1.ئاچا يول
-دادام ھەل بوپ قالدى دەيدىغۇ ئاداش،سىنىڭچۇ؟
-قايتىپ بىرىپ قوش تاللاشقا قاتنىشاي دەيمەن.زۆھرە سەنچۇ؟
-بىلمىدىم ئاداش قىنى كىنىشكىلىرىمنى كۆتۇرۇپ بىرىپ باقاي،تەلىيىم بولسا ياخشىراق يەرگە ئورونلىشىپ قالارمەن.
-ئادى،نىمە خىيال سۇرۇپ كەتتىڭ ؟سەن قانداق قىلىشنى ئويلاشتىڭىمۇ؟
ياتاقتىكى قىزلارنىڭ مۇشۇ بىر نەچچە كۇندىكى پاراڭ تىمىسى خىزمەت توغورلۇقلا بولىۋاتاتتى. ھەش-پەش دىگۇچە بەش يىللىق ئالىي مەكتەپ ھاياتىمىز ئاخىرلىشىپ جەمىيەتتىكى جەڭگاھقا تەييارلىق ھالەتتە تۇرۋاتاتتۇق.بۇ ھالەت بىزنى تەبىيلا خىزمەت توغورلۇق مۇنازىرلەرگە ئىلىپ بارماقتا ئىدى.بۇ ئوماقلارنىڭ سۇئالى ماڭا كىلىپ توختىدى.
-ھە ،ئازات بىلەن دىيىشتۇق،ئۇنىڭ يۇرتىدىكى چەت رايونلارغا بىرىپ ئوقوتقۇچى بولۇشقا تىزىملاتماقچى بولۇشتۇق.
-قىزىپ قالمىغانسەن ئادى؟
-شۇنى دەيمەن؟؟؟
قىزلارنىڭ چۇقىراشلىرى ئىچىدە نىمە دىيىشىمنى بىلەلمەي قالدىم.
-ساراڭ بولدۇڭما؟ئۇ چەت جايلاردا نىمە بار ساڭا؟
-توۋا ئادى،جىڭ توختاپتۇ كاللاڭ!سەن ئۇ يەرلەرگە كۆنەلەمسەن؟5يىل ئوقاپ ئۇ يەرلەرگە كەتسەڭ ئۆيۇڭدىكىلەر نىمە دەيدۇ؟
-بۇچۇ قاراڭلار ئۆزىنى مۇھەببەت كىنولىرىنىڭ باش قەھىرمانى دەپ ئويلاۋاتقان ئوخشايدۇ.
ئۇلارنىڭ سۆزلىرى ھىچ توختار ئەمەس ئىدى.گەپنى بۆلدۇم.
-ئىككىمىزنىڭ بىللە بولۇشىغا مۇشۇنىڭدىن باشقا يول يوق قىزلار!ئۇ ئوغول بالا تۇرسا ،ئۇنى مىنىڭ يۇرتۇمغا بىرىڭ دىسەم بولماس،ئۇنىڭ ئۇستىگە ئۆزەمگە خىزمەت تىپىشمۇ تەس ،ئۇمىنىڭ يۇرتۇمغا بارسا نىمىش قىلىدۇ؟
-نىمىشكە باشقا يول يوق ؟ئۇرۇمچىدە قالساڭلار بولىدىغۇ؟سەنمۇ بارما ،ئۇمۇ بارمىسۇن ،مەمۇرى ئىمتاھانلارغا قاتنىشىپ مۇشۇ يەردە قىلىشنى تاللىساڭلارمۇ بولىدىغۇ؟ئىككىلىڭلار دەرىستە بەك ياخشى ،چوقوم مەمۇرى ئىمتھانلاردىن ئۆتۇپ كىتىسىلەر!
-ئاي راست دەيدۇ،نىمىشكە ئۇرۇمچىدە قىلىشنى ئويلاشمايسىلەر،ھەر ئىككىڭلار دەرىستە شۇنچە ياخشى ،ئۇرۇمچىدە چوقوم خىزمەت تاپالايسىلەر ئاداش.
بۇلارنىڭ سۆزلىرى نەچچە ۋاقىتتىن ئىككىلىنىپ تۇرۋاتقان كۆڭلۇمنىڭ پىلىكىگە ئوت يىقىۋاتاتتى ،دىمىسىمۇ چەت ياقىلاردا ئوقوتقوچى بولۇشقا كۆڭلۇمدە دىلىغۇللۇق بار ئىدى.ئەمما ئازات ئىزچىل بو توغورلۇق ماڭا سۆزلەپ مىنى قايىل قىلۋاتاتتى.كۆڭلۇمنىڭ بىر يەرلىرىدە قايىللىق بولسىمۇ ،بىر يەرلىرىدە يەنىلا دىلىغۇللۇق ھۆكۇم سۇرەتتى.
-سىلەرنىڭ دىگىنىڭلارمۇ توغرا قىزلار ،ئەمما ئازات...
-يائاللا ئازات ئازات دەپلام يۇر سەن ،سىنىڭ ئۆزەڭنىڭ مەيدانىڭ يوقما ،سەن ئۇ يەرلەرگە بارساڭ كۆنەلەمسەن،زايە كىتىسەن ئاداش ،ساراڭلىق قىلما ،سەن قانداق ياخشى ئوقودۇڭ ،ئەمدىلىكتە ؟توۋا- ئاي يەنە گىپىمنى بۆلدى،ئۇنىڭ چىرايىدىن ئاچچىقلىنىۋاتقانلىقى چىقىپ تۇراتتى.
5يىل بىر ياتاقتا يىتىپ ئۇرۇق-تۇققاندەك بولۇپ كەتكەن بۇ سۆيۇملۇك ياتاقداشلىرىم ماڭا ئاچا-سىڭىل كەبى چىن كۆڭلىدىن مەسلىھەت بىرىۋاتاتتى،ماڭا قىيمايۋاتاتتى ،مىنى جاپا تارتىپ قالىدۇ دەپ ئويلاۋاتاتتى.
-ئادى،سەن بىر ئىشلارنى ئۇنداق ئاددى ئويلىما ،بۇ كۇنلەر ئۇزۇن قارا،ئەمدى جەمىيەتكە چىقىمىز ،جەمىيەت مەكتىپىمىزدەك ئۇنداق گۇزەل بولماسلىقى مۇمكىن،ھەممە ئادەم ھازىر ياخشى شارائىتلارنى ئىزدەۋاتسا ،سەن نىمىنى ئويلاۋاتىسەن؟توغرا ئازاتقا چىدىمايسەن ،ئۇ ياخشى بالا،ئۇنىڭ ئۇستىگە 3 يىلنىڭ ياغى شۇنداق ياخشى يۇردىڭلار ،كۆڭلۇڭنى چۇشىنىمىز،ئەمما نىمىشكە سەنلا قۇربانلىق بەرگۇدەكسەن؟ئۇمۇ سەن ئۇچۇن قۇربانلىق بەرسە نىمە بوپتۇ؟دىدى زۆھرە دولامنى تۇتۇپ تۇرۇپ.
