‹‹ئېلىپبە››نىڭ ھۆسىنخەتلىرىنى يازغۇچى خەتتات ئادىلجان ئايىت

ئوتلـۇق

	‹‹ئېلىپبە›› نىڭ ھۆسىنخەتلىرىنى يازغۇچى تۆھپىكار خەتتات ئادىلجان ئايىت توغرىسىدا 1983 -يىلى ئۇستاز، تەتقىقاتچى ئابدۇسالام توختى تۈزگەن،شىنجاڭ مائارىپ نەشرىياتى نەشىر قىلغان ، بالىلىقىمىزدىكى سۆيۈپ ئوقۇيدىغان ،كۆپىنچىىمىزنىڭ ئانا تىلدىن ساۋادىنى چىقارغان ‹‹ئېلىپبە››ھەممىمىزنىڭ يادىدا بولسا كىرەك، بۇ كىتاپنىڭ خەتلىرى، ھەرپ ئۈلگىسى،جۈملىلەر، كۆنۈكمىلەر ھەممىسى قولدا ھۆسىنخەتچىلەپ يېزىلغان بولۇپ،‹‹ئېلىپبە›› نىڭ ھۆسنخەتلىرىنى ئۆز قولى بىلەن يازغان ، كۆزگە كۆرۈنگەن خەتتات،گۈزەل-سەنئەت مۇھەرېرى، ئۇستاز ئادىلجان ئايىت ئەپەندىنىڭ تۆھپىسىنى ئۇنتۇپ قېلىشقا بولمايدۇ. ئاتاغلىق خەتتات ، گۈزەل سەنئەت مۇھەررىرى ۋەمەتبەئە ھـەرپ لايىھەلىگۈچى ئادىلجان ئايىت ( دىلكەش ) 1959-يىلى 7-ئايـدا ئۈرۈمـچىـدەتۇغۇلـغـان. 1977-يىلىدىن 1981- يىلىغىچەشىنجاڭ شىنخۇا باسما زاۋۇتىدا ئىشلەپ، كېيىن ئۈرۈمچى شىنخۇا كىتابخانىسى تەشۋىقات بۆلۈمىگەيۆتكەلگەن. 1985-يىلىدىن ھازىرغىچە شىنجاڭ مائارىپ نەشرىياتى گۈزەل سەنئەت تەھرىر بۆلۈمىدە خەتتاتلىق كەسپىي بىلەن ئىشلەۋاتىدۇ،كاندىدات ئالىي مۇھەررىر. ئۇ ھازىر جۇڭـگـو خەتتاتـلار جەمئىيـىتى شىـنجـاڭ شۆبىـسىـنىـڭ ئەزاسى، ئۈرۈمچى شـەھـەرلىك خـەتـتـاتلار جەمئىيىتىنىڭ دائىمىيھەيئەت ئەزاسى، شىنجاڭ پېشقەدەم كادىرلارخەتتاتلىق- رەسساملىق ئىلمىي جەمئىيىتىنىڭ ئەزاسى. ئۇ كىچىكىدىنلا رەسساملىق ۋە خەتتاتلىققائىشتىياق باغلىغان، ئاتىسى ئايىت زايىت ۋە قېيىنئاتىسى ئاتاقلىق خەتتات ھەسەن قارىھاجىملاردىن خەتــتاتلىق ماھارەتلىرىنى سىستېمىلىق ئىگىلىگەن. ئۇنىڭ خەتتاتلىق ئىجادىيىتى 1984-يىلىدىن باشلانغان بولۇپ، نۇرغۇن ھۆسنخەت ئەسەرلىرى ئاپتونوم رايونىمىزدىكى گېزىت- ژۇرناللاردا ئېلان قىلىنغان، بىر قىسىم ئەسەرلىرى مەملىكەت ئىچى ۋە سىرتىدىكى كۆرگەزمە-مۇسابىقىلەرگە تاللاپ قويۇلۇپ ، كۆپ قېتىم تەقدىرلەنگەن. 1985-يىلىدىن بۇيان، ئۇ ئوتتۇرا، باشلانغۇچ مەكتەپلەر ئۈچۈن ئۇيغۇرچە، قازاقچە ۋە قىرغىزچە « ھۆسنخەت مەشقى »، « خەت يېزىش مەشقى » ۋە « رەسىمگە قاراپ خەت تونۇش » قاتارلىق 90پارچىدىن ئارتۇق دەرسلىكنى تۈزگەن ياكى ئۇلارنىڭ ھۆسنخېتىنى يېزىپ، بېتىنى لايىھەلەپ، گۈزەل سەنئەت مۇھەررىرلىكىنى ئۈستىگە ئالغان . ئۇيـغۇرچە، ئەرەبچە ،قازاقچە ۋە قىرغىزچە 10 نۇسخىدىن ئارتۇق « ئېلىپبە » نىڭ ھۆسنـخېتىنى يېزىپ،بېتىنى لايىھەلىگەن . 2011-يىلى « ئۇيـغـۇر خـەتتاتلىقىـنى ئۆگىـنـىش قولـلانمـىسى(جەمئىي 7 كىتاب) » نىڭ « نەسىخ خەت نۇسخسى » بىلەن « تۈز خەت نۇسخسى »نى تۈزۈپ نەشر قىلدۇرغان. 