مېھمان بۇلۇپ كېتىڭلار

tumaris01

	ئەسسالامۇ ئەلەيكۇم، مۇنبەر ئەھلى جامائەت. ئەھۋال سوراي سىلەردىن، تۇردۇڭلارمۇ سالامەت. چىقالمىدىم مۇنبەرگە، ساقسىز بۇلۇپ قالغاچقا. كۆرۈشۈشكە پۇرسەت يوق، ئەھۋال شۇنداق بولغاچقا. ھېچ ئېسىمدىن چىقمىدى، مۇنبەردىكى دوسلىرىم. تېما، ئىنكاس يېزىشقا، زەپ قىچىشتى قوللىرىم. نىمە يازسام بولار دەپ، ئون بەش مىنۇت ئويلاندىم. چاقچاق يازسام ياخشى دەپ، ياخشى ئىشقا ئاتلاندىم. دەم ئېلىشتا تورداشلار، بىزنىڭ ئۆيگە كېلىڭلار. رۇخسىتىڭلار توشقۇچە، مېھمان بۇلۇپ كېتىڭلار. ئەزىز دوستلار كەلدى دەپ، مول داستىخان راسلايمەن. كىم كەلمىسە ئەگەردە، ئىچ-ئىچىمدىن قاغايمەن. داستىخانغا جايلىشار، پولو، لەغمەن، گۆش ، كاۋاپ. مىۋە- چېۋە، سۇغۇق سەي، كەم بولمايدۇ ھەم سالات. مېھمان بۇلۇپ كەتسەڭلار، پايدا باركى ، زىيان يوق. چوڭقۇرلىشار مېھرىمىز، ئۆتسە ئەگەر كۆڭۈل توق. تورداشلىرىم خەيرى -خوش، خۇدايىمغا ئامانەت. سىلەر يېتىپ كەلگەندە، كۆرۈشەيلى سالامەت. ئادىرىسى: قاراقاشتا، تۇمارىسنىڭ ئۆيىدە. يايراپ كەتسۇن كۆڭۈللەر، قېرىنداشلىق مېھرىدە. ئەمىسە كەلگەن چېغىڭلاردا كۆرۈشەيلى، مېنى ساقلاتماڭلار جۇمۇ …

باشتۇغ

	چاقىرىپسىز ئەل -يۇرتنى ، مېھمان بولۇپ كېتىشكە . مەنمۇ بارسام بۇلامدۇ ؟ پولو ، كاۋاپ يىيىشكە . تۇمارىس قىز ئۆيىڭىز ، سەھرادىمۇ ، بازاردا ؟ ئۆيىڭىزنى تاپالماي ، قۇنارمەنمۇ مازاردا ؟ قارا قاشنىڭ ھاۋاسى ، ئىسسىقمىدۇ ، سوقمىدۇ ؟ قارا قاشتا ھەممە قىز ، سىزگە ئوخشاش شوخمىدۇ ؟ قارا قاشنىڭ يولىدا ، تولا دەيدۇ شېخىل تاش . سىزدىن رەنجىپ قالىمەن ، قايتۇرسىڭىز قۇرساق ئاچ . قارا قاشنىڭ دەرياسى ، كۈن چىقىشقا ئاقارمۇ ؟ تۇتىۋېلىپ ئېرىڭىز ، ئىڭىكىمنى چاقارمۇ ؟ قارا قاشقا بارغىچە ، ساناپ ئۆتەي خۇمداننى . ئۆيىڭىزگە كىرمەيمەن ، تېپىۋالسام ئوبداننى . سالامەتلىكىڭىزنىڭ تېزراق ئەسلىگە كېلىشىگە تىلەكداشمەن .

bahaderhan

	ئاغرىپ يېتىپ قالسىڭىز، بارالمىدۇق يوقلاشقا. مىھمان بولۇپ بارامدۇق، قورساقنىلا توقلاشقا. تەكلىپنامە يېزىپسىز، قوشاقلارمۇ ئالامەت. بىللە مىھمان بولىمىز، بولسىلا تەن سالامەت

tumaris01

	munglukkadam يوللىغان ۋاقتى  2016-2-1 08:32 PM ئاپلا ئەجەپ بىلمەي قاپتۇق ئاغرىپ قالغىنىڭىزنى .........ئە ... گەر كەلسەڭلار قارقاشقا، ئەجەپ خوشال بولىمەن. قېرىنداشلىق مېھرىمنى، كەڭ -كۇشادە سۇنىمەن . مېھىر ياغقاچ مۇنبەردىن ، بۇ يىل ھۇسۇل مول بولدى. ئىلھام بەرگەچ ھەر ۋاقىت، دىلغا شاتلىق لىق تولدى. قېرىنداشنىڭ ئۆزى بوپ ، بەردى ئىلھام تورداشلار. بولدى ئۇلار مەن ئۈچۈن، باغرى يۇمشاق قولداشلار. ئەزىز بىلىپ تېخىمۇ، قەدىرلەيمەن ئۇلارنى. ئىلگىرلەيمەن مەن چۇقۇم ، چىڭ تۇتۇشۇپ قوللارنى. بەخىت -ئامەت سىلەرگە، مەڭگۈلۈككە يار بولسۇن . تورداشلارنىڭ ۋۇجۇدى، ھۆرمەتلەشكە لىق تولسۇن .

