ۋېسال تىنىقلىرى

alhux0908 · ۋاقتى: 2016-2-21 21:49:06


	بۇ يازمىنى ئاخىرىدا alhux0908 تەھرىرلىگەن. ۋاقتى 2016-2-22 02:21 PM زۇنۇنجان مەمتىمىن شۈكران شېرىن ئ‍ەسلىمە تۈڭلۈكىڭگە ئ‍اي قونغان كېچە، خىياللىرىڭ پەر قاقتى كۆكتە. جۈپ لەۋلىرىڭ گۈلدەك چوغلىنىپ، ئ‍ىللىق سىزىم ئ‍اقتى يۈرەكتە. چىغىر يولدا ئ‍اقتى جۈپ قەدەم، سايە تاشلاپ تۇرار ئ‍ېڭىزغا. ئ‍ىپار پۇرار ئوتلۇق تىنىقلار، ئ‍ىتتىرىدۇ شېرىن دېڭىزغا. ئ‍ىگىلگەندە نازۇك تال چىۋىق، گىرۋىكىگە تەگدى بۇلاقنىڭ. ۋۇجۇدىنى كۆيدۈرۈپ تۈنجى، شەپىسىنى بەردى پىراقنىڭ. ئ‍اي نۇرىدا ياساندى جاھان، ئ‍اي نۇرىدا كۆكلىدى ئ‍ارمان. ئ‍اي سۆيگەن شۇ ئ‍اق ئ‍ايدىڭ كېچە، ئ‍ەمدى نىسىپ بولماس ھېچقاچان. باھار تۇيغۇسى زىمستاندا زېمىن خىجىلچان، يالىڭاچلانغاچ. ئ‍اق لىباسنى كىيۋالىدۇ، يالىڭاچلانغاچ. پات يېقىندا كۆزى يۇرىيدۇ ، يېشىل بالىغا، ھامىلدار بولغاچ. يەتكىنىدە تولغاقنىڭ پەيتى، تەبرىك ئ‍ىتەر جىمى كۈللىيات. خۇشخەۋەرگە ئ‍الدىراپ شۇنچە، تەنتەك شامال، باھار قالغىچى، كۈتمەستىن ئ‍ۈچار، مەجنۇنتالنىڭ شىۋىرلىشىنى. ،كېپىنەكلەر،ھەسەل ھەرىسى، كۇندەشلىك بىلەن، تالىشىدۇ چېچەك ئ‍ىشقىنى،. تۆكۇلگەندەك بەرگىدىن گويا، ھەسەل شەربىتى، تاتلىق ،مېھرىلىك دۇنيا. ياسىنىدۇ زىمىن شۇنچە ئ‍ۇز، تويغا ماڭغان سەھرا قىزىدەك، شۇنچە تەبىئى شۇنچە نۇمۇسچان. بۇنى كۆرۈپ دەريا بۇيىدا ، ئ‍ىرىپ كىتەر مۇزنىڭ يۈرۈكى، چىدالماي زادى، ئېقىپ كىتەر ئ‍ېرىق-ئېرىققا، سىڭىپ كىتەر تومۇر-تومۇرغا. باھار پەيزىدە، ماغدۇرى بار لىكىن ئ‍ۈچپۇتلۇق، چال،باقماي چېلىغا، يىگىتلىكىنى ئ‍ىزلەپ خىيالەن، ئ‍ىزى قالغان چېغىر يوللاردىن، كىلىپ قالار بۇلاق بۇيىغا.! ئ‍ەسلىمىگە تويۇنغان دىلى، ياشلىقىنى كۆرگەندەك بىررەت، مەشۇقىنى كۆرگىنىدەك ھەم.... شېرىن ھېسلار قىلىدۇ غەليان، زېمىستاندا تۇرسىمۇ پەسلى، يۈرۈكىدە باھار تۇيغۇسى.

sintax · ۋاقتى: 2016-2-22 22:16:29


	شېئىر چۇڭقۇر لېرىكىغا تويۇنغان بولۇپ ، مۇھاببەت ھېس-تۇيغۇلىرى يارقىن ئىپادىلىنىپتۇ . رەھمەت سىزگە

alhux0908 · ۋاقتى: 2016-2-22 22:36:23


	ئ‍ىلھام مەدەتلەر بەرگەن سىنتاش قېرىندىشىمغا رەھمەت!

magrurjan · ۋاقتى: 2016-2-23 01:02:25


	بەك ئىسىل يىزىپسىز لىرىك تۇيغۇلارغا باي چىن ھىسياتلىق چىقىپتۇ ياقتۇردۇم!

زۇبەييا · ۋاقتى: 2016-2-23 03:33:29


	ياقتۇردۇم .........

alhux0908 · ۋاقتى: 2016-2-23 09:39:33


	قېرىنداشلىرىمنىڭ ئ‍ىلھاملاندۇرغىنىغا رەھمەت!!

abeliz · ۋاقتى: 2016-2-25 00:21:54


	ئۈبدان.چىقىپتۇ

pah · ۋاقتى: 2016-3-14 13:08:10


	ئ‍ىسىل يېقىملىق شىئىركەن