-شۇنى دىمەمسەن،ئۇمۇ سىنىڭ يۇرتۇڭغا بارمىسۇن ،سەنمۇ ئۇنىڭ يۇرتىغا بارماي مۇشۇ يەردە قالساڭلار بولىدىغۇ؟مانا بىزمۇ شىرئەلى بىلەن قالىمىز دىيىشىۋاتىمىزغۇ،-دىدى مىيەسسەر ئويغا چۆمگەن ھالدا سۆزىنى داۋاملاشتۇرۇپ –بىر يەرلىك ئەمەسلىكىمىزنى مۇشۇنداق باش قىتىنچىلىقلارنىڭ بولىدىغانلىقىنى بىلىپ تۇرۇپ كۆڭۇل دەپ يۇرۋالغاندىكىن ئەمدى بۇ يولنى باسماي ئامالىمىز يوق ،ئەمما ئويلىنىپ ئىش قىل ئاداش .مۇشۇ يەردە قىلىشنى دەپ باق ،بىللە خىزمەت ئىزدەپ مەمۇرى ئىمتىھانغا تەييارلىق قىلايلى.
بۇلارنىڭ سۆزلىرى ئورونلۇق ئىدى ،بىللە بولۇش ئۇچۇن ئۇرۇمچىدە قىلىشنى تاللىساقمۇ بولاتتى.ئەمما ئازاتنىڭ باشقىچە ئويلىرى غايىلىرى بار ئىدى،مەنمۇ ئۇنىڭ غايىلىرى بىلەن ئورتاقلاشماقچى ئىدىم.ئەمما كۆڭلۇمگە ئايان ئىدىكى ئۇ يوللار جاپالىق ئىدى،ھىچكىمنى بىلمەيدىغان چەت يەرگە بىرىپ ئىشلەش ،ئۇ يەرنىڭ شارائىتلىرى بۇمۇ مەسىلە ئىدى.ئازاتنىڭ سۆزلىرىدىن ئۇ يەرنىڭ شارائىتلىرىنى قىياس قىلالايتىم،ئىككىلىنەتتىم.بىر تۇرۇپ ئىككىمىزنىڭ شۇ تاغلىق رايوندىكى سەبى بالىلارغا بىلىم بەرگەن ھالەتلىرىمىز كۆز ئالدىمغا كىلىپ سۆيۇنۇش ھىس قىلسام بىر تۇرۇپ شۇ شارائىتلارغا ،مۇھىتلارغا كۆنەلمەسلىكىمدىن ،ياتاقداشلىرىم دىگەندەك ھەممە ياخشى شارائىت ئىزدەۋاتسا ئۆزەمنى قىيناش ئۇچۇن مىڭىۋاتقىنىمدىن تەشۋىشلەرگە چۇشۇپ قالاتتىم.يەنە بىر تەرەپتىن ئۆيدىكىلىرىمنى ئويلايتتىم،ئۇلارمۇ مىنى ئاسان ئوقوتمىدى،ئاپام-دادام ھەر ۋاقىت مىنىڭ پىكىرىمگە ھۆرمەت قىلىپ كەلدى،ئاچىلىرىممۇ مىنى قوللايدۇ،ئەمما كۆڭلىنىڭ بىر يەرلىرىدىن مىنىڭمۇ ياخشى تۇرمۇشلارغا ،شارائىىتلارغا ئىرىشىشىمنى خالايدۇ،ئوقوغۇنۇمنىڭ ھادىقىنى كۆرۇشنى خالايدۇ ئەلۋەتتە.قانداق قىلىشىم كىرەك؟مىنىڭ ئىككىلىنىۋاتقان كۆڭلۇم ياتاقداشلىرىمنىڭ پىكىرلىرى بىلەن قالايمىقانلىشىپ كەتتى.
-بولدى قىلىڭلار قىزلار ،ئادىنىڭمۇ ئويلىغىنى باردۇ،ئازات ئىككىسى بىر قارارغا كىلىپ بولغان بولسا ئادىنىڭ رايىنى ياندۇرمايلى بولدى،ئازاتنى بىلىمىز بىر قارارنى قىلدىمۇ يانمايدۇ،ئادىمۇ شۇڭا ئۇنىڭغا ئەگىشىۋاتىدۇ،-دىدى چىرايىدىن تىتىكلىك چىقىپ تۇرىدىغان زۇلفى(ئۇنىڭ ئىسىمى زۇلفىيە بولۇپ بىز ئۇنى زۇلفى دەپ چاقىراتتۇق) .-ئۆز ۋاقتىدا بىر يەرلىك بالىلارنى تىپىشساڭ مۇشۇ ئىش يوق ،يا مەندەك ھىچكىم بىلەن يۇرمەي ئۆزەڭلار بەگ ئۆزەڭلار خان يۇرمۇدۇڭلار،بىكاردىن خەقنىڭ غىمىنىمۇ تەڭ ئارتىۋىلىپ ،قاراڭلار ماڭا ،مەندە ئۇنداق باش ئاغىرىقلار يوق،5يىلنىڭ ياغى مىنى قوغلاشقان ،مىنى ياخشى كۆرگەن شۇ سۆيۇملۇك يىگىتلەر بىلەن چىرايلىق خوش دەيمەن،تارتىشىدىغان ئىشمۇ يوق .ئاندىن يۇرتۇمغا قايتىپ چىكىپ تۇرۇپ بىر يىگىتنىڭ پىشىنى تۇتىمەن.ھى ھى ھى .
زۇلفىغا ھەممىمىزنىڭ مەستلىكى كىلەتتى ،ئۇ شۇنچىلىك غەمسىز ئىدى ،ئەخمەقلەر دەپ قوياتتى بىزنى ،قاراڭلار مانا ،سىلەر سۆيگۇنۇڭلار ئۇچۇن ۋاقتىڭلارنى قانداق ئورونلاشتۇرۇش ئۇچۇن ئاۋارە،مىنىڭ ۋاقتىمنىڭ ھەممىسى ئۆزەمنىڭ دەيتتى .ئۇنىڭغا ياسىن بىلەن يۇرۇش توغۇرلۇق خىلى نەسىھەت قىلغان بولساقمۇ ئۇ پەقەت ئۇنىمايتى ،ئۇنىڭ قاراشلىرى ئۆزگىچە ئىدى.كۆڭلۇمنى خەققە بالدۇر بىرىۋەتكۇم يوق ،مەن سەل ئۇجمە كۆڭۇل ئەگەر ياسىن بىلەن يۇرۇپ قىلىپ يەنە بىرسىگە كۆڭلۇم چۇشۇپ قالسا قانداق قىلىمەن ؟ئۇنىڭدىن مۇشۇنداق دوستلۇق مۇناسىۋىتىدە ئۆتكۇنۇم ياخشى ،سىلەردەك بىر كۇن خوشال ئىككى كۇن غەم بىلەن ئەخمەقلەرچە ئۆتكۇم يوق دەيتتى.«سەن مۇھەببەتنى چۇشىنەمتىڭ ،مۇھەببەتنىڭ شىرىنلىكىنى بىلگەن بولساڭ ›دەيتتى مىيەسسەر ھاياجان بىلەن.‹ئاللا ئاللا مىيەس سەنلا چۇشىنىپ ئۆتەپ كەت ئۇ شىرىنلىكلەرنى،مىنىڭ ھازىرقى ھالىتىم بەك شىرىن ›دەپ كۇلەتتى ئۇ.شۇنداق غەمسىزلىك بىلەن ئۇ 5يىلنى تامام قىلدى.بىز بولساق مۇھەببەت دەپ مانا غەملەر ئارىسىدا قىلىۋاتقان ئىدۇق.
-سەن مۇھەببەتنى چۇشەنمىگەندىكىن ئوتتۇرە زۇلفى دىدى مىيەسسەر ئاچچىق بىلەن.سەندە ھىسىيات بارما زادى.سەن ئۆزەڭدىن باشقىنى ياخشى كۆرمەيدىغان بىر شەخسىيەتچى ،يە ياق دىمەي يا ھەئە دىمەي ئارقىڭدىن يۇگۇرتۇپ ياسىننىڭمۇ نەچچە يىلىنى ئىسراپ قىلدىڭ .
