ئارتۇچ : پۇل ئۈچۈن

KUMALTAGH

	پۇل ئۈچۈن ئەمەتجان زۇنۇن ئارتۇچ ھەر كويدا ئالدىراش چاپتۇق پۇل ئۈچۈن، مۈشكۈلات داۋاندىن ئاشتۇق پۇل ئۈچۈن. تويمايمىز مال -دۇنيا ،مەئىشەتلەرگە، جاھانغا ھەۋەستە باقتۇق پۇل ئۈچۈن. قارارسىز  غەۋغالار  ئالدى سىھرىگە، تۈمەنمىڭ سەۋدالار باغلاپ مىھرىگە، قانمىدۇق قانمايمىز ئۆمۈر چىھرىگە، ئارمانلار شامىنى ياقتۇق پۇل ئۈچۈن. قۇل بولدۇق ئەگىشىپ بايلىق كەينىگە، كۆڭۈلنى ئۈگەتتۇق بەڭۋاش مەيلىگە، كۆنمەستىن ساداقەت ئەھلى مەيلىگە، يامانغا كەڭ قۇچاق ئاچتۇق پۇل ئۈچۈن. بۇلغاندى قۇيۇندا ئاپئاق ھالال نان، مەنزىلدە تۆكۈلدى دەريا ئىسسىق قان، ئورۇنسىز يوقالدى سانسىز ئەزىز  جان، ۋابا   ئۇرۇقنى  چاچتۇق پۇل ئۈچۈن. سۇسلاشتى ئىنسانىي ئەخلاق ۋە ئىمان، ۋاپانىڭ بېغىدا  بۇلبۇللار   سەرسان، ياتلاشتى ئەنئەنە ،ئىنساب ھەم ۋىجدان، ئار نومۇس ،غورۇرنى ساتتۇق پۇل ئۈچۈن. تىركەشتۇق تەلۋىدەك ھەمىدىن كېچىپ، قېرىنداش  ھالىدىن  بىپەرۋا قېچىپ، روھىمىز ،ئەسلىمىز  كەتمەكتە سېسسىپ، ۋەيلۇننىڭ دەردىنى تارتتۇق پۇل ئۈچۈن. ئاھانەت ،يوقۇتۇش يەنە كۆپ بولدى، بۇ كۈنلەر ۋەسۋەسە،ئەندىشكە تولدى، رىقابەت كەسكىنلەپ غەملەرگە قويدى، مىسلىسىز  قاينامدا ئاقتۇق پۇل ئۈچۈن.

شادىيە545

	سىزنىڭ شىئىرڭىزنى. باھالغۇدەك ئەمەسمەن .. ئەمما شىئىردا .. مەركىزى ئىديە ئېنىق .. تىلى راۋان چىقىپتۇ .. يازىمللىرىڭىز ئۇزۇلمىگەي .. . ..

ahmatjan1123

	ھارمىغايسىز

چاڭقاق

	قەلمىڭىزگە بەركەت تىلەيمە

badixa

	بۇ دۇنيا پانىي ،تويمايدۇ ئىنساننىڭ قانى.

balkixi

	سىلنىڭ مۇشۇنداق مەزمۇنلۇق ، ھايات ھىكمەتلىرگە تۇيۇنغان شېئىرلىرى ماڭا بەك يارايدۇ!

گۇگۇم@

	ئادەم پۇل ئۈچۈن ، قۇش دان ئۈچۈن جان بىردۇ

3229038124

	بەك ياخشى  چىقىپتۇ  قەلىمىڭىز بەركەتلىك  بولسۇن               ئىسىل

kaxkarogle2000

	بەك ياخشى يىزىپسىز تەشەككۇر

فونتان

	تەبرىكلەيمەن ياخشى يېزىلىپتۇ.