ئۇيغۇرلاردىكى ئىسىم قويۇش ئادىتى

Miras

	1 . ئىسىملارنى تاللاش ئۇيغۇرلارنىڭ ئىسىم قويۇش ئادىتىمۇ تۈركىي مىللەتلەرنىڭ باشقا مەدىنىيەتلىرىگە ئوخشاشلا ئەڭ دەسلەپكى چارۋىچىلىق دەۋرىدىن باشلانغان بولۇپ، ئۇ چاغدىكى بوۋاقلارغا قويۇلىدىغان ئىسىملار بىرىنچى دەۋر ئىسىملىرى ھېسابلىناتتىكەن. يەنى ھامىلدار ئايالنىڭ ئاي كۈنى توشۇپ كۆزى يورىغاندا يېنىدىكى تۇغۇت ياردەمچىسى (تۇغۇت ئۈستىدە تۇرغان كىشى) كۆزىگە تۇنجى قېتىم كۆرۈنگەن نەرسىنىڭ ئىسمىنى يېڭى تۇغۇلغان بوۋاققا ئىسىم قىلىپ قويغانكەن. مەسىلەن: پالتا، تۆمۇرئا، چاۋار، سۈپۈرگە، ناۋات، شىكەر، ئالتۇن، تىللا، ياقۇت... دېگەنلەرگە ئوخشاش. كېيىنچە ئىسىملارنىڭ ئاخىرىغا «ئاخۇن» ، «خان» قوشۇمچىسى ئۇلاپ پالتاخۇن، تىللاخان،،، دېگەندەك ئىسىملارنى قويغانكەن. ئىسلام دىنىنى قوبۇل قىلغاندىن كېيىنكى ئىسىم تاللاش ئىككىنچى دەۋرگە قەدەم قويغان بولۇپ ئۇ دەۋردە پەيغەمبەرلەرنىڭ، ساھابىلەرنىڭ، تابىئىنلەرنىڭ ئىسىملىرىنى ۋە ئىسلامغا دائىر كىتاپلاردا تىلغا ئېلىنغان ياخشى ئىسىملارنى قويۇشقا باشلىغانكەن. مەسىلەن: مۇھەممەت ئېلى، قادىر، يۈسۈپ، داۋۇت، بۇۋىھەجەر، بۈۋى خەلىچە، پاتىمە، زۆھرە، ئايشەم، ئىسلام، بۈۋى مەريەم، يۈنۇس، شەمسى، قەمەر، ئاي، يۇلتۇز، ئىدرىس، ئىسرائىل، ئىسراپىل، خۇدا بەردى، ئاللا بەردى، ئەلى، ئىبراھىم، ئابدۇرەھمان، ئابدۇمۆمىن، ئابدۇروسۇل، .... قاتارلىقلار. كېيىنچە ئىسىملارنىڭ كەينىگە قوشۇمچە گۈل، جان، خان، قىز، قارى، ھاجى، تۆرەم، غوجام، خېنىم... قوشۇمچىلىرىنى قوشۇپ ئىشلەتكەن. مەسىلەن: پاتىگۈل، پاتەمخان، زۆھرەگۈل، زورىخان، مەريەمگۈل، مەريەمخان، پاتى خېنىم، ئاتى خېنىم، قاسىمجان، ھاشىمجان، مۇختەرجان، مەھمۇتجان، يۈسۈپھاجى، مەمىتاجى، ئەكبەرھاجىم، مامۇت تۆرەم... قاتارلىقلاردىن ئىبارەت بولغان. ھەم يەنە يۇرت مۆتىۋەرلىرى، مەسچىت ئىماملىرى، مەزىنلەر، قازىلار... قاتارلىقلارنىڭ مەنسەپ - دەرىجىسى بىلەن قوشۇپ ئاتايدىغان ئادەتمۇ بولغان. مەسىلەن؛ سەمەتخان مەخسۇم، قازى ھاجىم، يۇنۇس قارى، ياسىن قارىم، تۇرسۇن مەزىن، سادىقبەگ، سىدىقھاجىم، ئابلا غوجى، داۋۇت يۈز بېشى، ئاۋۇت بېگىم... دېگەنلەرگە ئوخشاش... مەدىنيەت ئىنقىلابى باشلىنىپ دىيارىمىزمۇ جىددىچىلىككە چۆمگەن، كۈرەش كەسكىنلەشكەن شۇ كۈنلەردە ئۇيغۇرلارنىڭ ئىسىم تاللىشى ئۈچىنچى دەۋرگە قەدەم قويۇپ مەيلى يېڭى تۇغۇلغان بوۋاق بولسۇن ۋە ياكى تۇغۇلغىنىغا بىر نەچچە يىل بولغان بولسۇن بالىلارنىڭ ئىسىملىرىنى