1988-يىلى مەملىكەتلىك مەتبەئە خەت نۇسـخىسى لايىـھەلەش مۇسا بىقىسىدە،ئۇنىڭ بىر يۈرۈش باسما خەت نۇسخىسى 2- دەرىجىلىك مۇكاپاتقا ئېرىشكەن. 1992- يىلى، ئۇ ئاپتونوم رايونلۇق تىل – يېزىق كومىــتېتىنىڭ ھاۋالىسى بويىچە، (UHK)ناملىق ئۇيغۇر ، قازاق ۋە قىرغىز يېزىـقىدىكى تۆت خىل تۆت يۈرۈش مـەتبـەئـە باسـماخەت نۇسخىسىنى لايـىـھـەلىگەن، بۇ خەت نۇسـخىلىرى ئاپتـونوم رايونىمىـزدىكى گېزىت-ژۇرنال، نەشـرىيات ۋە مەتبەئە سـاھەلـىرىـدە كەڭ كۈلەمدە قـولـلانمـاقـتـا؛ 2005-يىـلى، ئـۇ شىنـجاڭ مائـارىپ نەشرىياتى بىلەن جىڭدا (正大) ئېلېكترونلۇق شىركىتىنىڭ ھاۋالىسى بويىچە، ئۇيغۇر، قازاق ۋە قىرغىز يېزىقىدىكى ئالتە خىل يېڭى مەتبەئە باسما خەت نۇسخىسىنى لايىھەلەپ ئىشلەپ چىقتى. ئادىلجان ئايىت جۇڭگو ئىسلام دىنى جەمئىيىتىنىڭ تەكلىپى بىلەن 2012-يىلى8-ئاينىڭ 31-كۈنىدىن 9-ئاينىڭ 6-كۈنىگىچە تۈركىيە ئىستامبۇل شەھىرىدە جۇڭگو دىنىئىشلار ئىدارىسى بىلەن تۈركىيە دىنى ئىشلار ئىدارىسى بىرلىكتە ئۇيۇشتۇرغان « 2012جۇڭگو ــ تۈركىيە ئىسلام مەدەنىيىتىنى ئالماشتۇرۇش يىغىنى » پائالىيىتىگە شىنجاڭ ئۇيغۇر ئاپتونوم رايونى ئۇيغۇر خەتتاتى سۈپىتىدە قاتنىشىپ ، پائالىيەت جەريانىدا نەق مەيداندا ماھارەت كۆرسىتىپ 100 پارچىدىن ئارتۇق ھۆسنخەت يېزىپ يىغىنغا قاتناشقان ۋەكىللەر ، ھۆسنخەت ھەۋەسكارلىرى ۋە خەلق ئاممىسىغا تەقدىم قىلىپ، ھازىرقى زامان ئۇيغۇرخەتتاتلىقىنى ئۈنۈملۈك نامايەن قىلىپ ، خەلقىنىڭ ئالقىشىغا ئېرىشتى . 2012 - يىلى ئايالى مۇيەسسەر ھەسەن بىلەنبىرلىكتە تۈزگەن « تەڭرىتاغ گۈلزارى— ئۇيغۇر خەتتاتلىق ئەسەرلىرى » ناملىق توپلىمى شىنجاڭ مائارىپ نەشرىياتى تەرىپىدىن نەشر قىلىنىپ تارقىتىلدى . 2013 –يىلى ئۇ تۈزگەن « قوش تىللىق خەت تونۇش، خەت يېزىش قوللانمىسى » ناملىق 2 قىسىملىق كىتابى شىنجاڭ مائارىپ نەشرىياتى تەرىپىدىن نەشر قىلىنىپ تارقىتىلدى . ئۇيېڭىدىن توزۇپ چىققان باشلانغۇچ مەكتەپ قوش تىل سىنىپلىرى ۋە ئادەتتىكى سىنىپلارئۈچۈن « ئېلىپبەگە ماسلاشتۇرۇلغان قول كۆندۈرۈش مەشىقى » نەشردىن چىقىش ئالدىدا .ئۇ ئۇيغۇر تىل – يېزىقىنى قوغداش ، ئۇيغۇر خەتتاتلىقىنى راۋاجىلاندۇرۇش ،گۈللەندۈرۈش ئۈچۈن داۋاملىق تىرىشماقتا . بىز ئادىلجان ئايىت ئەپەندىنىڭ تىل-يېزىقىمىز ئۈچۈن قوشقان تۆھپىسىنىڭ بۇنىڭدىن كىيىنكى ئەۋلادلارنىڭ قەلبىدە مەڭگۈ يادلىنىدىغانلىقىغا ئىشىنىمىز، ھەم بۇ تۆھپىكار خەتتاتىمىزنىڭ خىزمىتىگە ئۇتۇق، ئائىلىسىگە بەرىكەت، تىنىگە سالامەتلىك، ئىجادىيەت بىغىغا مول-ھوسۇل تىلەيمىز! تۆۋەندىكىلەر ئۇنىڭ يازغان ھۆسىنخەت ئەسەرلىرى، لايىھەلىگەن مەتبەئە ھەرپلىرى، كىتاپ مۇقاۋىلىرى ۋە ماركىلىرى: مەنبە : باغتېكىن يانبىلوگى http://www.yanbilog.com/index.php?mid=305&m=view&id=10405