-مىيەس خاتالاشما ھە ،مەن ياق دىدىم ئۆزى يانمىدى ،قانداق قىلاتتىم.
-ياق دىگەن ئادەم پاراڭلاشمىساڭلا بولمىدىما،سىنىڭمۇ ئۇنى ئارقىڭغا سالغۇڭ بار شۇ .
-توۋا توۋا مىيەس ،بىر سىنىپتا تۇرساق ،پاراڭلاشسام نىم بوپتۇ ئەمدى ،ياق دەپ بولاپ بىراقلا گەپ قىلمىسام توغرىمىتى؟ھا ھا ھا ،قىزىق جۇمۇ سەن مىيەس.
-گەپ قىلساڭ شۇ ئۇمۇتلەندۇرۇپ قويىسەن ،ئارقىڭدىن ماڭىدۇ،شۇ ،كەسكىن رەت قىلماي سەنمۇ.
-ۋاي ئۇماق ئادىشىم شۇ نەچچە يىلنىڭ ياقى كۆڭلىگە ياققۇدەك بىرسى چىققان بولسا ئۇمۇ مىنىڭ ئارقىمدا يۇرمەس ئىدى .مەنمۇ كەسكىن گەپ قىلدىم ،ئۆزى سىز بىرسى بىلەن يۇرمىگىچە ئارقىڭىزدا يۇرىۋىرىمەن دەۋاتسا ،مەنمۇ ساۋاقداشلىقتىن تاشقىرى مۇئامىلە قىلمىدىم ئۇنىڭغا،ئۇ ئۆزىمۇ بىلىدۇ ،يائاللا ،ياسىن مۇشۇ ياتاقتىكىلەرنىڭ ئاكاڭلار ھە ،ھەجەپ قىلىپ كىتىسلەر ئۇنىڭغا .
-ھە سىنىڭ توغرا !شۇ ئۇنىڭ ساڭا قىلغان ئەقىدىسىگە ،ۋاقتىغا بىرخىل بولىمىز شۇ .
-مەن ئۇنىڭ ئەقىدىسى ۋاقتى دەپ يۇرسەم ۋاقتى سائىتى كىلىپ مانا بۇگۇن سىلەر بىلەن تەڭ مەن كىتەيمۇ ئۇ قالسۇنمۇ دەپ ئۇف تارتىپ ئولتۇراتتىم ئاداشلار !رىشتىمىز تىخىمۇ باغلىنىپ كىتەر بولغىيتى ،مىنىڭ ئىشىمنى دىيىشمەي پاراڭ تىمىسىنى قايتۇرۋىلىڭلار بولدى.ئادى ھازىر چوڭ مەسلە بولدى ،بۇ ئازاتنى دەپ يىراق قىشلاقلارغا كەتمەكچى ،نىمىدىگەن رومانتىك سۆيگۇ بۇ ،ئادى ،سىنى كىتاپ قىلىپ يازىمەن.ھا ھا ھا
-بولدى قىلە زۇلفى ھەممە ئىشنى چاقچاققا ئايلاندۇرماي،ئادىنىڭ شۇ يەرلەرگە كىتىشىگە قاراپ تۇرامدۇق دىدى ئاي جىلە بۇلۇپ.
-ئۆزى رازى بولىۋاتسا ،ئۇ ئازات بىلەن كەپە بولسىمۇ ئۆي تۇتىۋىرىدۇ شۇنداقمۇ ئادى؟
-بولدى قىلىڭلار ،كاللام قالايمىقان ئاداشلار ،بەلكىم شۇ يەردە بىرە يىل تۇرۇپ كۆنەلمىسەك يىنىپ كىلەرمىز دىدىم مەن .
-ساراڭدەك گەپ قىلما ،مىنىڭ نەۋرە ئاچاممۇ شۇنداق دەپ كىتىپ مانا ھازىر شۇ يەردە ئولتۇراقلىشىپ بالىلىق بولۇپ كەتتى ،5يىلغىچە يۆتكۇلىشىڭگە بولمايدىكەن ،5يىلغىچە ئازات بىلەن بالىلىقمۇ بولۇپ كىتەرسەن .دىدى زۆھرە نارازىلىق بىلەن.-ئەڭ ياخشىسى ھازىرلا بۇ ئىشتىن ئۇمۇدىڭنى ئۇز،ھەر قىتىم ئازاتنىڭ گىپىنى ئاڭلاپ كەلدىڭ .ئۇ سىنى ياخشى كۆرسە بۇ قىتىم سىنىڭ گىپىڭنى ئاڭلىسۇن.قىنى ساڭا بولغان مۇھەببىتى قانچىلىك ؟شىرئەلىمۇ مانا مىيەسسەر بىلەن ئۇرۇمچىدە قالىمەن دەۋاتىدىغۇ،مۇھەببەت سەندىلا بارما؟ئازاتمۇ سەن ئۇچۇن بىرەر ئىش قىلىپ باقمامدۇ!سىنى جاپا تارتقۇزۇشنى ئويلىماي ،ياخشى تۇرمۇشقا ئىرىشتۇرۇشنى ئويلىمامدۇ،قىنى ئۆيدىكىلىرىڭگە مەسلىھەت سىلىپ باق ،ئۇلار قوشىلامدىكىن.مۇشۇ ئاۋاق قوللىرىڭ بىلەن شۇ يەرلەردە ئوچاق سىلىپ ،ھويلا ئىشلىرىنى قىلالامسەن؟ئۆزەڭنى نەگە بارىمەن دەپ ئويلاۋاتىسەن؟نەۋرە ئاچاممۇ بارغىنىغا تويدى،ھەر قىتىم كەلگەندە ئۇنىڭ توپا ئۆرلەپ تۇرغان چىرايىغا قاراپ بىر خىل بولاپ كىتىمەن.
زۆھرە ئاچچىقى بىلەن خىلى سۆزلىدى،ئۇ ئارىمىزدىكى ئەڭ كەسكىن ،گەپ سۆزى بەك ئوچوق قىز ئىدى.بۇلارنىڭ سۆزلىرىنى ئاڭلاپ قايمۇقۇپلا كەتتىم ،تىشىغا چىقىپ چوڭ ئاچامغا تىلفون قىلدىم.
-ئاچا ،تىچىلىقمۇ ؟ئۆيدىكىلەر ياخشى تۇرۋاتامدۇ؟
-ئادىلە ،ياخشى تۇردۇڭمۇ ئۇكام،بىز ھەممىمىز ياخشى ،قانداق؟ئوقوش پۇتتۇرۇش دىسىرتاتسىيەلىرىڭ تۇگەپ قالدىمۇ؟
-ھەئە ئاچا بۇگۇن تۇگىدى،شۇ ئوقوش پۇتتۇرۇش كىنىشكىمىزنى ساقلاپ قالدۇق،ساڭا دىگەن گەپنى ئاپاملارغا دەپ باقتىڭىمۇ؟
-ھە ،دىگەنتىم ئۇكام ،شۇ ئاپاملارنىڭ دىمى ئىچىگە چۇشۇپ كەتتى،دىمىسىمۇ ئۇنداق چەت يەرلەرگە بارساڭ قانداق بولا ئۇكام؟سەن ئۆينىڭ كىچىكى قارا ،ئاپاملارمۇ نىمىشكە جاپاغا يۇگىرەيدىغاندۇ دەيدۇ سىنى ،ئۇكام ياخشىراق ئويلىنىپ باقامسەن يا؟
-شۇ ئاچا مەنمۇ بەك ئىككىلىنىپ كىتىۋاتىمەن،سەن ئويلىغىنىڭنى دەپ باقە ئاچا،ئازاتنى سەنمۇ كۆردۇڭ ،ئۇ بەك ياخشى ،ئەگەر مەن ئۇ يەرگە بىرىشتىن ۋاز كەچسەم ئىككىمىزنىڭ ئىشى ئاخىرلىشىشى مۇمكىن.