جۈرئەت، غەيرەت، دولقۇن، مەدىنىيەت، جۇشقۇن، شىجائەت، قەيسەر، باتۇر، ئەنۋەر، ئەركىن، كۈرەش، قاۋۇل، ئەزىمەت، ئۆركەش، مۇرات، ئازات، مۇنەۋۋەر، دىلنۇر... قاتارلىق ئىسىملارنى قويغانكەن. قىزلارغا بولسا گۈزەل نەرسىلەرنىڭ ۋە گۈللەرنىڭ ئىسىملىرىنى تاللاپ قويۇپ؛ گۈلزار، گۈلنار، گۈلباھار، گۈلچېھرە، گۈلمىھرە، گۈزەلنۇر، ئاينۇر، ماينۇر، رەيھانگۈل، زەيتۇنگۈل، تاجىگۈل، چىمەنگۈل، ئامانگۈل، رىزۋانگۈل، مېھرىگۈل... دەپ قويغان. 1990 - يىلدىن كېيىن ئىسىم تاللاشتا يەنە بىر بالداق ئىلگىرلەپ «تەرەققىياتقا يۈزلەنگەن» ئىسىملار ئوتتۇرىغا چىقىپ مەنىسىنى چۈشەنگىلى بولمايدىغان، قايسى مىللەتكە ياكى قايسى دۆلەتكە تېۋە ئىكەنلىكى ئېنىق بولمىغان ئىسىملارنى قويۇش ئەۋج ئالغان. ھازىرقى دەۋردە بولسا بىلىملىك، ئەقىللىق، ساپالىق كىشىلىرىمىز، باللىرىنىڭ ئىسىملىرىنى تاللىغاندا مەخسۇس كىتاپ ئاختۇرۇپ، مەنىسىنى چۈشىنىپ، ئەستايىدىل ئويلۇشۇپ، كەلگۈسىدە بىر جەمەتكە فامىلە بولالىغۇدەك ياخشى ئىسىملارنى تاللاپ قويۇۋاتىدۇ. مەسىلەن، ئېلتەبىر(ئىلىملىك، تەدبىرلىك)، ئېلزاد (ئىلىملىك زات)، ئېرشات (يېتەكلىمەك، توغرا يولغا باشلىماق)، ئېلنۇرى(نۇرانە ئىلىم)، ئىقبال (راۋاج تاپماق)، سەئىد (تەلەيلىك)، سابىر (چىداملىق، ئىرادىلىك)، ئىسمەت (خاتالىقتىن يىراق تۇرۇش)، فەيسەل (قازى، گۇۋاھچى)، رەشىدە (ئەقىللىق ئايال)، سەبىخە (گۈزەل ئايال)، نۇرجاھان (جاھاننىڭ نۇرى) ... قاتارلىقلار. 2. ئىسىم قويۇش قائىدىلىرى ئۇيغۇرلار ئىسلام دىنىنى قوبۇل قىلغاندىن كېيىن بوۋاقلارغا ئىسىم قويۇشتا ئالدى بىلەن شۇ دەۋردىكى ئىسىم تاللاش ئۇسلۇبىغا ئاساسەن ئۆزى ياقتۇرغان، ياكى شۇ ئائىلە ئەزالىرىنىڭ ئىسىملىرىغا ماس كېلىدىغان، ھەم قاپىيىلىك بولغان ئىسىملارنى تاللاپ تەييارلىۋالىدۇ. ئىككى تەرەپنىڭ مەسلەھەت قىلىشى بىلەن مۇۋاپىق دەپ قارىغان ئىسىملارنى تاللايدۇ، تۇغۇلغان بوۋاق قىز بولسا ئانىسىنىڭ، ئوغۇل بولسا داسىنىڭ ئىسمىغا ماسلاشتۇرىدىغانلارمۇ كۆپ ئۇچرايدۇ. مۇمكىن قەدەر ئەر تەرەپنىڭ تاللىشىغا ھۆرمەت قىلىدۇ. ئىسىم قويۇشنى ئەڭ كېچىككىندىمۇ 2-3 كۈن ئىچىدە تاماملايدۇ. ئىسىمنى بوۋاقنىڭ دادىسى ئۆزى قويىدۇ، ئەگەر بىلمىسە ئاتىسىنى ياكى شۇ يۇرتتىكى ئۆلىما كىشىدىن بىرنى چاقىرىپ ئىسىم قويۇپ بېرىشكە تەكلىپ قىلىدۇ. ئىسىم قويغاندا ئالدى بىلەن ئىسىم قويۇپ بەرگۈچى مۇكەممەل تاھارەت ئېلىپ (ياكى بوي تاھارەت ئېلىپ)، ئىككى رەكئات ناماز ئوقۇغاندىن كېيىن جاينامازدا تۇرۇپلا بوۋاقنى يۆگەك بىلەنلا قولىغا ئېلىپ، ئوڭ قۇلىقىغا ئەزان، سول