاس جايىدا قېلىپ، تەڭرىگە دەرد ئېيتىپتۇ ۋە ‹‹ئېغىر خاتالىق ئۆتكۈزدىڭىز، خاتالىقىڭىزنى دەرھال تۈزىتىڭ›› دەپتۇ.    — مەن نېمىشقا كۈندە چاشقان تۇتۇپ يېگۈدەكمەن؟ – دەپتۇ مۈشۈك تىرناقلىرىنى كۆرسىتىپ، – قاراڭ، مېنىڭ تىرنىقىم ۋە چىشلىرىم يولۋاسنىڭكىدەك ئۆتكۈر. مەن ئورمانلىققا بارىمەن، يولۋاسقا ئوخشاش ھەر خىل ئوۋ گۆشلىرىنى يەيمەن، تۈكلۈك، گۆشسىز چاشقاننى يېمەيمەن.    — مەن مۈشۈككە ئوخشاپ كېتىدىغان تۇرۇپ ، 365 كۈن بوران – چاپقۇندا جاپا تارتىمەن، مۈشۈك بولسا ئادەملەرنىڭ يازدا سالقىن، قىشتا ئىسسىق ئۆيلىرىدە تۇرىدۇ. مەن مۈشۈك بىلەن خىزمەت ئالماشتۇرىمەن، – دەپتۇ يولۋاس.    تەڭرى ئۇلارنىڭ گېپىنى ئاڭلاپ، كۈلۈپ كېتىپتۇ.    — ئىككىڭلار ئاراڭلاردىكى ئەڭ چوڭ پەرقنى ھېس قىلماپسىلەر. يولۋاس بەستلىك ھەم كۈچلۈك، چوڭ ھايۋانلارنى بويسۇندۇرالايدۇ، شۇڭا ئۇ دالادا ياشاشقا ماس كېلىدۇ. گەرچە مۈشۈكنىڭ چىشلىرى، تىرناقلىرى ئۆتكۈر بولسىمۇ، جۇغى كىچىك بولغاچقا، دالادا ياشاشقا ماس كەلمەيدۇ، – دەپتۇ تەڭرى.    مۈشۈك تەڭرىنىڭ گېپىنى ئاڭلاپ بېشىنى لىڭشىتىپتۇ.    — ئۇنداقتا، مەن مۈشۈك بىلەن بىللە ئادەملەر بىلەن ياشاي، مېنىڭ ئوۋ ئوۋلاش بىلەن ئانچە خوشۇم يوق! – دەپتۇ يولۋاس.    — سەن ھەرگىز ئۆيدە ئادەملەر بىلەن بىللە ياشىيالمايسەن، بۇ مىجەزىڭلا بولسا، ئادەملەر بىلەن چىقىشىپ ئۆتەلىشىڭ تەس. چاشقان كىچىك بولغاچقا، كىچىك كامارغا كىرەلەيدۇ. سەنچۇ؟ بۇ بەستىڭ بىلەن قەيەرگە كىرىۋالىسەن؟ سەن يەنىلا ئورمانلىققا بارغىن، – دەپتۇ تەڭرى كۈلۈپ كېتىپ.    شۇنداق قىلىپ، تەڭرىنىڭ ئورۇنلاشتۇرۇشى بويىچە يولۋاس ئورمانلىققا، مۈشۈك ئادەملەرنىڭ ئۆيىگە قاراپ يولغا چىقىپتۇ. مانا بۇ قابىلىيىتىگە يارىشا ئىشقا قويۇش دېمەكتۇر. شىنجاڭ ئىقتىساد گېزىتى

tanhabora168

	مەن دۆت ئوخشايمەن قانچە قىتىم ئوقوساممۇ ماقالىنىڭ مەركىزى ئىددىيسىنى بىلەلمىدىم

zapar

	ھازىر ئۇنداق ئەمەسقۇ.مۇشۇك يولۋاسنىڭ رولنى ئۇتەيدۇ،يولۋاس مۇشۇكنىڭ [s:20]

تارىم

	مانا بۇ قابىلىيىتىگە يارىشا ئىشقا قويۇش دېمەكتۇر.