NASA: ئاي شارىدا ئاڭلانغان ئاۋاز

bilimxumar

	ئاي شارىدا ئاڭلانغان ئاۋاز ھەققىدە بىلىمخۇمار 2016-يىلى 2-ئاينىڭ 24-كۈنى ئىككى كۈننىڭ ئالدىدا (يەنى 2016-يىلى 22-فېۋرال كۈنى) BBC قاتارلىق خەلقئارالىق چوڭ مېدىئا شىركەتلىرى ناسا ئاي شارىدا ئاڭلانغان بىر ئاۋازنى ئاشكارىلىغانلىقى ھەققىدە خەۋەر بەردى.  بۇنى ئاڭلىغان بەزى ئۇكىلار مەندىن ئۇنىڭ نېمە ئىش ئىكەنلىكىنى سورىدى.  مەن مۇشۇ قىسقا يازما ئارقىلىق بۇ ئىشقا قىزىققان ھەممە قېرىنداشلارغا ئازراق ئۇچۇر بېرىپ قوياي.   ئەسلىدىكى ئىش مۇنداق ئىكەن: ئامېرىكىلىقلار 1969-يىلى «11-نومۇرلۇق ئاپوللو» دەپ ئاتالغان ئالەم ئۇچقۇرى بىلەن ئايغا قونىدۇ.  ئۇنىڭدىن ئىككى ئاي بۇرۇن 3 نەپەر ناسا خادىمى «10-نومۇرلۇق ئاپوللو» بىلەن ئاي شارىغا بېرىپ، ئۇنى ئوربىتلاپ ئايلىنىدۇ.  ئۇلار ئاينىڭ يەر شارىغا قارىمۇ-قارشى تەرىپىگە ئۆتكەندە ئۇلارنىڭ يەر يۈزى بىلەن بولغان رادىئو ئالاقىسى پۈتۈنلەي ئۈزۈلىدۇ.  يەنى، ئۇلارنىڭ يەر بىلەن بولغان ئالاقىسىنى ئاي شارى توسۇۋالىدۇ.  دەل شۇ چاغدا ناسانىڭ ھېلىقى 3 خادىمى قۇلىقىغا تىقىۋالغان تىڭشىغۇچىلاردا بۇرۇن ئاڭلاپ باقمىغان، تاشقىي دۇنيادىن كەلگەن مۇزىكىدەك بىر خىل ئاۋازنى ئاڭلايدۇ.  بۇ ئاۋاز بىر سائەتتەك ۋاقىت داۋام قىلىپ، ناسا خادىملىرى ئاي شارىنىڭ يەر شارى يۈزىگە قارايدىغان تەرىپىگە ئۆتكەندە ئاندىن يوقاپ كېتىدۇ.   1-رەسىم: «10-نومۇرلۇق ئاپوللو» نىڭ بىر كۆرۈنىشى. شۇ جەرياندا ناسا نىڭ ھېلىقى 3 خادىمى بۇ ئىشنى ناساغا دوكلات قىلىش-قىلماسلىق ھەققىدە ئۆز-ئارا پىكىرلەشكەن بولۇپ، ئۇلارنىڭ سۆزلىرىمۇ ئاۋاز ساقلايدىغان ئەسۋابقا ئېلىنىپ قالىدۇ.   ناسا بۇ ئىشلارنى مەخپىي تۇتۇپ، 2008-يىلى ئۇلارنى سىرتقا تارقاتسا بولىدىغان مەلۇماتلار قاتارىغا كىرگۈزىدۇ.  ئەمما ھېلىقى ئاۋازلار قاچىلانغان لىنتا ئۇ چاغدا تېپىلماي، ئەمدى تېپىلىدۇ.  بۇ ئىشلار ئامېرىكىنىڭ «ناسانىڭ چۈشەندۈرۈلمىگەن ھۆججەتلىرى» دېگەن تېلېۋىزور پروگراممىسىدا بۈگۈن (يەنى 23-فېۋرال كۈنى) ئاخشام بېرىلىدىغان بولۇپ، ئۇ پروگراممىنىڭ مۇناسىۋەتلىك قىسمى تۆۋەندىكى 1-ئۇلىنىشتىكى تور بېتىدىمۇ بار ئىكەن.  مەن ئۇنى كۆرۈپ، ھېلىقى ئاۋازنىمۇ ئاڭلاپ باقتىم.  ھەمدە بىرەر ئالاھىدە ئەھۋالنى ھېس قىلمىدىم. ئەمما ئاينىڭ يەنە بىر تەرىپىدىكى جىم-جىتلىق ئىچىدە كېتىۋاتقان ناسا خادىملىرىنىڭ قۇلىقىغا توساتتىن بۇرۇن ئاڭلاپ باقمىغان بىر خىل ئاۋازلار كىرىپ، ئۇ ئاۋازلار بىر سائەت داۋام قىلىپ، ئۇلارنى ناھايىتى ھەيران قالدۇرغانلىقى بىر خىل تەبىئىي ئەھۋالدۇر. قىسقىسى، بۇ ئىش ئاشۇنداق بىر ھېكايىدەك ئىش بولۇپ، ناسا بۇ ئىشقا قارىتا ھازىرغىچە ھېچ قانداق پوزىتسىيە بىلدۈرمەپتۇ.  شۇڭلاشقا ئۇ ئاۋازنىڭ زادى نېمە ئاۋاز ئىكەنلىكى، ۋە ئۇنىڭ نەدىن كەلگەنلىكى ھەققىدە مەنمۇ بىرەر ئۇچۇرغا ئېرىشەلمىدىم. مېنىڭ بىلىشىمچە، ناسا ۋە دۇنيادىكى باشقا بىر قىسىم ئورۇنلار ھەر كۈنى 24 سائەت كائىناتتىن كەلگەن ھەر خىل دولقۇنلارنى كۈزىتىپ تۇرىۋاتىدۇ.  ئەگەر ئاشۇ كۈزىتىش پونكىتلىرىدىن بىرەرسى يۇقىرىدىكى ئالەم ئۇچقۇچىلىرى ئاڭلىغان ئاۋازلارنىڭ نېمە ئاۋاز ئىكەنلىكىنى ئىسپاتلاپ بېرىدىغان بىرەر دەلىلگە ئېرىشەلىگەن بولسا، ناسا ئۇ ئىشنى دۇنياغا رەسمىي ئۇختۇرغان بولاتتى.  ناسا ئۇنداق ھادىسىلەرگە ئىشەنچىلىك دەلىل تاپالمىغاندا، ياكى بولمىسا دۇنياغا ئېلان قىلىۋېتىش باشقا بىرەر مەنپەئەت ئۈچۈن پايدىسىز بولغاندا، بۇنداق ئىشلارنى دۇنياغا ئېلان قىلماسلىقى، ياكى ئۇلار ھەققىدە  رەسمىي پوزىتسىيە بىلدۈرمەسلىكى مۇمكىن. 2-رەسىم: ئاي شارىنىڭ قېشىدا تۇرۇپ كۆرگەن ۋاقىتتىكى يەر شارىنىڭ بىر كۆرۈنىشى. پايدىلىنىش ماتېرىياللىرى: [1] Lost Tapes Reveal Apollo Astronauts Heard Unexplained ‘Music’ On Far Side Of The Moon http://www.huffingtonpost.com/en ... 62e4b0928f5a6c0679?