-ئۇكام ،ئۇ بالىغۇ ياخشى بالىكەن،ياخشى ئوقىدى دەيسەن،بۇ يەرگىغۇ كەلمىسۇن ،ئۇرۇمچىدە بولسىمۇ قىلىشنى ئويلاشمىدىڭلارمۇ؟ئاپاملارنىڭ خىيالىمۇ ئۇرۇمچىدە قالسىكەن دەيدۇ شۇ ،بىرەرسىمىز بولسىمۇ ئۇرۇمچىدە بولساق چوڭلارنىڭ داۋالىنىش ئىشلىرىدىمۇ ياخشىكەن قارا.ئۇ بالا بىلەن شۇنى دىيىشىپ باققىن.ئەگەر بەك پىكىرىدە چىڭ تۇرۋالسا ئۆزەڭ ئويلىنىپ ئىش قىلاسەن،بىر ئىش دىگەنگە ھەر ئىككى تەرەپ تەڭ كۇچ چىقارغان ياخشى.بىزمۇ سىنىڭ جاپا تارتىپ قىلىشىڭنى خالىمايمىز...
چوڭ ئاچام بىر مۇنچە سۆزلىدى.ئۇنىڭ سۆزلىرىدىنمۇ بۇ ئىشقا نارازىلىقى باردەك ھىس قىلدىم.تىلفوننى قويۇپ ئازاتنىڭ ياتىقىغا تىلفون قىلدىم.
-ئازات،پەسكە چۇشەمسىز ئايلىنىپ كەلسەك ؟
-بولىدۇ ،سەل توختاپ تۇرۇڭ ،قولۇمدىكى ئىش ھازىرلا تۇگەيدۇ،مەيداندا تۇرۇپ تۇرامسىز؟
-ماقول.
ئىككىمىز ھەر قىتىم بىللە ئولتۇرىدىغان ئوروندوققا كىلىپ ئولتۇرۇپ ئۇنى ساقلىغاچ ئۇنىڭغا دىمەكچى بولغان گەپلىرىمنى كۆڭلۇمدىن ئۆتكۇزۋاتاتتىم.دىمىسىمۇ ئۆيدىكىلىرىمنىڭ ،ياتاقداشلىرىمنىڭ پىكىرلىرى توغرا ئىدى.ئۇرۇمچىدە قالساق ھەممىمىزگە ياخشى ئىدى.ئەمما بۇنىڭغا ئۇنىڭ قوشولمايدىغانلىقىمۇ كۆڭلۇمگە ئايان ئىدى،نىمىلا بولسۇن دەپ باقاي قىنى ،ھەي بۇندا بولارنى بىلسەم زۇلفىدەك ھىچكىم بىلەن يۇرمەي پۇتتۇرەركەنمەن مەكتەپنى ،ئۇنىڭ راست كاللسى ئىشلەيدىكەن ،مانا ئۇ ھەممىدىن غەمسىز ھالدا ئۆزىنىڭ ئىشلىرىنى قىلىپ يۇرىدۇ،زۆھرەمۇ بىر يۇرتلىقى بىلەن يۇرگەچكە ئۇمۇ بۇنداق خىياللاردىن مۇستەسنا ،مىيەس بىلەن شىرئەلى بۇ يەردە قىلىشنى دىيىشىپ بوپتۇ ،ئۇمۇ خاتىرجەم،ئەمما مەنچۇ؟بىر ئايدىن ئاشتى تۇزۇك ئۇيقۇممۇ كەلمەيدۇ،يا ۋاز كىچەلمەي ،يا ئالدىمغا ماڭالماي ھەجەپمۇ ئارسالدى بولدوم دىسە؟ھازىرقى بۇ ھىسىياتىمنى بەلكىم ئىككى يۇرتلۇق مۇھەببەتلەشكەنلەرلام چۇشىنەر!
-بەك خىيالغا چۆكۇپ كىتىپسىزغۇ ؟نىمىنى ئويلاۋاتىسىز؟
تۇيۇقسىز يىنىمدىن چىققان ئاۋازدىن چۆچۆپ قارىدىم.ئازاتنىڭ تىنىق كۆك كۆزلىرى ماڭا تىكىلىپ تۇراتتى.
-ھە،قاچان كەلگەنتىڭىز سەزمەپتىمەن.
-10مىنوتتەك بولدى يىنىڭزغا كەلگىلى ھىچنىمىنى سەزمەي تىكىلىپ ئولتۇرۇپ نىمىلەرنى ئويلاۋاتقانتىڭىز؟دىدى ئۇ قوللىرىمنى تۇتۇپ تۇرۇپ.
-شۇ مەكتەپ پۇتتۇرگەندىن كىيىنكى ئىشلارنى ئازات،مەن...
-بۇگۇن سىزگە نىمە بولدى؟ئۇ ئىشلارنى بىز ئويلىشىپ بولغانغۇ؟مىجەزىڭىز يوقمۇ ،چىرايىڭىز بىر قىسىملا تۇرىدىغۇ؟دىدى ئۇ پىشانەمگە قولىنى قويۇپ ،راست سەل مىجەزىڭىز يوقتەك تۇرىدۇ ،ئاخشام ياخشى ئۇخلىمىدىڭىزمۇ نىمە؟كۆزلىرىڭىزمۇ قىزىرىپ كىتىپتۇ.
-ھەئە ئازات مەن خىلى كۇنلەر بولدى ئارسالدى بولۇپ پەقەت ياخشى ئۇخلىيالمايۋاتىمەن.دىمەكچى بولغىنىم بىز ئۇرۇمچىدە قالساق بولماسمۇ ئازات ،ئۇ ياقلارغا مەن كۆنەلەرمەنمۇ؟ئۇنىڭ ئۇستىگە بىزنىڭ ئۆيدىكىلەرمۇ بۇ ئىشقا تازا رازى ئەمەس ،چەت جايلارغا بارغۇچە ھەر ئىككىلىمىز كەسىپنى خىلى ياخشى ئىگەللىدۇق ،بۇ يەردە قالساق...
