يېڭى مېدال تۈزۈمى ھەققىدە ئۇقتۇرۇش
ئەسسالامۇ ئەلەيكۇم ، مىسرانىم مۇنبىرىنىڭ ئەزىز ئىشتىراكچىلىرى .
مىسرانىم مۇنبىرىنى رەتكە سېلىش خىزمىتى ئۈزلۈكسىز داۋاملىشىۋاتىدۇ . باشقۇرۇش گورۇپپىسىدىكى بارلىق ئەزالار كۈندۈزنى كېچىگە ئۇلاپ خىزمەت قىلىۋاتىدۇ . مۇنبىرىمىزنى توختاۋسىز يېڭىلاپ تەرەققى قىلدۇرۇش - تورداشلارغا تېخىمۇ مۇكەممەل بولغان تور مۇھىتىنى ھازىرلاپ بەرگۈسى .
نۆۋەتتە مۇنبىرىمىزنى رەتكە سېلىش خىزمىتى جەريانىدىكى ، بىر قىسىم يېڭى مەسىلىلەر توغرىسىدا تورداشلارغا ئىزاھات بەرمەكچىمىز.
مۇنبىرىمىز دەسلەپكى مەزگىلدە تورداشلارنى رىغبەتلەندۈرۈش ۋە قىزغىنلىقنى يۇقىرى كۆتۈرۈش ئۈچۈن ، مۇنبىرىمىزنى ئىزچىل قوللاپ كەلگەن ، مۇنازىرە ۋە پائالىيەتلەرگە ئاكتىپ قاتناشقان ئەزالارغا ماس بولغان <مېدال> تارقىتىلغان ئىدى . بىراق بۇ خىل پائالىيەت مۇنتىزىم تۈزۈمگە ئىگە بولمىغاچقا ، مېدال تارقىتىش خىزمىتى بىر قەدەر ئىختىيارى ئېلىپ بېرىلغان ئىدى . شۇنىڭ ئۈچۈن مۇنبىرىمىز ھازىر <مېدال> نىڭ قىممىتىنى ئاشۇرۇش ۋە ئۇنى ئەھمىيەتكە ئىگە قىلىش ئۈچۈن ، تۆۋەندىكىدەك ئۆزگەرتىش ئېلىپ بارماقچىمىز.
1. مېداللار تۈرىنى مۇكەممەللەشتۈرۈش .
دەسلەپكى مەزگىلدىكى تارقىتىلغان مېداللارنىڭ تۈرى ئاز ، بەزى سەھىپىلەرگە ماس كەلمەيدىغان كەمچىلىكلىرى بولغانلىقى ئۈچۈن ، مېداللارنىڭ تۈرى ۋە ئىسمىغا كەڭ كۆلەملىك تۈزىتىش كىرگۈزۈلمەكچى . شۇڭا بۇ جەرياندا مۇنبىرىمىزگە ئىلگىرى تارقىتىلغان بارلىق مېداللار يىغىۋېلىندى . تورداشلارنىڭ توغرا چۈشىنىشىنى ۋە قوللىشىنى ئۈمىد قىلىمىز . رەتكە سېلىش خىزمىتى ئاياغلاشقاندا ، مېدال تارقىتىش خىزمىتى يەنە نورمال داۋاملاشقۇسى .
2.مېدال تارقىتىش تۈزۈمى.
بۇنىڭدىن كېيىن مۇنبىرىمىز <مېدال> تارقىتىش خىزمىتىگە ئالاھىدە تەلەپچان بولىدۇ . ھەرقايسى سەھىپىلەردە ئىپادىسى ئالاھىدە ياخشى ، ئەھمىيتى ۋە پايدىلىنىش قىممىتى يۇقىرى تېمىلارنى يوللايدىغان ، ئىجادىيەت تېمىلىرى بەلگىلىك سەۋىيەگە يەتكەن ، تېمىلىرى مۇكاپاتلانغان ئەزالارغىلا مېدال تارقىتىلىدۇ.(مۇكاپاتلاش خىزمىتى دەسلەپكى باسقۇچقا قەدەم قويدى)
دېمەك تەبئىي ھالدا مۇنبىرىمىزنىڭ تېمىلارغا بولغان تەلىپىمۇ يۇقىرى بولىدۇ . شۇڭا رىقابەت كۈچلۈك . تورداشلارنىڭ تېما يوللىغاندا ئەستايىدىل بولۇپ،مۇنبەر قائىدە-تۈزۈملىرىگە قاتتىق رىئايە قىلىشىنى ئۈمىد قىلىمىز.
مىسرانىم مۇنبىرى ھەر بىرىڭلارنىڭ نادىر تېمىلىرىنى كۈتىدۇ ۋە سىلەر ئۈچۈن خىزمەت قىلىپ ، تور مۇھىتىڭلارغا خۇشاللىق تىلەيدۇ .
مىسرانىم تور بېكىتى باشقۇرۇش گۇرۇپپىسى
مىسرانىم مۇنبىرى باشقۇرغۇچىلار كوللىكتىپى
2010 - يىلى 10- ئاينىڭ 26- كۈنى