قۇلىقىغا تەگبىر ئېيتىپ، ئاندىن تەييارلىغان ئىسىمنى ئاتاپ «بۈگۈندىن باشلاپ ئىسىملىرى ** بولسۇن» دەپ سۈفلەپ جاينامازغا بىر دومىلىتىپ ئېلىپ ئائىلە چوڭلىرىغا بېرىدۇ. شۇندىن ئېتىۋارەن بوۋاقنىڭ ئىسمى بىلەن چاقىرىلىشقا باشلايدۇ. بۇ كۈنى «ئات تويى» دېيىلىپ، بۇ مەرىكىگە ئىككى تەرەپنىڭ دادىلىرى، تاغىلىرى ھەم ئانىلىرى قاتنىشىدۇ. شۇ كۈنى مىجەز - خارەكتېرى ياخشى، ئېسىل پەزىلەتلىك بىرسى بوۋاقنى ئېغىزلاندۇرۇپ بېرىدۇ. ئېغىزلاندۇرۇش _ تۇنجى قېتىم ئېغىزىغا تاماق سېلىش بولۇپ ئۇيغۇرلاردا ئېغىزلاندۇرغۇچى ئېغىر - بېسىق كىشى بولسا بوۋاقمۇ تولا گەپ قىلمايدىغان چوڭ بولىدۇ، ئەگەر ياخشى مىجەزلىك ئادەم ئېغىزلاندۇرسا بوۋاقمۇ ياخشى مىجەزلىك ئادەم بولۇپ يىتىشىدۇ دەيدىغان ئېرەملىك قائىدە بار. بوۋاق تۇغۇلۇپ 7 كۈن ئىچىدىكى خەيرلىك بىر كۈننى تاللاپ، مەخسۇس «ئات تويى» قىلىپ مەرىكە ئۆتكۈزىلىدۇ. مەرىكىگە ئائىلە ئەزالىرى، ئىككى تەرەپ يېقىن تۇققانلار، ئەڭ يېقىن بۇرادەرلەر، يېقىن ھەقەمسايىلار، مەھەللە ئولىمالىرى قاتنىشىپ بوۋاق ئوغۇل بولسا ئىككى قوي، قىز بولسا بىر قوي سويۇلۇپ، خەتمە - قۇرئان ئوقۇلۇپ، بوۋاقنىڭ ئامان - ئېسەن، ساغلام چوڭ بولۇشىنى، ياراملىق، بىلىملىك ئۆسۈپ يېتىلىشىنى، كەلگۈسىدە بەخت - تالەيلەك بولۇشىنى ئاللاھتىن تېلەپ دۇئا تەگبىرلەر ئوقۇلىدۇ. بۇ مەرىكە «ھېقىق چېيى مەرىكىسى» دېيىلىدۇ. بالا تۇغۇلۇپ 40 كۈن بولغاندا «قىژىق سۈيى» قۇيۇلىدۇ. بوۋاقنى قىزنىڭ ئانىسى داسقا ئۇدۇل تۇتۇپ بېرسە، ئوغۇلنىڭ ئانىسى ئىلمان سۇ بىلەن بوۋاقنى يۇيىدۇ. مەھەللىدىكى ئۇرۇق - تۇققان ۋە خوشنىلارنىڭ 7 ياشتىن تۆۋەن باللىرىدىن 7 بالىنى چاقىرىپ كىرىدۇ، بالىلار بولسا ئالدىن تەييارلاپ قويۇلغان «ئېرەملىك سۇ» دىن 7 قوشۇقتىن بوۋاقنىڭ ئۈستىگە «يۇۋاش، يۇۋاش،،،» دەپ تۇرۇپ قۇيۇپ بېرىدۇ. بوۋاقنىڭ «قىژىق سۈيى» قۇيۇلۇپ يۆگەككە يۆگەپ ياتقۇزۇپ بولغاندىن كېيىن سۇ قۇيغان بالىلارغا بىر دانىدىن كىچىك مايلىق توقاچقا ئازراقتىن ھالۋا سۈركەپ تارقىتىپ بېرىلىدۇ. «ئىرەملىك سۇ» نى ئوغۇل بوۋاق ئۈچۈن 7 خىل مىۋىلىك دەرەخنىڭ ئۇششاق شېخىدىن بىر تالدىن، ئەكىرىپ يۇيىۋېتىپ، قايناق سۇغا چىلاپ ئىلمان ھالەتكە كەلتۈرۈپ تەييارلايدۇ. بۇ شۇ بوۋاق چوڭ بولغاندا ئەۋلاتلىق بولسۇن، 7 پەرزەنت كۆرسۈن دېگەن مەنىنى ئىپادىلەيدۇ. ئەگەر بوۋاق قىز بولسا «ئېرەملىك سۈيى» ئالتۇن، ناۋات قاتارلىقلارنى چايقاش ئارقىلىق تەييارلىنىدۇ. بۇنداق قىلىشتىكى مەقسەد قىزىم ئالتۇندەك ئاتىۋارلىق بولسۇن، ناۋاتتەك تاتلىق بولسۇن... دېگەنلىكتۇر. 