شىنجاڭ كوماندىسى يى جىيەنلىيەننى يۆتكەپ كېلىشى مۇمكىن

waskitbol0903

	شىنجاڭ كوماندىسى (2014-يىلى 50 مىليون يۈەن، 2015-يىلى 60 مىليون) ئۇدا ئىككى يىل بىرلەشمە بويىچە قوشۇننى كۈچلەندۈرۈش ئۈچۈن ئەڭ كۆپ مەبلەغ سالغان زەردار كوماندا بولۇپ كەلگەن بولسىمۇ، بىراق ئالدىنقى يىلى 50 مىليون يۈەنگە سەككىز كۈچلۈككىمۇ كىرەلمەي شاللانغان بولسا، بۇ يىلىمۇ 60 مىليون يۈەنلىك چېمپيونلۇق ئارزۇسى يېرىم ھەل قىلغۇچ مۇسابىقىسىدىلا بەربات بولدى. بولۇپمۇ بۇ يىللىق مۇسابىقە باشلىنىشتىن بۇرۇن شىنجاڭ كوماندىسى لىگېن، ۋاڭ زىرۇي، ۋاڭ لېي قاتارلىق يەرلىك (جۇڭگولۇق) توپچىلارنى يۆتكەپ كەلگەندىن سىرت، بىرلەشمىدىكى پېشقەدەم ترېنېر لى چيۇپىننى تەكلىپ قىلغان بولسىمۇ بىراق يېرىم ھەل قىلغۇچ مۇسابىقىدە شاللىنىشتەك نەتىجىسى ھەقىقەتەن كىشىنى ئۈمىدسىزلەندۈرىدۇ. بىراق، مەڭگۈ چېمپيونلۇق ئارزۇسى ئۈچۈن ئىنتىلىۋاتقان كوماندىغا سەل قاراشقا بولمايدۇ، چېمپيونلۇقنى قولغا كەلتۈرۈش ئۈچۈن شىنجاڭ كوماندىسى يەنە بىر قېتىم «پۇل كۆيدۈرۈش» نى باشلىدى. شىنجاڭ كوماندىسى ھازىرقى مەسىلىسى بلاتچىنى بىر تەرەپ قىلىش، بلاتچىنىڭ بۇ پەسىللىك مۇسابىقىلەردىكى ئىپادىسىدىن 15 مىليون يۈەنلىك يىللىق مۇئاشىغا يۈز كېلەلمەيدىغانلىقىنى كۆرۈپ يەتكىلى بولىدۇ. شىنجاڭ كوماندىسى باش ترېنېرى لى چيۇپىنمۇ بلاتچىنىڭ ئۆزى تۈزگەن تاكتىكىسىغا ماس كەلمەيدىغانلىقىنى بىلدۈردى. بلاتچىنىڭ مۇسابىقە مەيدانىدا يەككە تىركىشىشكە ئامراقلىقى، جېنىنى تىكىپ ئېلىشىش روھىنىڭ كەمچىل بولۇشى سىچۇەن كوماندىسىغا ئۇدا يېڭىلىشتىكى ئاساسلىق سەۋەبلەرنىڭ بىرى. ناۋادا كېلىشمەسلىك بولمىغان شارائىتتا شىنجاڭ كوماندىسى يۇقىرى باھادا بلاتچىنى ئىشتىن بوشىتىشى مۇمكىن. (بلاتچى بىلەن تۈزگەن توختام ئۈچ يىل مۇددەتلىك بولغانلىق سەۋەبىدىن، شىنجاڭ كوماندىسى ناۋادا بىر يىل بۇرۇن ئۇنى ئىشتىن بوشاتقاندا زور سوممىلىق توختامغا خىلاپلىق قىلىش ھەققى تاپشۇرىدۇ) شۇنىڭ بىلەن بىرگە يىللىق مۇئاشى 3 مىليون 500 مىڭ يۈەن سۇۋېي بىلەن يىللىق مۇئاشى 4 مىليون يۈەنلىك ليۇۋېينىڭمۇ شىنجاڭ كوماندىسىدا داۋاملىق قېلىشى ناتايىن. گەرچە CBA بىرلەشمىسىدە توپچىلارنىڭ كوماندا يۆتكىلىش بازىرى راۋان بولمىسىمۇ، بىراق زەردار كوماندا شىنجاڭ كوماندىسى ھەمىشە ئىقتىدارلىق يەرلىك توپچىلارنى سېتىۋالالايدۇ. بۇ قېتىممۇ شىنجاڭ كوماندىسى ئوخشاشلا يى جيەنليەن، خەن دېجۈن، دۇەن جياڭپېڭ قاتارلىق ئىچكىرىلىك توپچىلارغا كۆز تىكمەكتە. شىنجاڭ كوماندىسى يى جيەنليەنگە ئاللىبۇرۇن كۆز تىكىپ كەلگەن