ئىككى شېئىر

sawdaiym

	ئىككى شېئىر ئەرشىدىن مۇھەممەدروزى مەن ۋە ھايات مەن نىمىشقا خەت يېزىشقا ئامراقلىقىمنى بىلمەيمەن ، قانداقلارچە شېئىر يازىدىغانلىقىمنىمۇ ئويلاشمىدىم ، مېنى مەست   قىلغىنى خىياللارنىڭ شېرىنلىكىمۇ ياكى مۇھەببەتنىڭ لەززىتىمىدۇ ئايرىيالمايمەن ... يا ھەممە ئادەملەر ئەقلىدىن ئاداشتى ياكى مەن . جىسىملار ھەققىدە سۆزلىمەيمەن . كۆزۈمنىڭ نەمدەلگەنلىكىنىلا تۇيالايمەن ، ناشايان سۆيگۈنىڭ چۈشىگە كىرىپ مۇھەببەتنى قامچىلاپ چىقىمەن . ماڭا ئايلىنىمەن دېگەن سۆزلىرىڭگە ئىشىنىپ قۇۋۇرغاڭغا ئايلىنىپ كېتىمەن . شاماللارنىڭ سۆزلىرىگە ئەگىشىپ قەبرىستانلاردا ئۇخلاپ قالىمەن . مەن مانا مۇشۇنداق تەلۋە . ھېچكىمگە ھېچنىمىنى بىلدۈرۈشنى خالىمايمەن ، تېنىنى سېتۋاتقان پاھىشىلەرنىمۇ گۇناھكار دېگىم يوق پارچىلانغان روھلارنىڭ قايسىدۇر بىر ئالىمنىڭ چۈشىگە كىرىدىغانلىقى ئېنىق ، ئاددى كۆزلىرىم بىلەن ھېچنىمىنى مۇئەييەنلەشتۈرەلمەيمەن . پا جىئە بىلەن سۆيۈلۈپ قاندەك قىزىل كۆزلىرىم بىلەن كۆمۈردەك قارا يۈرىكىم بىلەن ئاشقازىنىممىكىن ئۈچىيىممىكىن …   ئىچىمدە بىر يەرلەرنىڭ ئوڭغۇل دوڭغۇل بوپ كەتكىنىنى ھېس قىلىۋاتىمەن . مەن شائىر ئەمەس . خەتتاتمۇ ئەمەس . رەسساممۇ ئەمەس . يەتتىنچى ئاسماندا پارە پارە بولۇپ بولۇڭ پۇشقاقلاردىن ئۆزۈمنى ئىزدەۋاتمەن . ئەڭ گۈزەل بىر يوقلۇققا پۈتۈن ھاياتىمنى تېگىشىشىم مۇمكىن . ئۈچىيىمدىكى  ئۈمىدلەر بىلەن كۆزۈمنى يۇمۇپ ياشاۋاتىمەن . 2012-يىلى 15 -فېۋرال ،خوتەن گۈلۈم  بايرىمىمىزغا مۇبارەك بولسۇن ئەرشىدىن مۇھەممەدروزى ھەقىقىي ئاشىقلار يېتەلمەيدىغان ھەم يېتىشنى ئويلىمەيدىغان بىرلا نەرسە بارمىكىن دەيمەن  . دېگىلى بولمايدىغان ..... مۇتەسسىپ  مېڭەمنىڭ قىساسلىرىدا يوقالغان سۆيگۈنىڭ قىقاسلىرىدا سۆيىمەن ئارتۇقچە ئېغىرلىقىمدا ھامىلدار بولمىغان ئۇزۇن چۈشلەرنى ، يامان ئۆگىنىپ رىستۇرانلاردا           قاۋاقلاردا  دەسسەۋاتقان پاھىشىلەرنى . مەن ئاشىق . ئاشىقلىقىم ئۈچۈن يالىڭاچمەن ئاشىقلىقىم ئۈچۈن سەرسانمەن ئاشىقلىقىم ئۈچۈن بايرام قىلىمەن . گۈلدەك ئېچىلىپ قۇمدەك توزۇيمەن .... ئۈزۈمگە ئايان باش ئايىقى يوق بىر كوچىدا ئاياغ يىپلىرىمنى سۆرەشتۈرۈپ يېڭىلمەيمەن دەپلا كېتىۋاتمەن . قارلار يېغىۋاتىدۇ يىراق شەھەردە سۆيگەن قىزىمغا شائىرلىقىمنى ئىزدەپ يالىڭاچ كوچىغا چىقىپ كەتكۈم كېلىۋاتىدۇ . ئەتىرگۈلدەك قىزىل چىراقلارنى كۆكسۈمگە قاداپ شۈبھىلەردىن قېچىپ كەتكۈم كەۋاتىدۇ . ئىپتدائىي ئادەملەردەك ئۇچرىغان قىزلارغا نىيىتىمنى بۇزغۇم كېلىۋاتىدۇ ... خەيىر ئىككى ئىشتانلىق تەلۋە ئاشىقمەن . ئادەملەر مۇھەببەتنى يوتقاندىن ئىزلىگەن چاغدا مۇھەببەت يوقىلىشى مۇمكىن ئاشىقلىق يوقالمايدۇ . ئاشىقلارغا بايرام بولمايدۇ ئاشىق مۇھەببەت ئاخىرلاشمايدىغان يولغا ئوخشايدۇ . گۈلۈم مەن شۇ يولدىن ئۆزۈمنى ئىزدەۋېتىپ سېنى تېپىۋالدىم ياۋايى خۇيلىرىم بىلەن لېۋىڭنى چىشلەپ مەڭزىمنى مەڭزىڭگە يېقىۋالدىم . ھەتتا سەندىن ئايرىلىپ ئۆزۈمنى نەچچە ئۆلتۈرۋالدىم . ئاخىرى يەنە ئەمدى يېڭىلمەيمەن دەپ كېتىۋاتمەن . دېمىسىمۇ شۇ ئارمىزدىكى دەريالار قۇرۇپ كەتتى ، بىز ئادەم دەپ سانىغانلار ئۆلۈپ كەتتى تەقدىرگە كۆز يېشى گۇناھكار ئەمەس دەھشەتلىك سۆيگۈگە كۆمۈلەيلى بىز  .   گۈلۈم بايرىمىمىزغا مۇبارەك بولسۇن تۆت يىلدىن كېيىن ئەقلىنى تاپقان مۇھەببىتىمىزگە مۇبارەك بولسۇن ئۇزۇن رىۋايەتلەر نى تۈگەتكەن بوز يىگىتلىكىمگە مۇبارەك بولسۇن . گۈلۈم ماڭا ئىشەن تاشلار گېپىمىزگە قۇلاق سالمايدۇ ئاشىقلىقنىڭ يالقۇنلۇق باللادىسىنى گۆدەكلەر سۆزلەپ تۈگىتەلمەيدۇ بىز تۈگىتىمىز ھايات شائىرنىڭ كۈيلىرىگە ئەگىشىپ ئېچىلمىغان گۈللەرنى ئېچىلدۇرىمىز 2016 يىلى  13 -فېۋرال