-سىزگە نىمە بولدى ئادىلە؟بىز دىيشىپ بولغان گەپنى يەنە تەكرارلىغىلى تۇردىڭىزغۇ؟ھەممە ئەھۋالىنى سىز بىلىسىز ،بىرىنجىدىن ،ئانام بىلەن سىڭلىم ئۇ يەردە ماڭا قاراپ تۇرماقتا،ئۆيدە مەن دادا ئورنىدىكى ئەرمەن،ئىككىنچىدىن ئۇ يەردىكى سەھرا بالىلىرى بىزدەك ئوقوغان كىشىلەرنىڭ ئۆزلىرىگە بىلىم بىرىشىگە مۇھتاج،ھەممىمىز ياخشى ئەۋزەل شارائىتلارنى دەپ ئۇرۇمچىدە قالساق ئۇ يەرلەر مەڭگۇ شۇنداق قالاق ھالەتتە تۇرۇشى كىرەكمۇ؟
-ئەمما ئازات ئىككىمىزنىڭ بىرىپ ئۇ يەرلەردە ئوقوتقوچى بولغىنىمىزغىلا ئۇ يەرلەر تەرەققى قىلىپ كىتەرمۇ؟ئانىڭىز بىلەن سىڭلىڭىزنى ئۇرۇمچىگە ئەچىقىۋالساقمۇ بولىدىغۇ؟% n6 a9 N$ T. |* Q+ U( l ]' p
-مەن سىزگە چۇشەندۇرۇپ بولغان ،ئۆزىڭىزمۇ قايىل بولغان ،ئەمدى يەنە بۇ گەپلەرنى تەكرارلاپ مىنى خىجىل قىلماڭ ئادىلە،مەن سىزگە پۇتۇن سۆزلەرنى ئىنىق ئىيتقان ئىدىم.سىز مىنى يەنە نىمىلەرنى دىسۇن دەيسىز؟
-ئازات سىزمۇ مىنىڭ ھىسىياتىمىنى چۇشىنىپ باقسىڭىز بولمامدۇ؟
-سىزنىڭ ھىسىياتىڭىزنىمۇ چۇشىنىمەن جىىنىم ئادىلە،ئەمما سىزنىڭ ئاتا-ئانىڭىزنىڭ يىنىدا ئاچا-ئاكىلىرىڭىز بار ،مەن بولسام بىزنىڭ ئائىلىدىكى بىردىن –بىر ئەر،ئۇنىڭ ئۇستىگە بىزنىڭ يىزىغا ئۆزەمنىڭ بىر كىشلىك ھەسسەمنى قوشقوم بار جىنىم ،مىنى قوللايدىغانلىقىڭىزنى ئىيتقان ئىدىڭىز،ئەمدى نەچچە كۇن قالغاندا نىمىشقا تۇرۇپلا بۇنداق ئارسالدى بولىسىز؟
-ئاتا-ئانام ئاچىلىرىم مىنىڭ جاپا تارتىشىمنى ،يىراقلارغا كىتىشىمنى خالىمايدۇ ئازات ،ئۇنىڭ ئۇستىگە ...
-بىز يۇرگەندە مەن سىزگە گەپنى ئوچوق دىگەن ،نىمىشكە شۇ ۋاقىتتا بۇلارنى ئويلىمىغان ئىدىڭىز ئادىلە،مەن سىزگە چوقوم ياخشى ئويلىنىشىڭىز كىرەكلىكىنى ئىيتقان ئىدىمغۇ؟ئۇنىڭ كۆك تىنىق كۆزلىرى يوغىناپ ،قاڭشارلىق بۇرۇنلىرى ئۇستىدە تەر تەپچىلىدى.بۇ ھالەت ئۇنىڭ ئاچچىقلانغان ھالىتى ئىدى.نىمە دىيىشىمنى بىلەلمىدىم.بىشىمنى تۆۋەن سىلىپ ئىككى قولۇمدا چاچلىرىمنى مىجىدىم.
-ئادىلە ،بۇنداق ئارسالدى بولغان ھالىتىڭىزنى كۆرگۇم يوق ،ئەگەر ئۇ يەرگە چىن كۆڭلىڭىزدىن بارماي مەن ئۇچۇن مەجبۇرلانغان ئاساستا بارسىڭىز مەنمۇ بىر خىل بولۇپ قالىمەن،مەن سىزنىڭ ھەر قىتىمقىدەك كۇلۇپ تۇرۇپ ،ئۆز رازىلىقىڭىز بىلەن بىرىشىڭىزنى خالايمەن.مەيلى نە بولسۇن ئىككىمىز بەخىتلىك بولالايمىز جىنىم ماڭا ئىشىنىڭ ،سىزنى شۇ چەت جايلاردىمۇ بەختلىك قىلالايمەن،بىز خوشال ياشايمىز ،ساپ ھاۋادا ،شۇ سەبى ساددا كىشىلەر ئارىسىدا تولىمۇ بەخىتلىك ياشايمىز!
-ئازات،-دىدىم بىشىمنى كۆتۇرۇپ ،سىزگە ئىشىنىمەن ،بەلكىم بەخىتلىك بولارمەن ،ئەمما مىنىڭمۇ ئاتا-ئانامنىڭ كۆڭلىنى غەش قىلىپ يىراقلارغا كىتىپ بەخىتلىك بولغوم يوق،بۇ قىتىم ئەگەر مىنى ھەقىقى ياخشى كۆرسىڭىز ،نەچچە يىللىق مۇھەببىتىمىزنىڭ يۇز خاتىرسىنى قىلىپ ئۇرۇمچىدە قىلىشىمىزغا قوشولسىڭىز بولامدۇ؟ئۇنىڭ قوللىرىنى تۇتۇپ ،كۆزلىرىگە قاراپ يىلىنگەن ئاھاڭدا بۇ سۆزلەرنى دىدىم.
ئەمما مىنى كۆيدۇرگەن شۇ كۆك كۆزلەر يىنىپ كەتتى .قوللىرىمنى قويۇپ يىراقلارغا تىكىلدى-دە:
-ئەمسە،ئىشىمىز مۇشۇ يەردە قالسۇن ئادىلە،مەن ئۇرۇمچىدە قالالمايمەن،سىزنىمۇ مەجبۇرى ئاساستا يۇرتقا ئەكەتكۇم يوق ،قىنى بىر كۇنلەردە ئىدىيىڭىزدىن ئۆتۇپ قالسا ماڭا دەرسىز ،ئەمما مىنىڭ ئەھۋالىمنى بىلىپ تۇرۇپ ماڭا بۇنداق دىسىڭىز مەنمۇ ئالدىڭىزدا خىجىلمەن،سىزنى ياخشى كۆرىمەن ،ھەقىقى ياخشى كۆرمىسەم سىز بىلەن يۇرمىگەن بولاتتىم ،ئەمما سىزنى ھەقىقى ياخشى كۆرىشىمنى ئىسپاتلاش ئۇچۇن ئانامنى سىڭىلىمنى قايرىپ قويۇپ ،ئۆز غايىلىرىمىنى ،يۇرتۇمغا بەرگەن ۋەدىلىرىمنى قايرىپ قويوپ ئۇرۇمچىدە قالالمايمەن.شۇڭا ئۆزۋاقتىدا سىزگە ھەمما ئەھۋالنى تولوق ئىيتقانمەن،سىزنىمۇ توغرا چۇشىنىمەن،ئاللاھ رىسقىمىزنى قوشوپ قالسا بىللە بولارمىز ،قالغىنىنى بىشىمىزغا كەلگەندە كۆرەرمىز...
ئۇنىڭ سۆزلىرىنى ئاڭلاپ يۇرەكلىرىم موجولۇپ كەتتى ،كۆزلىرىمدىن ياشلار تۆكۇلۇشكە باشلىدى ،ياشلىرىمنى چاچلىرىم بىلەن توسىدۇمدە:
-دىگىنىڭزدەك بولسۇن .-دەپلا كەينىمگە بۇرۇلۇپ يۇگۇرگىنىمچە ياتاققا كىرىپ ئۆزەمنى كارۋاتقا ئاتتىم.
-نىمە بولدى ئادى؟زۇلفى چاققانلىق بىلەن كارۋاتتىن چۇشتىدە يىنىمغا كەلدى.