Submarine

	ئاڭلانغان بۇنداق غەلىتتە ئاۋاز ياكى مۇزىكا ، چەكسىز ئالەم بوشلىقى ئۈچۈن ئېلىپ ئېيتقاندا تولۇمۇ نورمال ئەھۋالدۇر ، دېمەكچى بولغۇنۇم ئالەمنىڭ سىرى ئىنسانلار ئەقىل پاراسىتى ئارقىلىق نۆۋەتتە ئەمدىلەردىن ئازدۇر كۆپتۇر بىلىنىشكە باشلىدى .. بۇ سىرلىق ئاۋاز بىر بولسا ... قىسمەت ئادەملەرنىڭ قويۇۋاتقان ئويۇنى ، يەنە بىر بولسا ئالەمدە بىزدىنمۇ باشقا ھاياتلىق ئامىللىرىنىڭ  بىزگە ئوخشاش ئىزدىنىش مەقسىتىدە قويۇپ بەرگەن سىگنالى بولۇشى مۇمكىن ، ۋە ياكى ئالەم بوشلۇقلىرىدا مەۋجۇت بولۇپ تۇرغان ماگېنىت مەيدانلىرىنىڭ يەر شارىدىكى ئاشۇ خىلدىكى ئاۋازنى مەلۇم بىر ئامىلنىڭ تۈرتكىسىدە ئالەم ئۇچقۇچىلىرىنىڭ شۇ نۇقتىغا كەلگەندە توغرا كېلىپ ئاڭلىنىپ قالغان بولۇشى مۇمكىن ... مېنىڭ ئاڭلانغان شۇ ئاۋازغا نىسبەتەن چۈشەنچەم ھازىرچە شۇنچىلىك تېما ئىگىسىگە كۆپ تەشەككۈر !