karehu

	مەن ئوقىسام ‹شىئىر › ئەمەس نەسىردەك تۇيغۇ بەردى

karehu

	يىزىش ئۇسلۇبىڭىز   ‹ ئۇمۇن › نامىدىكى بىرىنىڭ  يىزىش ئۇسلۇبىغا ئوخشاپراق قالىدىكەن. شۇنى  بىلگۈم كىلىۋاتىدۇ ‹نوتو› تەرەپدارىمۇ سىز ؟

لەئەل

	karehu يوللىغان ۋاقتى  2016-3-11 11:06 AM مەن ئوقىسام ‹شىئىر › ئەمەس نەسىردەك تۇيغۇ بەردى ئەمەلىيەتتە نەسىرنىڭ ئۆزىمۇ بىر شېئىر ئەمەسمۇ قېرىندىشىم...

لەئەل

	ئالدىنقى شېئىر ياخشى چىقىپتۇ ئەمما ئۈچىيىمدىكى ئۈمۈدلەر بىلەن دىگەن مىسراغا قارىتا چۈشەنچە بېرەمسىز ، بىزگە مۇئەللىم ئۈمىد - ئارزۇ دىگەن يۈرەكتە بولىدۇ دەپ ئۆگەتكەن ، باشلانغۇچنىڭ 1- يىللىقىدا ..

لەئەل

	ئالدىنقى شېئىر ياخشى چىقىپتۇ ئەمما ئۈچىيىمدىكى ئۈمۈدلەر بىلەن دىگەن مىسراغا قارىتا چۈشەنچە بېرەمسىز ، بىزگە مۇئەللىم ئۈمىد - ئارزۇ دىگەن يۈرەكتە بولىدۇ دەپ ئۆگەتكەن ، باشلانغۇچنىڭ 1- يىللىقىدا ..

خۇشناز520

	بۇنى چاچما شىئىر دەپ چۈشەنسەم بولامدۇ؟