خەنجىرى

	مۇشۇ ئېلىپبەنى كۆرسەم بالىلىق چاغلىرىم ئىسمىگە كىلىش بىلەن بىرگە ئۇ كىتابقا بولغان ھۆرمىتىم ئاشىدۇ

tura-ogli

	تېما ئېگىسىگە رەھمەت،  «ئېلىپبە» بىزگە ئانا تىلىمىزنى بىلدۈرگەن كىتاب. ئادىلجان ئايىت ئاكىغا ئۇزۇن ئۆمۈر تىلەيمەن!!!!!

بەرگى

	خەت  يېىزىق بىزنىڭ بايلىقىمىز ، نى نى خەلىق  بار  يا تىلى يوق يا يېزىقى يوق باشقىلارنىڭ يېزىقىنى تىلىنى  ئىشلىتىشكە مەجبۇر بولغان . ئادىلجان ئەپەندىگە ھۆرمىتىمنى بىلدۈرىمەن ۋە بۇندىن كىيىنكى ئىشلىرىغا ئۇتۇق تىلەيمەن .

qirakpay

	تىل-يېزىقىمىز ئۈچۈن  تۆھپە قوشقان ئادىلجان ئايىت ئەپەندىگە مەڭگۈ              ئۇتۇق تىلەيمەن!

18099956014

	بەك ياخشى كىتاپ ئىدى ،مەندە بىرسى بار ساقلاپ قويدۇم

forever1

	تېنىگە سالامەتلىك،ئۆمرىگە بەرىكەت تىلەيمەن.ھازىرمۇ تاپقىلى بولارمۇ 90-يىللاردىكى «ئېلىپبە»نى

bahaderhan

	ئادىلجان ئايىت ئاكىغا سالامەتلىك، بەخت تىلەيمەن.

ۋولمىس

	«ئادىلجان ئايىت لاھىيىلىگەن بىر قىسىم مەتبەئە ھەرپلىرى» دىگەن قۇرنىڭ ئاستىدىكى 1988-يىلىدىن 2005-يىلىغىچە بولغان ئارلىقتىكى «شىنجاڭ ئۇيغۇر ئاپتۇنۇم رايۇنى» دىگەن ئاتالغۇنى نىمىشقا «شىنجاڭ ئۇيغۇر ئاتونۇم رايۇنى» دەپ ئالغاندۇ؟ 2010-يىلىدىن باشلاپ ئاندىن «شىنجاڭ ئۇيغۇر ئاپتۇنۇم رايۇنى» دەپ ئېلىنىپتۇ.