گۇدېلوك رەسمىي راكېتا كوماندىسىغا قوشۇلدى

waskitbol0903

	ئۇيغۇر ۋاسكېتبول تورىنىڭ 10-مارت  خەۋىرى؛   2016-يىلى 3-ئاينىڭ 10-كۈنى ئەتتىگەن سوخو تەنتەبىيە تورىنىڭ بەرگەن خەۋىرىگە ئاساسلانغاندا، NBA خىيۇستون راكېتا كوماندىسى ئورگان تورى بۇ پەسىل CBA بىرلەشمىسى شىنجاڭ كوماندىسىدا توپ ئوينىغان ئامىرىكىلىق توپچى گۇدېلوك بىلەن رەسمىي توختام تۈزگەنلىگىنى ئىلان قىلغان.  گۇدېلوك  خىيۇستون راكېتا كوماندىسىنىڭ بىر ئەزاسىغا ئايلانغاندىن كىيىن 0 نۇمۇرلۇق تەنھەركەت كىيىمىنى كەيگەن.   گۇدېلوك ئالدىنقى ھەپتىنىڭ شەنبە كۈنى  سالامەتلىك ئەھۋالىنى تەكشۈرتكەندىن كىيىن، ئاتلانتا شەھرىگە قايتىپ، ئىككىنچى ئوغلىنىڭ تۇغۇلغانلىقىنى كۈتۈۋالغان.  خەلىقئارا ۋاسكېتبولچىلار بىرلەشمىسىنىڭ ئېنىقلاش تەستىقىنى ساقلىغان، شۇڭا خىيۇستون راكېتا كوماندىسى بۈگۈن گۇدېلوكنىڭ راكېتا كوماندىسىغا قۇشۇلغانلىقىنى رەسمىي ئىلان قىلغان.   گۇدېلوك NBA غا قايتىپ كەلگەنلىگىدىن ناھايىتى خوشال بولغانلىقىنى، كوماندىغا ياخشى كۈچ قۇشۇشنى ئۈمۈت قىلىدىغانلىقىنى بىلدۈرگەن.   بۇ پەسىلدە، گۇدېلوك CBA دىكى شىنجاڭ كوماندىسىدا توپ ئوينىغان. شىنجاڭ كوماندىسى ئۈچۈن 35 مەيدان مۇسابىقە ئوينىغان، گۇدېلوك ئوتتۇرچە 22.1 نومۇر، 3.8 گاردىن قايىتقان توپ ئېلىپ، 3.2 ياردەمچى پاس بەرگەن. ئۈنۋىرسال ئىپادىسى كۆزلىگەن نىشانغا يەتمىگەنلىكى ئۈچۈن، دائىملىق مۇسابىقىنىڭ ئاخىرىقى باسقۇچىدا  قۇياش كوماندىسىنىڭ توپ كونترول قىلغۇچى بېكى كوتتوننى گۇدېلوكنىڭ ئورنىغا ئالماشتۈرۋەتكەن. گۇدېلوك ھازىر 27 ياشتا، چارىستون ئىنىستىتۇتىدىن كەلگەن، بوي ئېگىزلىكى 1.91 مېتىر، مەيداندا توپ كونترول قىلغۇچى بېك ۋە نومۇر ئالغۇچى بېك ئىككى ئورۇندا ئوينىيالايدۇ. ئالىي مەكتەپتىكى ئەڭ ئاخىرقى بىر پەسىلدە گۇدېلوك ھەر مەيداندا ئوتتۇرچە 19.4 نومۇر ئالغان. 2011-يىللىق ماھىر تاللاش يىغىنىدا، گۇدېلوك 2-ئايلانمىدا 16-بولۇپ ئوڭۇشلۇق ھالدا لوس ئانژېلىس كۆل ئادىمى كوماندىسى تەرىپىدىن NBA گە قوشۇلغان. گۇدېلوك 2012 مۇسابىقە پەسىلىدىكى ئالدىنقى 24 مەيدان مۇسابىقىدە ئوتتۇرچە 4.6 نومۇر، 0.7 گاردىن قايتقان توپ ئېلىپ، 0.5 قېتىم ياردەمچى پاس بەرگەن. كۆل ئادىمىنىڭ زاپاس توپ كونترول قىلغۇچى بېكى بلەيىك يارىلانغاندىن كېيىن، گۇدېلوك ئىشلىتىلگەن، ئىلگىرى ئۇدا بەش مەيدان مۇسابىقىدە مەيدانغا چىققان ۋاقتى 20.6 مىنۇتقا يەتكەن، ئوتتۇرچە 11.8 نومۇر، 1.6 گاردىن قايىتقان توپ ئېلىپ، بىر قېتىم ياردەمچى پاس بەرگەن. كۆل ئادىمى كوماندىسىدا 41 مەيدان مۇسابىقە ئوينىغان، ئىككىنچى پەسىلدە پەقەت بىرلا مەيدان مۇسابىقە ئويناپ سېتىۋېتىلگەن. گۇدېلوك يەنە ئىلگىرى 2013-مۇسابىقە پەسىلى NBA تەرەققىيات بىرلەشمىسىدە ئەڭ مۇنەۋۋەر ماھىر بولۇپ باھالانغان. ئاشۇ پەسىلدە گۇدېلوك ئوتتۇرچە 36.7 نومۇر ئالغان.   ئەسلى مەنبە؛ ئۇيغۇر ۋاسكىتبول مۇنبىرى؛  http://waskitbol.com/forum.php

ئەنقارى

	بۇ ئاداش خېلى ياخشى ئوينايتتى ، شىنجاڭ كوماندىسى نېمە دەپ ئۇنىڭدىن ۋاز كەچكەندۇ

rambo8

	ئات ئايلىنىپ ئۇقۇرنى تاپۇر دىگەن مۇشۇ   .