ئۇنىڭغا ئىسىلىپ قانغۇچە يىغلىدىم ،ياتاقتا زۇلفى بىلەن زۆھرەلام باركەن.ئۇ ئىككىسى مىنى يىغلىۋالسۇن دەپ باشقا گەپ قىلمىدى.2 Y+ f0 |9 h+ }; u+ j' o
مەن يىغىدىن ئۆزەمنى ئاران توختىتىپ ئۇلارغا ئازات بىلەن ئايرىلىپ كەتكىنىمىنى ،ئارىمىزدا بولغان سۆزلەرنى بىر-بىرلەپ دەپ بەردىم،ئىچىمدىكىنى تۆكىۋىتىپ خىلىلا يىنىكلەپ قالغان ئىدىم.
-ھەجەپ جۇمۇ بۇ ئازات ،بىر نەرسىنى قارار قىلدىمۇ پەقەت يانمايدۇ!شەخسىيەتچى!دىدى زۇلفى ئاچچىقى بىلەن.
-ئازاتقۇ بەك كەسكىن بالا،لىكىن ئۇنىڭ بەزى سۆزلىرىمۇ ئورونلۇق،ئادى ،ئۆز ۋاقتىدا ئۇ ساڭا ئەمەلى ئەھۋالنىڭ ھەممىنى دەپتىكەن ،سەنمۇ قوشولۇپتىكەنسەن ،بۇ يەردە مەسىلە شۇ سەندىكەن ئاداش،ئۆز ۋاقتىدا نىمىشكە ھەممە ئەھۋالنى بىلىپ تۇرۇپ يۇرگەنتىڭ؟دىدى زۆھرە ئاچچىق بىلەن.
-ئۇغۇ شۇ ئاداش ،ئۆز ۋاقتىدا ئازات خىتىدە ھەممىنى ئوچوق يىزىپتىكەن ،بىراق ئۇۋاقىتتا بۇنداق چوڭقور ئويلىنىپ كەتمەپتىكەنمەن،ئازاتنىڭ ئوغولبالچىلىقى ماڭا بەك يارىغاچقا ،ئۇنى مەنمۇ ياخشى كۆرگەچكە ،قايىل بولغاچقا ئۇنىڭ بىلەن يۇرگەن ئىدىم.ئۇنى بۇنچە چىڭ تۇرۋالىدۇ دەپ ئويلىماپتىمەن.دىدىم ئىسەدەپ تۇرۇپ.
-ئەمدى قانداق قىلاي دەيسەن؟
-بىلمىدىم زۇلفى ،سەن نىمىدىگەن ئەقىللىق ،سەندەك ھىچكىم بىلەن يۇرمىسەملا بوپتىكەن .
-بولدى ،ئۇندا قىلمىسام بوپتىكەن ،بۇندا قىلمىسام بوپتىكەن دەپ يۇرمەي قارار چىقار ئەمدى،قولىمىزغا كىنىشكىنى ئالساقلا مەكتەپ ھاياتىمىزمۇ ئاخىرلىشىدۇ،ئەمدى كەسكىن قارار چىقىرىدىغان ۋاقتىڭ ئاداش.دىدى زۆھرە كەسكىنلىك بىلەن.
-مەن دىسەم قارا ئادى،يەنە 3كۇن بار دىگىنە ،سەن ئازاتنى ئىزدىمە،ئۇمۇ ئويلىنىپ باقسۇن ،قىنى ئەمدى قارارنى ئۇ چىقارسۇن ،سەندىن ئايرىلىشقا چىدىمىسا ئۇ چوقوم ئۆزى سىنى ئىزدەپ كىلىدۇ.دىدى زۇلفى بۇرنۇمنى چىمداپ .
-ئاداش ،ئۇ بەكلا كەسكىن گەپ قىلدى ،ئۇنىڭ مىنى ئىزدەپ كىلىشى مۇمكىن ئەمەس!
-ئەمىسە سەن ئۇنى ئىزدەپ بىرىپ ،بولدى ئازات مەن سىزنىڭ يۇرتىڭىزغا باراي دىگىن ،ئاشىق بولغاندىكىن سەن ئۇنڭغا،
-مەن ئۇنى ئىزدىسەم شۇ بارسام بولىدۇ ئۇنىڭ يۇرتىغا!
-قارىسام ئادى ،سەن ئۇنىڭغا ئۇنىڭدىن بەكىرەك ئاشىقكەنسەن ،ئەمىسە بارغىن.كەپىلەردە گۇزەل مۇھەببەت ھىكايىلىرى يىزىڭلار جانىم ،ھا ھا ھا
-بولدى قىلە زۇلفى ،سەندەك ھىسىياتسىز مەخلۇق بولسا قارشى تەرەپلا سەن ئۇچۇن قۇربانلىق بەرسە ھە !دىدى زۆھرە گەپنى بۆلۇپ .
-بۇنىڭ نەرى خاتا زۆھرە،ئەلمىساقتىن تارتىپ ئوغوللار قىزلار ئۇچۇن قۇربانلىق بىرىپ كىلۋاتمامدۇ ،جاندىن كەچمىگۇچە جاناننىڭ ۋەسلىگە يەتكىلى بولمايدۇ شۇ !بۇ ئازات ھەممە مەسئۇلىيەتنى ئادىغا ئارتىپ قويۇپ ،سىزگە دىگەنغۇ ،ماندا دىگەنغۇ ئاندا دىگەنغۇ دەپ !ۋاقتى سائىتى كەلگەندە ئادى ئۇ يەرگە بىرىپ كۆنەلمەي ،يا جاپا تارتىپ قالسىچۇ ،يانا دەيدۇ شۇ ،مەن شۇ ۋاقىتتا سىزگە ئۆز ئىختىيارىڭىز بىلەن بىرىڭ دىگەن مەن مەجبۇرلىمىغان دەپ !نىمدىگەن قۇۋ بۇ ئازات!
-ئۇف،بولدى قىلىڭلارچۇ !دىدىم ئىچىم سىقىلىپ ،بولدى قىلايلا بولدى ،ئازات دىگەندەك رىسقىم قوشولسا بىر بولامىز بولمىسا بولدىلا!
-ۋاي خىنىم ،رسقىم قوشولسا دەپ ئۇ يۇرتىغا كەتسە ،سەن يۇرتۇڭغا كەتسەڭ ئۆزلىكىدىن رىسقىڭلار قوشولوپ قالارما سىلەرنىڭ ؟
-قىنى ما 3كۇن ئۆتۇپ باقسۇن ،زۇلفى دىگەندەك ئازات ئىزدەپ كەلسە ئۇنىڭ يولى باشقا ،ئەگەر ئىزدىمىسە ،مەنمۇ ئۇرۇمچىدە قىلىپ ئۇنىڭسىز ياشىيالايدىغانلىقىمنى بىلدۇرۇپ قوياي.
-ۋوي ئادى ،تۇيۇقسىز كەسكىن بولاپ كەتتىڭغۇ؟
-كەسكىن بولمىسام بولمىدى ئاداش ،سەن دىگەندەك ئۇ يەنە مەسئۇلىيەتنى ماڭا ئارتىپ قويىدۇ ۋاقتى سائىتى كەلگەندە.ئىچىمدە ئۇنىڭغا ئاچچىق قىلىۋاتاتتىم.
-ھە ئەمدى ئەقلىڭنى تاپتىڭ ،ئەگەر ئۇنىڭ راست سەن بىلەن بىللە بولغىسى بولسا يالۋۇرۇپ جىنىم مەن بىلەن كىتىڭ بولامدۇ ،دىگەندەك سۆزلەرنى دىمەمدۇ دەيمەن ،ئۆزىڭىزنىڭ ئىختىيارى دىمەي!