3. ئەكىلەتمە ئىسىم بىلەن ئاتاش. ئۇيغۇرلاردىمۇ ئەكىلەتمە ئىسىم قوللىنىش ئادىتى بار بولۇپ، ئاتا - ئانىلارنىڭ ئوماقلىرىغا ئامراقلىقى كېلىپ ئاتىۋالغان قوشۇمچە ئىسىملىرى بارا بارا سىرتلاردىمۇ شۇنداق چاقىرىپ قېلىش ئارقىلىق باشقىلار تەرىپىدىنمۇ شۇ خىل ئەكىلەتمە ئىسىم بىلەن چاقىرىشقا ئادەت بولۇپ قالىدۇ. بۇنداق ئەكىلەتمە ئىسىملار كۆپۈنچە ھاللاردا چالا ئىسىم، مەنىسىز ئىسىملاردىن ئىبارەت بولۇپ؛ مە خېنىم، ئىبا خېنىم، ئانا خېنىم، گۈل خېنىم، ئاي خېنىم، ئاپپاق، ئاي، خان، گۈل، ئەبەي قارى، نۇرھاجىم، قارىم، مىنەقىز، بۇچەم، ئىننەجان... دېگەندەك ئىسىملارنى سىڭدۈرۈپ قويىدۇ. 4. لەقەم بىلەن ئاتاش. لەقەم بىلەن ئاتاش بۇرۇندىن بار ئادەت بولۇپ بىر يۇرتتا ياكى بىر مەھەللىدە ئىسىمداش ئادەملەر كۆپرەك بولسا ئۇلارنى پەرقلەندۈرۈش ئۈچۈن، كىشىلەرنىڭ كەسپى، ھۈنىرى، ئالاھىدىلىكى، مىجەز - خارەكتېرى ۋە ئەيىپ - نوقسانلىرىغا ئاساسەن لەقەم قويۇلۇپ، شۇ لەقەم ئاشۇ كىشىگە ماس كەلگەن بولسا ھەمدە جامائەت ئۇ لەقەمنى قوبۇل قىلغان بولسا شۇ ئادەمنى باشقىلارمۇ لەقىمى بىلەن ئاتاشقا ئادەتلىنىپ كېتىدۇ. مەسىلەن: مۇرات ئىسىملىك بىرسى رەخت تىجارىتى بىلەن شۇغۇنلىنىدىغان بولسا «مۇرات گەزمال» دېگەن لەقەمنى بىرسى قويغان بولسا باشقىلارمۇ ئۇنى شۇ لەقەم بىلەن ئاتاشقا باشلايدۇ. پەرھات ئىسىملىك بىرسىنىڭ بويى ئادەتتىكىدىن ئېگىزرەك بولسا «پەرھات شوتا»، تۇرسۇن ئىسىملىكنىڭ قولى سۇنۇپ مايماقراق ساقىيىپ قالغان بولسا «تۇرسۇن چوناق»، بارات ئىسىملىك بىرسى ئىنتايىن پىخسىق بولسا «بارات بېخىل»، ھاشىم ئىسىملىك بىرسى ئاقساپ ماڭىدىغان بولسا «ھاشىم توكۇر»، داۋۇت ئىسىملىكنىڭ ساقىلى جىقراق بولسا «داۋۇت ساقال»..... دەپ ئاتىلىپ قالىدۇ. قىز - ئوغۇللارغا ۋە ئەر - ئاياللارغا ئورتاق قويۇلىدىغان ئىسىملار كۆپ بولۇپ، بەزى ئىسىملارنى ئەرگىمۇ ئايالغىمۇ قويغىلى بولىدۇ. ئىسىم قوشۇمچىلىرىنى قوشۇش ئارقىلىقلا بىر ئىسىمنى ئەرلەرگە ياكى ئاياللارغا خاس ئىسىم دەپ ئايرىۋالغىلى بولىدۇ. مەسىلەن: «ئىسلام» دېگەن ئىسىمغا «خان» قوشۇمچىسى ئۇلىنىپ «ئىسلامخان» دەپ ئاياللارغا قويۇلسا، «جان» قوشۇمچىسى قوشۇلۇپ «ئىسلامجان» دەپ ئەرلەرگە قويۇلىدۇ. «زۇنۇن» دېگەن ئىسىمغا «قىز» قوشۇمچىسى قوشۇپ «زۇنۇنقىز» دەپ قىزلارغا قويۇلسا، «ئاخۇن» ياكى «قارى» قوشۇمچىسى ئۇلىنىپ ئوغۇللارغا ياكى ئەرلەرگە قويۇلىدۇ..... مەنبە ئۇيغۇرلارنىڭ ئۆرۈپ -ئادەتلىرى دىگەن كىتاپتىن ئېلىندى