sewdaye1

	ئەگەر ئۇلار تىڭشىغۇچ ئارقىلىق ئاڭلىغان بولسا بەلكىم ماگىنىت مەيدانىنىڭ ئۆز ئارا ئۇچرىشىشىدىن شەكىللەنگەن دولقۇن بولۇشىمۇ مۇمكىن،  بەزىدە رادىئو سىگنالىدىمۇ شۇنداق غەيرى ئاۋازلار ئاڭلىنىپ قالىدۇغۇ. بولۇپمۇ ئىككى جاينىڭ رادىئو سىگنالى ئۆتۈشمە قاپلايدىغان جايلاردا سىگنال سوقۇشۇپ

rambo8

	نەچچە كۈننىڭ ئالدىدا ئۇلىنىش تورىدا بىۇنىڭغا مۇناسىۋەتلىك بىر نەچچە خەۋەرمۇ چىقاردى تېخى ،ئامىركىلىق ھىلارى كىلىنتون دىگەن خانىممۇ   بۇ ئىشلارنى قەتئىي مەخپىي تۇتۇپ ،ئەمدى زۇڭتۇڭ سايلىمى يىقىنلاشقاندا سىرتقا ئېلان قىلىپتۇدەك  ،ھەي

nomu

	ئەسسالامۇ ئەلەيكۇم قانداق ئەھۋالىڭىز ؟ [media=x,500,375][/media] 2005يىل 1-ئاينىڭ 25-كۈنى ناسا بىر ئالەم ئۇچقۇرىئىنگىلىزچە نامى « Templeil 1»  دەپ ئاتىلىدىغان بىر ئالەم ئۇچقۇرىنى قۇيۇپبەردى.  بۇ ئۇچقۇر 6 ئاي ۋاقىت ئىچىدە 431 مىلىيۇن كىلومېتىر ئارلىقنىبېسىپ ھازىر «comet» دەپئاتىلىدىغان قۇيرۇقلۇق يۇلتۇزغا يېقىنلىشىۋاتىدۇ، 2005يىل 4-ئىيول كۈنى ئامېرىكا ناسا تەرپىدىن قويۇپبېرىلگەن بىر ئالەم ئۇچقۇرى  تېمپىل دەپ ئاتىلىدىغان كومىتا بىلەن سوقۇشتى. دىمەك، يۇقارقى خەۋەردە دېيىلگەن كومېتتا ھازىرقى ڧىلىمدە كۆرۈسىتىلگەن كومىتا ھەم قاتتىق سوقۇلغانكىچك تىپتىكى ئالەم كىمىسى شۇ بولۇمدۇ؟ ىلىم كۆرۈلمىگەن بولسا بۇيدۇ توردىكى تۆۋەندىكى رەسىملەر http://www.iqiyi.com/w_19rs6w41z1.html http://www.iqiyi.com/w_19rs6w41z1.html