بولۇپ، 2012-يىلى يى جيەنليەن CBA بىرلەشمىسىگە قايتىپ كەلگەندىلا شىنجاڭ كوماندىسى ئۇنىڭغا 20 مىليون يۈەنلىك توختام سۇنغان بولسىمۇ بىراق رەت قىلىنغانىدى. بۇ يىل يازدا يى جيەنليەننىڭ توختام مۇددىتى توشىدۇ، دېمەك شىنجاڭ كوماندىسى بۇ قېتىممۇ زور سوممىلىق توختامدا پۈتكۈل كۈچى بىلەن ئۇنى كوماندىغا ئېلىپ كېلىش ئۈچۈن تىرىشىدۇ. چۈنكى نېمىلا بولمىسۇن گۇاڭدۇڭ كوماندىسىنىڭ ئەمدى قايتا چېمپيونلۇقنى تالىشىدىغان ئەمەلىي كۈچى تەشكىللىشى تەس، ناۋادا شىنجاڭ كوماندىسى يى جيەنليەننى سېتىۋالالىسا، ئۇنداقتا ئەڭ چوڭ دەرىجىدە شىنجاڭ كوماندىسىنىڭ ئەمەلىي كۈچىنى زورايتالايدۇ. خەن دېجۈنگە كەلسەك، شىنجاڭ كوماندىسى پەقەت يى جيەنليەننى قولغا كەلتۈرەلمىگەن ئەھۋال ئاستىدىلا ئۇنى ئويلىشىپ بېقىشى مۇمكىن، خەن دېجۈننى زاپاس نامزات دېيىشكە بولىدۇ. چۈنكى خەن دېجۈننىڭ ھازىرقى لياۋنىڭ كوماندىسىكى يىللىق مۇئاشى 3 مىليون بولۇپ، لياۋنىڭ كوماندىسى سىستېمىسىنىڭ ئىچىدىكى توپچى ھېسابلانمايدىغان بولغاچقا، شىنجاڭ كوماندىسىنىڭ ئىقتىسادىي كۈچىدە 5 مىليوندىن يۇقىرى مۇئاش قويۇپلا ئۇنى يۆتكەپ كېلەلەيدۇ. ناۋادا بۇ يىل لياۋنىڭ كوماندىسى چېمپيونلۇققا ئېرىشىپ قالسا، ئۇنداقتا چېمپيونلۇق ئارزۇسى قانائەت تاپقان خەن دېجۈن زەردار كوماندا شىنجاڭ كوماندىسىنىڭ زور سوممىلىق توختىمىنى رەت قىلمايدۇ. ئۇندىن سىرت شەنشى كوماندىسىكى دۇەن جياڭپېڭنىڭ توختىمىمۇ بۇ يىل يازدا مۇددىتى توشىدۇ. ئىقتىدارلىق نومۇر ئالغۇچى بولۇش سۈپىتىدە دۇەن جياڭپىڭنى كۆپلىگەن كوماندىلار تالىشىشى مۇمكىن. شىنجاڭ كوماندىسىمۇ ناۋادا دۇەن جياڭپېڭنى سېتىۋېلىشنى ئويلىسا، ئۇنداقتا 5 مىليوندىن يۇقىرى مۇئاش تەبىئىيلا ئۇنى كۈتۈپ تۇرغان بولىدۇ. شۇنچە يىل مابەينىدە شىنجاڭ كوماندىسى كۆپ قېتىم چېمپيونلۇق يولىدا مەغلۇب بولغان بولسىمۇ، بىراق يەنىلا چېمپيونلۇق ئارزۇسىدىن ۋاز كەچمەيدۇ. شىنجاڭ كوماندىسىنىڭ گۇاڭدۇڭ كوماندىسى ۋە لياۋنىڭ كوماندىسىغا ئوخشاش ياش ماھىرلارنىڭ ئۆسۈپ يېتىلىشىنى كۈتىدىغان سەۋىر-تاقىتى يوق، بەلكىم پۇل ئارقىلىق چېمپيونلۇقنى قولغا كەلتۈرۈش شىنجاڭ كوماندىسى ئۈچۈن يېقىن يول بولۇشى مۇمكىن.

karlik

	مىنىڭچە تېرنىرلىققا ئادىلجان ئاكىمىز ئەڭ ماس كىلىدۇ ،ئۇ كەلمىسە دۇفىڭ كەلسىمۇ بولىدۇ ،ئىككىلىسى شىنجاڭلىق ،بىرى ئۇيغۇر بىرى خۇيزۇ ،

zahmak

	ئارى ئەينى مۇددا .

irhabiy

	بەرھەق راست.............

kepanogrisi

	شىرئەلىجان "ن ب ئا " غا بىرلا چىقىپ كەتسىغۇ...مانا ...كۈرۈڭ تاماشانى! ئۇۋىلاپلا قالسا مەستانىلەردىن ئايرىلىپ