jmgor

	بۇغۇ ھەممىسى شۇنداق بىراق بۇ زادى قۇرئانى كەرىمدە تەلەپ قىلىنغان قائىدلەرگە ئويغۇنمۇ ؟ ئۇ كىتاپنىڭ ئەسلى مەنبەسىدە ئاپتۇر نىمىنى ئاساس قىلدى . ھەرقايسى يۇرتلارنىڭ ئۆرىپ ئادىتىنى  كۆزدە تۇتتىمۇ ياكى ھەققى قۇرئانى كەرىمدە مۇشۇنداق ئىبارلەر بارمۇ ، (ئسىم قۇيۇش تەلىپى ) بىردەكمۇ ؟؟مىنڭ كاللامغا كىرۋالغنى مۇشۇ سۇئال ، مەنغو قۇرئانى تەرجىمە قىلىپ كۆرگىدەك  ئەپتىممۇ يوق . شوڭا سورغۇم كىلىپ قالدى ، مەن بىلسەم ئىسىم دىگەننى قۇرئاندا تىلغا ئىلىنغان ئىسملارنى قويساق توغرا بولدىكەن ،چۈنكى قىيامەتتە ئاشۇ  ئىسىم بىلەن ئاتىلدۇ ئەمەسمۇ ،

zumrettash

	راستلا ھازىر بىز ئىسىم قۇيۇشتا مەنىسىگە دىققەت قىلىدىغان بولدۇق،،،،ياخشى ئىش جۇمۇ بۇ، [s:108]

saltanat

	بەزى ئىسىملارنىمۇ ئەر ئايال قوللىنالايدۇ. مەسلەن:ئەۋەرجان ----- ئەنۋەرخان

This.is.It

	مەن ئوغلۇم بولسا بۇنيامىن     ياكى مىكايىل   قۇيايمىكىن دەيمەن ...  بەزى ئىسملارنى   بىزلام ئەمەس غەرىبلىكلەرمۇ قۇيىدۇ  مەسىلەن   .. مايكىل   - مىكايىل  ( ئاللاھنىڭ پەرىشتىلىرنىڭ بىرى )                  ئادام  -    ئادەم ( ئادەم ئەلەيىھسالام )                   ئېۋا- ھەۋۋا (ھەۋۋا ئانا )                  داۋىد -  داۋۇد (داۋۇد ئەلەيھىسالام )                 ئىسساك - ئىسساق (ئىسساق ئەلەيھسالام )  ئېبراھىم ياكى   ئەبراھام - ئېبراھىم (ئىبراھىم ئەلەيھسالام )                  جېيسىن - ياسىن                 يوزىف - يۇسۇف (يۇسۇف ئەلەيھسالام )                يەكۇب - ياھقۇب (ياھقۇب ئەلەيھسالام )                جابرىېيىل - جېبرېل ( جېبراھىل ئەلەيھىسالام )                مارىيا - مەريەم ( بۇۋى مەريەم .ئېيسا پەيغەمبەرنىڭ ئانىسى )               جيزاس- ئېيسا (ئېيسا پەيغەمبەر)              موسېس - موسا (موسا ئەلەيھىسالام)              جونېس -يۇنۇس (يۇنۇس ئەلەيھىسالام )             بېنجامىن - بۇنيامىن ( يۇسۇف ئەلەيىھسالامنىڭ بىر قوساق ئىنىسى ) مۇشۇنىڭدىنلا ئىنسانلارنىڭ يىلتىزى بىر ئىكەنلىكى ئېنىق ........   مەسلەن:    مايكىل يۇسۇف  جەكىسن ......... بېنجامىن فىرانكىلىن ............ جابرىيىل باتىستۇتا .... داۋىد يۇسۇف بېكھام ..... ئېسساك نىيۇتۇن  ...ئەبراھام لىنكولىن   ...  مارىيا كەيرىي ... دىگەندەك