nomu

	ئەسسالامۇ ئەلەيكۇم قانداق ئەھۋالىڭىز ؟ [media=x,500,375][/media] 2005يىل 1-ئاينىڭ 25-كۈنى ناسا بىر ئالەم ئۇچقۇرىئىنگىلىزچە نامى « Templeil 1»  دەپ ئاتىلىدىغان بىر ئالەم ئۇچقۇرىنى قۇيۇپبەردى.  بۇ ئۇچقۇر 6 ئاي ۋاقىت ئىچىدە 431 مىلىيۇن كىلومېتىر ئارلىقنىبېسىپ ھازىر «comet» دەپئاتىلىدىغان قۇيرۇقلۇق يۇلتۇزغا يېقىنلىشىۋاتىدۇ، 2005يىل 4-ئىيول كۈنى ئامېرىكا ناسا تەرپىدىن قويۇپبېرىلگەن بىر ئالەم ئۇچقۇرى  تېمپىل دەپ ئاتىلىدىغان كومىتا بىلەن سوقۇشتى. دىمەك، يۇقارقى خەۋەردە دېيىلگەن كومېتتا ھازىرقى ڧىلىمدە كۆرۈسىتىلگەن كومىتا ھەم قاتتىق سوقۇلغانكىچك تىپتىكى ئالەم كىمىسى شۇ بولۇمدۇ؟ ىلىم كۆرۈلمىگەن بولسا بۇيدۇ توردىكى تۆۋەندىكى رەسىملەر http://www.iqiyi.com/w_19rs6w41z1.html 捕获.PNG (109.03 KB, چۈشۈرۈش سانى: 0) چۈشۈرۈش  ئالبومغا ساقلاش 9 مىنۇت بۇرۇن چىقىرىش 141156xvsflqqt2sdfyvxq.jpg (70.41 KB, چۈشۈرۈش سانى: 0) چۈشۈرۈش  ئالبومغا ساقلاش 7 مىنۇت بۇرۇن چىقىرىش 104728i331ukujr3rtk9qy.png (479.12 KB, چۈشۈرۈش سانى: 0) چۈشۈرۈش  ئالبومغا ساقلاش 8 مىنۇت بۇرۇن چىقىرىش http://www.iqiyi.com/w_19rs6w41z1.html

gulnur0997

	بۇ  خەۋەرنىڭ  قايتا  ئ‍ېنىق  دەلىللەنگىنى  ياخشى  بولدى

bilimhor

	ئاۋاز ۋاكۇمدا تارقىلالمايدىغان تۇرسا ئالەم ئۇچقۇچىلىرى قەيەردىن كەلگەن ئاۋازنى ئاڭلىغاندۇ ؟     بىلىشمچە ئاي شارىدا ئاتمۇسفىرا قاتلىمى مەۋجۇت ئەمەس ، ئاۋازمۇ مەۋجۇت ئەمەس .   ئالەم ئۇچقۇچىلىرى تاشقى پىلانىت ئادەملىرىنىڭ رادىئو ئىستانسى تارقاتقان مۇقاملارنى ئاڭلىغان بولسا كىرەك !!!   ياكى بولمىسا نامەلۇم ماگىنىت مەيدانىنىڭ تەسىرى بۇلۇشى مۇمكىن !!! مەن ئىچكىرى ئۆلكىدە سېتىۋالغان تېلىفۇن قاتارلىق بەزى بىر قەدەر نازۇك بولغان ئېلىكتىرونلۇق ئۈسكىنىلەر يۇرتۇمغا قايتقاندىن كىيىن قېتىۋېلىپ ئىشلەتكىلى بولمىدى . باشقىلارمۇ بۇنداق ئەھۋاللارغا يۇلۇقۇپ بېقىپتۇ . مۇنداق ھادىسە بەلكىم ئاپوللو ئالەم كىمىسىدىمۇ يۇز بېرىشى مۇمكىن ، ئاي شارىنىڭ ئارقىسىغا ئۆتكەندە ئەتىراپتىكى ماگىنىت مەيدانىدا ئۆزگىرىش بۇلۇشى مۇمكىن ، بۇ ئۆزگىرىشلەر ئاپوللو ئالەم كىمىسىگە ماس ھالدا تەسىر كۆرسىتىشى مۇمكىن ! ! !

babur99

	بەلكىم بۇ ئاۋاز دولقۇنى  يەرشارىدىن كەلگەن بولۇپ تاساددپىي ھالدا ئۇچقۇچىلارغا ئاڭلىنىپ قالغاندۇ ،ۋەياكى راستىنلا يەرشارى سىرتىدىكى  نامەلۇم پاراسەتلىك جانلىقلارنىڭ تارقاتقان سىگنالى بولسا ئامرىكا دۆلەت مەنپەئەتى ۋە مەخپىيتى سەۋەبلىك دۇنيادىن مەخپىي تۇتۇپ كەلگەندۇ

klkl

	دۇنيادا ئاجايىپ ئىشلار يۈز بىرىپ تۇرىدۇ،ئادەم ئىشەنمىگۈدەك ئىشلار ھەرۋاقىت يۈز بىرىشى مۇمكىن.