-شۇ!بولدىلا مەن ئۇخلىدىم ،باشقىلار تىخى كىرمەيدىغۇ؟
-بۇلا پاتىگۇل ئاچامنىڭ ياتاقنى تاقايمىز ۋۇ ئەر ساراڭلىرى دىگەن گىپىنى ئاڭلىماي تۇرۇپ كىرمەيدۇ ھا ھاھا ھا ...
دىمىسىمۇ چىراقلار ئۆچۇرلىشىگە دۇپۇرلىشىپ كۇلۇشۇپ «ئەر ساراڭلىرى «قايتىپ كىرىشتى دە ھاياجان بىلەن ،مۇھەببەت پاراڭلىرىنى تۆكۇشكە باشلىدى.مەن بولسام يالغان ئۇخلىغان بولىۋىلىپ پەردەمنى چۇشۇرۋىتىپ كارۋىتىمدا تىگى يوق خىياللارغا چۆكۇشكە باشلىدىم.خىيالىمدا شۇلا سۇئال «قانداق قىلسام بولار؟«...
: \' g$ p* I/ q H7 w' @كۇن ئالدىراشچىلىق ئىچىدە مەكتەپنىڭ قايتۇرۇش رەسمىيەتلىرىنى بىجىرىش بىلەن شۇنداق تىز ئۆتۇپ كەتتى ،قولىمىزغا ئوقوش پۇتتۇرۇش گۇۋانامىسى ،باكلاۋۇرلۇق كىنىشكىلىرىمىزنى قولىمىزغا ئالغاندا ھاياجانلاندۇق ،ئوقوش پۇتتۇرۇش كىيىملىرىنى كىيىشىپ رەسىملەرگە چۇشۇشتۇق.بۇ جەرياندا ئازات بىلەن ئۇچۇرشۇپ قالساقمۇ كۆزىمىزنىڭ ئۇچىرشىپ قىلىشىدىن ئىھتىيات قىلىشپ يىراق كىتىشەتتۇق ،ئىچىمنى بىر نەرسە تاتىلايتتى ،ئۇنىڭ يىنىمغا كىلىپ :«جىنىم مەن ئۇچۇن يۇرتۇمغا بىرىڭ بولامدۇ؟›دىيىشىنى كۇتەتتىم .ئەمما ئۇنىڭدىن سادا يوق ئىدى.
شۇنداق قىلىپ ئالدىراشچىلىق ئىچىدە ياتاقلارنى رەتلەپ ،قايتۇرۇش رەسمىيەتلىرىنى بىجرىۋاتقان ۋاقىتتا يان ياتاقتىكى مىھرىگۇل مىنى چاقىرىپ قالدى.
-نىم بولدى ئاداش ؟قايتامسەن؟
-ياق مەن ئەتە ماڭىمەن ،ئازات ماۋۇنى ساڭا بىرىپ قويىشىمنى ئىيتقانتى،دىدى ئۇ بىر كانۋىرىتنى ماڭا سۇنۇپ.
-ئۆزىچۇ؟
-كەتتى!
-نىمە؟خوشمۇ دىمەي ؟قاچان؟كۆزۇمدىن ئاققان ياشلار مەڭزىمنى بويلاپ ئاقماقتا ئىدى.ئازاتتىن راستىنلا ئايرلىغانلىقىمنى ھىس قىلىپ ئۇلگۇردۇم.
-ماڭا بۇ خەتنى ئاخشام بەرگەنتى ،ئاخشام كىرسەم يوقكەنسەن،قىزلار بىلەن چىقىپ كەتتى دىيىشتى ،خىلى كەچكىچە ساقلىدىم كەلمدىڭ ،شۇنىڭ بىلەن مەنمۇ تەييارلىقلىرىم بىلەن بولۇپ كىتىپتىمەن ،ئۇ بۇگۇن ئەتتىگەننىڭ پويىزىدا ماڭدى...
ئۇنىڭ كىيىنكى سۆزلىرى قۇلۇقۇمغا كىرمىدى ،خەتنى ئالدىمدە مەكتىۋىمىز ئىچىدىكى خۇڭخۇ باغچىسىغا قاراپ يۇرۇپ كەتتى ،بۇ بىزنىڭ كونا جايىمىز ئىدى .بۇ ئوروندۇقتا ئىككىمىز بىر بىرمىزگە يۆلىنىپ تۇرۇپ كىلەچىكىمىز توغورلۇق پاراڭلارنى سىلىشاتتۇق ،ئىنگىلىزتىلىدا دىئالوگ قىلىمىز دەپ تۇرۋالاتتى ،شۇ سەھرا بالىلىرىغا ئىنگىلىزتىلى مۇئەللىم بولىسز دەيىتتى ئاھ يانا نىمىلەرنى دىيىشەتتۇق؟؟؟؟ئەجىبا ئۇ خوشمۇ دىمەي مۇشۇنداقلا كىتەمدا؟؟؟شۇنچە يىللىق مۇھەببىتىمىز نىمىگە ھىساپ؟؟؟
ئىتتىك خەت ئىسىمگە كىلىپ ئالدىراپ خەتنى ئاچتىمدە ئوقوشقا باشلىدىم.
«قەدىرلىك ئادىلە،بۇ خەتنى قانچىلىك تەسلىكتە يىزىۋاتقانلىقىمنى بەلكىم سىز ھىس قىلالمايسىز،سىز بىلەن پاراڭلاشمىغان بۇ ئۇچ كۇننىڭ مەن ئۇچۇن قانچىلىك تەس ئۆتكەنلىكىنى بىلەمسىز؟ئەمما ھازىرقى پەيىتتە بىر-بىرىمىزنىڭ تاللىشىغا ھۆرمەت قىلماي بولمايدۇ.سىزنىمۇ تەڭقىسلىقتا قالدۇرغۇم كەلمىدى.بەلكىم سىزمۇ ئىچىڭىزدە ماڭا ئاچچىق قىلىپ ئولتۇرغانسىز ،چۇنكى سىزنى ھەقىقى ياخشى كۆرىدىغانلىقىمنى ئىسپاتلاپ بىرەلمىدىم.نەچچە يىللىق مۇھەببىتىمىزنىڭ يۇزىنى قىلالمىدىم.سىزنىڭ مەن بىلەن كىتىشىڭىزنى بەكمۇ خالايتىم ،ئەمما سىزنى مەجبۇرلىغىم كەلمىدى.ئۇ يەردە ھەقىقەتەن ياخشى بولمىغان شارائىتلار بىزنى كۇتۇپ تۇرىدۇ،سىزنى شاد كۇلدىرەلىشىمگە ،مەنىۋىيىتىڭىزغا شاتلىق ئەكىلەلىشىمگە ئىشىنەلىسەممۇ ،ئەمما ماددى ئىھتىياجىڭىزنى قاندۇرالىشىمغا كاپالەتلىك قىلالمايمەن.سىزگە دەپ بولغان سۆزلەرنى قايتلاشنى خالىمىدىم ،سىزنى ھەقىقى سۆيىدىغانلىقىمنى دىسەممۇ بەلكىم ئەمەليىتىم ئارقىلىق سىزنى گۇمانغا سىلىپ قويدۇم.مىنى كەچۇرۇڭ ،ئەگەر مەن بىلەن كىتىشنى خالىسڭىز خىتىمنى ئوقوپ بولوپ خۇڭخۇ كۆلىگە چىقىڭ ،ھىلىقى ئوروندۇقتا سىزنى ساقلايمەن ،ئەگەر چىقمىسىڭىز ،بۇنى سىزنىڭ جاۋابىڭىزكەن دەپ بىلىمەن.ئەتتىگەن 6نىڭ پويىزىدا ماڭىمەن.خەير ئامان بولۇڭ ›
خەت مۇشۇنداق ئاددىيلا يىزىلغان بولۇپ ،بۇنىڭدا نە مۇھەببىتىدىن ئايرىلغان ئازاپلىق ھىسىياتلار،نە مۇھەببىتىمىزكۇيلەنگەن دەبىدەبىلىك سۆزلەر يوق ئىدى.بۇ خەتنى ئاخشام كۆرگەن بولسام قانداق قىلار بولغۇيتۇم ؟چىقارمىدىم؟ئەجىبا ئۇ مىنى ئاخشام راستىنلا ساقلاپ تۇرغانمىدۇ؟ياتاققا تىلفون ئۇرغان بولغىيمىتى ؟ياتاققا يۇگۇردۇم ،كۆزياشلىرىم توختىماي چۇشمەكتە ئىدى ،ئۆزەمنى كونتىرول قىلالمايۋاتاتتىم.