نۇراخۇن

	ئىنتىزار يوللىغان ۋاقتى  2016-2-5 03:29 PM نۇراخۇن مۇنداقلا سورالغان سوئالغىمۇ شۇنداق چۈشىنىشل ... ئوت كۆيگەندەك گوياكى تۆمۈر مەشتە، شېئىرىيەتكە قىزىق ئوت بار مەندە . يالقۇنجاپ ئەۋجىگە چىقىدۇ گاھى، شائىرلارنىڭ شېئىرىنى كۆرگەندە. شېئىرىيەت يولىدا ماڭاي دەپ كۈندە. ياتىمەن  گاھىدا  يەتتە  خۇپتەندە. مەنزىلگاھىم تېخى يىراقتۇر، ئەمما ماڭىمەن جان ئامان بولسىلا تەندە. مەقسەتنى شېئىرىي ئىپادىلەشكە، تىرىشىمەن خەت يازغاندا ئادەتتە. يارىسا دوستلارغا بىر كۇپلېت شېئىر، خۇشلۇقتىن ئۇچىمەن پەرۋاز قىپ كۆكتە. شېئىر-قوشاق يازالمايتتىم دەسلەپتە، ئوت يۇقتى دوستلاردىن مۇشۇ مۇنبەردە. ئۇلاردىن ئىلھام ئېپ خېلى تىرىشتىم، كەچ يېتىپ، ئويغىنىپ يەنە سەھەردە. روھلىنىپ كېتىمەن گاھى بۆلەكچە، سىز كەبى تورداشلار ئىلھام بەرگەندە. ھەقىقىي  شائىردەك  يازالمىساممۇ، لېكىن مەن شېئىرغا ھەۋەسكار بەندە.

نۇراخۇن

	خۇش مۇبارەك بولسۇن تۇمارىس، شېئىرىي يازغان تېمىڭىزغا. يېقىن بولغان بولسا ئارىلىق، يوقلاپ باراتتىم يېنىڭىزغا. ------------------------- تۇغقاندەك ھېس قىلدۇردى مېنىمۇ ھەم، مېھمانغا چاقىرغان ئۇشبۇ تېمىڭىز، ئۆزسىنىپ يوقلاپ بارسام ئۆيىڭىزگە، تونۇماي  تىللارمۇ  مېنى  ئىنىڭىز .

سۈمەييە

	تۇمارىسخان بىزلەرنى چاقىرتىپتۇ ئۆيىگە ھەممىز تەڭ بارىمىز مىختەك قادىلىپ كۆزىگە

kaxkarogle2000

	ئەسسالامۇ ئەلەيكۇم! بەك ياخشى يېزىپسىز ئاپىرىن!

kamran

	ئارلىق يېقىن بولسا دىككىدە بېرىپ كېلەركەنمەن ئەپسۇس ، ئارلىق يىراق ھەم ۋاقىت يوق ، كېيىنچە بارامىز .

قورغان

	يىراق بولغاچ ئارىلىق، ھال سوراپ بارالمىدىم. تەكلىپ قىپسىز مېھمانغا، خىجىل بوپ تۇرالمىدىم. بارماي بولماس،چاقىرسا، يۈگرەك ئېتىم توقۇدۇم. ساقىيىپسىز،مىڭ شۈكرى، مەنمۇ قوشاق توقۇدۇم.

ئەلقۇت511

	قايسى كۈنى سىزنى ساقسىز بوپ قاپتۇ دەۋاتاتتى،ھەرنىمە بولسا ساقىيىپ چىقىپسىز.مۇبارەك بولسۇن.

sultan777

	رەھمەت،   قۇرۇق قول بارماي  بىيىت ئالغاچ باراي دىسەم توقۇپ بولالماي ، ئەپۇ قىلىڭ بارالمىغۇدەكمە.ئۆزرە.

ھۆكىمىران

	bak yahxi yezip siz rahmat sizgai

kaqvr

	تۇمارىس تىشلىقمۇ ، ساقايدىڭىزمۇ . بۇ تېمىڭىزنى كۆرۈپ سىزنىڭ مېھماندۇستلىقىڭىزدىن شۇنداق سۆيۈندۈم . قارىقاشتا بولماي يېقىنراق يەردە بولسىڭىزچۇ ، يوقلاپ باراتتىم . قارىقاشتىكى ئۆيۈڭگە ، يەتتىنچى ئايدا مەن باراي ، قوپماي ياتقىن جايىڭدىن ، چاچلىرىڭنى مەن تاراي .