帅哥王子

	ماڭا رەنا دىگەن ئىسىم بىلەن خالىد دىگەن ئىسىم خىلى ياقتى

Zulpikar

	ئۇيغۇرلاردىمۇ ئەكىلەتمە ئىسىم قوللىنىش ئادىتى بار بولۇپ، ئاتا - ئانىلارنىڭ ئوماقلىرىغا ئامراقلىقى كېلىپ ئاتىۋالغان قوشۇمچە ئىسىملىرى بارا بارا سىرتلاردىمۇ شۇنداق چاقىرىپ قېلىش ئارقىلىق باشقىلار تەرىپىدىنمۇ شۇ خىل ئەكىلەتمە ئىسىم بىلەن چاقىرىشقا ئادەت بولۇپ قالىدۇ. بۇنداق ئەكىلەتمە ئىسىملار كۆپۈنچە ھاللاردا چالا ئىسىم، مەنىسىز ئىسىملاردىن ئىبارەت بولۇپ؛ مە خېنىم، ئىبا خېنىم، ئانا خېنىم، گۈل خېنىم، ئاي خېنىم، ئاپپاق، ئاي، خان، گۈل، ئەبەي قارى، نۇرھاجىم، قارىم، مىنەقىز، بۇچەم، ئىننەجان... دېگەندەك ئىسىملارنى سىڭدۈرۈپ قويىدۇ ============= مانا بۇ لەقەمنىڭ پەيدا بولۇپ قېلىشىنىڭ ئاساسلىق ئامىللىرىنىڭ بىرىسى

xarwana

	مېنىڭ ئىسمىمنىڭ مەنىسى نېمىدۇ؟؟ [s:111]

Zulpikar

	ئاپتور جاۋابىنى بويلاپ 8قەۋەت xarwana كە 2010-10-25 10:03 PMئەۋەتىلدى : مېنىڭ ئىسمىمنىڭ مەنىسى نېمىدۇ؟؟ [s:111] توۋا ،تۇغۇلۇپ ،چوڭ بولۇپ مۇنبەر ئوينىيالايدىغان تورغا چىقالايدىغان بولغىچىلىك ئىسمىمىزنىڭ مەنىسىنى بىلمەيدىغان گەپمۇ ؟ ئاجايىپ ئىش .......

xarwana

	ئاپتور جاۋابىنى بويلاپ 9قەۋەت  ZulpiKar كە 2010-10-26 04:00 AMئەۋەتىلدى  : توۋا ،تۇغۇلۇپ ،چوڭ بولۇپ مۇنبەر ئوينىيالايدىغان تورغا چىقالايدىغان بولغىچىلىك ئىسمىمىزنىڭ مەنىسىنى بىلمەيدىغان گەپمۇ ؟ ئاجايىپ ئىش ....... بۇرۇن كىچىك ۋاختىمدا بىر كىتابتا شەۋكەتلىك، شۆھرەتلىك ئايال دەپ كۆرگەن.ئۇنىڭدىن كىيىن ئىسمىمنى بىرەر يەردە كۆرۈپ باقمىدىم. كىتابلاردىنمۇ ئىزدەپ ئۇچرىتالمىدىم. شۇڭا  تورداشلار بىرەر يەردە ئۇچرىتىپ قالغان بولسا دەپ سوراپ باقتىم.مېنىڭچە بۇنداق ئەجەپلىنىپ كېتىشنىڭ ھاجىتى يوق .