‹زۇلفى ئاخشام سەن ياتاقتا قالغان ،ماڭا تىلفون كەلگەنمىتى؟ئاۋازىم باشقىچىرەك چىقىپ كەتكەن بولسا كىرەك ،زۇلفى ھەيرانلىق بىلەن ماڭا قارىۋىتىپ :
-ياق ئاداش نىمە بولدى ؟دىدى .باشقا قىزلارمۇ ھالىتىمگە قاراپ بىر نەرسىنى چۇشەنگەندەك بولۇشتىدە يىنىمغا ئولاشتى .
-نىم بولدى ئادى؟يىغلاپسەنغۇ؟دىدى زۆھرە.
-ئاداش ئازات كىتىپتۇ!مەن خەتنى زۆھرەگە بەردىمدە يىغلاپ كەتتىم .
قىزلار بىرسى ئوقوپ بولۇپ بىرسى ئوقوپ خەتنى قولدىن قولغا ئۆتكۇزۇشكە باشلىدى ،بۇگۇن ياتاق ئۆتكۇزىدىغان ئەڭ ئاخىرقى كۇن بولغاچقا ياتاق ئىچى قۇرۇقدىلىنىپ قالغان بولۇپ ،كىرگەن كىشىنىڭ كۆڭلى يىرىم بولاتتى ،بۇنىڭغا قوشۇلۇپ ئازاتنىڭ شۇ ئىككىلىك خەت ئارقىلىقلا خوشلاشقىنى ماڭا تىخىمۇ ئىغىر كەلگەن ئىدى.
-قانداق قىلاي دەيسەن ئادى؟ئەگەر بۇ خەتنى ئاخشام كۆرگەن بولساڭ چىقامتىڭ ؟دىدى زۆھرە.
-بىلمەيمەن،ئەمما خوشلىشۋالارئىدىم ئاداش دىدىم ئىسەدەپ.
-ئازاتمۇ قىززىقكەن ،نىمىلا دىگەن بىلەن 3يىل يۇردۇڭلار ،بۇ ئاز ۋاقىتمۇ ؟خەت يازماي تىلفون قىلىپ كۆرۇشۇپ دىسىمۇ بولاتتىغۇ؟
-قىزلار ئازات مۇشۇنداق قىلسا ئادىنىڭ ئۆزى بىلەن ماڭىدىغانلىقىنى بىلىدۇ ،بەش قولدەك چۇشىنىپ بولغان بولماي ئۇ بۇنى ،ئۇنىڭ مەقسىتى شۇ يەنە ئادىنى ئەكىتىش ،باشقا ئىش يوق ،ئويلىمىغان يەردىن خەتنىڭ بۇگۇن تەككىنى .
-شۇ بەلكىم خۇدايىم ئادىنىڭ ئاتا-ئانىسىنى قايرىپ قويۇپ ئازات بىلەن كىتىشىگە يول قويمىغان گەپ!
-شۇ ئەمەسمۇ ،ئۇنىڭ ئائىلىسى بولسا ئادىنىڭ يوقمىكەن ،ھەجەپمۇ ئاددىلا ئويلاپ يىزىپتۇ ماۋۇ خەتنى .
-ئازاتمۇ شۇ ئادىنى تەڭلىكتە قويماي دەپتۇ قىزلار.
-ۋاي جىم تۇرە قايسى يىگىت ئۆزى سۆيگەن قىز بىلەن بىللە بولۇشنى ئويلىمايدۇ .ئادىغا ئازىراق يالۋۇرسا بۇ ئۇنىمامتى؟ئۆزىچە پىتىدىن چۇشمەي كەتكىنى ئۇنىڭ !
-شۇ،ئادى ئەمدى ئىزىپ پويىزنىڭ ئارقىسىدىن يۇگىرەپ يۇرمە يانا !ئۇمۇ سەندىن ئايرىلغاننىڭ تەمىنى ئازىراق تىتىپ باقسۇن ،ئىگىلمەيمەن دىگىنى بولماي نىمە دىگىنى ئۇنىڭ !
-ۋاي قىزلار خەتنى خاتا تەرجىمە قىلماڭلار بولدى !
-ئاپلا سائەت 10 بوپتۇ ،مەن ماڭاي قىزلار ئەمسە ،ئەكبەر ساقلاپ قالدى ،كۆرۇشۇپ تۇرايلى .ئالاقىلىشىپ تۇرايلى .دىدى زۆھرە –ئادى بولدى جىق ئويلىما ،ئۆزەڭ ياخشى قارار چىقار ساڭا ئىشىنىمەن ،ئۇمىنى قۇچاقلىدى ،ھەممىمىز زۆھرەنى يىغلاپ ئۇزىتىپ قويدۇق.
ياتاقداشلىرىم بىر-بىرلەپ خوشلىشىپ مىڭىشقا باشلىدى.بۇگۇن ياتاقنى تاپشۇرىمىز ھەممە ئۆز غىمى بىلەن ماڭماقتا ،تۇنۇگۇن ‹ئايرىلىش مىنوتلىرى›نى ئىيتىپ بولىشىغا يىغلىغىنىمىزغا قارىماي بۇگۇن يەنە ھەممىمىزنىڭ كۆزلىرىدە ياش!5يىللىق مەكتەپ ھاياتى ،ياتاق ھاياتى بىر-بىرىمىزگە مىھرىمىزنى شۇنچىلىك باغلىغان ئىدىكى قىيالمايۋاتاتتۇق!كۇنلەر ھەجەپمۇ تىز ئۆتىدىكەن دىسە...
شۇنداق قىلىپ ياتاقتا ئۆزۇم يالغۇز قالدىم ،ئالدىنقى ھەپتە ئاچام كىلىپ يۇق تاقامنى ئەكەتكەن بولغاچقا بىر چامدىنىملا بار ئىدى.چامدىنىمنى سۆرەپ ،گۇزەل ئەسلىمىلىرىم قالغان بۇ سۆيۇملۇك بىلىم يۇرتىغا قىيالماسلىق نەزىرىمدە قاراپ دەرۋازا ئالدىدا قانچىلىك تۇرغانلىقىمنى بىلمەيمەن ،قاياققا مىڭىشىمنى بىلمەي تىڭىرقاپ قالدىم.9 N: a1 Y2 c& d# A! h# i* o' R0 r
داۋامى ئىنكاس شەكلىدە يوللىنىدۇ.4 n. G) C! d2 S. @! x. k7 Y